আই আই টি দীক্ষান্ত সমাৰোহত সম্বোধন কৰিলে মুখ্যমন্ত্ৰীয়ে

মুখ্যমন্ত্ৰী সৰ্বানন্দ সোণোৱালে আজি ভাৰতীয় প্ৰযুক্তিবিদ্যাৰ প্ৰতিষ্ঠান গুৱাহাটীৰ ২২ সংখ্যক দীক্ষান্ত সমাৰোহ ভিডিঅ’ কনফাৰেন্স যোগে সম্বোধন কৰি আত্মনির্ভৰশীল ভাৰত আৰু ৰাজ্যখনক আত্মনির্ভৰশীল ৰাজ্য হিচাপে গঢ়ি তোলাৰ দিশত প্ৰতিষ্ঠাখনে লোৱা ভূমিকাক শলাগ লয়।

 

 

মুখ্যমন্ত্ৰী চৰকাৰী বাসভৱন পৰা ভিডিঅ’ কনফাৰেন্স যোগে দিক্ষান্ত সমাৰোহ সম্বোধন কৰি প্ৰদান কৰাৰ ভাষণত মুখ্যমন্ত্ৰীয়ে কয় যে দীক্ষান্ত সমাৰোহত সৰ্বভাৰতীয় প্ৰযুক্তিবিদ্যা প্ৰতিষ্ঠান, গুৱাহাটীৰ পৰা ডিগ্ৰী লাভ কৰা কৃতি শিক্ষাৰ্থীসকললৈ আন্তৰিক অভিনন্দন জনোৱা লগতে সুদীৰ্ঘ সময় ধৰি অসমৰ এই মনোৰম প্ৰকৃতিৰ পৰিৱেশত থকা এই সকল শিক্ষাৰ্থীয়ে ভৱিষ্যতেও ৰাজ্যখনলৈ অৰিহণা আগবঢ়াই যাব বুলি আশা প্ৰকাশ কৰে।

 

এই প্ৰসংগত ডিগ্ৰী লাভ কৰি শিক্ষাৰ্থীসকলে বিৰল প্ৰতিভা পৰিচয় দাঙি ধৰিছে।ভৱিষ্যতেও এই শিক্ষাৰ্থী সকলে দেশলৈ অৰ্থবহ অৰিহণা আগবঢ়াই যাব বুলি মুখ্যমন্ত্ৰীয়ে আশা প্ৰকাশ কৰে।ভাষণ প্ৰসংগত মুখ্যমন্ত্ৰীয়ে কয় যে ঐতিহাসিক অসম চুক্তি ফলশ্ৰুতিত স্থাপিত ভাৰতীয় প্ৰযুক্তি বিদ্যাৰ প্ৰতিষ্ঠান ,গুৱাহাটীয়ে বিগত সময়চোৱাত বিদ্যায়তনিক উ এক অন্যতম প্ৰতিষ্ঠান হিচাপে অচিৰেই পৰিগণিত হ’ব বুলি মত প্ৰকাশ কৰে।

সমগ্র বিশ্ব লগতে আমাৰ দেশেও সম্প্ৰতি ক’ভিড-১৯ৰ সৃষ্ট জটিল পৰিস্হিতি মাজেৰে দিন অতিবাহিত কৰিব লগা হৈছে বুলি উল্লেখ কৰি প্ৰধানমন্ত্ৰী নৰেন্দ্ৰ মোডীয়ে এই যুঁজখনত সম্পূৰ্ণ সন্মুখৰ পৰা নেতৃত্বত দি জনসাধাৰণৰ লগত সমগ্র দেশবাসীৰ মনত এক প্ৰত্যয়ৰ সূচনা কৰিছে বুলি মুখ্যমন্ত্ৰীয়ে কয়। মুখ্যমন্ত্ৰীয়ে ভাৰতীয় প্ৰযুক্তি বিদ্যা প্ৰতিষ্ঠান , গুৱাহাটীয়ে ক’ভিড-১৯ ৰ বিৰুদ্ধে ৰাজ্য চৰকাৰে চলোৱা যুঁজখনত বিভিন্ন চিকিৎসা সামগ্ৰী উদ্ভাৱন কৰি প্ৰদান কৰা কাৰ্যক শলাগ লয়।

 

মুখ্যমন্ত্ৰীয়ে লগতে বিগত আঢ়ৈ দশকত ভাৰতীয় প্ৰযুক্তিবিদ্যা প্ৰতিষ্ঠান , গুৱাহাটীয়ে দুৰ্যোগ ব্যৱস্থাপনা আৰু প্ৰশমন সম্পৰ্কত ৰাজ্যখনক বিভিন্ন প্ৰকাৰে সহায়ৰ হাত আগবঢ়োৱাৰ দিশটোৰ উল্লেখ কৰে। এই সন্দৰ্ভত মুখ্যমন্ত্ৰীয়ে লগতে কয় যে ৰাজ্যখনত বান,খহনীয়া, ভূমিস্খলন,ধুমুহা,ভূমিকম্প ইত্যাদি লেখীয়া দুৰ্যোগসমূহে সমস্যা সৃষ্টি কৰি আহিছে।

 

মুখ্যমন্ত্ৰীয়ে গুৱাহাটীক এক উৎসৰ্গিত জলগৱেষণা আৰু দুৰ্যোগ নিয়ন্ত্ৰণ কেন্দ্ৰ স্থাপনৰ বাবেও আহ্বান জনায়। এই দিশত ৰাজ্য চৰকাৰৰ তৰফৰ পৰা যথোচিত সহায়,সহযোগিতা আগবঢ়োৱা হ’ব বুলি কয়।

স্বাধীনতা ৭০বছৰ পিছত প্ৰধানমন্ত্ৰী নৰেন্দ্ৰ মোদীৰ নেতৃত্বত অসমৰ বান আৰু গৰাখহনীয়া সমস্যা নিৰাময় বাবে কেন্দ্ৰীয় চৰকাৰে বিজ্ঞানসন্মত তথ্য ফলপ্ৰসু পদক্ষেপ গ্ৰহণ কৰিছে বুলি উল্লেখ কৰি মুখ্যমন্ত্ৰীয়ে ৰাজ্যখনৰ প্ৰাকৃতিক দুৰ্যোগ সমূহ ফলপ্ৰসূভাৱে মোকাবিলা কৰাৰ দিশত ভাৰতীয় প্ৰযুক্তিবিদ্যাৰ প্ৰতিষ্ঠান, গুৱাহাটীৰ সহায় সহযোগিতা কামনা কৰে।

প্ৰধানমন্ত্ৰী নেতৃত্বত অসম তথা উত্তৰ পূৰ্বাঞ্চলৰ উন্নয়ন দিশত এক নতুন মাত্ৰা লাভ কৰিছে বুলি উল্লেখ কৰি বৰ্তমান সময়ত উত্তৰ পূৰ্বাঞ্চলৰ যোগাযোগ, দ্ৰুত ঔদ্যোগিকৰণৰ দিশত যথোচিত পদক্ষেপ লোৱা ফলশ্ৰুতিত উন্নয়নে এক নতুন যাত্ৰাপথৰ সূচনা কৰিছে বুলি কয়। এই প্ৰসংগত মুখ্যমন্ত্ৰীয়ে প্ৰধানমন্ত্ৰীয়ে উত্তৰ পূৰ্বাঞ্চলক অষ্টলক্ষী,দেশৰ বিকাশৰ নতুন ইঞ্জিন ইত্যাদিৰে অভিহিত কৰা উপৰি এক্ট ইষ্ট পলিচি ৰূপায়ণৰে সমগ্র দক্ষিণ পূৰ্ব এছিয়া লগতে বিবিএন দেশসমূহৰ সৈতে বিভিন্ন দিশত সম্পৰ্ক স্থাপনৰ বাবে কৰা প্ৰয়াসৰো উল্লেখ কৰে।

 

প্ৰধানমন্ত্ৰীয়ে দেশৰ জৈৱিক কৃষি হাৰ হিচাপে চিনাক্তকৰণ কৰা দিশটোৰ কথা উল্লেখ কৰি প্ৰধানমন্ত্ৰীয়ে এই অঞ্চলৰ কৃষি,উদ্যান শস্য,শাক-পাচলি,মছলা,ফুল জৈৱিক কৃষিয়ে অঞ্চলটোৰ অৰ্থনীতি সলনি কৰিব পৰা সম্ভাৱনীয়তা বহন কৰিছে বুলিও কয়।

মুখ্যমন্ত্ৰীয়ে কেন্দ্ৰীয় চৰকাৰে কৃষি খণ্ড উন্নতিৰ বাবে সংবাদত অনুমোদন জনোৱা কৃষিখণ্ডৰ দুখন বিধেয়কে কৃষকৰ আয় দুগুনলৈ বৃদ্ধি তথা প্ৰতিভাবান যুৱক-যুৱতী সকলক কৃষি তথা উদ্যান শস্যৰ ক্ষেত্ৰখনত নিজকে জড়িত কৰা বাবে বাৰুকৈয়ে উৎসাহিত কৰিব পাৰিব বুলি কয়। ৰাজ্যখনৰ অৰ্থনৈতিক অধিক ত্বৰাম্বিত কৰাৰ বাবে ৰাজ্য চৰকাৰে উদ্যোগ আৰু পৰ্যটন খণ্ডৰ প্ৰতিষ্ঠান স্থাপনৰ বাবে কৰ উদগনিৰ নতুন নীতি,তথ্য প্ৰযুক্তি নীতি,জৈৱ প্ৰযুক্তি নীতি,ষ্টাৰ্ট আপ নীতি,চেনী নীতি, সৌৰ শক্তি নীতি, ঔদ্যোগিক বিনিয়োগ নীতি,বাঁহ-বেত নীতি ইত্যাদিৰ লেখীয়া শক্তিশালী পদক্ষেপ গ্ৰহণ কৰিব বুলি উল্লেখ কৰি নতুন উদ্যোগীসকলক সহায়ক হোৱাকৈ আই আই এম কলকাতাৰ ইনৱেশ্বন পাৰ্কৰ ,আছাম ষ্টাৰ্ট আপ-দ্যা নেষ্ট নামৰ এক ইনকুবেশ্যন পাৰ্ক গুৱাহাটীত স্থাপন কৰিছে বুলি মুখ্যমন্ত্ৰীয়ে আজি দীক্ষান্ত সমাৰোহত ডিগ্ৰী লাভ কৰা কৃতীমান শিক্ষাৰ্থীসকলক এই প্ৰতিষ্ঠান খনত ষ্টাৰ্ট আপ স্থাপনৰ বাবেও আহ্বান জনায়।ৰাজ্য চৰকাৰে এই দিশত উপযুক্ত সহায় সহযোগিতা আগবঢ়াব বুলি কয়।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

জ্যেষ্ঠ সাংবাদিক নৱ ঠাকুৰীয়ালৈ বিশেষ সন্মান

জ্যেষ্ঠ সাংবাদিক নৱ ঠাকুৰীয়াক প্ৰেছ এমব্লেম কেম্পেইন নামৰ আন্তৰ্জাতিক সংস্থাৰ ভাৰতৰ প্ৰতিনিধি হিচাপে বাছনি কৰা হৈছে। উল্লেখযোগ্য যে চুইজাৰলেণ্ডৰ জেনেভাস্থিত সংস্থাটোৱে সমগ্ৰ পৃথিৱীতে ঘটি থকা সাংবাদিক হত্যা, সংবাদকৰ্মীৰ ওপৰত হোৱা নিগ্ৰহ আৰু শেহতীয়াকৈ ক’ভিডত মৃত্যু হোৱা সাংবাদিকৰ তালিকা প্ৰস্তুত কৰি আহিছে।

 

 

কেইবাখনো দেশৰ জ্যেষ্ঠ সাংবাদিকৰ উদ্যোগত ২০০৪ চনত জন্ম লাভ কৰা সংস্থাটোৰ সম্পাদক-প্ৰধান ব্লেইজ লেম্পেনে ঠাকুৰীয়াক এই দায়িত্ব অৰ্পনৰ বিষয়ে অৱগত কৰায়।লগতে সংস্থাটোৱে জাৰ্নেলিষ্ট ফ’ৰাম অসম সভাপতি ৰূপম বৰুৱাক ইয়াৰ সহযোগী সংগঠন হিচাপে মান্যতা প্ৰদান কৰিছে।

 

 

২০১০ চনৰ পৰা ৰাষ্ট্ৰসংঘত নিজৰ বক্তব্য উপস্থাপন কৰি অহা সংস্থাটোৱে ভাৰতবৰ্ষৰ বিভিন্ন প্ৰান্তৰ কৰ্মৰত সাংবাদিক আৰ্থিক অৱস্থা সম্পৰ্কটো অধ্যয়ন কৰিব।আজিৰ পৰা তিনিদশক পূৰ্বে অসম অভিযান্ত্ৰিক মহাবিদ্যালয়ৰ পৰা স্নাতক ডিগ্ৰী লাভ কৰা ঠাকুৰীয়াই অসমীয়া কাকতৰ জৰিয়তে সাংবাদিকতা জীৱন আৰম্ভ কৰে।

 

সম্প্ৰতি তেওঁ বহুকেইখন ৰাষ্ট্ৰীয় আৰু আন্ত:ৰাষ্ট্ৰীয় পৰ্যায়ৰ কাকতত সাংবাদিকতা আৰু সাংবাদিকৰ বিভিন্ন সমস্যা ওপৰত প্ৰবন্ধ লিখি আহিছে।

আন্ত:ৰাষ্ট্ৰীয় চলচিত্ৰ মহোৎসৱত প্ৰদৰ্শিত হ’ব মিছিং ছবি

Li:len The Ray of Hope আশাৰ ৰেঙনি এই চিনেমাখন আন্ত:ৰাষ্ট্ৰীয় ঢাকা চিনে মেকিং ইন্টাৰনেশ্যনেল ফ্লিম এৰ্ৱাডত প্ৰদৰ্শিত হ’ব।মিছিং জনজাতিৰ বাস্তৱ কাহিনীৰ ওপৰত নিৰ্মিত এই ছবিখনত এটা বংশগত ৰোগৰ অন্ধবিশ্বাস আৰু বাস্তৱ কাহিনীৰ প্ৰতিচ্ছবি প্ৰতিফলিত হৈছে।

 

 

এই চিনেমাখন পৰিচালনা কৰিছে নাৰায়ণ শীলে।চিনেমাখনৰ দৃশ্যায়ন হৈছে ধেমাজি চিলাপথাৰত। বহু গৰাকী নৱাগত শিল্পীৰ লগতে আন্ত:ৰাষ্ট্ৰীয় পৰ্য্যায়ৰ অভিনেতাই চিনেমাখনত অংশগ্ৰহণ কৰিছে।

কাঠ পেঞ্চিলৰ ক’লা অংশত বিশিষ্ট লোকৰ ছবি অংকন কৰিছে আজাৰাৰ এজন যুৱকে

মহানগৰীৰ পশ্চিম প্ৰান্তৰ আজাৰা কাঁহিকুছিৰ এজন যুৱকে আদৰণীয় পদক্ষেপ গ্ৰহণ কৰিছে। শাৰদীয় দূৰ্গাপূজা উপলক্ষে এক ব্যতিক্ৰমী পদক্ষেপৰে অন্যন্য প্ৰতিভাৰ দাঙি ধৰিবলৈ সক্ষম হৈছে।

 

 

যুৱকজনৰ নাম হৈছে বিশাল চৌধুৰী। চণ্ডীগড় ইউনিভাৰচিটিৰ বি ফাৰ্মাচিৰ তৃতীয় বৰ্ষৰ ছাত্ৰ বিশাল চৌধুৰীয়ে কাঠ পেঞ্চিলৰ ক’লা অংশৰে নিৰ্মাণ কৰিছে ভগৱান তথা বিশিষ্ট লোকৰ মূৰ্তি।

 

 

প্ৰায় ১৫-২০ ঘণ্টাৰ দৃঢ় মনোযোগৰে কাঠ পেঞ্চিলৰ ক’লা অংশত শাৰদীয় দূৰ্গা পূজাৰ সময়ত মা দূৰ্গা (মহিষাসুৰ মৰ্দিনীক) নিৰ্মাণ কৰি উলিয়াছে। ইতিপূৰ্বেও বিশাল চৌধুৰীয়ে বন্ধুবৰ্গৰ নাম পেঞ্চিলৰ ক’লা অংশত খোদিত কৰি ভাৰতৰ বিভিন্ন স্থানত পঠাইছিল। ভৱিষ্যতেও পেঞ্চিলত মূৰ্তি নিৰ্মাণ কৰি যাব বুলি বিশালে জানিবলৈ দিছে।

 

 

 

ব্লেড আৰু সৰু সুৰা সা সামগ্ৰী ব্যৱহাৰ কৰি কাঠ পেঞ্চিলৰ ক’লা অংশত বিভিন্নজন লোকৰ নাম খোদিত কৰি বিভিন্নজনক উপহাৰ হিচাপে প্ৰদান কৰিছে। শাৰদীয় দুৰ্গোসৎৱৰ সময়তো দেৱী দূৰ্গাৰ ছবি অংকন কৰি বিশাল চৌধুৰীয়ে বেচ চৰ্চা লাভ কৰিবলৈ সক্ষম হৈছে।বিশাল ভাৰতীয় বিমান বন্দৰ গুৱাহাটীস্থিত ক্ষেত্ৰীয় মুখ্য কাৰ্যালয়ৰ বিষয়া সুশীল লাল চৌধুৰী আৰু ভাৰতী চৌধুৰীৰ পুত্ৰ।

গুৱাহাটী সংসদীয় সমষ্টিক পোহৰাই তুলিবলৈ সাংসদ কুইন ওজাৰ উদ্যোগত এক হাজাৰ সৌৰশক্তি চালিত ষ্ট্ৰীট লাইট স্থাপনৰ তৎপৰতা

গুৱাহাটী লোকসভা সমষ্টিৰ সাংসদ কুইন ওজাই সংসদীয় সমষ্টিৰ অন্তৰ্গত দহটা বিধানসভা সমষ্টিৰ বিদ্যুৎ যোগান কম থকা বা সঘনাই লোড শ্বেদিং হোৱা অঞ্চল সমূহক পোহৰাই তুলিবলৈ এক হাজাৰ সৌৰশক্তি চালিত ষ্ট্ৰীটলাইট স্থাপন কৰিবলৈ তৎপৰতা আৰম্ভ কৰিছে।এই আঁচনি ৰূপায়ণৰ লগত জড়িত কামৰূপ জিলাৰ ডি আই এছ এইছ এ ৰ সদস্য প্ৰশান্ত মহন্তই জানিবলৈ দিয়া মতে সাংসদ কুইন ওজাই তেওঁৰ সাংসদৰ স্থানীয় এলেকা উন্নয়ন পুঁজিৰ ধনেৰে ‘অটল জ্যোতি যোজনা ২০১৯-২০’ আঁচনিৰ অধীনত বিগত আগষ্ট মাহৰ পৰা সৌৰশক্তি চালিত এল.ই.ডি ষ্ট্ৰীটলাইট স্থাপনৰ কাম আৰম্ভ কৰা হৈছে।

 

 

এই লাইট সমূহত উচ্চ প্ৰযুক্তিৰ সমাহাৰ ঘটাৱা হৈছে। ই সন্ধিয়া অন্ধকাৰ হ’লেই স্বয়ংক্ৰিয় ভাবে নিজে নিজে নিজে জ্বলি উঠে। তেনেদৰে পুৱা পোহৰ হ’লেই নিজে নিজে নুমাই যাব।গুৱাহাটী সংসদীয় সমষ্টিৰ অধীনৰ দুধনৈ, বকো, ছয়গাওঁ, পলাশবাৰী, পশ্চিম গুৱাহাটী, পূব গুৱাহাটী, দিশপুৰ, জালুকবাৰী, হাজো, আৰু বৰক্ষেত্ৰীত প্ৰতিটোতে ১০০ টাকৈ ষ্ট্ৰীটলাইট গুৰুত্বপূৰ্ণ স্থান সমূহত স্থাপন কৰি থকা হৈছে। এইক্ষেত্ৰত ধর্মানুষ্ঠান, শিক্ষানুষ্ঠান, ক্লাব, সামূহিক গৃহকে ধৰি ৰাজহুৱা স্থানক প্ৰথম অগ্ৰাধিকাৰ দিয়া হৈছে। ষ্ট্ৰীটলাইট সমূহ চলিত বৰ্ষৰ ভিতৰতে স্থাপনৰ লক্ষ্য নিৰ্ধাৰণ কৰা হৈছে। আঁচনিখন ৰূপায়িত হ’লে নিশ্চিত ভাবে গুৱাহাটী সংসদীয় সমষ্টিৰ দহটা বিধানসভা সমষ্টিৰ গুৰুত্বপূৰ্ণ স্থান সমূহ নিশাৰ ভাগত পোহৰেৰে আলোকিত হৈ থাকিব বুলি আঁচনিৰ লগত জড়িত প্ৰশান্ত মহন্তই আশা ব্যক্ত কৰিছে।

এগৰাকী যুৱতীৰ ব্যতিক্ৰমী পদক্ষেপ

মাজুলীৰ এগৰাকী যুৱতীয়ে আদৰ্শ দেখুৱাইছে।উচ্চ শিক্ষিত যুৱতীগৰাকীয়ে মাজুলীৰ সংস্কৃতিক নৱপ্ৰজন্মৰ মাজত বিলোৱাৰ বাবে প্ৰয়াস কৰিছে। ঘৰতে নৃত্য বিদ্যালয় স্থাপন কৰি এদল কণমানিক প্ৰশিক্ষণ প্ৰদান কৰিছে।

 

 

যুৱতীগৰাকী নাম প্ৰিয়ংকা টাকু। ঘৰ মাজুলীৰ ২নং বৰগঞাত।জানিব দিয়া মতে যুৱতীগৰাকীয়ে ৭২ গৰাকী ছাত্ৰ ছাত্ৰীক নূপুৰ নিতম বিদ্যালয়খনত প্ৰশিক্ষণ প্ৰদান কৰি আহিছে।উল্লেখযোগ্য যে ডিব্ৰুগড় বিশ্ববিদ্যালয়ৰ পৰা পৰিৱেশ্য কলা অধ্যয়ন কৰি প্ৰিয়ংকাই এই নৃত্য বিদ্যালয়খন স্থাপন কৰিছে।যিসময়ত একাংশই চাকৰিৰ বাবে হাবাথুৰি খাইছে,সেই সময়ত এই যুৱতীগৰাকীয়ে গাঁও অঞ্চলত ছাত্ৰ ছাত্ৰীক নৃত্যৰ প্ৰশিক্ষণ দি সচেতন লোকৰ সমাদৰ বুটলিছে।

পূৰ্ণ গতিত আগবাঢ়িছে জাতীয় আদৰ্শ শিক্ষা সংসদৰ কাম কাজ

পূৰ্ণ গতিত আগবাঢ়িছে অসম সাহিত্য সভাৰ পৃষ্ঠ পোষকতাত গঠিত স্বতন্ত্ৰ ন্যাস জাতীয় আদৰ্শ শিক্ষা সংসদৰ শৈক্ষিক কামকাজ। ন্যাসৰ অধীনত ইতিমধ্যে ৫খন বিদ্যালয় স্থাপন হৈছে আৰু পৰৱৰ্তী শিক্ষাবৰ্ষত নতুনকৈ কমেও এশখন বিদ্যালয় স্থাপনৰ লক্ষ্য স্থিৰ কৰা হৈছে৷

 

 

 

জাতীয় শিক্ষা সংসদৰ শিক্ষক প্ৰশিক্ষণৰ হাতপুথি প্ৰস্তুতৰ শিক্ষক প্ৰশিক্ষণৰ প্ৰক্ৰিয়া আৰু অন্যান্য বিষয়সমূহ খৰচি মাৰি আলোচনা কৰাৰ বাবে সংসদৰ এক গুৰুত্বপূৰ্ণ বৈঠক সম্পন্ন হয় অসম সাহিত্য সভাৰ ৰাধাগোবিন্দ বৰুৱা প্ৰেক্ষাগৃহত। বুনিয়াদী স্তৰত গুৰুত্ব দি ৰাষ্ট্ৰীয় শিক্ষানীতিৰ আধাৰত জাতীয় শিক্ষা সংসদে পাঠ্যপুথি প্ৰকাশত এই গুৰুত্বপূৰ্ণ বৈঠকে অনুমোদন দিয়ে। জাতীয় আদৰ্শ শিক্ষা সংসদৰ উপাধ্যক্ষ ডাঃ জয়ন্তবিশ্ব শৰ্মা, সচিব ৰাণা বশিষ্ঠ, বিশিষ্ট ভাষাবিদ, সাহিত্যাচাৰ্য ড০ ৰমেশ পাঠক, অসম সাহিত্য সভাৰ প্ৰাক্তন সভাপতি ড০ পৰমানন্দ ৰাজবংশী, সভাৰ প্ৰাক্তন প্ৰধান সম্পাদক পদুম ৰাজখোৱা, কৃতি শিক্ষক তথা সংসদৰ পাঠ্যক্ৰম সমন্বয়ক সমিতিৰ সভাপতি গৌৰীকান্ত ভূঞা, বিশিষ্ট পণ্ডিত সাহিত্যাচাৰ্য ড০ পৰাগ কুমাৰ ভট্টাচাৰ্য, ৰিপুঞ্জয় বৰদলৈ, সুৰেন গোস্বামী, জগন্নাথ ৰাজবংশী, কমল চৌধুৰী, ড০ সঞ্জীৱ কুমাৰ শৰ্মা, যতীন্দ্ৰনাথ সূত, পংকজ কুমাৰ দত্ত, ৰমানন্দন বৰা আদিয়ে অংশ লয়।

 

 

 

সভাৰ আৰম্ভণিতে পাঠ্যক্ৰম প্ৰস্তুতি বিষয়ত সংসদৰ লক্ষ্য, উদ্দেশ্যে আৰু দৃষ্টিভংগীৰ বিষয়ে আভাস দিয়ে ডাঃ জয়ন্ত বিশ্ব শৰ্মাই। সংসদে সেৱাৰ মনোভাৱেৰে কাম কৰি থকা সুপৰিকল্পনাৰে আগবাঢ়ি গৈ কণকণ ছাত্ৰ ছাত্ৰীসকলক বুনিয়াদী স্তৰৰ পৰা প্ৰকৃতাৰ্থত মানৱ সম্পদ ৰূপে গঢ়াত গুৰুত্ব দিব বুলি কয়। জাতীয় আদৰ্শ শিক্ষা সংসদৰ এই কল্যাণমুখী প্ৰকল্পই অসমৰ জাতীয় জীৱনত বহুমূলীয়া বৰঙণি আগবঢ়াব বুলি মন্তব্য দিয়ে ড০ পৰাগ কুমাৰ ভট্টাচাৰ্যই। উন্নত মানৰ পাঠ্যক্ৰমৰে অসমৰ প্ৰাথমিক পৰ্যায়ৰ শিক্ষাত এইদৰে নতুনত্ব প্ৰয়াসেৰে অসম জাতীয় আদৰ্শ শিক্ষা সংসদে কৰা কাম কাজক বিভিন্নজনে শলাগিছে।