অসমৰ কৃষকে এবিধ নতুন খেতি কৰা আৰম্ভ কৰিছে।এই খেতিবিধৰ নাম ড্ৰেগন ফলৰ খেতি ।এই খেতি প্ৰধানকৈ গুজৰাটত হয়।ইয়ু টিউৱ চেনেলৰ যোগে সম্প্ৰচাৰিত এক অনুষ্ঠানত সম্পৰ্কে সবিশেষ জানিব পাৰি চিৰাং জিলাৰ চফিউৰ ৰহমান নামৰ ব্যক্তিজনে এই খেতি বিধ কৰিবলৈ মন মেলে।কথা মতেই কাম।ইয়াৰ পিছতেই আৰম্ভ হয় অন্য এক কৃষি বিপ্লৱৰ ।উল্লেখযোগ্য যে কৃষক চফিউৰ ৰহমানে ইয়াৰ পূৰ্বে বিভিন্ন ধৰণৰ ফলৰ খেতি কৰি লাভৱান হৈছিল ।সেয়ে তেওঁ নতুন ফলবিধৰ খেতি কৰিবলৈ মন মেলিছিল।স্বাভাৱিকতে চফিউৰে প্ৰাৰম্ভিক সময়ত প্ৰত্যাহ্বানৰ সন্মুখীন হৈছিল যদিও বৰ্তমান ড্ৰেগন ফলৰ খেতিৰ যোগেদি যথেষ্ট লাভৱান হৈ পৰিছে ।জানিব পৰা মতে প্ৰতি কেজি ড্ৰেগন ফলৰ মূল্য ৭০০টকা।বজাৰতো নতুন ফলবিধৰ চাহিদা যথেষ্ট বৃদ্ধি পাইছে ।প্ৰায় ষ্ট’বেৰী সদৃশ সোৱাদযুক্ত এইবিধ ফল দেখাতো খুবেই মোহ লগা ধৰণৰ।চফিউৰৰ মতে প্ৰতিজোপা ড্ৰেগন ফলৰ গছ ২০বছৰ পৰ্যন্ত জীয়াই থাকে আৰু এপ্ৰিল মাহৰ পৰা ফুল ধৰা আৰম্ভ হয়।অসমৰ কৃষকে যদি এই ফলবিধৰ খেতিক আদৰি লয় নিসন্দেহে অৰ্থনৈতিকভাৱে টনকিয়াল হ’ব।
বন্ধুৱে শিৱসাগৰবাসীক সকাহ যোগাব
ক’ভিড-১৯ৰ প্ৰভাৱৰ ফলত সমগ্র দেশতে লকডাউনৰ ঘোষণা হ’ল।এই লকডাউনে বহুতৰ জীৱন সলনি কৰি দিলে। বহু ক্ষেত্ৰত বেয়া হ’ল যদিও কিছুমান ক্ষেত্ৰত ইতিবাচক প্ৰভাৱ পৰাও দেখা গ’ল।
লকডাউনৰ সময়ছোৱাত শিৱসাগৰৰ ৫ গৰাকীমান শিক্ষিত উদ্যমী যুৱকে গ্ৰহণ কৰিছিল এক বিশেষ পদক্ষেপ। দোকানত লানি নিচিগা শাৰী আৰু ভিৰৰ বাবে বজাৰ কৰিব নোৱাৰা সকলক সকাহ যোগোৱাৰ উদ্দেশ্যে কেইজনমান যুৱক আগবাঢি আহিছিল।সেই অনুসৰি তেওঁলোকে শিৱসাগৰৰ বিভিন্ন ঠাইত গৈ বিনামূলীয়াকৈ ঘৰুৱা সা সামগ্ৰী যোগান ধৰিছিল।
গ্ৰাহকৰ অত্যাধিক সঁহাৰি পৰিপ্ৰেক্ষিত তেওঁলোকে ব্যৱসায়ীকৰণ ভাৱে এটা এপ আৰম্ভ কৰিছে ।এই এপটোৰ নাম বন্ধু।এই এপটো গুগল প্লে’ষ্টৰত উপলব্ধ।জানিব পৰা মতে পুৱা ৯ বজাৰ পৰা সন্ধ্যা ৮ বজালৈ এই বন্ধু প্ৰতিষ্ঠানটোৱে জনসাধাৰণক সেৱা আগবঢ়াব।শিৱসাগৰৰ ইচ্ছুক গ্ৰাহক সকলে গুগল প্লে’ ষ্টৰত গৈ এই এপটো ডাউনলড কৰি প্ৰয়োজনীয় সামগ্ৰী অৰ্ডাৰ দিব পাৰিব।
খবৰ যুগুতালে শিৱসাগৰ পৰা দিলিস্তান খানে..
ভিউৱাছৰ মতামত