অসম মেলা কাৰ্যসূচী অনুষ্ঠিত

প্ৰধানমন্ত্ৰী নৰেন্দ্ৰ মোদীয়ে আজি মুখ্যমন্ত্ৰী সৰ্বানন্দ সোনোৱালৰ উপস্থিতিত শোণিতপুৰ জিলাৰ ঢেকীয়াজুলিত ৰাজ্য খনৰ শিক্ষা,স্বাস্থ্য, শিক্ষা আৰু পথ যোগাযোগৰ আন্তঃগাঁথনি শক্তিশালীকৰণৰ দিশত যুগান্তকাৰী দিশৰ সূচনা কৰি বিশ্বনাথ চিকিৎসা মহাবিদ্যালয় আৰু চৰাইদেও চিকিৎসা মহাবিদ্যালয়ৰ আধাৰশিলা আনুষ্ঠানিক ভাৱে স্থাপন কৰা উপৰিও অসম মালা আঁচনিৰ আনুষ্ঠানিক ভাৱে শুভাৰম্ভ কৰে।

উল্লেখ্য যে ৫৬৫ কোটি টকা ব্যয় সাপেক্ষে নিৰ্মাণ হ’বলগীয়া বিশ্বনাথ চিকিৎসা মহাবিদ্যালয়ৰ তথা ৫৫৭ কোটি টকাৰে নিৰ্মাণ হ’ব লগীয়া চৰাইদেউ চিকিৎসা মহাবিদ্যালয়ে উত্তৰ অসম আৰু উজনি অসমৰ স্বাস্থ্য খণ্ডৰ দিশত বিশেষ সা সুবিধা সৃষ্টি কৰিব।তদুপৰি নিৰ্মাণ কাৰ্য সম্পূৰ্ণ হৈ উঠিলে এই দুয়োখন চিকিৎসা মহাবিদ্যালয়ৰ পৰা বছৰি ২০০ গৰাকী এম বি বি এছ চিকিৎসকৰ সৃষ্টি হ’ব।আনহাতে অসম মালা আঁচনিৰ জৰিয়তে ৰাজ্য খনৰ সকলো জিলাৰে বাট পথ তথা দলং ইত্যাদি বিশেষ ভাৱে উন্নতি হ’ব।

দুখন চিকিৎসা মহাবিদ্যালয়ৰ আধাৰশিলা আৰু অসম মালা আঁচনিৰ শুভাৰম্ভ কৰি এই উপলক্ষে আয়োজিত বিশাল জনসভাত প্ৰদান কৰা ভাষণত প্ৰধানমন্ত্ৰী নৰেন্দ্ৰ মোদীয়ে অসমীয়া আৰু অসমৰ থলুৱা বিভিন্ন ভাষাত ৰাইজক সম্ভাষণ জ্ঞাপন কৰে।ভাষণৰ আৰম্ভণিতে প্ৰধানমন্ত্ৰীয়ে আজি কিছু দিনৰ আগতে অসমৰ শোষিত,নিষ্পেষিত থলুৱা জনসাধাৰণৰ মৰম ,স্নেহে তেখেতক বাৰে বাৰে অসমলৈ লৈ আহে বুলি কয়।ভাষণ প্ৰসংগত সৰ্বানন্দ সোনোৱাল নেতৃত্বাধীন চৰকাৰৰ কাৰ্যকালত অসমৰ উন্নয়ন বিশেষ গতি লাভ কৰিছে বুলি কয়। আজি দিনতো অত্যন্ত গুৰুত্বপূৰ্ণ বুলি উল্লেখ কৰি অসমৰ বিভিন্ন ঠাইত নিৰ্মাণ হৈ থকা চিকিৎসা মহাবিদ্যালয়লৈ প্ৰধানমন্ত্ৰীয়ে ১৮০ কোটি টকা আগবঢ়াইছে বুলি মন্ত্ৰী হিমন্ত বিশ্ব শৰ্মাই কয়।লগতে কয় যে জুলাই মাহৰ পৰা উন্নত চিকিৎসা বাবে অসমৰ জনসাধাৰণ দিল্লীলৈ যাব নালাগে।চাংসাৰিতে এই চিকিৎসা লাভ কৰিব পাৰিব।

আজি এই সভাত কেন্দ্ৰীয় খাদ্য সংসাধন দপ্তৰৰ ৰাজ্যিক মন্ত্ৰী ৰামেশ্বৰ তেলী,ৰাজ্য চৰকাৰৰ মন্ত্ৰী ক্ৰমে ৰঞ্জিত দত্ত, অতুল বৰা,কেশৱ মহন্ত,পীয়ুষ হাজৰিকা, নৱ কুমাৰ দলে,বিটিআৰৰ মুখ্য কাৰ্যবাহী সদস্য প্ৰমোদ বড়ো, সাংসদ সকল ক্ৰমে কামাখ্যা প্ৰসাদ তাচ্ছা ,পল্লব লোচন দাস,কুইন ওজা,তপন কুমাৰ গগৈ,দিলীপ শইকীয়া, হাউছফেডৰ অধ্যক্ষ তথা অসম বিধান সভাৰ প্ৰাক্তন অধ্যক্ষ ৰঞ্জিত কুমাৰ দাস,কেইবাগৰাকী বিধায়ক লগতে বহু সংখ্যক গণ্য মান্য ব্যক্তি সকল উপস্থিত থাকে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

এইবাৰ ব্যতিক্ৰমী ৰূপত দেখা যাব জনপ্রিয় অভিনেতা ৰাজকুমাৰ ঠাকুৰীয়াক

অসম বিধানসভাৰ নিৰ্বাচনৰ প্ৰতি লক্ষ্য ৰাখি কামৰূপ জিলা প্ৰশাসনে ৰাজকুমাৰ ঠাকুৰীয়াক ‘ব্ৰেণ্ড এম্বেছাদৰ’ হিচাপে লৈছে।ৰাজকুমাৰ ঠাকুৰীয়াৰ এটা জনপ্ৰিয় গীতৰ আৰ্হিত প্ৰস্তুত কৰা ভিডিঅ’টােত এগৰাকী ছাত্ৰীক ভােটদানৰ প্ৰতি সজাগতা সৃষ্টিৰ বাবে তেওঁ অভিনয় কৰিছে।আন এটা ভিডিঅ’ত ৰাজকুমাৰক দেখা গৈছে ছুপাৰমেনৰ ৰূপত। এজন ভােটাৰক ছুপাৰমেনৰ দৰে প্ৰতীকাত্মক ৰূপত দেখুৱাবলৈ প্ৰয়াস কৰিছে।

উল্লেখ্য যে জিলা প্ৰশাসনে বাটৰ নাটৰ দৰে কাৰ্যসূচী গ্ৰহণ কৰিছে।উল্লেখযোগ্য যে কামৰূপ জিলাৰ পলাশবাৰী সমষ্টিত মিৰ্জাৰ স্থায়ী বাসিন্দা ৰাজকুমাৰ ঠাকুৰীয়াৰ আছে বহু সংখ্যক অনুগামী।তেওঁ অভিনয় কৰা বহু গানে ইতিমধ্যে চ’চিয়েল মিডিয়াত ব্যাপক জনপ্ৰিয়তা লাভ কৰিবলৈ সক্ষম হৈছে।

নাৰী দিৱসত নাৰীসকলে প্ৰেমৰ সৌধত বিনামূলীয়াকৈ প্ৰৱেশ কৰিব পাৰিব

কালি ৮ মাৰ্চত।সমগ্ৰ দেশজুৰি উদযাপিত হ’ব নাৰী দিৱস।এইবাৰ নাৰী দিৱসত নাৰী সকলক বিশেষ সন্মান প্ৰদৰ্শন কৰিছে ভাৰতীয় পুৰাতত্ত্ব সৰ্বেক্ষণে।উল্লেখযোগ্য যে কালি দিনটোত তাজমহল, লালকিল্লা আৰু কুটুব মিনাৰত মহিলাৰ বিনামূলীয়া প্ৰৱেশ কথা ঘোষণা কৰিছে। কালি দিনটোত মহিলা সকলে দেশৰ এই তিনি পৰ্যটন ক্ষেত্ৰত বিনামূলীয়াকৈ প্ৰৱেশ কৰিবলৈ সুযোগ পাব।উল্লেখযোগ্য যে সমগ্ৰ দেশতে নাৰীৰ স্ব অধিকাৰ আৰু মৰ্যাদা প্ৰতিষ্ঠাৰ হকে এই দিৱস পালন কৰি আহিছে।

ৰজা ধৰ্মনাৰায়ণৰ পূৰ্ণ অৱয়ব মূৰ্তি প্ৰতিষ্ঠা

দৰং ৰাজ্যৰ প্ৰতিষ্ঠাপক ৰজা ধৰ্মনাৰায়ণৰ পূৰ্ণ অৱয়ব মূৰ্তি দেওবাৰে ঐতিহাসিক মঙলদৈ চহৰৰ বৰপুখুৰীৰ পাৰত প্ৰতিষ্ঠা কৰা হয়। ১৬০৬ চনতেই দৰং জিলাৰ হাউলীত ৰাজধানী স্থাপন কৰি দৰঙী ৰাজ্য প্ৰতিষ্ঠা কৰা ৰজা ধৰ্মনাৰায়ণ আছিল মহাবীৰ চিলাৰায়ৰ নাতি। যুদ্ধ বিগ্ৰহৰ পৰিৰ্ৱতে প্ৰজা হিতকৰ কামত আত্ম নিয়োগ কৰা ধৰ্মনাৰায়ণে দৰঙত বৃহৎ বৃহৎ পুখুৰী খন্দাইছিল।

দৰঙৰ মঠ মন্দিৰ নিৰ্মাণৰ লগতে সাহিত্য সংস্কৃতি পৃষ্ঠপোষকতা কৰা ৰজা ধৰ্মনাৰায়ণৰ পূৰ্ণ অৱয়ব মূৰ্তি মঙ্গলদৈ চহৰৰ সোঁমাজত বৰপুখুৰীৰ পাৰত স্থাপন কৰা হৈছে। প্ৰখ্যাত ভাস্কৰ্য তথা সুকুমাৰ কলা শিল্পী বীৰেণ সিংহই সাজি উলিওৱা ২২ ফুট উচ্চতাৰ পূৰ্ণ অৱয়ব মূৰ্তিটো উন্মোচন কৰে অসম সাহিত্য সভাৰ প্ৰাক্তন সভাপতি,বিশিষ্ট সাংবাদিক কনকসেন ডেকাই।

ঘোষণা হ`ল কংগ্ৰেছৰ প্ৰথম পৰ্য্যায়ৰ তালিকা

প্ৰকাশ পালে কংগ্ৰেছৰ ৪০জনীয়া প্ৰাৰ্থীৰ তালিকা।সেই অনুসৰি প্ৰাৰ্থীত্ব লাভ কৰিলে তালিকাত উল্লেখ কৰা সকলে।
ঢেকীয়াজুলি:বেণুধৰ নাথ
বৰচলা:ৰাম প্ৰসাদ শৰ্মা
তেজপুৰ:ড° অনুজ কুমাৰ মেজ
ৰঙাপাৰা:অভিজিত হাজৰিকা
চতিয়া:প্ৰাণেশ্বৰ বসুমতাৰী
বিশ্বনাথ:অঞ্জন বৰা
গহপুৰ:ৰিপুন বৰা
বটদ্ৰবা:চিবামনি বৰা
ৰূপহীহাট:নুৰুল শুদা
চামুগুৰি:ৰুকিবুল হুছেইন
কলিয়াবৰ:প্ৰশান্ত কুমাৰ শইকীয়া
সৰুপথাৰ:ৰজিলিনা তিৰকী
গোলাঘাট:বিতোপন শইকীয়া
খুমতাই:বিস্মিতা গগৈ
দেৰগাঁও:বাণী হাজৰিকা
যোৰহাট:ৰানা গোস্বামী
মাজুলী:ৰাজীৱ লোচন পেগু
মৰিয়নি:ৰূপজ্যোতি কুৰ্মী
টীয়ক:পল্লৱী গগৈ
আমগুৰি:অঙ্কিত দত্ত
নাজিৰা:দেৱব্ৰত শইকীয়া
মাহমৰা:সুৰুজ দিহিঙীয়া
সোনাৰি:সুশীল কুমাৰ চুৰী
থৌৰা:সুশান্ত বৰগোহাঁই
শিৱসাগৰ:শুভ্ৰমিতা গগৈ
বিহপুৰীয়া:ভূপেন কুমাৰ বৰা
লখিমপুৰ:ড° জয় প্ৰকাশ
ধেমাজি:শৈলেন সোণোৱাল
জোনাই:ড° হেম হৰি প্ৰসন্ন পেগু
মৰাণ:প্ৰাঞ্জল ঘটোৱাৰ
ডিব্ৰুগড়:ৰাজকুমাৰ নিলত্ৰা নেওগ
লাহোৱাল:মনোজ ধনৱাৰ
দুলিয়াজান:ধ্ৰৱ গগৈ
টিংখং:অটুৱা মুণ্ডা
নাহৰকটীয়া:প্ৰণতি ফুকন
চাবুৱা:অজয় ফুকন
ডিগবৈ:শিৱনাথ চেতিয়া
মাৰ্ঘেৰিটাৰ:মনোৰঞ্জন বৰগোহাঁই
ডুমডুমা :দুৰ্গা ভূমিজ
শদিয়া:লক্ষ্মী চন্দ্ৰ চেতিয়া

এবছৰৰ বিৰতিৰ অন্তত বৰঝাৰত এন চি চি ৰ বায়ু শাখাৰ কেডেটৰ উৰণ প্ৰশিক্ষণ আৰম্ভ

ৰাষ্ট্ৰীয় শিক্ষাৰ্থী বাহিনীৰ (এন.চি.চি) বায়ু শাখাৰ গুৱাহাটীস্থিত ৫০ আছাম এয়াৰ স্কুৱাদ্ৰোণ ফ্লায়িং এন.চি.চি ইউনিটে লকডাউন কেন্দ্ৰীক পৰিস্থিতিৰ উন্নতি হোৱাৰ পাছত ৫ মাৰ্চৰ পৰা কেডেটৰ উৰণ অৰ্থাৎ ফ্লায়িং প্ৰশিক্ষণ কাৰ্য আৰম্ভ কৰিছে। ইউনিটৰ কমাণ্ডিং অফিচাৰ তথা ভাৰতীয় বায়ু সেনাত এজন অভিজ্ঞ পাইলট হিচাপে পৰিচিত গ্ৰুপ কেপ্তেইন ৰৱীন বিষ্ণয়ৰ তৎপৰতাত বৰঝাৰস্থিত লোকপ্রিয় গোপীনাথ বৰদলৈ আন্তৰ্জাতিক বিমানবন্দৰৰ এয়াৰ ট্রেফিক কন্ট্ৰলৰ (এ.টি.চি) সহযোগত আৰম্ভ কৰা উৰণ প্ৰশিক্ষণ কাৰ্যসূচীত প্ৰথম দিনটোত তিনিজনী গাৰ্লছ আৰু এজন বয়সহ মুঠ চাৰিজন কেডেটক উৰণৰ প্রাৰম্ভিক প্ৰশিক্ষণ দিয়া হয়। গ্ৰুপ কেপ্তেইন ৰৱীন বিষ্ণয়ে চাৰিওজন কেডেটক পেট্ৰল চালিত অত্যাধুনিক প্ৰযুক্তিৰে নিৰ্মিত দ্বি-আসনযুক্ত মাইক্রলাইট এয়াৰ ক্ৰাফট “ভাইৰাছ এছ ডব্লিউ-৮০” লঘু বিমানত উৰণ প্ৰশিক্ষণ আগবঢ়ায়। সম্প্ৰতি বৰঝাৰ বিমানবন্দৰৰ এ.টি.চিৰ সেউজ সংকেত পালেই মাজে সময়ে কেডেটৰ এই উৰণ প্ৰশিক্ষণ কাৰ্যসূচী চলি থাকিব বুলি গ্ৰুপ কেপ্তেইন ৰৱীন বিষ্ণয়ে জানিবলৈ দিছে। উল্লেখযোগ্য যে বিগত বৰ্ষৰ ২৪ মাৰ্চত দেশজুৰি আৰম্ভ হোৱাৰ সময়ৰে পৰা এন.চি.চিৰ বায়ু শাখাৰ কেডেটৰ উৰণ প্ৰশিক্ষণ কাৰ্যসূচী বন্ধ হৈ আছিল।

অচিৰেই ৰাজ্যজুৰি শুভমুক্তি অর্জুনৰ

শীঘ্রে ৰাজ্যজুৰি মুক্তিলাভ কৰিব এখন বহুপ্রত্যাশিত ব্যতিক্রমী অসমীয়া ছবি ‘অর্জুন’৷ বিদ্যা ফিল্মছৰ বেনাৰত গণেশ তামুলীয়ে প্রযোজনা কৰা ছবিখনৰ পৰিচালনা ৰজনী বর্মন (ৰাজ)ৰ৷ মানৱ আৰু অৰণ্যৰ পটভূমিত ৰজনী বর্মনৰ কাহিনী, চিত্র্যনাট্য আৰু সংলাপেৰে নির্মাণ কৰা অর্জুন ছবিখনত দর্শকে সকলো ফালৰ পৰা এক নতুনত্বৰ সোৱাদ পাব৷ অৰণ্য আৰু এশিঙীয়া গঁডৰ সুৰক্ষাৰ স্বার্থত গণেশ তামুলী আৰু ৰজনী বর্মনে নির্মাণ কৰা ছবিখনৰ মূল বিষয়বস্তুSafe Rhino Safe Forest…৷

চিনেমাখনৰ নায়ক হৈছে এটা হাতী৷ যাৰ নাম অর্জুন৷ মহাভাৰতৰ অর্জুনে যেনেকৈ কুৰুক্ষেত্র যুদ্ধ কৰি শত্রুক বিনাশ কৰিছিল, ঠিক তেনেকৈ অর্জুন নামৰ হাতীটোৱে অৰণ্যৰ চোৰাং চিকাৰীসকলক বধ কৰি অৰণ্যখন ৰক্ষা কৰাৰ এক গধুৰ দৃষ্টান্ত দাঙি ধৰা হৈছে ছবিখনত৷ ছবিখনৰ সহঃ প্রযোজক গণেশ প্রসাদ৷ সংগীত পৰিচালনা কৰিছে অনন্ত বেজবৰুৱাই৷ ছবিখনৰ সম্পাদনা শ্যামল দাস আৰু প্রডাকচন কণ্ড্র’লাৰৰ দায়িত্ব পালন কৰিছে জয়ন্ত বৰুৱাই৷

ইতিমধ্যে ছবিখনে প্রিমিয়াৰ শ্ব’ত দর্শকৰ পৰা ভূয়সী প্রশংসা লাভ কৰিবলৈ সক্ষম হৈছে৷ অহা ১৪ মার্চত ছবিখনে অসমৰ সকলো প্রান্ততে মুক্তি লাভ কৰিব৷ অতি সূক্ষ্ম আৰু সুনিপুণ অভিনয়েৰে ছবিখনত আত্মপ্রকাশ কৰিব বৰেণ্য অভিনেতা নিপন গোস্বামী, অতুল পাচনী, পৰাণ কমল, বিকি, পল ফুকন, হিৰণ্য দাস, টুনটুন শইকীয়া বর্মন, যতীন খনিকৰ, কৃষ্ণা কল্যাণী, প্রকাশ মেধি, তপন শইকীয়া, তৰুণ বৰুৱা, ইন্দ্রজিত কোঁৱৰ, নিতিশৰঞ্জন দাস, অজিত ৰাজবংশী, ৰাহুল শর্মা, জিতা গগৈ, পুষ্প মিচং, আমজেদ হুছেইন, চিৰাজুল হক, অৱনী বর্মন, মাইনু গগৈ, অজন্তা বৰুৱা, তনয়া নন্দী, দীপ্তি তামুলী শর্মা, পাপৰি বৰা, মনীষা শইকীয়াৰ লগতে শিশুশিল্পী দিয়া বর্মন, শ্রেয়া বর্মন, দিছাশ্রী বর্মন আৰু বৰষা দাসে৷ কেৱল চিত্রগৃহতেই নহয়, অসমৰ ৰাইজৰ সুবিধার্থে ছবিখন গাঁৱে–ভূঞে সকলোতে প্রদর্শন কৰাৰ সু–ব্যৱস্থা ৰাখিছে বিদ্যা ফিল্মছ পৰিয়ালৰ তৰফৰ পৰা৷ ইয়াৰ বাবে আহ্বায়ক সমিতিয়ে যোগাযোগ কৰিব লাগিব ৮৮৯৭৩–৩৭৯৫৩, ৯৯৫৭৬–৫৯১৯৮ নম্বৰত৷