অসমীয়া নাৰীৰ অদম্য সাহসৰ প্ৰতীক মূলা গাভৰুৰ কথাৰে..

অসমত আহোম ৰাজত্বকালৰ পৰা বৰ্তমানলৈকে যি কেইগৰাকী নাৰীয়ে নিজৰ দেশ তথা জাতিৰ স্বাধীনতা ৰক্ষাৰ বাবে বিদেশী শাসনকৰ্তা তথা আক্ৰমণকাৰীৰ বিৰুদ্ধে হাতত অস্ত্ৰ লৈ সমুখ সমৰত প্ৰাণ ত্যাগ কৰি শ্বহীদ হৈছে সেই নাৰীসকলৰ সংখ্যা পুৰুষ সকলতকৈ নগন্য যদিও ইতিহাসৰ পাতত জিলকি আছে আৰু ভৱিষ্যতেও থাকিব। আহোম ৰাজত্বকালৰ প্ৰায়বোৰ ঘটনাবহুল দিনপঞ্জীৰ পাতে পাতে লিখা আছে বীৰ- বীৰাঙ্গনাসকলৰ জীৱন কৃতি। এই বীৰ বীৰাঙ্গনাসকলে স্বদেশ আৰু স্বজাতিৰ হকে হাঁহি মুখে মৃত্যুবৰণ কৰিছে। মূলাগাভৰু হ’ল তেনে এগৰাকী বীৰাঙ্গনা নাৰী।

 

 

ইতিহাসৰ পাত মেলিলে দেখা যায় এখন দেশ, এটা জাতিৰ বিভিন্ন দিশৰ অগ্ৰগতিত একোগৰাকী নাৰীৰ অতুলনীয় অৱদান আছে৷ মধ্যযুগত আহোম ৰাজত্বকালতো বহুকেইগৰাকী সাহসী আৰু মহিয়সী নাৰীৰ মহিমাৰ ঐশ্বর্যই স্বর্ণাভ ইতিহাস ৰচনা কৰি গৈছে৷ তাৰে ভিতৰত ব্যতিক্ৰমী সত্বাৰে ত্যাগ আৰু সাহসেৰে নিজৰ নাম মচিব নোৱাৰাকৈ লিপিবদ্ধ কৰা এগৰাকী নাৰী হ’ল বীৰাঙ্গনা মূলাগাভৰু ৷

 

প্ৰৱল প্ৰতাপী মোগল সৈন্যৰ বিৰুদ্ধে যুঁজ দি যুদ্ধক্ষেত্ৰত প্ৰাণত্যাগ কৰা বীৰাঙ্গনা মূলাগাভৰু কেৱল নিজ পতিৰ থকা অতুলনীয় প্ৰেমৰ বাবেই নহয় প্ৰৱল স্বদেশানুৰাগেৰে উজ্জ্বীৱিত এগৰাকী শক্তিশালী অসমীয়া নাৰী৷

 

দিহিং পাৰৰ ছৰগুৱাত কাঠ-বাঁহৰ ৰাজকাৰেঙত জন্ম হোৱা আহোম কুঁৱৰী মূলাগাভৰু আছিল চাওফা চুপিমফাৰ কন্যা অৰ্থাৎ জেষ্ঠ্য ভাতৃ স্বৰ্গদেউ চুহুংমুং ৰজাৰ দিনৰ মন্ত্ৰী ফ্ৰা-চ্যেং মৌঙ বৰগোহাঁইৰ পত্নী। যিগৰাকী নাৰীৰ বীৰত্বৰ বাবে মোগল সাম্ৰাজ্যৰ অধীনলৈ যোৱাৰ পৰা
ৰক্ষা পৰিছিল আহোম ৰাজ্য। ইতিহাসৰ পাতত উল্লেখ আছে যে, চুহুংমুং ৰজাৰ সময়ত আহোম ৰাজ্য বহুবাৰ আক্ৰমণ কৰিছিল মোগলে। সেই যুদ্ধত বহুকেইগৰাকী আহোম ৰাজ বিষয়াই প্ৰাণ হেৰুৱাইছিল। তেনে সময়তে ৰজাই ফ্ৰা-চ্যেং-মৌঙ বৰগোহাঁইক সেনাপতি পাতি তুৰ্বকৰ বিৰুদ্ধে যুঁজ দিবলৈ নিৰ্দেশ দিয়াৰ কথা পত্নী মূলা গাভৰুক জনোৱাৰ লগতে কৱচ কাপোৰ বিচৰাত ঋতুমতী হৈ থকা বাবে স্বামীক কৱচ কাপোৰ বৈ দিব নোৱাৰিলে মূলাই। ইফালে বৈ থোৱা কাপোৰো পেৰাত নাছিল। ফলত এক আশংকাই বেৰি ধৰিলে মূলা গাভৰুক। যাৰ বাবে স্বামীৰ লগতে মূলা গাভৰুৱেও যুদ্ধ ক্ষেত্ৰলৈ যাবলৈ বিচৰাত ফ্ৰা-চেং-মৌঙে কৈছিল-
যুদ্ধক্ষেত্ৰ নাৰীৰ বাবে নহয়, তুমি মোৰ চেংনাং।

তাৰ পাছত স্বামীৰ যাত্ৰাপথত বাধা নিদিলে যদিও অজানিত আশঙ্কাত মূলা গাভৰুৰ হৃদয়ত কঁপনি উঠিছিল। উল্লেখ্য যে, কবচ কাপোৰ আহোম সৈন্যৰ আত্মৰক্ষাৰ কৱচ। বিয়া চকলং কৰোতে কইনাই দৰাৰ হাতত হেংদাং তুলি দি কয়- এই অস্ত্ৰেৰে নিজৰ দেশ, নিজৰ পুত্ৰ-ভাৰ্য্যা, ঐশ্বৰ্য আৰু আত্মৰক্ষা কৰিবলৈ সমৰ্থ হওক। দৰাই এশ এগছি জ্বলন্ত চাকিক সাক্ষী কৰি দেশ-জাতি-পুত্ৰ ভাৰ্য্যা আৰু আত্মৰক্ষা কৰিবলৈ হাতত হেংদাং লৈ সঙ্কল্প গ্ৰহন কৰে। একে ৰাতিৰ ভিতৰতে কপাহ নেওথি, পাঁজি-বাটি, সূতা কাটি , তাঁত লগাই, বৈ উলিয়াব লাগে কৱচ কাপোৰ। এই কাপোৰখন লেংডন দেৱতা আৰু উপৰি পুৰুষক সুঁৱৰি লব লাগে। এই কাপোৰ খন টঙালি স্বৰূপে ব্যৱহাৰ কৰে, কৱচ কাপোৰ গাত থাকিলে আহোম সৈন্যই নিজকে অজেয় বুলি ভাবে। এই গভীৰ বিশ্বাস আৰু দৃঢ়তাৰেই খনে খনে ৰণত বিজয়ী হৈ আহোম সৈন্যই ৰাজ্যৰ সমৃদ্ধি বৃদ্ধি কৰিছিল।

ঋতুমতী হৈ থকাত মূলা গাভৰুৱে বঙহৰদেওক লগত কৱচ দি পঠিয়াব নোৱাৰিলে। ফ্ৰাচেংমুং যুদ্ধলৈ যোৱাৰ সাত দিনৰ পাছত মূলাই খৱৰ পালে তেওঁৰ স্বামী ৰণথলীত মৃত্যু মুখত পৰিছে । শোকত ভাগি পৰিছিল, কিন্তু প্ৰতিজ্ঞাবদ্ধ হ’ল যে যি সকলে তেওঁৰ স্বামীক হত্যা কৰিছে, যিসকলে আহোমৰ স্বাধীনতা হস্তগত কৰিবলৈ উঠি পৰি লাগিছে, সেই শত্ৰু সেনাৰ বিৰুদ্ধে তেওঁ যুঁজ দিবলৈ যাব। সেয়া আছিল মুছলমান সকলে পঞ্চম বাৰ আহোম ৰাজ্য আক্ৰমণ। সেই যুদ্ধত মূলা গাভৰুৰ স্বামী ফ্ৰাচেংমুঙৰ মৃত্যু হৈছিল। স্বামীৰ মৃত্যুৰ খবৰ পাই স্থিৰেৰে থাকিব নোৱাৰিলে মূলাগাভৰু। স্বামীসন্তা তুৰ্বকক প্ৰতিশোধ লবলৈ ঘোঁৰাত উঠি সাজু হৈ ৰণ হুংকাৰ দিলে এনেদৰে –
“আজি হেংদান আৰু ক্লাংফাইত মুঠি ধৰি সকলো আগুৱাই আহা নিজৰ সোণোৱালী দেশক ৰক্ষাৰ বাবে”। দুয়োপক্ষৰ মাজত চাৰিদিন একেৰাহে তয়াময়া যুদ্ধ চলিল। মূলাগাভৰুৰ আগমণত অধিক পৰাক্ৰমেৰে যুঁজ কৰিলে আহোম সেনাই। তুৰ্বকৰ লগত যুদ্ধ কৰি থাকোঁতেই এক মোগল যুদ্ধা আহি অতৰ্কিতে মূলাৰ বুকুলৈ শেল নিক্ষেপ কৰাত তেজেৰে তুমুৰলি হৈ মূলাগাভৰুৱে প্ৰাণ ত্যাগ কৰিলে যুদ্ধক্ষেত্ৰত। তাকে দেখি গৰজি উঠিল আহোম সেনা। কনচেং বৰপাত্ৰগোঁহাইৰ নেতৃত্বত আহোম সেনাই মোগল সেনাক খেদি খেদি পৰাভূত কৰিলে। কনচেং বৰপাত্ৰ গোহাঁইৰ হাতত মৃত্যু হ’ল তুৰ্বকখান। যুদ্ধত যদিও মূলাগাভৰুৰ মৃত্যু হ’ল তথাপিও কিন্তু এইগৰাকী অদম্য সাহসী নাৰীৰ আগমণে আহোম সৈন্যক অধিক শক্তিশালী কৰি তুলিলে। ফ্ৰাচেং মৌঙ বৰগোহাঁইৰ মৃত্যুৰ পাছদিনাই হয়তু আহোম ৰাজ্য মোগলৰ হাতলৈ গুচি গল হেতেন যদিহে বীৰত্বৰে মূলাগাভৰু যুদ্ধক্ষেত্ৰলৈ ওলাই নাহিলহেতেন। এইগৰাকী মহান মহিয়সী নাৰীৰ আত্মবলিদানৰ বাবেই ৰক্ষা পৰিল আহোম ৰাজ্য। সেয়েহে ইতিহাসৰ পাতত মহান বীৰাঙ্গনা মূলাগাভৰুৰ পতিভক্তি, দেশ আৰু জাতিপ্ৰেমে আজিও জিলিকি আছে সগৌৰৱে।

দেশ ৰাখিবলৈ মূলাগাভৰুৱছ হাতত হেংদান তুলি লৈ অসমীয়া নাৰীৰ কালজয়ী বীৰত্ব প্ৰদৰ্শন কৰিলে আৰু যুদ্ধত প্ৰাণত্যাগ কৰিলে। সাতসৰী অসম বুৰঞ্জীত উল্লেখ আছে যে -“তুৰ্বকৰ যুদ্ধত মূলাগাভৰু মৃত্যু, সেই যুদ্ধত আমাৰ ফ্ৰাছেং মৌং বৰগোহাঞি পৰিল। ঘৈনীয়েক ৰজাৰ জীয়ো পৰিল। গৰ্গয়া ৰজাৰো পিছত এঘা হাতত ওঘা মাৰিলে। মহাৰণ হ’ল।” মূলাগাভৰু মৃত্যু হ’ল যদিও সেই মৃত্যুৱে অমৰত্ব লাভ কৰিলে। মূলাৰ সেই মৃত্যু অপৰাজেয়, যি মৃত্যুৱে এটা জাতিক জীয়াই থাকিবলৈ সাহস দিলে। মূলাগাভৰুৰ ত্যাগ, সাহস তথা দেশৰ প্ৰতি থকা অগাধ ভালপোৱাৰ কথা সোঁৱৰি বুৰঞ্জীবিদ সৰ্বানন্দ ৰাজকোঁৱৰে তেওঁৰ “ইতিহাসে সোঁৱৰা ছশটা বছৰ” গ্ৰন্থত লিপিবদ্ধ কৰিছে -“মূলাগাভৰুক ফ্ৰান্সৰ জোৱান অৱ আৰ্কৰ লগত তুলনা কৰিব পাৰি”। আকৌ দুখেৰে কৈছে -‘জোৱান অৱ আৰ্কৰ পৰাক্ৰম সৰ্বজন বিদিত কিন্তু মূলাগাভৰুৰ নাম জনা মানুহ নাই বুলিলেই হয়’। সঁচাই অতি পৰিতাপৰ কথা- যি জাতিৰ হকে, যি দেশৰ হকে মূলাই নিজৰ জীৱন দান দি গ’ল সেই জাতিৰ জনগণে আজিও এই মহিয়সী নাৰীগৰাকীৰ আদৰ্শ , ত্যাগ, সাহসিকতা আৰু বীৰত্বক প্ৰকৃত মৰ্যদা দি বিশ্বৰ প্ৰেক্ষাপটত জিলিকাই তুলিবলৈ সক্ষম হোৱা নাই। অসমীয়াৰ বাবে ইয়াতকৈ দুৰ্ভাগ্যজনক, লজ্জাজনক আৰু কি হ’ব পাৰে? ইতিহাসৰ পৰা আমি শিক্ষা লোৱা উচিত। যি জাতিয়ে নিজৰ পৰা শিপাৰ পৰা বিচ্ছিন্ন হ’বলৈ আগবাঢ়ি যায় সেই জাতিৰ অস্তিত্ব নিশ্চিহ্ন হ’বলৈ বেছি পৰ নালাগে। কিমান প্ৰচণ্ড সাহস আৰু দেশপ্ৰেম থাকিলে এগৰাকী নাৰীয়ে নিশ্চিত মৃত্যুৰ কথা জানিও দেশ জাতিৰ ৰক্ষাৰ বাবে আগুৱাই যাব পাৰে তাৰেই প্ৰমাণ মূলা গাভৰু।

কিন্তু অতি পৰিতাপৰ কথা যে বীৰাঙ্গনা মূলাগাভৰুৰ সাহস, পতিভক্তি তথা দেশ প্ৰেমৰ কথা আজি যিদৰে প্ৰচাৰ আৰু প্ৰসাৰ হ’ব লাগিছিল তেনেদৰে হোৱা পৰিলক্ষিত হোৱা নাই। আজি হয়তো শ্ল’গানতে আৱদ্ধ আছে -“কোনে কয় মূলা নাই, হাজাৰ মূলা আগুৱাই”। ৰজাঘৰেও বীৰাঙ্গনা মূলাগাভৰুৰ স্মৃতি যুগমীয়া কৰিবলৈও বিশেষ পদক্ষেপ গ্ৰহণ কৰা পৰিলক্ষিত হোৱা নাই। তাৰ বিপৰীতে টাই আহোম জনগোষ্ঠীয় সংগ্ৰামী সংগঠন টাই আহোম যুৱ পৰিষদ অসমৰ চৰাইদেউ জিলা সমিতিয়ে প্ৰৱল প্ৰতাপী মোগল সৈন্যৰ বিৰুদ্ধে যুঁজ দি যুদ্ধক্ষেত্ৰত প্ৰাণত্যাগ কৰা বীৰাঙ্গনা মূলাগাভৰুৰ জীৱনাদর্শ, বলিষ্ঠ ভূমিকা আৰু ত্যাগক গভীৰ শ্ৰদ্ধা আৰু উচিত মর্য্যদাৰে সুঁৱৰি ২০১৩ বর্ষৰপৰা ক্ৰমাগতভাৱে ঐতিহ্যমণ্ডিত সোণাৰি নগৰত অনুষ্ঠিত কৰি আহিছে “বীৰাঙ্গনা মূলাগাভৰু স্মৃতি দিৱস আৰু বঁটা প্ৰদান অনুষ্ঠান”৷ অসমৰ সমাজ জীৱন, শিক্ষা, সাহিত্য আৰু নাৰীৰ উত্তৰণৰ বাবে বিশেষ অৱদান আগবঢ়োৱা বৰেণ্যা নাৰী প্ৰয়াত চিত্ৰলতা ফুকন(২০১৩), বীৰুবালা ৰাভা(২০১৪), নিৰুপমা বৰগোহাঞি(২০১৫) ড০ অনিমা গুহ(২০১৬) আৰু ড০ সুখ বৰুৱা(২০১৭), অসমৰ বিশিষ্ট সংগীতশিল্পী, সুকণ্ঠী গায়িকা দিপালী বৰঠাকুৰক (২০১৮), বিশিষ্ট অভিনেত্ৰী মৃদুলা বৰুৱা (২০১৯) ক ইতিমধ্যে প্ৰদান কৰা হৈছে বীৰাঙ্গনা মূলাগাভৰু বঁটা৷ টাই আহোম গণনা অনুসৰি ব’হাগৰ ১৬ তাৰিখ অৰ্থাৎ ৩০ এপ্ৰিলত এইগৰাকী মহিয়সী নাৰীৰ মৃত্যু হোৱা বুলি টাই পণ্ডিত সকলে নিৰ্দিষ্ট কৰাত এই দিনটোতে বীৰাঙ্গনা মূলাগাভৰু স্মৃতি দিৱস অনুষ্ঠিত হৈ আহিছে। আশা কৰিছোঁ এইগৰাকী মহিয়সী নাৰীৰ অদম্য সাহস তথা জীৱন আদৰ্শক বিশ্বৰ প্ৰেক্ষাপটত তুলি ধৰিবলৈ সুধী সমাজ তথা চৰকাৰে কাৰ্যকৰী পদক্ষেপ গ্ৰহণ কৰিব।

দেশ মাতৃৰ দুৰ্যোগৰ সময়ত স্বদেশ আৰু স্বজাতিৰ স্বাৰ্থত নাৰী সেনানী গঠন কৰি নিজেই নেতৃত্ব দি ষোড়শ শতিকাতেই নাৰী শক্তিক জাগ্ৰত কৰি মূলাগাভৰুৱে নিজৰ নাম ইতিহাসৰ পাতত যুগমীয়া কৰি গৈছে। উঠি অহা প্ৰজন্মই মূলাগাভৰুৰ লগতে দেশ তথা জাতিৰ হকে আত্মবলিদান দিয়া বীৰ-বীৰাঙ্গনাসকলৰ মহান আদৰ্শক বিশ্বৰ জনতাৰ মঞ্চত যুক্তিৰ আধাৰত জিলিকাই তুলিবলৈ আহ্বান জনাইছো। মূলাগাভৰুৰ আদৰ্শ, ত্যাগ, অসাধাৰণ ব্যক্তিত্ব তথা দেশ মাতৃৰ প্ৰতি থকা ভালপোৱাই যুগে যুগে অসমীয়া জাতিক উদ্বুদ্ধ কৰি ৰাখিব, অসমীয়াৰ প্ৰেৰণা হৈ জনগণৰ বুকুত জিলিকি থাকিব। আহক আমি সকলোৱে নাৰী শক্তিক জাগ্ৰত কৰা বীৰাঙ্গনা মূলাগাভৰুৰ আদৰ্শ গ্ৰহণ কৰো।

লেখাটো প্ৰস্তুত কৰিলে চৰাইদেউৰ পৰা অভিজিৎ ভূঞাই..

Share on whatsapp
WhatsApp
Share on facebook
Facebook
Share on twitter
Twitter
Share on email
Email

পবিত্ৰ ৰাম নৱমীৰ শুভেচ্ছা জ্ঞাপন কৰিলে ৰাষ্ট্ৰপতিয়ে

আজি ৰাম নৱমী।এই ৰাম নৱমী হিন্দু ধর্মৰ এক পবিত্ৰ উৎসৱ।এই উৎসৱ ভগৱান ৰামৰ জন্মৰ লগত জৰিত।ৰাম নৱমী উপলক্ষে বিভিন্ন ঠাইত পূজা অৰ্চনা কৰা হৈছে।এই ৰাম নৱমী শুক্লপক্ষৰ নৱমী তিথিত পালন কৰা হয়।

ৰাম নৱমী উপলক্ষে দেশৰ প্ৰধানমন্ত্ৰী নৰেন্দ্ৰ মোদীয়ে দেশবাসীক শুভেচ্ছা জনায় কয় যে ভগৱান ৰামৰ আৰ্শীবাদ দেশবাসীৰ প্ৰতি সদায় বৰ্তি থাকক।আনহাতে এই সম্পৰ্কত ৰাষ্ট্ৰপতি ৰামনাথ কবীন্দ্ৰে এনেদৰে কয় ৰামৰ ধৰ্মই আমাক সদায় অনুপ্ৰাণিত কৰি আহিছে।ন্যায় আৰু মানৱীয় গুণৰ বাবে ৰামৰ আদৰ্শই যুগ যুগ ধৰি সকলোকে অনুপ্ৰেৰণা যোগাব।

কেন্দ্ৰীয় বাঁহ গোঁসাই উৎসৱৰ সফল সামৰণি

সদৌ অসম শৰণীয়া কছাৰী ছাত্ৰ সন্থাৰ উদ্যোগত আৰু দৰঙাজুলি আঞ্চলিক শৰণীয়া-কছাৰী ছাত্ৰ সন্থাৰ সহযোগত বাক্সা জিলাৰ তামুলপুৰ মহকুমাৰ কুমাৰীকাটা মিঠাৰাম দাস সমন্বয় ক্ষেত্ৰত সোমবাৰৰ পৰা দুদিনীয়া বৰ্ণাঢ্য কাৰ্যসূচীৰে অনুষ্ঠিত হোৱা শৰণীয়া কছাৰী জনগোষ্ঠীৰ কেন্দ্ৰীয় বাঁহ গোঁসাই উৎসৱৰ মঙলবাৰে সফল সামৰণি পৰে।

মঙলবাৰে পুৱাৰে পৰা নামনি অসমৰ জিলা কেইখনৰ পৰা শৰণীয়া-কছাৰী জনগোষ্ঠীৰ লোকসকলে পৰম্পৰাগত সাজ পৰিধান কৰি একোডাল বাঁহ গোঁসাই লৈ ঢোল ,তাল,শংখ, দবা আদিৰ শব্দৰে মুখৰিত কৰি কেন্দ্ৰীয় বাঁহ গোসাইস্থলীত উপস্থিত হয়।বাক্সা জিলাৰ তামুলপুৰ মহকুমাৰ কুমাৰীকাটাৰ শৰণীয়া কছাৰী জনগোষ্ঠীৰ কেন্দ্ৰীয় বাঁহ গোঁসাই উৎসৱস্থলী মিঠাৰাম দাস সমন্বয় ক্ষেত্ৰ এক তীৰ্থ ক্ষেত্ৰলৈ পৰিণত হয়।

বিভিন্ন প্ৰান্তৰ পৰা শতাধিক বাঁহ গোঁসাই সজাই-পৰাই এক মাঙ্গলিক পৰিৱেশেৰে উৎসৱস্থলীত নিৰ্মাণ কৰা গোঁসাই ঘৰত স্থাপন কৰে। ইয়াৰ আগতে বাঁহ গোঁসাই লৈ উৎসৱস্থলীত উপস্থিত হোৱা দল সমূহে নিজৰ নিজৰ দলৰ বাঁহ গোঁসাই লৈ কুমাৰীকাটা চহৰৰ মাজেৰে পাঁচ কিলোমিটাৰ জোৰা পথ সমদল কৰি পানবাৰী-বাটাবাৰী হৈ পুনৰ উৎসৱস্থলীত উপস্থিত হয়।
সম্পূৰ্ণ কোভিড প্ৰট’কল মানি শৰণীয়া কছাৰী জনগোষ্ঠীৰ কেন্দ্ৰীয় বাঁহ গোঁসাই উৎসৱ পালন কৰা হয় ।

গ্ৰাম্যাঞ্চলত সেৱা আগবঢ়াব বেটাৰ লাইফ মেডিকেল চেণ্টাৰে

পূব আৰু উত্তৰ-পূব ভাৰতৰ কেইখনমান শীৰ্ষ চিকিৎসা প্ৰতিষ্ঠানৰ সৈতে কাম কৰি থকা এগৰাকী চিকিৎসকে চাকৰি এৰি অসমৰ ওদালগুৰি জিলাৰ দুৰৱৰ্তী স্থানত চিকিৎসা সুবিধা আৰম্ভ কৰিছে।সমাজৰ সুবিধা পৰা বঞ্চিত লোক সকলক অন্তিম মাইল স্বাস্থ্য সেৱা প্ৰদান লক্ষ্যৰে গাইনোকোলজিষ্ট ডাঃ সায়ন্তনী ভট্টাচাৰ্যই অসমৰ ওদালগুৰি জিলাৰ পানেৰীত বেটাৰ লাইফ মেডিকেল চেণ্টাৰ স্থাপন কৰিছে। আজি গুৱাহাটীৰ প্ৰেছ ক্লাৱত সংবাদ মাধ্যমৰ লোক সকলক সম্বোধন কৰি ডাঃ ভট্টাচাৰ্যই কয় যে পানেৰীৰ কেন্দ্ৰটো তেওঁৰ ষ্টাৰ্টআপ বেটাৰ হেলথকেয়াৰ এটা দ্যা লাষ্ট মাইলৰ ফ্লেপশ্বিপ ইউনিট।

চলিত বৰ্ষত ১৪ ফেব্ৰুৱাৰীত নামনি অসমৰ অন্যতম বৃহৎ চাহ বাগিচাৰ কৰিডৰ,আৰু চাহ জনজাতি আৰু অন্যান্য সম্প্ৰদায়ৰ এক বৃহৎ জনসংখ্যাই বাস কৰা পানেৰীত বেটাৰ লাইফ মেডিকেল চেণ্টাৰ উদ্বোধন কৰিছোঁ।বেটাৰ লাইফ মেডিকেল চেণ্টাৰত এটা মাল্টি স্পেচিয়েলিটি ফেমিলি ক্লিনিক ডায়গনষ্টিক চেণ্টাৰ আৰু এখন ফাৰ্মাচী আছে।

উল্লেখযোগ্য যে কেন্দ্ৰটোত আলট্ৰাচাউণ্ড,ইচিজি, স্বাস্থ্য পৰীক্ষা,ফাৰ্মাচী,নেবুলাইজেচন বেজী সেৱা অক্সিজেন, চিকিৎসা কোঠা সকলো উপলব্ধ।ইয়াৰ উপৰিও ৰেডিঅ’লজিষ্ট,চকু বিশেজ্ঞ,ফিজিঅ থেৰাপিষ্ঠ,ডায়েটিশিয়ান,শিশু বিশেষজ্ঞৰ সেৱা উপলব্ধ।

ৰাজ্যত বলবৎ হৈছে ক’ভিড সম্পৰ্কীয় নতুন নিৰ্দেশনা

আজি অনুষ্ঠিত হয় ক`ভিডৰ নিদেৰ্শনা সম্পৰ্কীয় মুখ্য সচিব আৰু আৰক্ষী সঞ্চালক প্ৰধানৰ সংবাদমেল।সংবাদমেলৰ সিদ্ধান্ত সমূহ হ`ল এনেধৰণৰ -জিলা প্ৰশাসনৰ অনুমতি লৈহে অনুষ্ঠান অনুষ্ঠিত কৰিব পাৰিব ।বন্ধ কোঠাৰ অনুষ্ঠানত ৫০% লোকহে উপস্থিত থাকিব পাৰিব।বিবাহ আদিত ১০০তকৈ অধিক উপস্থিত থাকিব নোৱাৰিব।মৃতকৰ শেষকৃত্যত ২০ জনতকৈ অধিক উপস্থিত থাকিব নোৱাৰিব।আনহাতে ধৰ্মীৰ অনুষ্ঠানত প্ৰতি ঘণ্টাত ২০ গৰাকীহে উপস্থিত থাকিব পাৰিব।বিখ্যাত ধৰ্মীয় অনুষ্ঠানৰ ক্ষেত্ৰত ৫০ গৰাকী লোকক অনুমতি দিয়া হৈছে।ৱৰ্ক ফ্ৰম হোম আৰু ভাৰ্চুৱেল পদ্ধতিৰ কাম কাজত প্ৰাধান্য।চৰকাৰী-বেচৰকাৰী প্ৰতিষ্ঠানত ৫০% কৰ্মচাৰীয়ে কাম সম্পাদনাৰ নিৰ্দেশ।প্ৰতিষ্ঠানৰ বিষয়াই নিজৰ কাৰ্য্যালয়ত অনুষ্ঠিত কৰিব নোৱাৰিব সভা।গৰ্ভৱতী মহিলাক ঘৰৰ পৰাই কাম কৰা অনুমতি প্ৰদান।৫ বছৰ তলৰ শিশুৰ মাতৃক ঘৰৰ পৰা কাম কৰা অনুমতি।কৰ্মক্ষেত্ৰত সম্পূৰ্ণৰূপে সামাজিক দূৰত্ব মানি চলিব লাগিব ।প্ৰৱেশ-প্ৰস্থানস্থলীত থাৰ্মেল স্কেনিং হেণ্ড ছেনিটাইজাৰ থাকিব লাগিব ।আইন অমান্য কৰিলে কঠোৰ হ`ব প্ৰশাসন।ইয়াৰ উপৰিও পুলিচক মাস্ক যোগান ধৰিবলৈও নিৰ্দেশ জাৰি কৰিছে।আৰক্ষী সাংবাদিক শিক্ষকক প্ৰধান শাৰীৰ যোদ্ধা বিবেচনা কৰিবলৈ কেন্দ্ৰীয় চৰকাৰক অনুৰোধ জনাইছে ৰাজ্য চৰকাৰে।

পুনৰ সজাই তোলা হৈছে অস্থায়ী ক`ভিড চেন্টাৰ সমূহ

ৰাজ্যখনত ক’ৰনা সংক্ৰমণৰ ঘটনা ব্যাপক হাৰত বৃদ্ধি পোৱাৰ বিষয়টোৱে সকলোকে উদ্বিগ্ন কৰি তুলিছে। দৈনিক সংক্ৰমণৰ হাৰ প্ৰতিদিনে বৃদ্ধি পাই আহিছে।ইয়াৰ মাজতে ৰাজ্যৰ স্বাস্থ্য বিভাগে পুনৰ জালুকবাৰী আৰু সৰুসজাইৰ অস্থায়ী ক’ভিড কেয়াৰ চেন্টাৰ সমূহ সাজু কৰি তুলিছে।

জালুকবাৰীৰ চৰকাৰী আয়ুৰ্বেদিক চিকিৎসা মহাবিদ্যালয় ক’ভিড ৰোগীৰ বাবে পুনৰ সাজু কৰি তোলা হৈছে।জালুকবাৰীৰ চৰকাৰী আয়ুৰ্বেদিক চিকিৎসা মহাবিদ্যালয়ৰ অধ্যক্ষ ডাঃ ৰমাকান্ত শৰ্মাই জানিবলৈ দিয়া মতে মহাবিদ্যালয়খনত ১০০ খন বিছনা ক’ভিড ৰোগীৰ বাবে সাজু কৰি তোলা হৈছে।

ইয়াৰ উপৰিও, ইয়াত ১৪ টা আই চি ইউ কক্ষ আৰু ৩৩ খন অক্সিজেনযুক্ত বিছনাৰ ব্যৱস্থা কৰা হৈছে।আনহাতে ৰাজ্যৰ স্বাস্থ্য বিভাগে মহানগৰীৰ সৰুসজাই ষ্টেডিয়ামৰ অস্থায়ী ক’ভিড হাস্পাতালখন পুনৰ সাজু কৰি তুলিছে।সৰুসজাইৰ কৰ্মবীৰ নবীন চন্দ্ৰ বৰদলৈ ষ্টেডিয়ামত ৪০০ খন বিছনাযুক্ত অস্থায়ী ক’ভিড কেয়াৰ চেন্টাৰটো সাজু কৰি তুলিবলৈ ক্ষিপ্ৰতাৰে কাম কৰি থকা হৈছে।

ৰাজ্যৰ বন বিভাগত সালসলনি ঘটিছে

ৰাজ্যৰ বন বিভাগত সালসলনি ঘটিছে।শিলচৰৰ মুখ্য বন সংৰক্ষক সুমন মহাপাত্ৰক অতিৰিক্ত প্ৰধান মুখ্য বন সংৰক্ষক ৰূপে বদলি কৰিছে।সামাজিক বদলিকৰণৰ মুখ্য বন সংৰক্ষক ৰেড্ডিছ মিশ্ৰক অতিৰিক্ত প্ৰধান মুখ্য বন সংৰক্ষক পদলৈ বদলি কৰিছে।মুখ্য বন সংৰক্ষক (কেম্পা) সৈত্যেন্দ্ৰ সিঙক অতিৰিক্ত প্ৰধান বন সংৰক্ষক পদলৈ বদলি কৰাৰ লগতে উজনি অসম চক্ৰৰ বন সংৰক্ষক এন আনন্দক মুখ্য বন সংৰক্ষক ৰূপে বদলি কৰিছে।দেৰাডুনৰ চিএএছএফঅএছৰ ডেপুটেশ্যনত থকা ড০ শ্ৰীৰমেশ্বৰক মুখ্য বন সংৰক্ষক পদলৈ পদোন্নতি কৰিছে।

আনহাতে উত্তৰ অসম চক্ৰৰ বন সংৰক্ষক যতীন্দ্ৰ শৰ্মাক মুখ্য বন সংৰক্ষক পদলৈ পদোন্নতি দিয়া হৈছে।বন সংৰক্ষক ছলমান উদ্দিন চৌধুৰীক মুখ্য বন সংৰক্ষক ৰূপে বদলি কৰিছে।নগাঁও সংমণ্ডলৰ ডিএফঅ’ ৰাজেন চৌধুৰীক বন সংৰক্ষক পদলৈ পদোন্নতি কৰা হৈছে।
কোকৰাঝাৰৰ অতিৰিক্ত প্ৰধান মুখ্য সংৰক্ষক অনিন্দ স্বৰ্গীয়াৰীক প্ৰশাসন আৰু ভিজিলেন্সৰ অতিৰিক্ত প্রধান মুখ্য বন সংৰক্ষক পদলৈ বদলি কৰা হৈছে।এপিচিচিএফ সন্দীপ কুমাৰক নামনি অসম সংমণ্ডলৰ অতিৰিক্ত প্ৰধান মুখ্য বন সংৰক্ষক পদলৈ বদলি কৰাৰ লগতে চিচিএফ অনুৰাগ সিঙক বিটিআৰৰ চিচিএফ হিচাপে বদলি কৰা হৈছে।

এপিচিচিএফ এছ পি বৈশিষ্টক সামাজিক বদলিকৰণৰ অতিৰিক্ত পিচিচিএফ পদলৈ আৰু বন সংৰক্ষক বংকিম শৰ্মাক তেজপুৰৰ বন সংৰক্ষক পদলৈ বদলি কৰা হৈছে।সীমান্ত আৰু সুৰক্ষা বন সংৰক্ষক পদত থকা মজিদুল হুছেইনক বন্যপ্ৰাণী বন সংৰক্ষক ৰূপে বদলি কৰাৰ লগতে ডিচিএফ ভি বসন্থনক নগাঁও সংমণ্ডলৰ ডিএফঅ’ হিচাপে নিয়ুক্তি দিয়া হৈছে।