বোকাখাতৰ গড়কাপ্তানি বিভাগৰ পৰিদৰ্শন বঙলাৰ চৌহদত বোকাখাত মহকুমাৰ বহু প্ৰত্যাশিত শ্বহীদ কমলামিৰি,শ্বহীদ বেজা বৈষ্ণব আৰু প্ৰথমখন অসমীয়া বোলছবি জয়মতীত অভিনয় কৰা প্ৰথম গৰাকী মহিলা অভিনেত্ৰী আইদেউ সন্দিকৈৰ পূৰ্ণাংগ প্ৰতিমূৰ্ত্তি আজি আধাৰশিলা স্থাপন কৰে অসম চৰকাৰৰ কৃষি,পশুপালন আদি বিভাগৰ মাননীয় কেবিনেট মন্ত্ৰী তথা বোকাখাত বিধানসভা সমষ্টিৰ বিধায়ক অতুল বৰাই । উক্ত আধাৰশিলা স্থাপন অনুষ্ঠানত মন্ত্ৰী অতুল বৰাই ভাৰতৰ স্বাধীনতা সংগ্ৰামৰ অক্লান্ত সেনানী বীৰ শ্বহীদ কমলা মিৰি আৰু বেজা বৈষ্ণৱ তথা শিল্পী আইদেউ সন্দিকৈলৈ শ্ৰদ্ধা জ্ঞাপন কৰি তিনিওগৰাকী নমস্য ব্যক্তিৰ প্ৰতিমূৰ্তিৰ নিৰ্মাণত কোনো অসুবিধা নোহোৱাকৈ নিয়াৰিকৈ সম্পূর্ণ হোৱাৰ ক্ষেত্রত বোকাখাতৰ সকলো শ্ৰেণীৰ নাগৰিকৰ সহায়-সহযোগিতা আন্তৰিকতাৰে কামনা কৰে। আজিৰ এই আধাৰশিলা স্থাপন অনুষ্ঠানত গোলাঘাট জিলাৰ উপায়ুক্ত ধীৰেন হাজৰিকা, বোকাখাত মহকুমাৰ মহকুমাধিপতি বিবেক শ্যামৰ লগতে অন্যান্য বিশিষ্ট ব্যক্তিসকলো উপস্থিত থাকে।
আন্ত:ৰাষ্ট্ৰীয় চলচিত্ৰ মহোৎসৱত প্ৰদৰ্শিত হ’ব মিছিং ছবি
admin October 27, 2020 1:03 PM
Li:len The Ray of Hope আশাৰ ৰেঙনি এই চিনেমাখন আন্ত:ৰাষ্ট্ৰীয় ঢাকা চিনে মেকিং ইন্টাৰনেশ্যনেল ফ্লিম এৰ্ৱাডত প্ৰদৰ্শিত হ’ব।মিছিং জনজাতিৰ বাস্তৱ কাহিনীৰ ওপৰত নিৰ্মিত এই ছবিখনত এটা বংশগত ৰোগৰ অন্ধবিশ্বাস আৰু বাস্তৱ কাহিনীৰ প্ৰতিচ্ছবি প্ৰতিফলিত হৈছে।
এই চিনেমাখন পৰিচালনা কৰিছে নাৰায়ণ শীলে।চিনেমাখনৰ দৃশ্যায়ন হৈছে ধেমাজি চিলাপথাৰত। বহু গৰাকী নৱাগত শিল্পীৰ লগতে আন্ত:ৰাষ্ট্ৰীয় পৰ্য্যায়ৰ অভিনেতাই চিনেমাখনত অংশগ্ৰহণ কৰিছে।
ভিউৱাছৰ মতামত