২০২০ বৰ্ষৰ ডক্টৰ বাণীকান্ত কাকতি বঁটা প্ৰদান অনুষ্ঠানৰ মেধাৱী ছাত্ৰীলৈ দুচকীয়া বাহন স্কুটী প্ৰদান কাৰ্যসূচীৰ আনুষ্ঠানিকভাৱে শুভাৰম্ভ কৰিলে মুখ্যমন্ত্ৰীয়ে

একবিংশ শতিকাৰ তীব্ৰ প্ৰতিযোগিতামূলক এই বিশ্বত আজি উপযুক্ত মূল্য সংযোজন নহ’লে কোনো সামগ্ৰীয়ে বজাৰত স্থায়িত্ব লাভ কৰিব নোৱাৰে। সভ্যতা-সংস্কৃতিৰ লগতে মানুহৰ ৰুচিবোধলৈও ব্যাপক পৰিবৰ্তন নামি অহা এই যুগত উপযুক্ত শিক্ষা আহৰণ আৰু উদ্ভাৱনী শক্তিৰ উৎকৰ্ষ সাধনেৰে নিজৰ ব্যক্তিত্বতো মূল্য সংযোজন ঘটাব পাৰিলেহে আমি সফলতাৰ শিখৰলৈ আগবাঢ়ি যাবলৈ সক্ষম হ’ম।অসম চৰকাৰৰ উচ্চ শিক্ষা বিভাগৰ উদ্যোগত প্ৰজ্ঞান ভাৰতী আঁচনিৰ অধীনত আজি কামৰূপ জিলাৰ আমিন গাঁৱৰ নুমলী জলাহ পেৰেড গ্ৰাউণ্ডত আয়োজিত ২০২০ বৰ্ষৰ ড° বাণীকান্ত কাকতি বঁটা প্ৰদান অনুষ্ঠানত মুখ্য অতিথিৰূপে অংশগ্ৰহণ কৰি মুখ্যমন্ত্ৰী সৰ্বানন্দ সোনোৱালে এইদৰে কয়।

এই অনুষ্ঠানত মুখ্যমন্ত্ৰীয়ে ৫ গৰাকী ছাত্ৰীৰ হাতত দুচকীয়া বাহনৰ প্ৰতীকী ছাবি প্ৰদান কৰি আনুষ্ঠানিক ভাৱে এই বঁটা প্ৰদান কাৰ্যসূচীৰ শুভাৰম্ভ কৰে।উল্লেখযোগ্য যে আজিৰ অনুষ্ঠানৰ জৰিয়তে ২০২০ বৰ্ষৰ উচ্চতৰ মাধ্যমিক চুড়ান্ত পৰীক্ষাত প্ৰথম বিভাগত উত্তীৰ্ন কামৰূপ আৰু কামৰূপ জিলাৰ ছাত্ৰী সকলক আনুষ্ঠানিক ভাৱে স্কুটী প্ৰদান কৰা পিছত পৰবৰ্তী পৰ্যায়ত অহা ২ আৰু তিনি জানুৱাৰীত ৰাজ্য খনৰ অন্যান্য জিলাৰ ছাত্ৰী সকলক এই বঁটা প্ৰদান কৰা হ’ব।এই আঁচনিৰ জৰিয়তে চলিত বৰ্ষত ২২,০৩৪ গৰাকী ছাত্ৰীলৈ পে’ট্ৰলচালিত স্কুটাৰ আৰু ২১১ গৰাকী ছাত্ৰীলৈ বিদ্যুৎচালিত স্কুটাৰ প্ৰদান কৰিবলৈ লোৱা হৈছে।ইয়াৰ বাবদ চৰকাৰ সৰ্বমুঠ ১৪৪,৩০ কোটি টকা ব্যয় হ’ব।

ড° বাণীকান্ত কাকতি মেধা বঁটাৰ বাবে নিৰ্বাচিত ৰাজ্য খনৰ প্ৰতিগৰাকী মেধাবী ছাত্ৰী আৰু তেওঁলোকৰ অভিভাৱক সকললৈ শুভেচ্ছা আৰু অভিনন্দন জ্ঞাপন কৰি মুখ্যমন্ত্ৰীয়ে কয় যে ছাত্ৰী সকলৰ মেধাৰ স্বীকৃতি স্বৰূপে ৰাজ্য চৰকাৰে প্ৰদান কৰা এই ৰঙা ৰঙৰ স্কুটী সমূহে অসমৰ গাঁৱে ভূঞে তেওঁলোকৰ সফলতাৰ বতৰা কঢ়িয়াই লৈ যাব।ৰাজ্য বহু ছাত্ৰী জীৱনলৈ এই আঁচনিয়ে পৰিবৰ্তন আনিব। তেওঁলোকৰ মনত নতুন আত্মবিশ্বাস জন্ম দিব।বৰ্তমান তলৰ শ্ৰেণীত পঢ়ি থকা ছাত্ৰী সকলকো এই আঁচনিয়ে উদ্বুদ্ধ কৰিব আৰু অধ্যয়নত গভীৰভাৱে মনোনিবেশ কৰাৰ বাবে প্ৰেৰণ যোগাব।

নাৰীৰ মান স্বাভিমান আৰু মৰ্যাদা ৰক্ষাৰ দিশত বৰ্তমান চৰকাৰে কোনোপধ্যেই আপোচ কৰা নাই বুলি উল্লেখ কৰি মুখ্যমন্ত্ৰীয়ে লগতে কয় যে বিগত দিন সমূহত নাৰীৰ আত্মসন্মান হাত দিয়া প্ৰতিগৰাকী দুষ্কৃতিকাৰীকে তৎকালে কৰায়ত্ত কৰি ফাষ্ট ট্ৰেক বিচাৰ প্ৰক্ৰিয়াৰে বিভিন্ন পদক্ষেপ গ্ৰহণ কৰিছে আৰু ইয়াৰ সুফল স্বৰূপেই আজি ৰাজ্যৰ নাৰী সমাজেও নিৰ্ভয়ে নিজৰ কৰ্মক্ষেত্ৰত আত্মবিশ্বাসৰে নামি পৰিবলৈ সক্ষম হৈছে।

আজি অনুষ্ঠানত মন্ত্ৰী হিমন্ত বিশ্ব শৰ্মাই আজিৰ দিনটোক গৌৰৱ,আনন্দ আৰু প্ৰাপ্তিৰ দিন হিচাপে অভিহিত কৰে।ছাত্ৰীৰ পৰাই আই মাতৃলৈ অসমৰ নাৰী শক্তি মৰ্যাদাসহকাৰে আগুৱাই নিয়া বাবে ৰাজ্য চৰকাৰে বিগত দিন সমূহত হাতত লোৱা পদক্ষেপ সমূহ বিষয়ে উল্লেখ কৰি মুখ্যমন্ত্ৰীয়ে কয় যে অসমে সৰ্বদিশতে আগুৱাই গৈছে। আমাৰ আকাশ চুবৰ মন আছে আৰু এদিন আমি আকাশ চুমেই। তেওঁ দৃঢ়তাৰে কয়।তেওঁ কয় যে ২০১৮-১৯ আৰু ২০১৯-২৯ বৰ্ষৰ ছাত্ৰী সকলে এই বঁটা লাভ কৰিবলৈ সক্ষম হোৱা নাছিল। কিন্তু অহা ফেব্ৰুৱাৰী মাহৰ ভিতৰত এই দুয়ো বৰ্ষৰ ছাত্ৰীকো স্কুটী প্ৰদান কৰা সিদ্ধান্ত গ্ৰহণ কৰিছে বুলি ঘোষণা কৰে।চলিত বৰ্ষৰ ২২ হাজাৰো অধিক ছাত্ৰীলৈ স্কুটী প্ৰদান কৰিব বুলি সদৰি কৰে।

আজি অনুষ্ঠানত গুৱাহাটী উন্নয়ন বিভাগৰ মন্ত্ৰী সিদ্ধাৰ্থ ভট্টাচাৰ্য, শিক্ষা বিভাগৰ ৰাজ্যিক মন্ত্ৰী ভৱেশ কলিতা,অসম চৰকাৰৰ উচ্চ শিক্ষা বিভাগৰ প্ৰধান সচিব বি কল্যান চক্ৰৱৰ্তী,সাংসদ কুইন ওজা,বিধায়ক ক্ৰমে অতুল বৰা প্ৰণৱ কলিতা,সুমন হৰিপ্ৰিয়া আৰু ৰেকিবুদ্দিন আহমেদ।শিক্ষা বিভাগৰ আয়ুক্ত সচিব প্ৰীতম শইকীয়া,উচ্চ শিক্ষা বিভাগৰ সঞ্চালক গীতিমনি ফুকন,কামৰূপ জিলা উপায়ুক্ত কৈলাশ কাৰ্তিক,হিৰো ম’ট কৰ্পৰ নেশ্বনেল ছেলছ হেড আশুতোষ বাৰ্মাকে ধৰি শিক্ষা বিভাগৰ,প্ৰশাসন বিভাগৰ উচ্চ পদস্থ বিষয়া সকল ,বঁটা প্ৰাপক ছাত্ৰীসকল আৰু অভিভাৱক সকল উপস্থিত থাকে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

আমাৰ ঘৰ বৃদ্ধাবাসত এন চি চি কেডেটৰ সমাজসেৱা

ৰাষ্ট্ৰীয় শিক্ষাৰ্থী বাহিনীৰ ( এন চি চি ) গুৱাহাটীস্থিত গ্ৰুপ কাৰ্যালয়ৰ অধীনৰ ৩০ আসাম কোম্পানীৰ উদ্যোগত আজি পাথৰকুৱাৰীস্থিত “‘আমাৰ ঘৰ ” বৃদ্ধাবাসত এক সমাজ সেৱা মূলক কাৰ্যসূচী ৰূপায়ণ কৰা হয় । এন চি চি ৰ গুৱাহাটী গ্ৰুপৰ গ্ৰুপ কমাণ্ডাৰ ব্ৰিগেদিয়াৰ জে চি তালুকদাৰৰ তত্বাৱধানত আয়োজিত কাৰ্যসূচীত কেডেটৰ দলটোৱে বৃদ্ধাবাসৰ আবাসী সকলৰ সহায়ক হোৱাকৈ তাত চাহ আৰু কফি আদি প্ৰস্তুত কৰা টেবুল স্থাপন ,বিশুদ্ধ খোৱা পানীৰ বাবে একুৱা গাৰ্ড স্থাপন , ইলেক্ট্ৰিক কেটলি , ইলেকট্ৰিক কেটলী স্থাপন কৰি দিয়ে । কাৰ্যসূচীত ৩০ আসাম কোম্পানী এন চি চি ৰ কমাণ্ডিং অফিচাৰ কৰ্ণেল পৱন কুমাৰ , বৃদ্ধাবাস পৰিচালনা কমিটিৰ অপৰাজিতা দত্ত , বিশ্ব দত্ত , যুগব্ৰত দত্ত , দিলীপ কুমাৰ দত্ত চৌধুৰী উপস্থিত থাকে ।

নাজিৰাত নিৰ্বাচনী ব্যয় পৰ্যবেক্ষক উপস্থিত

নাজিৰা নিৰ্বাচনী জিলাৰ অধীনস্থ ১০৪ নং নাজিৰা বিধানসভাৰ বাবে নিয়োজিত নিৰ্বাচন ব্যয় পৰ্যবেক্ষক ২০০৯ বর্ষৰ ভাৰতীয় ৰাজহ সেৱাৰ বিষয়া আৰ এ প্ৰবীন কুমাৰ আজি পুৱাই নাজিৰাত উপস্থিত হৈ জিলা নির্বাচন বিষয়া লখিমী দত্তকে প্ৰমুখ্য কৰি আগন্তুক বিধানসভা নিৰ্বাচনৰ কাম-কাজ সুচাৰুভাৱে সম্পন্ন কৰাৰ বাবে ইতিমধ্যে গঠন কৰা নির্বাচনী কোষ সমূহৰ বিষয়-ববীয়াৰ সৈতে এক বৈঠকত মিলিত হয়। তেওঁ বৈঠকত নিৰ্বাচনী কোষসমূহৰ কাম-কাজৰ বিষয়ে বুজ লোৱাৰ লগতে বিভিন্ন পৰামৰ্শ আগবঢ়ায়।

আগন্তুক বিধান সভা নিৰ্বাচন সন্দৰ্ভত নিৰ্বাচনী ব্যয়, নিৰ্বাচনী আচৰণ বিধি, ফ্লাইং স্কোৱাড, ভি ভি টি, ভি এছ টি, এছ এছ টি, মিডিয়া চাৰ্টিফিকেচন আৰু মনিটৰিং কমিটীকে ধৰি অন্যান্য কোষ সমূহৰ দায়িত্বত থকা বিষয়া সকলৰ নিয়ম নীতি সমূহ পৰ্যবেক্ষক গৰাকীয়ে আলোচনা কৰে। এই সন্দৰ্ভত পৰ্যবেক্ষক গৰাকীয়ে নাজিৰাত কেনেকৈ নিকা অাৰু আউল নলগাকৈ সমাগত বিধান সভা নিৰ্বাচন সমাপন কৰিব পাৰি তাৰ প্ৰতি গুৰুত্ব আৰোপ কৰে আৰু নিৰ্বাচনী আয়োগে জাৰি কৰা ৰাজনৈতিক দল আৰু নিৰ্বাচনত অৱতীৰ্ণ হোৱা প্ৰাৰ্থী সকলে নিৰ্বাচনী কাম কাজত ব্যয় কৰা ধনৰ খৰচৰ প্ৰতি তীক্ষ্ণ দৃষ্টিৰ ৰাখিবলৈ বিষয়া সকলক আহ্বান জনায়। জিলা নিৰ্বাচনী বিষয়া তথা অতিৰিক্ত উপায়ুক্ত লখিমী দত্তই এই পৰিপ্ৰেক্ষিতত কয় – ইতিমধ্যে সংশ্লিষ্ট বিষয়া সকলক নিজ নিজ কোষৰ প্ৰশিক্ষণ প্ৰদান কৰাৰ উপৰিও নিৰ্বাচনী কাম কাজ নিয়াৰিকৈ তথা সুকলমে চলাই থকা হৈছে। নাজিৰা নিৰ্বাচনী জিলাৰ পৰা এইবাৰ ৫ টা আদৰ্শ ভোট গ্ৰহণ কেন্দ্ৰ আৰু ৫টা আদৰ্শ মহিলা ভোট গ্ৰহণ কেন্দ্ৰৰ স্থাপন কৰাৰ প্ৰস্তুতি চলিছে। চূড়ান্ত ভোটাৰ তালিকাত থকা ভোটাৰৰ সংখ্যা হৈছে ১,৩১,০৭৭, ইয়াৰে ৬৬০৩৭ পুৰুষ আৰু ৬৫০৪০ মহিলা ভোটাৰ। ইয়াৰ উপৰিও জিলা নিৰ্বাচনী বিষয়া লখিমী দত্তই এইবাৰৰ নিৰ্বাচনৰ প্ৰতীক- পট খাৰুৱা কাই আৰু ক’ৰনা বাইৰ কথা বৰ্ণনা কৰি বিভিন্ন সজাগতামূলক পদক্ষেপ সমূহৰ বিষয়ে পৰ্যবেক্ষক গৰাকীক অৱগত কৰে। সভাত জিলা নিৰ্বাচন বিষয়া লখিমী দত্তকে ধৰি মহকুমাৰ আৰক্ষী বিষয়া, সহকাৰী আয়ুক্ত বিষয়া, কৰ বিভাগৰ বিষয়াৰ উপৰিও তথ্য আৰু জনসংযোগ বিভাগৰ বিষয়া উপস্থিত থাকে । অৱশেষত লখিমী দত্তই এইবাৰ নিৰ্বাচনত সকলোৰে সহায় সহযোগিতা কামনা কৰিছে।

খবৰ যুগুতালে নাজিৰাৰ পৰা দিলিপ শইকীয়াই..

১ এপ্ৰিলৰ পৰা আৰম্ভ হ`ব ভাৰতীয় সেনাৰ বিশেষ মোবাইল মেছেজিং এপ SAI

আত্মনিৰ্ভৰ ভাৰতৰ অংশস্বৰূপে ভাৰতৰ প্ৰতিৰক্ষা বিভাগে এটা নতুন মেছেজিং এপ ডেভলপ কৰিছে।এই বিশেষ এপটোৰ নাম secure application for the Internet চমুকৈ SAI নাম দিয়া হৈছে।এই মেছেজিং এপটোৱে টেলিগ্ৰাম,হুৱাট আপ, SAMVAD ৰ দৰে কাম কৰিব।

প্ৰাপ্ত খবৰ অনুসৰি অহা এপ্ৰিল মাহৰ পৰা SAI মেছেজিং এপৰ সেৱা আৰম্ভ হ’ব।উল্লেখযোগ্য যে নিৰাপত্তা আৰু গোপনীয়তাৰ স্বাৰ্থত এপটোত IOS প্ৰযুক্তি সংলগ্ন কৰা হৈছে।ইয়াৰ উপৰিও SAI ত অন্তৰ্ভূক্ত হৈছে End-to-end voice, Text আৰু ভিডিঅ’ কলিং পৰিসেৱা।ইয়াৰোপৰি নিৰাপত্তা আৰু গোপনীয়তাৰ স্বাৰ্থত এই এপৰ গুৰুত্ব আন এপ সমূহতকৈ বেছি। সেয়েহে কেৱল ভাৰতীয় সেনাৰ জোৱান সকলৰ মোবাইল ফোনতহে এই এপ কাৰ্যক্ষম হ’ব।

মহাকাশত নির্মাণ হ’ব প্রথমখন বিলাসী হোটেল

বিশ্বৰ তথ্য আৰু প্ৰযুক্তিবিদ্যাৰ যথেষ্ট প্ৰসাৰিত হৈছে।ইয়াৰ অংশস্বৰূপে অন্তৰীক্ষত হোটেল নিৰ্মাণৰ পূৰ্ব প্ৰণালী প্ৰস্তুত হৈছে।এই সমগ্ৰ প্ৰক্ৰিয়াটোৰ লগত জৰিত হৈ আছে orbital assembly corporation নামৰ কোম্পানীটো।জানিব পৰা মতে এই হোটেলত থাকিব চিনেমা হল,জিম,লাইব্ৰেৰী, কনচাৰ্চ হলৰ সুবিধা।হোটেল খনৰ নাম হ’ব ভয়েজাৰ ষ্টেচন। মনকৰিবলগীয়া কথা এয়ে যে ভয়েজাৰ ষ্টেচনত থাকি পৰ্যটক আৰু গৱেষকে আমি বাস গ্ৰহৰ অতুলনীয় দৃশ্যপট প্ৰত্যক্ষ কৰিব পাৰিব।অৱশ্যে এই সকলো খিনি প্ৰত্যক্ষ কৰিবলৈ ২০২৭ চনলৈ অপেক্ষা কৰিব লাগিব।

আগন্তুক বিধানসভা নিৰ্বাচনত সকলো ধৰণৰ অন্তৰ্ভুক্ত সেৱা প্ৰদান কৰিব টেলিবুৱে

পাঁচ ৰাজ্য ক্ৰমে অসম, পশ্চিমবংগ, তামিলনাডু, কেৰালা আৰু পুডুচেৰীত হ’বলগীয়া আগন্তুক বিধানসভা নিৰ্বাচনৰ প্ৰতি লক্ষ্য ৰাখি ভাৰতৰ প্ৰথম যোগাযোগ কোম্পানী টেলিবুৱে ৰাজনৈতিক দলসমূক আভ্যন্তৰীণ আৰু বাহ্যিক যোগাযোগ উন্নত কৰাৰ বাবে সঠিক সেৱা আগবঢ়োৱাৰ ঘোষণা কৰিছে। ইয়াৰ বাবে কোম্পানীটোৱে বিশেষ মানৰ যোগাযোগ সেৱা তৈয়াৰ কৰি উলিয়াইছে। যাৰ জৰিয়তে নিৰ্বাচনৰ সময়ছোৱাত প্ৰাৰ্থীসকলক ভালকৈ কেনভাছ কৰিব পাৰিব আৰু প্ৰাৰ্থীসকলে আঞ্চলিক ভাষাতে যোগাযোগ কৰিব পাৰিব। ইয়াৰ লগতে লগতে আঞ্চলিক ভাষাতে টেক্স আৰু ভইচ বাৰ্তা প্ৰদান কৰিব পাৰিব। ইয়াৰ জৰিয়তে তেওঁলোকে সুশাসনৰ বিষয়ে অৱগত কৰিব পাৰিব। ইয়াৰ উপৰি ৰাজনৈতিক দলসমূহে জৰীপ প্ৰণালীৰ জৰিয়তে প্ৰতিটো সমষ্টিত সঠিক প্ৰাৰ্থী বাছনি কৰিব পাৰিব। লগতে প্ৰাক নিৰ্বাচনী সমীক্ষা উলিয়াব পাৰিব। ভোটাৰ অনুসৰি প্ৰচাৰ অভিযান চলোৱাৰ সুবিধা লাভ কৰিব।

বিভিন্ন ৰাজনৈতিক দলৰ ব্যৱহাৰ যোগ্য টেলিবুৰ বিস্তৃত সামগ্ৰী পৰ্টফোলিঅ’ৰ ভিতৰত আছে
অডিঅ’ কনফাৰেন্সিং এপ’ গ্ৰপটক (Grptalk) , ভিডিঅ’ কনফাৰেন্সিং এপ’ টেলেবুজেন (TelebuJen), কনটেক্ট চেণ্টাৰ ছফ্টৱেৰ টেলেবুহাব। ইয়াৰ উপৰিও আছে টেলেবুপিং (TelebuPing), যিটো এটা সুৰক্ষিত এণ্ড-ৰ পৰা-এণ্ড এনক্ৰিপ্ট কৰা গোট মেচেঞ্জাৰ। ইয়াৰ উপৰি আছে আন বহু সেৱা।

টেলিবুৱেৰ চিইঅ’ সত্য য়েৰমচেট্টিয়ে তেওঁলোকৰ সেৱা সামগ্ৰী আৰু ভৱিষ্যত সম্পৰ্কে কয় যে বৰ্ধিত প্ৰয়োজনীয়াতা পূৰণৰ কৰিবলৈ আমাৰ সামগ্ৰী, বৈশিষ্ট আৰু সেৱা বিকশিত কৰি আছোঁ। যি সেৱাই ৰাজনৈতিক দল, চৰকাৰী সংস্থাৰ প্ৰয়োজনীয়তা আৰু নিৰ্বাচনী প্ৰচাৰৰ গতিশীলতা সলনি কৰিব।ইয়াৰ আগতে অনুষ্ঠিত হৈ যোৱা তেলেংগানা আৰু বিহাৰ নিৰ্বাচনত আমাৰ সেৱাবোৰ সফলতাৰে ব্যৱহাৰ কৰা হৈছে আৰু আমি এতিয়া ব্যৱসায়ৰ সম্ভাৱনা বৃদ্ধি কৰিবলৈ অসম আৰু অন্যান্য ৰাজ্যত আগন্তুক বিধানসভা নিৰ্বাচনলৈ আমাৰ সেৱা আগবঢ়াম। আমি বিশিষ্ট ৰাজনৈতিক নেতা, ৰাজনীতি বিদসকলৰ সৈতে কাম কৰি আছো আৰু ১০+ তকৈও অধিক ৰাজ্যত সঠিক ফলাফল প্ৰদান কৰিবলৈ সক্ষম হৈছোঁ।

টেলিবুৰ কিছুমান গুৰুত্বপূৰ্ণ সামগ্ৰী আছে, যাৰ দ্বাৰা ৰাজনৈতিক দলসমূহে নিৰ্বাচনী প্ৰচাৰৰ সময়ত গ্ৰপটক (Grptalk)সেৱাৰ জৰিয়তে ৩০ চেকেণ্ডৰ এটা কলৰে ৩-১০,০০০তকৈ লোকৰ সৈতে সংযোগ সাধন কৰিব পাৰিব। ভাৰতৰ আটাইতকৈ উৎকৃষ্ট অডিঅ’ প্লেটফর্ম গ্ৰপটক। যাৰ ব্যৱহাৰ ১০০ নিযুত মিনিটত ১নিযুতকৈ অধিক সন্মিলন কৰা হৈছে। গ্ৰপটকে ৰাজনৈতিক দলসমূহক নিৰ্বাচনী অভিযানত বিশেষভাবে সহায় কৰে। এপ্প বা ইণ্টাৰনেটৰ অবিহনে কনফাৰেন্স, ভাৰ্চুৱেল ৰিচেপটনিষ্ট (virtual receptionist), ভোটাৰৰ মাজত প্ৰচাৰ চলাব পাৰে। লগতে ভোটাৰৰ পৰা মতামত আৰু তেওঁলোকৰ ওপৰত জৰীপো চলাব পাৰে।

টেলেবুজেন (TelebuJen)- এটা ভিডিঅ’ কনফাৰেন্সিং আৰু ৱেবিনাৰ প্লেটফৰ্ম, যি বিভিন্ন পক্ষক ভিডিঅ’ মিটিং হষ্ট কৰাত সহায় কৰে।য’ত ১০০জন অংশগ্ৰহণ কৰিব পাৰে, ৩০০+ লৈকে অংশগ্ৰহণকাৰীৰ সৈতে লাইভ ৱেবিনাৰ আয়োজন কৰিব পাৰে। লগতে এইসমূহ YouTubeৰ দ্বাৰা প্ৰচাৰ কৰিব চলাব পৰা যায়।
টেলেবুজেনৰ নিম্ন বেণ্ডউইথ সংযোগ
সুবিধাটোৱে দেশৰ দূৰৱৰ্তী কোণৰ পৰা সভা আয়োজন কৰাত সহায় কৰে।

টেলেবুহাব (TelebuHub)ক নিৰ্বাচনী প্ৰচাৰৰ সময়ত ব্যাপকভাৱে ব্যৱহাৰ কৰা হৈছে।টেলেবুহাব হৈছে এটা ইনবিল্ট চিআৰএম,সামাজিক একত্ৰীকৰণ, টিকেটিং আৰু এটা জ্ঞানৰ ব্যৱস্থাপনা প্ৰণালী ছফ্টৱেৰ। ইয়াৰ দ্বাৰা ৰাজনৈতিক দলসমূহে ৩০মিনিতকৈ কম সময়ৰ ভিতৰত যিকোনো স্থানৰ পৰা এটা কল চেণ্টাৰ স্থাপন কৰাত সহায় কৰে।

অসমত ধঁপাত নিয়ন্ত্ৰণ শীৰ্ষক ৰাজ্যিক পৰ্যায়ৰ কৰ্মশালা

বিগত কেইবাবছৰ ধৰি ধঁপাত নিয়ন্ত্ৰণৰ ক্ষেত্রত কাম কৰি অহা কনজুমাৰ ভয়চ, দিল্লী আৰু কনজুমাৰ্চ লিগেল প্ৰটেকশ্যন ফ’ৰাম, অসমে আজি গুৱাহাটীৰ দিছপুৰস্থিত হোটেল ৰিভিয়েৰাত ‘বিগ টবেক’ : টাইনী টাৰ্গেটছ ষ্টাডী’ শীৰ্ষক এখন ৰাজ্যিক পৰ্যায়ৰ কৰ্মশালা অনুষ্ঠিত কৰে। কৰ্মশালাখনৰ উদ্দেশ্য আছিল যুৱপ্ৰজন্মক ধঁপাতৰ ভয়াৱহতাৰ পৰা কেনেকৈ ৰক্ষা কৰিব পাৰি। গুৱাহাটীৰ ডাঃ বি বৰুৱা কৰ্কট প্ৰতিষ্ঠানৰ সঞ্চালক ডাঃ অমল চন্দ্ৰ কটকীয়ে কৰ্মশালাখন উদ্বোধন কৰে। উদ্বোধনী ভাষণত ডাঃ কটকীয়ে কয় যে পৌৰ নিগম কৰ্তৃপক্ষ সমূহে ২০১৭ চনৰ ২১ ছেপ্টেম্বৰৰ গৃহ আৰু পৰিয়াল কল্যাণ মন্ত্ৰণালয়ৰ পৰামৰ্শ আৰু ২০১৮ চনৰ ২৮ ছেপ্টেম্বৰৰ মিনিষ্ট্ৰী অৱ হাউছিং এণ্ড আৰবান প’ভাৰ্টী এলিভিয়েশ্যনৰ পৰামৰ্শ ৰূপায়ন কৰিব লাগে, যাতে ধঁপাত বিক্রেতাসকলক অনুজ্ঞাপত্ৰ দিয়াৰ ক্ষেত্ৰত সুব্যৱস্থা তথা নিয়ন্ত্ৰণ কৰিব পাৰি। ধঁপাত বিক্রেতাৰ বাবে অনুজ্ঞাপত্ৰ প্ৰৱৰ্তন ব্যৱস্থাই যুৱপ্ৰজন্মক ধঁপাতৰ প্ৰতি আসক্তি কমোৱাত সহায় কৰিব, কাৰণ ‘কটপা’ উলংঘন হলে বিক্রেতাৰ অনুজ্ঞাপত্ৰ বাতিল বা নিলম্বিত কৰাৰ ক্ষেত্ৰত সুযোগ থাকে। পৌৰ নিগম কৰ্তৃপক্ষই সেইবিলাক দোকানক অনুজ্ঞাপত্ৰ প্ৰদান কৰিব লাগে, যিবিলাক দোকানে বিশেষকৈ ধঁপাতজাতীয় সামগ্ৰী বিক্ৰী কৰে, যাতে শিশুসকলে সাধাৰণ দোকানৰ পৰা সেই সামগ্ৰীবিলাকৰ সংস্পৰ্শ লাভ নকৰে। শিক্ষা প্ৰতিষ্ঠানৰ পৰা দূৰত থকা দোকানসমূহক অনুজ্ঞাপত্ৰ প্ৰদান কৰিব লাগে। অনুষ্ঠানত কনজুমাৰ্চ লিগেল প্ৰটেকশ্যন ফ’ৰাম, অসমৰ সচিব তথা অধিবক্তা অজয় হাজৰিকাই শেহতীয়াকৈ অসমৰ তিনিখন চহৰত (গুৱাহাটী, যোৰহাট আৰু ডিব্ৰুগড়) ধঁপাতজাতীয় সামগ্ৰী বিক্ৰী কৰা দোকানসমূহৰ ওপৰত কৰা ‘বিগ টবেক’ : টাইনী টাৰ্গেটছ’ শীৰ্ষক সমীক্ষাৰ মূল বিষয়কেইটা আলোকপাত কৰে। তেওঁ কয় যে অসমত শিক্ষা প্ৰতিষ্ঠানৰ ১০০ গজ দূৰত্বৰ ভিতৰত ৯৭ খন দোকানত ধঁপাতজাতীয় সামগ্ৰী বিক্ৰী কৰা বুলি সমীক্ষাত স্পষ্ট হৈছে। সমীক্ষাটোৰ মতে অসমত ৩৬.০৮ শতাংশ ফিলিপ মৰিছ ইণ্টাৰনেচনেল, ৪.১২ শতাংশ ব্ৰিটিছ আমেৰিকান ধঁপাতজাতীয় সামগ্ৰী আৰু ৯৩.৮১ শতাংশ ইম্পেৰিয়েল টবেক’ কোম্পানী অৱ ইণ্ডিয়া লিমিটেডৰ ধঁপাতজাতীয় সামগ্ৰী বিক্ৰী হয়, যিটো আটাইতকৈ জনপ্ৰিয় ভাৰতীয় কোম্পানী। ৯৫.৮৮ শতাংশ দোকানত ধঁপাতজাতীয় সামগ্ৰী শিশুৱে দেখা পোৱাকৈ ৰখা হয় (১ মিটাৰ উচ্চতাত)। ৭২.১৬ শতাংশ দোকানত চিগাৰেটৰ স্বাস্থ্য সম্বন্ধীয় সতৰ্কীকৰণ জাননী নেদেখাকৈ ৰখা হয়। শিশুসকল আকৰ্ষিত হোৱাকৈ ৯০.৭২ শতাংশ দোকানত চিগাৰেট চকলেট বা মিঠাইজাতীয় সামগ্ৰীৰ ওচৰত ৰখা হয়। ৮৫.৫৭ শতাংশ দোকানত এটাকৈ চিগাৰেট বিক্ৰী হয়। কৰ্মশালাত অসমৰ ৰাজ্যিক ধঁপাত নিয়ন্ত্ৰণ কোষৰ ৰাজ্যিক নডেল বিষয়া ডাঃ অৰুন্ধতী ডেকা, অসম কেঞ্চাৰ কেয়াৰ ফাউণ্ডেশ্যনৰ প্ৰগ্ৰেম মেনেজাৰ ডাঃ সুব্ৰত চন্দ, ইউ এছ টি এমৰ ছ’চিয়েল ৱৰ্ক বিভাগৰ মুৰব্বী অধ্যাপক ডঃ গিৰিমল্লিকা শৰ্মা আৰু ধঁপাতজাতীয় সামগ্ৰীৰ ব্যৱসায়ীক প্ৰতিনিধি গণেশ পণ্ডিতে ‘কটপা’ অধিক শক্তিশালী আৰু কাৰ্যকৰীকৰণ তথা ধঁপাত বিক্রেতাৰ ক্ষেত্ৰত অনুজ্ঞাপত্ৰৰ নিয়ম আৰম্ভ কৰি কেনেকৈ যুৱপ্ৰজন্মক ধঁপাতজাতীয় সামগ্ৰীৰ পৰা দূৰত ৰাখিব পাৰি, সেই বিষয়ে মূল্যবান পৰামৰ্শ আগবঢ়ায়। কৰ্মশালাত বিভিন্ন ব্যৱসায়িক সংগঠনৰ প্ৰতিনিধি, স্বাস্থ্য বিশেষজ্ঞ আৰু চিকিৎসক, স্বাস্থ্য বিষয়া আৰু ধঁপাত নিয়ন্ত্ৰণ কোষ, অভিভাৱক, শিক্ষক সংস্থা, শিক্ষা প্ৰতিষ্ঠান আৰু পৌৰ নিগমৰ বিষয়া, সামাজিক অনুষ্ঠান, সংবাদকৰ্মী, ধঁপাত নিয়ন্ত্ৰণ আৰু গ্ৰাহক সুৰক্ষা কৰ্মী তথা যুৱপ্ৰজন্মৰ প্ৰতিনিধিয়ে অংশগ্ৰহণ কৰে।