আমাক এজন পৰাগ কুমাৰ দাসক লাগে..

জাতি আৰু জাতীয়তাবোধৰ প্ৰতি থকা দায়ৱদ্ধতাই মানুহজনক সাংবাদিক কৰি তুলিছিল। যাৰ কলমত চৰকাৰৰো নিদ্ৰাহৰণ হৈছিল। সেইজনেই হ’ল অসমৰ প্ৰসিদ্ধ সাংবাদিক পৰাগ কুমাৰ দাস।

 

 

 

ষ্টক একচেঞ্জৰ মহাপ্ৰৱন্ধকৰ দৰে চাকৰি পৰিত্যাগ কৰি তেখেতে জাতিৰ বাবে সমাজৰ বাবে হাতত কলম তুলি লৈছিল। যাৰ বাবে এগৰাকী মানৱ অধিকাৰ কৰ্মী হিচাপেও ৰাজপথলৈ ওলাই আহিছিল। বিশিষ্ট সাংবাদিক মনোৰম গগৈৰ -ভাষাত পৰাগ কুমাৰ দাসে মত প্ৰকাশৰ স্বাধীনতাৰ ওপৰত গুৰুত্ব আৰোপ কৰিছিল। বিশেষকৈ অসমত অনুসন্ধানমুলক ,তথ্য সমৃদ্ধ বিশ্লেষণাত্মক সাংবাদিকতাৰ সূচনা কৰিছিল। স্বাধীনতাৰ প্ৰস্তাৱ নামৰ গ্ৰন্থ খনৰ জৰিয়তে জনসাধাৰণৰ হৃত স্বাধীনতাক জাগ্ৰত কৰাৰ প্ৰয়াস কৰিছিল। যাৰ ফলস্বৰূপে পৰৱৰ্তী সময়ত এই গ্ৰন্থখনক নিষিদ্ধ ঘোষণা কৰিছিল।

 

 

আচলতে পৰাগ কুমাৰ দাসৰ চিন্তা দৰ্শনেই আছিল বহু দূৰদৰ্শিতাৰে পৰিপূৰ্ণ। তেখেতে তেতিয়াৰ দিনতেই অসমৰ কাৰণে নিৰ্দিষ্ট টাইম জ’নৰ পোষকতা কৰিছিল। প্ৰসংগক্ৰমে উল্লেখ্য যে আমি আন ৰাজ্যৰ তুলনাত প্ৰায় ডেৰ ঘণ্টা পিছপৰি আছো। যাৰ ফলস্বৰূপে আমাৰ সৃষ্টিশীল আৰু উৎপাদনশীল কামবিলাক যি গতিত আগবাঢ়িব লাগিছিল ,সেই গতিত আগবাঢ়িব পৰা নাই। এই মন্তব্য বিশিষ্ট সাংবাদিক মনোৰম গগৈৰ।

 

সাংবাদিক  গগৈয়ে কয় যে সূৰ্য উদয় হোৱা সময়তে গৰু হাল লৈ পথাৰলৈ যোৱাটো আমাৰ আজো ককাৰ দিনৰে পৰা চলি আহিছে। যাৰ বাবে কৃষি উৎপাদন ক্ষমতা অধিক হাৰত হোৱা দেখা গৈছিল। বৰ্তমান সমাজৰ সাংবাদিকতা বুলিলে মালিক নিয়ন্ত্ৰিত অথবা ৰাজনৈতিক নেতাৰ নিয়ন্ত্ৰিত সাংবাদিকতাক বুজা যায় । য’ত জনসাধাৰণৰ মৌলিক সুবিধা, অসুবিধা স্পষ্ট ভাৱে প্ৰতিফলিত হোৱা দেখা নাযায়। আনহাতে পৰাগ কুমাৰ দাসে যি সাংবাদিকতা কৰিছিল সেই সাংবাদিকতাত জনসাধাৰণৰ সমস্যাৰ এখন ছবি স্পষ্টভাৱে পৰিষ্ফুট হৈছিল।

 

 

 

 

১৯৯৬চনৰ ১৭মে’ৰ দিনা গুৱাহাটীৰ ৰাজগড়ৰ ৰাজপথত এই সাংবাদিক গৰাকীক গুলিয়াই হত্যা কৰে। পৰৱৰ্তী সময়ত চি বি আইয়ে আৰম্ভ কৰে যদিও কোনোধৰণৰ ফল নধৰিল।

 

 

জনসাধাৰণে এজন প্ৰকৃত সাংবাদিকক হেৰুৱালে। যিজন সাংবাদিকে আজিৰ সমাজ ব্যৱস্থাক দিক দৰ্শন দিব পাৰিলেহেতেন!আমাক আৰু এজন পৰাগ কুমাৰ দাসক লাগে,সমাজক সংগঠিত কৰিবলৈ,নতুন দিগন্তৰে বাট বুলাবলৈ..

 

সংগীতা শইকীয়া

Share on whatsapp
WhatsApp
Share on facebook
Facebook
Share on twitter
Twitter
Share on email
Email

অসমৰ ক্ৰীড়া প্ৰেমীলৈ সুনাম কঢ়িয়াই আনিলে ৰিংকু, বিকাশ, হিৰকজ্যোতিয়ে..

উত্তৰ প্ৰদেশৰ গাজিয়াবাদত যোৱা ১৬আৰু ১৭ জানুৱাৰীত অনুষ্ঠিত হোৱা অখিল ভাৰতীয় ৰাষ্টীয় টাইকোৱাণ্ড কাপ ২০২১ ত মহানগৰীৰ ধাৰাপুৰ টাইকোৱাণ্ড একাডেমীৰ হৈ সাত জন টাইকোৱাণ্ড খেলুৱৈয়ে অংশগ্ৰহণ কৰি বিজয়ী হৈ ধাৰাপুৰৰ লগতে অসমৰ নাম জিলিকাবলৈ সক্ষম হয় । উল্লেখ্য যে ধাৰাপুৰ টাইকোৱাণ্ড একাডেমীৰ হৈ ৰিংকু কৰোৱাই সোণৰ মেডেল,বিকাশ কলিতা, হিৰকজ্যোতি দাসে ৰূপৰ মেডেল, পৰশমণি কলিতাই ৰূপৰ মেডেল, গৌতম দাসে ৰূপৰ মেডেল, প্ৰিয়ম কলিতাই ব্ৰঞ্জৰ মেডেল আৰু গোকুল দাসে ব্ৰঞ্জৰ মেডেল লাভ কৰিবলৈ সক্ষম হয় । এই সকল খেলুৱৈ সুনাম অৰ্জন কৰি উত্তৰ প্ৰদেশৰ গাজিয়াবাদৰ পৰা উভতি অহাৰ পিছত ধাৰাপুৰত স্কুল খেল পথাৰত আজি ধাৰাপুৰ টাইকোৱাণ্ড একাডেমীৰ প্ৰশিক্ষক সঞ্জয় দাস, মুকুট বৈশ্য আৰু ধাৰাপুৰ মৌজাই বিপুল আদৰণী জনায়।

কাইলৈ পৰা অনুষ্ঠিত হ’ব জোনবিল মেলা

৪০০ বছৰীয়া পৰম্পৰা অক্ষুণ্ণ ৰাখি কাইলৈ পৰা অনুষ্ঠিত হ’ব জোনবিল মেলা।উল্লেখযোগ্য যে এই মেলাত বিনিময়ত প্ৰথাৰে সা-সামগ্ৰী ক্ৰয় হয়।ইতিমধ্যে জোনবিল মেলা উদযাপনৰ বাবে প্ৰস্তুতি অব্যাহত আছে।মেলা পৰিচালনা সমিতিয়ে পূৰ্বতকে পৰিসৰ বঢ়াই নতুনকৈ ঠাই মুকলি কৰিছে যাতে বহু মানুহৰ সমাগম হ’লেও কোনো ভিৰ পৰিলক্ষিত নহয়।আনহাতে মাস্ক পৰিধান কৰাটো অনুৰোধ জনাইছে।ইতিমধ্যে পৰিচালনা সমিতি সদস্য আৰু স্বেচ্ছাসেৱকসকলৰ ক’ভিড পৰীক্ষা কৰা হৈছে।

শেষৰ দিনৰ কুকুৰা যুঁজৰ লগতে মাছ ধৰা পৰ্ব অনুষ্ঠিত হ’ব ।উল্লেখযোগ্য যে সেইদিনা মুখ্যমন্ত্ৰী সৰ্বানন্দ সোনোৱাল উপস্থিত থাকি ১৮ গৰাকীকৈ ৰজাক ১ লাখ টকাকৈ ৰাজভাট্ৰা প্ৰদান কৰিব।

নিৰ্বাচনী আয়ুক্তই সংবাদ মেল যোগে কি ক’লে

মুখ্য নিৰ্বাচনী আয়ুক্ত সুনীল অৰোৰাই আজি মহানগৰী হোটেল ৰেডিচন ব্লুত এখন সংবাদমেল আয়োজন কৰে।তিনিদিনীয়া ভ্ৰমণসূচী লৈ অসমলৈ অহা নিৰ্বাচনী আয়োগৰ দলটোৱে উচ্চ পৰ্যায়ৰ বিষয়া লগতো আলোচনাত মিলিত হৈছিল।সংবাদমেল যোগে মুখ্য নিৰ্বাচনী আয়ুক্তই নিৰ্বাচনী সম্পৰ্কে কেতবোৰ নীতি নিৰ্দেশনা বিষয়ে অৱগত কৰায়।ইয়াৰ ভিতৰত ক’ভিডৰ প্ৰট’কল অনুসৰি ভোট কেন্দ্ৰ বৃদ্ধি কৰা আৰু নতুনকৈ এহেজাৰ ভোট কেন্দ্ৰ স্থাপন কৰা অন্যতম।

উল্লেখযোগ্য যে নিৰ্বাচন যাতে স্বচ্ছ আৰু নিকা পদ্ধতিৰে অনুষ্ঠিত হয় তাৰ প্ৰয়োজনীয় পদক্ষেপ গ্ৰহণ কৰিছে বুলি মুখ্য নিৰ্বাচনী আয়ুক্ত গৰাকীয়ে অৱগত কৰায়।কোনো প্ৰাৰ্থীয়ে অনলাইন পদ্ধতিৰে মনোনয়ন পত্ৰ সংগ্ৰহ কৰিব পাৰিব।নিৰ্বাচনী প্ৰচাৰত প্ৰাৰ্থীসহ ৫ জন লোকে ঘৰে ঘৰে নিৰ্বাচনী প্ৰচাৰ কৰিব পাৰিব।আনহাতে ৰোড শ্ব’ৰ কৰাত কোনো বাধা নাথাকিব। ৰাজ্যৰ আইন শৃংখলা পৰিস্থিতি যাতে সুস্থিৰ হৈ থাকে তাৰ বাবে চ’চিয়েল মেডিয়া ওপৰতো কঠোৰ নিৰীক্ষণ কৰা হ’ব।

উল্লেখযোগ্য যে বিহু পূৰ্বে নিৰ্বাচন অনুষ্ঠিত কৰিব বুলি মুখ্য নিৰ্বাচনী আয়ুক্ত গৰাকীয়ে জানিব দিয়ে।আনহাতে NRC ত নাম নাথাকিলেও ভোট দান কৰা সুবিধা পাব যদিহে তেওঁ ভোটৰ তালিকাত নাম থাকে।আজিৰ সংবাদমেলত উপস্থিত থাকে নিৰ্বাচন আয়ুক্ত সুচিল চন্দ্ৰা আৰু ৰাজীৱ কুমাৰ।

পেণ্ডেলৰ ব্যৱসায়ে স্বাৱলম্বী হোৱা এজন যুৱকৰ কথাৰে

বন্ধন বেংকৰ ঋণ লৈ ডিজিটেল পেণ্ডেলৰ ব্যৱসায় কৰি স্বাৱলম্বী হ’ল বিহালীৰ নিবনুৱা যুৱক নিৰ্মল গোৱালা।বিশ্বনাথ জিলাৰ বালিপুখুৰী এজন শিক্ষিত যুৱকে চৰকাৰী চাকৰি মোহ ত্যাগ কৰি ডিজিটেল পেণ্ডেলৰ ব্যৱসায় আৰম্ভ কৰি স্বাৱলম্বী হৈ পৰিছে।

প্ৰথম পৰ্যায়ত তেখেতে খেতি পথাৰ কৰি সৰুকৈ এখন গেলামালৰ দোকান আৰম্ভ কৰিছিল।বৰ্তমান সময়ত ডিজিটেল প্ৰাধান্য সকলোতে আছে।সেয়েহে তেওঁ সময়ৰ লগত খোজ মিলাই নতুনকৈ আৰম্ভ কৰিছে ডিজিটেল পেণ্ডেল।

এই ডিজিটেল পেণ্ডেল বিশ্বনাথত আৰম্ভ কৰা প্ৰথমজন ব্যক্তি হৈছে গোৱালা।মাত্ৰ দুহেজাৰ টকাৰে আৰম্ভ কৰি আজি তাৰিখত প্ৰায় পাঁচ লাখ টকা ব্যৱসায় কৰিবলৈ সক্ষম হোৱা লগতে বিশ জন লোকক সংস্থাপন দিবলৈ সক্ষম হৈছে ব্যক্তি গৰাকীয়ে।

গঁড় সুৰক্ষা আৰু প্ৰকৃতি সুৰক্ষাৰ উদ্দেশ্য লৈ দ্যা গ্লুবেল গ্ৰীণ ফৰ্চ সংগঠনৰ জনসজাগতামূলক ৰেলী

গঁড় সুৰক্ষা আৰু প্ৰকৃতিক সুৰক্ষাৰ সজাগতা সৃষ্টিৰ উদ্দেশ্যৰে দ্যা গ্লুবেল গ্ৰীণ ফৰ্চ নামৰ এক সংস্থাই আৰম্ভ কৰিছে এক চাইকেল যাত্ৰা ।প্ৰকৃতি ৰক্ষা আৰু গঁড় সুৰক্ষাৰ বাবে জনগণৰ মাজত সজাগতা গঢ়ি তোলাৰ উদ্দেশ্যেৰে কলকাতা গ্লুবেল গ্ৰীণ ফৰ্চচৰ দ্বাৰা এই সজাগতাৰ চাইকেল যাত্ৰা আৰম্ভ কৰা হয়।

যোৱা ২৮ ডিচেম্বৰত কলকাতা পৰা অসমৰ কাজিৰঙা পৰ্যন্ত যাত্ৰা কৰা দলটি কালি বিয়লি গোঁসাই গাঁৱত উপস্থিত হয়। অসমৰ বন বিভাগ আৰু গঁড় বন্ধু চৌহান মল্লিকৰ আহ্বান মৰ্মে ছয় জনীয়া দলটি অসমলৈ আহে।অসমৰ বনমন্ত্ৰী পৰিমল শুক্লবৈদই এই দলটিক আদৰণি জনায় আৰু তেওঁলোকৰ পদক্ষেপক শলাগ লয়।

সমীক্ষাত প্ৰকাশ পাইছে-ৰাজ্যখনৰ মুখ্যমন্ত্ৰী হিচাপে সোণোৱালেই ভোটাৰৰ প্ৰথম পছন্দৰ প্ৰাৰ্থী

বিজেপি নেতা তথা অসমৰ মুখ্যমন্ত্ৰী সৰ্বানন্দ সোণোৱালেই ৰাজ্যখনৰ মুখ্যমন্ত্ৰী হিচাপে ভোটাৰৰ প্ৰথম পছন্দ। আইএএনএছ-চি-ভোটাৰৰ সমীক্ষাত এইকথা প্ৰকাশ পাইছে।
সমীক্ষা অনুসৰি ৰাজ্যখনৰ শাসনভাৰ পুনৰ চলাবলৈ ভোটাৰসকলে নিৰ্বাচিত কৰিবলগীয়া নেতাসকলৰ ভিতৰত সোণোৱালেই হৈছে উপযুক্ত ৰাজনীতিবিদ।অহা ৩১মে’ত সমাপ্ত হ’বলগীয়া বিধানসভাৰ ১২৬টা সমষ্টিৰ সঁহাৰি জনোৱা লোকৰ মাজত ৩০ শতাংশৰেই সোণোৱালক পছন্দ কৰে।

সকলো বিধানসভা সমষ্টিক সামৰি ৫,০০০তকৈয়ো অধিক লোকৰ মাজত চলোৱা সমীক্ষাটোৱে দেখুৱাইছে যে ২১.৬শতাংশ নাগৰিকে বিজেপি নেতা বৰ্তমানৰ বিত্তমন্ত্ৰী হিমন্ত বিশ্ব শৰ্মাক মুখ্যমন্ত্ৰী হিচাপে পছন্দ কৰিছে।আনহাতে, কংগ্ৰেছ নেতা গৌৰৱ গগৈক মুখ্যমন্ত্ৰী হিচাপে ১৮.৮শতাংশ লোকে বিচাৰিছে আৰু ইয়াৰ পাছতে আছে এআইয়ুডিএফ নেতা বদৰুদ্দিন আজমল আৰু প্ৰাক্তন মুখ্যমন্ত্ৰী হিতেশ্বৰ শইকীয়াৰ পুত্ৰ কংগ্ৰেছ নেতা দেবব্ৰত শইকীয়া।প্ৰায় ২০ শতাংশ অসমৰ লোকে আন ৰাজনৈতিক নেতাক ৰাজ্যখনৰ মুখ্যমন্ত্ৰী হিচাপে বিচাৰিছে।