অভিনেতা সুশান্ত সিং ৰাজপুতৰ মৃত্যু হত্যা নে আত্মহত্যা? চি বি আইৰ তদন্ত হ’বনে?

সুশান্ত সিং ৰাজপুত। নামটো যিমানেই শুনিবলৈ ধুনীয়া তেখেতৰ ব্যক্তিত্ব আৰু প্ৰতিভাও সিমানেই অগ্ৰণীয় আছিল। যোৱা ১৪জুনত এইগৰাকী অভিনেতাই এই পৃথিৱীৰ পৰা চিৰবিদায় ল’লে। কিন্তু কি পৰিস্থিতিত পৰি অভিনেতা গৰাকীয়ে বিদায় মাগিলে সেয়া আজিও ৰহস্যৰ আৱৰ্ততেই থাকিল।

 

 

 

 

সুশান্ত সিং ৰাজপুতৰ মৃত্যুক মুম্বাই আৰক্ষীয়ে আত্মহত্যা বুলি প্ৰকাশ কৰিছে। কিন্তু বিশেষজ্ঞ আৰু অনুৰাগী সকলে দাবী কৰা মতে এয়া আছিল এক পৰিকল্পিত হত্যাকাণ্ড। কিয়নো সুশান্তৰ শৰীৰত নাছিল আত্মহত্যাৰ কোনো লক্ষণ। আপাতঃ দৃষ্টিত যদি লক্ষ্য কৰা যায়  আত্মহত্যা যেন লাগিলেও এয়া আছিল এক পূৰ্বপৰিকল্পিত হত্যাকাণ্ড।

 

 

অনুৰাগীয়ে কি দৃষ্টিকোণৰ পৰা কৈছিল এনেধৰণৰ কথা?

মৃত সুশান্তৰ শৰীৰৰ বিভিন্ন অংশত দাগ দেখা পোৱা গৈছিল। সুশান্তৰ ওঠত দেখা পোৱা গৈছিল এটা বিশেষ ৰং। আনহাতে বাওঁহাতৰ চকুৰ তলৰ অংশত ক’লা দাগ প্ৰত্যক্ষ কৰা গৈছিল। অনুৰাগী সকলে দাবী কৰে যে সুশান্তক জুচৰ লগত নিচাসক্ত দ্ৰব্য মিহলাই হত্যা কৰা হ’ল। আটাইতকৈ ডাঙৰ কথা হ’ল এয়ে যে সুশান্তই আত্মহত্যাৰ বাবে ব্যৱহাৰ কৰা ৰছী আৰু উচ্চতাক লৈও বহুতৰ বহু প্ৰশ্ন অৱতাৰণা হৈছে।

 

 

 

 

বহুত গ’ল আৰু বহুত আহিল, কিন্তু সুশান্ত বিশেষ হৈ ৰ’ল….

সুশান্ত সিং ৰাজপুতে কম দিনৰ ভিতৰতে বলীউদত জনপ্ৰিয়তা লাভ কৰিবলৈ সক্ষম হৈছিল। সেয়েহে হয়তো একাংশই মানসিক দ্বন্দত ভুগি সুশান্তক একাষৰীয়া কৰিছিল। বিভিন্ন ব্যক্তিগত সমস্যাৰ মাজতো সুশান্তই নিজকে গঢ় দিবলৈ ক্ৰুটি কৰা নাছিল। যাৰ বাবে কৰণ জোহৰ, চলমান খান আদিয়ে সুশান্তক এৰি চলিছিল।

সুশান্তৰ মৃত্যুৰ লগত প্ৰেয়সী ৰিয়া চক্ৰৱৰ্তীৰ নাম সাঙুৰ খাই পৰিছিল। কিয়নো পৰিচালক মহেশ ভট্ট আৰু ৰিয়া চক্ৰৱৰ্তীৰ মাজত এক সম্পৰ্ক আছিল। আনহাতে সুশান্তৰ বন্ধু সিদ্ধাৰ্থৰ কথা বতৰা, চাল চলনে সমগ্ৰ বিষয়টোক আৰু অধিক ৰহস্যঘন কৰি তুলিছে।

 

 

সুশান্তৰ মৃত্যুৰ পিছত কি হৈছিল?

সুশান্তৰ মৃত্যুৰ পিছত তেখেতৰ ৰান্ধনী জনৰ ভাষ্য সলনি হৈছিল। তেখেতে প্ৰথম অৱস্থাত জুচ খাব দিয়া বুলি মুম্বাইৰ আৰক্ষীক ব্যক্ত কৰিছিল যদিও পৰৱৰ্তী সময়ত তেখেতৰ ভাষ্য সলনি হৈছিল। আৰক্ষীৰ অনুসন্ধানত পোহৰলৈ আহিছিল দুটা বিশেষ প্ৰসংগ। মুম্বাই আৰক্ষীৰ মতে সুশান্তই ব্যৱহাৰ কৰিছিল ৫০খনতকৈ অধিক চিমকাৰ্ড। মৃত্যুৰ দিনা বন্ধ কৰি থোৱা আছিল চি চি টিভি কেমেৰাৰ সংযোগ। ইয়াৰ উপৰিও মৃত্যুৰ সময়ত ৰূমৰ দৰ্জা ভিতৰৰ পৰা বন্ধ আছে বুলি আৰক্ষীয়ে অনুসন্ধানত পোহৰলৈ আনিছে।

 

 

অনুৰাগী সকলৰ মতে এয়া এক পৰিকল্পিত হত্যাকাণ্ড। সুশান্তক হত্যা কৰিবলৈ নিয়োগ কৰা হৈছিল প্ৰফেশ্যনেল কিলাৰ। সেই গেংটোত আছিল প্ৰায় তিনিৰ পৰা চাৰিজন সদস্য। তেওঁলোকে হত্যাৰ বাবে এক বিশেষ প্ৰকাৰৰ বেল্ট ব্যৱহাৰ কৰিছিল। আনহাতে পোষ্টম’ৰ্টেমলৈ নিয়াৰ সময়তো সুশান্তৰ হাতখন লৰি আছিল। কিন্তু মুম্বাই আৰক্ষীয়ে এই কথা গুৰুত্ব সহকাৰে লোৱা নাছিল। এই মন্তব্য বহুকেইগৰাকী অনুৰাগীৰ।

 

 

 

বহুতে চ’চিয়েল মিডিয়াত সুশান্তক উঠাই লৈ যোৱা এম্বুলেন্সক সন্দেহৰ আৱৰ্তত ৰাখিছে। কিয়নো এম্বুলেন্সত মৃতদেহ সলনি হোৱা বুলি অনুৰাগী সকলে এটা ভিডিঅ’ শ্বেয়াৰ কৰিছে। ইতিমধ্যে চ’চিয়েল মিডিয়াত সুশান্তৰ ন্যায়ৰ বাবে জনমত গঢ়ি উঠিছে। চি বি আইক তদন্ত কৰাৰ বাবে আহ্বান জনাইছে।

 

 

শেহতীয়াকৈ ৰাষ্ট্ৰীয় সংবাদ মাধ্যমত এই কথা প্ৰকাশ পাইছে যে সুশান্তৰ মৃত্যু আত্মহত্যা আছিল। আৰু তাত কোনো চি বি আইৰ তদন্ত কৰা নহয়। এই কথা প্ৰকাশ কৰিছে মহাৰাষ্ট্ৰৰ গৃহমন্ত্ৰী অনিল দেশমুখে। অনিল দেশমুখৰ মতে চি বি আইৰ তদন্তৰ কোনো প্ৰয়োজন নাই। আৰক্ষীয়ে সময়ত সকলো ৰাজহুৱা কৰিব।

 

এনে খবৰে সুশান্তৰ অনুৰাগী সকলক ব্যথিত কৰি তুলিছে।বহুতে নেপোটিজমকে জগৰীয়া কৰিছে যদিও ৰিয়া, সিদ্ধাৰ্থ আৰু চলমানক সন্দেহৰ আওতাত আনিছে।

 

 

 

ষ্টাৰ প্লাছৰ ধাৰাবাহিকৰ জৰিয়তে বলীউডত প্ৰৱেশ কৰিবলৈ সক্ষম হোৱা সুশান্তৰ জীৱনৰ অন্তিমখন ছবি আছিল দিল বেচাৰা। ইয়াৰ পিছতেই সুশান্তৰ প্ৰেয়সী ৰিয়া চক্ৰৱৰ্তীয়েও কেন্দ্ৰীয় গৃহমন্ত্ৰী অমিত শ্বাহলৈ চি বি আইৰ তদন্তৰ বাবে দাবী জনাইছে। এইক্ষেত্ৰত কেন্দ্ৰীয় গৃহমন্ত্ৰী গৰাকীয়ে কি সিদ্ধান্ত গ্ৰহণ কৰে সেয়া সময়ত লক্ষণীয় হৈ উঠিব।

 

Share on whatsapp
WhatsApp
Share on facebook
Facebook
Share on twitter
Twitter
Share on email
Email

পবিত্ৰ ৰাম নৱমীৰ শুভেচ্ছা জ্ঞাপন কৰিলে ৰাষ্ট্ৰপতিয়ে

আজি ৰাম নৱমী।এই ৰাম নৱমী হিন্দু ধর্মৰ এক পবিত্ৰ উৎসৱ।এই উৎসৱ ভগৱান ৰামৰ জন্মৰ লগত জৰিত।ৰাম নৱমী উপলক্ষে বিভিন্ন ঠাইত পূজা অৰ্চনা কৰা হৈছে।এই ৰাম নৱমী শুক্লপক্ষৰ নৱমী তিথিত পালন কৰা হয়।

ৰাম নৱমী উপলক্ষে দেশৰ প্ৰধানমন্ত্ৰী নৰেন্দ্ৰ মোদীয়ে দেশবাসীক শুভেচ্ছা জনায় কয় যে ভগৱান ৰামৰ আৰ্শীবাদ দেশবাসীৰ প্ৰতি সদায় বৰ্তি থাকক।আনহাতে এই সম্পৰ্কত ৰাষ্ট্ৰপতি ৰামনাথ কবীন্দ্ৰে এনেদৰে কয় ৰামৰ ধৰ্মই আমাক সদায় অনুপ্ৰাণিত কৰি আহিছে।ন্যায় আৰু মানৱীয় গুণৰ বাবে ৰামৰ আদৰ্শই যুগ যুগ ধৰি সকলোকে অনুপ্ৰেৰণা যোগাব।

কেন্দ্ৰীয় বাঁহ গোঁসাই উৎসৱৰ সফল সামৰণি

সদৌ অসম শৰণীয়া কছাৰী ছাত্ৰ সন্থাৰ উদ্যোগত আৰু দৰঙাজুলি আঞ্চলিক শৰণীয়া-কছাৰী ছাত্ৰ সন্থাৰ সহযোগত বাক্সা জিলাৰ তামুলপুৰ মহকুমাৰ কুমাৰীকাটা মিঠাৰাম দাস সমন্বয় ক্ষেত্ৰত সোমবাৰৰ পৰা দুদিনীয়া বৰ্ণাঢ্য কাৰ্যসূচীৰে অনুষ্ঠিত হোৱা শৰণীয়া কছাৰী জনগোষ্ঠীৰ কেন্দ্ৰীয় বাঁহ গোঁসাই উৎসৱৰ মঙলবাৰে সফল সামৰণি পৰে।

মঙলবাৰে পুৱাৰে পৰা নামনি অসমৰ জিলা কেইখনৰ পৰা শৰণীয়া-কছাৰী জনগোষ্ঠীৰ লোকসকলে পৰম্পৰাগত সাজ পৰিধান কৰি একোডাল বাঁহ গোঁসাই লৈ ঢোল ,তাল,শংখ, দবা আদিৰ শব্দৰে মুখৰিত কৰি কেন্দ্ৰীয় বাঁহ গোসাইস্থলীত উপস্থিত হয়।বাক্সা জিলাৰ তামুলপুৰ মহকুমাৰ কুমাৰীকাটাৰ শৰণীয়া কছাৰী জনগোষ্ঠীৰ কেন্দ্ৰীয় বাঁহ গোঁসাই উৎসৱস্থলী মিঠাৰাম দাস সমন্বয় ক্ষেত্ৰ এক তীৰ্থ ক্ষেত্ৰলৈ পৰিণত হয়।

বিভিন্ন প্ৰান্তৰ পৰা শতাধিক বাঁহ গোঁসাই সজাই-পৰাই এক মাঙ্গলিক পৰিৱেশেৰে উৎসৱস্থলীত নিৰ্মাণ কৰা গোঁসাই ঘৰত স্থাপন কৰে। ইয়াৰ আগতে বাঁহ গোঁসাই লৈ উৎসৱস্থলীত উপস্থিত হোৱা দল সমূহে নিজৰ নিজৰ দলৰ বাঁহ গোঁসাই লৈ কুমাৰীকাটা চহৰৰ মাজেৰে পাঁচ কিলোমিটাৰ জোৰা পথ সমদল কৰি পানবাৰী-বাটাবাৰী হৈ পুনৰ উৎসৱস্থলীত উপস্থিত হয়।
সম্পূৰ্ণ কোভিড প্ৰট’কল মানি শৰণীয়া কছাৰী জনগোষ্ঠীৰ কেন্দ্ৰীয় বাঁহ গোঁসাই উৎসৱ পালন কৰা হয় ।

গ্ৰাম্যাঞ্চলত সেৱা আগবঢ়াব বেটাৰ লাইফ মেডিকেল চেণ্টাৰে

পূব আৰু উত্তৰ-পূব ভাৰতৰ কেইখনমান শীৰ্ষ চিকিৎসা প্ৰতিষ্ঠানৰ সৈতে কাম কৰি থকা এগৰাকী চিকিৎসকে চাকৰি এৰি অসমৰ ওদালগুৰি জিলাৰ দুৰৱৰ্তী স্থানত চিকিৎসা সুবিধা আৰম্ভ কৰিছে।সমাজৰ সুবিধা পৰা বঞ্চিত লোক সকলক অন্তিম মাইল স্বাস্থ্য সেৱা প্ৰদান লক্ষ্যৰে গাইনোকোলজিষ্ট ডাঃ সায়ন্তনী ভট্টাচাৰ্যই অসমৰ ওদালগুৰি জিলাৰ পানেৰীত বেটাৰ লাইফ মেডিকেল চেণ্টাৰ স্থাপন কৰিছে। আজি গুৱাহাটীৰ প্ৰেছ ক্লাৱত সংবাদ মাধ্যমৰ লোক সকলক সম্বোধন কৰি ডাঃ ভট্টাচাৰ্যই কয় যে পানেৰীৰ কেন্দ্ৰটো তেওঁৰ ষ্টাৰ্টআপ বেটাৰ হেলথকেয়াৰ এটা দ্যা লাষ্ট মাইলৰ ফ্লেপশ্বিপ ইউনিট।

চলিত বৰ্ষত ১৪ ফেব্ৰুৱাৰীত নামনি অসমৰ অন্যতম বৃহৎ চাহ বাগিচাৰ কৰিডৰ,আৰু চাহ জনজাতি আৰু অন্যান্য সম্প্ৰদায়ৰ এক বৃহৎ জনসংখ্যাই বাস কৰা পানেৰীত বেটাৰ লাইফ মেডিকেল চেণ্টাৰ উদ্বোধন কৰিছোঁ।বেটাৰ লাইফ মেডিকেল চেণ্টাৰত এটা মাল্টি স্পেচিয়েলিটি ফেমিলি ক্লিনিক ডায়গনষ্টিক চেণ্টাৰ আৰু এখন ফাৰ্মাচী আছে।

উল্লেখযোগ্য যে কেন্দ্ৰটোত আলট্ৰাচাউণ্ড,ইচিজি, স্বাস্থ্য পৰীক্ষা,ফাৰ্মাচী,নেবুলাইজেচন বেজী সেৱা অক্সিজেন, চিকিৎসা কোঠা সকলো উপলব্ধ।ইয়াৰ উপৰিও ৰেডিঅ’লজিষ্ট,চকু বিশেজ্ঞ,ফিজিঅ থেৰাপিষ্ঠ,ডায়েটিশিয়ান,শিশু বিশেষজ্ঞৰ সেৱা উপলব্ধ।

ৰাজ্যত বলবৎ হৈছে ক’ভিড সম্পৰ্কীয় নতুন নিৰ্দেশনা

আজি অনুষ্ঠিত হয় ক`ভিডৰ নিদেৰ্শনা সম্পৰ্কীয় মুখ্য সচিব আৰু আৰক্ষী সঞ্চালক প্ৰধানৰ সংবাদমেল।সংবাদমেলৰ সিদ্ধান্ত সমূহ হ`ল এনেধৰণৰ -জিলা প্ৰশাসনৰ অনুমতি লৈহে অনুষ্ঠান অনুষ্ঠিত কৰিব পাৰিব ।বন্ধ কোঠাৰ অনুষ্ঠানত ৫০% লোকহে উপস্থিত থাকিব পাৰিব।বিবাহ আদিত ১০০তকৈ অধিক উপস্থিত থাকিব নোৱাৰিব।মৃতকৰ শেষকৃত্যত ২০ জনতকৈ অধিক উপস্থিত থাকিব নোৱাৰিব।আনহাতে ধৰ্মীৰ অনুষ্ঠানত প্ৰতি ঘণ্টাত ২০ গৰাকীহে উপস্থিত থাকিব পাৰিব।বিখ্যাত ধৰ্মীয় অনুষ্ঠানৰ ক্ষেত্ৰত ৫০ গৰাকী লোকক অনুমতি দিয়া হৈছে।ৱৰ্ক ফ্ৰম হোম আৰু ভাৰ্চুৱেল পদ্ধতিৰ কাম কাজত প্ৰাধান্য।চৰকাৰী-বেচৰকাৰী প্ৰতিষ্ঠানত ৫০% কৰ্মচাৰীয়ে কাম সম্পাদনাৰ নিৰ্দেশ।প্ৰতিষ্ঠানৰ বিষয়াই নিজৰ কাৰ্য্যালয়ত অনুষ্ঠিত কৰিব নোৱাৰিব সভা।গৰ্ভৱতী মহিলাক ঘৰৰ পৰাই কাম কৰা অনুমতি প্ৰদান।৫ বছৰ তলৰ শিশুৰ মাতৃক ঘৰৰ পৰা কাম কৰা অনুমতি।কৰ্মক্ষেত্ৰত সম্পূৰ্ণৰূপে সামাজিক দূৰত্ব মানি চলিব লাগিব ।প্ৰৱেশ-প্ৰস্থানস্থলীত থাৰ্মেল স্কেনিং হেণ্ড ছেনিটাইজাৰ থাকিব লাগিব ।আইন অমান্য কৰিলে কঠোৰ হ`ব প্ৰশাসন।ইয়াৰ উপৰিও পুলিচক মাস্ক যোগান ধৰিবলৈও নিৰ্দেশ জাৰি কৰিছে।আৰক্ষী সাংবাদিক শিক্ষকক প্ৰধান শাৰীৰ যোদ্ধা বিবেচনা কৰিবলৈ কেন্দ্ৰীয় চৰকাৰক অনুৰোধ জনাইছে ৰাজ্য চৰকাৰে।

পুনৰ সজাই তোলা হৈছে অস্থায়ী ক`ভিড চেন্টাৰ সমূহ

ৰাজ্যখনত ক’ৰনা সংক্ৰমণৰ ঘটনা ব্যাপক হাৰত বৃদ্ধি পোৱাৰ বিষয়টোৱে সকলোকে উদ্বিগ্ন কৰি তুলিছে। দৈনিক সংক্ৰমণৰ হাৰ প্ৰতিদিনে বৃদ্ধি পাই আহিছে।ইয়াৰ মাজতে ৰাজ্যৰ স্বাস্থ্য বিভাগে পুনৰ জালুকবাৰী আৰু সৰুসজাইৰ অস্থায়ী ক’ভিড কেয়াৰ চেন্টাৰ সমূহ সাজু কৰি তুলিছে।

জালুকবাৰীৰ চৰকাৰী আয়ুৰ্বেদিক চিকিৎসা মহাবিদ্যালয় ক’ভিড ৰোগীৰ বাবে পুনৰ সাজু কৰি তোলা হৈছে।জালুকবাৰীৰ চৰকাৰী আয়ুৰ্বেদিক চিকিৎসা মহাবিদ্যালয়ৰ অধ্যক্ষ ডাঃ ৰমাকান্ত শৰ্মাই জানিবলৈ দিয়া মতে মহাবিদ্যালয়খনত ১০০ খন বিছনা ক’ভিড ৰোগীৰ বাবে সাজু কৰি তোলা হৈছে।

ইয়াৰ উপৰিও, ইয়াত ১৪ টা আই চি ইউ কক্ষ আৰু ৩৩ খন অক্সিজেনযুক্ত বিছনাৰ ব্যৱস্থা কৰা হৈছে।আনহাতে ৰাজ্যৰ স্বাস্থ্য বিভাগে মহানগৰীৰ সৰুসজাই ষ্টেডিয়ামৰ অস্থায়ী ক’ভিড হাস্পাতালখন পুনৰ সাজু কৰি তুলিছে।সৰুসজাইৰ কৰ্মবীৰ নবীন চন্দ্ৰ বৰদলৈ ষ্টেডিয়ামত ৪০০ খন বিছনাযুক্ত অস্থায়ী ক’ভিড কেয়াৰ চেন্টাৰটো সাজু কৰি তুলিবলৈ ক্ষিপ্ৰতাৰে কাম কৰি থকা হৈছে।

ৰাজ্যৰ বন বিভাগত সালসলনি ঘটিছে

ৰাজ্যৰ বন বিভাগত সালসলনি ঘটিছে।শিলচৰৰ মুখ্য বন সংৰক্ষক সুমন মহাপাত্ৰক অতিৰিক্ত প্ৰধান মুখ্য বন সংৰক্ষক ৰূপে বদলি কৰিছে।সামাজিক বদলিকৰণৰ মুখ্য বন সংৰক্ষক ৰেড্ডিছ মিশ্ৰক অতিৰিক্ত প্ৰধান মুখ্য বন সংৰক্ষক পদলৈ বদলি কৰিছে।মুখ্য বন সংৰক্ষক (কেম্পা) সৈত্যেন্দ্ৰ সিঙক অতিৰিক্ত প্ৰধান বন সংৰক্ষক পদলৈ বদলি কৰাৰ লগতে উজনি অসম চক্ৰৰ বন সংৰক্ষক এন আনন্দক মুখ্য বন সংৰক্ষক ৰূপে বদলি কৰিছে।দেৰাডুনৰ চিএএছএফঅএছৰ ডেপুটেশ্যনত থকা ড০ শ্ৰীৰমেশ্বৰক মুখ্য বন সংৰক্ষক পদলৈ পদোন্নতি কৰিছে।

আনহাতে উত্তৰ অসম চক্ৰৰ বন সংৰক্ষক যতীন্দ্ৰ শৰ্মাক মুখ্য বন সংৰক্ষক পদলৈ পদোন্নতি দিয়া হৈছে।বন সংৰক্ষক ছলমান উদ্দিন চৌধুৰীক মুখ্য বন সংৰক্ষক ৰূপে বদলি কৰিছে।নগাঁও সংমণ্ডলৰ ডিএফঅ’ ৰাজেন চৌধুৰীক বন সংৰক্ষক পদলৈ পদোন্নতি কৰা হৈছে।
কোকৰাঝাৰৰ অতিৰিক্ত প্ৰধান মুখ্য সংৰক্ষক অনিন্দ স্বৰ্গীয়াৰীক প্ৰশাসন আৰু ভিজিলেন্সৰ অতিৰিক্ত প্রধান মুখ্য বন সংৰক্ষক পদলৈ বদলি কৰা হৈছে।এপিচিচিএফ সন্দীপ কুমাৰক নামনি অসম সংমণ্ডলৰ অতিৰিক্ত প্ৰধান মুখ্য বন সংৰক্ষক পদলৈ বদলি কৰাৰ লগতে চিচিএফ অনুৰাগ সিঙক বিটিআৰৰ চিচিএফ হিচাপে বদলি কৰা হৈছে।

এপিচিচিএফ এছ পি বৈশিষ্টক সামাজিক বদলিকৰণৰ অতিৰিক্ত পিচিচিএফ পদলৈ আৰু বন সংৰক্ষক বংকিম শৰ্মাক তেজপুৰৰ বন সংৰক্ষক পদলৈ বদলি কৰা হৈছে।সীমান্ত আৰু সুৰক্ষা বন সংৰক্ষক পদত থকা মজিদুল হুছেইনক বন্যপ্ৰাণী বন সংৰক্ষক ৰূপে বদলি কৰাৰ লগতে ডিচিএফ ভি বসন্থনক নগাঁও সংমণ্ডলৰ ডিএফঅ’ হিচাপে নিয়ুক্তি দিয়া হৈছে।