বিগত বছৰৰ দৰে এইবাৰো আই আই ইৰ চৌহদত অনুষ্ঠিত হ’ব দ্বিতীয় সংখ্যক বিমল চন্দ্ৰ গোস্বামী স্মাৰক স্প’ৰ্ট ক্লাইম্বিং প্ৰতিযোগিতা ।অহা ২৫ আৰু ২৬ মে’ত অনুষ্ঠিত হ’ব লগা প্ৰতিযোগিতাখনত পুৰুষ মহিলাৰ ছাব জুনিয়ৰ, জুনিয়ৰ আৰু ছিনিয়ৰ এই তিনিটা স্তৰত প্ৰতিযোগিতা অনুষ্ঠিত হ’ব ।আজি গুৱাহাটীৰ প্ৰেছ ক্লাৱত অনুষ্ঠিত কৰা এক সংবাদমেলত উদ্যোক্তা সকলে কয় যে ক্লাইম্বিং প্ৰতিযোগিতাত অংশগ্ৰহণৰ বাবে অসমৰ প্ৰায় ৭০জনে আৰু বাহিৰৰ ৮০জনে নাম পঞ্জীয়নৰ বাবে আগ্ৰহ প্ৰকাশ কৰিছে ।উল্লেখযোগ্য যে এই প্ৰতিযোগিতাৰ বিজয়ী প্ৰতিযোগীসকলে ৰাষ্ট্ৰীয় পৰ্য্যায়ৰ প্ৰতিযোগিতাত অংশ লোৱাৰ বাবে সুযোগ লাভ কৰিব আৰু ৰাষ্ট্ৰীয় পৰ্য্যায়ত সফলতা লাভ কৰা প্ৰতিযোগী সকলে অলিম্পিকত ভাৰতক প্ৰতিনিধিত্ব কৰাৰ বাবে নিৰ্বাচিত হ’ব।অসম স্প’ৰ্ট ক্লাইম্বিং এছ’চিয়েচন আৰু অসম পৰ্বতাৰোহন সংস্থাৰ সহযোগত অনুষ্ঠিত হ’ব লগা প্ৰতিযোগিতাখনত সৰ্বমুঠ ৩৬টা বঁটা আগবঢ়োৱা হ’ব ।স্মতৰ্ব্য যে ২০২০ চনত অলিম্পিক ক্ৰীড়াত স্প’ৰ্ট ক্লাইম্বিং ক্ৰীড়া হিচাপে অন্তভূৰ্ক্ত কৰা হৈছে ।

মিছেছ লিডাৰশ্বীপ খিতাপ অৰ্জন পলাশবাৰী সৰপাৰাৰ অনামিকা ডেকাৰ
দক্ষিণ কামৰূপৰ পলাশবাৰী সৰপাৰাৰ এগৰাকী বিউটিচিয়ান তথা মেকাপ আৰ্টিছ অনামিকা ডেকাই জগত জিনাৰ সপোন ৰচিছে। মিৰ্জাৰ সমীপৱৰ্তী সৰপাৰা চন্দ্ৰধৰ ডেকা আৰু সৰলা ডেকাৰ জীয়ৰী অনামিকা ডেকাই মহানগৰীৰ জিলা পুথিভড়াঁলত যোৱা ২৩ জানুৱীত ‘ইণ্টাৰনেচনেল গ্লোবেল ষ্টাৰ আইকন’ৰ উদ্যোগত মিচেছ, মিষ্টাৰ আৰু শিশুৰ বাবে অনুষ্ঠিত এখন ব্যয় বহুল প্ৰতিযোগিতাত সৰপাৰাৰ অনামিকাই ডেকাই মেকআপ আৰ্টিছৰ গ্ৰুপৰ ভিতৰত ইণ্টাৰনেচনেল লিডাৰশ্বীপ এৱাৰ্ড চুড়ান্ত খিতাপ অৰ্জন কৰিবলৈ সক্ষম হৈছে। উক্ত প্ৰতিযোগিতাত প্ৰায় শতাধিক প্ৰতিযোগীয়ে অংশ গ্ৰহণ কৰিছিল। ডেকাৰ এনে সাফল্যত উৎফুলিত হৈ পৰিছে অঞ্চলটোৰ ৰাইজৰ লগতে পলাশবাৰীবাসী ৰাইজে। উল্লেখ্য যে, অনামিকা ডেকাই ইয়াৰ পূৰ্বে ৰাজ্যৰ লগতে ৰাজ্যৰ বাহিৰত অনুষ্ঠিত এনেধৰণৰ প্ৰতিযোগিতাত বহুবাৰ সন্মান লাভ কৰি অঞ্চলটোলৈ গৌৰৱ কঢ়িয়াই আনিবলৈ সক্ষম হৈছিল। মিৰ্জাত যুৱতীগৰাকীয়ে এখন লেডিছ বিউটি পাৰ্লাৰ যোগেদি নিজৰ অৰ্থ উপাৰ্জন কৰাৰ উপৰিও বহুকেইখন চিনেমা আৰু ভিডিঅ’ গীতত মেকআপৰে অভিনেতা-অভিনেত্ৰীসকলৰ সৌন্দৰ্য বৰ্ধন কৰি প্ৰশংসা বুটলিবলৈ সক্ষম হৈছে।অনামিকা ডেকাৰ এনে সাফল্যত দক্ষিণ কামৰূপৰ বিভিন্ন দল-সংগঠনে শুভেচ্ছা জ্ঞাপন কৰি উজ্বল ভৱিষ্যত কামনা কৰিছে।
ভিউৱাছৰ মতামত