চলিত বৰ্ষৰ আজি দ্বিতীয়টো চন্দ্ৰগ্ৰহণ। চন্দ্ৰগ্ৰহণ ইয়াৰ পূৰ্বে যোৱা জানুৱাৰী মাহত হৈছিল। ভাৰতীয় সময় মতে নিশা ১১বাজি ১৫বজাত আজি এই চন্দ্ৰগ্ৰহণৰ আৰম্ভ হ’ব আৰু এই চন্দ্ৰগ্ৰহণ নিশা ২বাজি ৩৪বজালৈকে চলিব। যদিও ১১বাজি ১৫বজাত চন্দ্ৰগ্ৰহণ আৰম্ভ হ’ব যদিও এই প্ৰভাৱ অধিক স্পষ্ট হৈ পৰিব নিশা ১২বাজি ৫৪ বজাত। আজিৰ এই চন্দ্ৰগ্ৰহণ মানুহে খালী চকুৰে চাব পাৰিব। সমগ্ৰ ভাৰতৰ সমান্তৰালকৈ ৰাছিয়া, ইউৰোপ, অষ্ট্ৰেলিয়া আৰু আফ্ৰিকাতো আজিৰ এই চন্দ্ৰগ্ৰহণৰ প্ৰভাৱ পৰিব। চলিত বৰ্ষৰ পুনৰ জুলাই আৰু নবেম্বৰ মাহত চন্দ্ৰগ্ৰহণ হ’ব। এইবাৰৰ চন্দ্ৰগ্ৰহণ উপচ্ছায়া গ্ৰহণ হ’ব। ইয়াৰ ফলত গ্ৰহণৰ সময়ত কেৱল চন্দ্ৰৰ ৰং অকণমান পাতলীয়া হৈ পৰিব। যিহেতু এইবাৰৰ চন্দ্ৰগ্ৰহণ উপচ্ছায়া গ্ৰহণ হ’ব সেয়েহে ইয়াৰ ফলত গ্ৰহণৰ সময়ত চন্দ্ৰৰ ওপৰত বেছি অন্ধকাৰ নামি নাহে।
ভেকচিন প্ৰদানৰ ক্ষেত্ৰত জনসচেতনতা সৃষ্টিৰ ওপৰত মুখ্যমন্ত্ৰীৰ গুৰুত্ব আৰোপ
admin April 17, 2021 10:22 PM
মুখ্যমন্ত্ৰী সৰ্বানন্দ সোণোৱালে আজি লখিমপুৰ জিলাৰ নাৰায়ণপুৰস্থিত দেউৰী স্বায়ত্ত শাসিত পৰিষদৰ অতিথিশালাত অনুষ্ঠিত এক বৈঠকত লখিমপুৰ আৰু ধেমাজি সাম্প্ৰতিক ক’ভিড পৰিস্থিতি বিষয়ে সবিশেষ পৰ্যালোচনা কৰে।পৰ্যালোচনা কালত মুখ্যমন্ত্ৰীয়ে জিলা উপযুক্ত তথা স্বাস্থ্য বিভাগৰ যুটীয়া সঞ্চালকৰ সৈতে মত-বিনিময় কৰি সাম্প্ৰতিক ক’ভিড সংক্ৰমণৰ সবিশেষ বুজ লয়।বৈঠকত দুয়োখন জিলাৰ উপযুক্ত সৈতে মত-বিনিময় কৰি সাম্প্ৰতিক ক’ভিড সংক্ৰমণ প্ৰতিৰোধ কৰাৰ দিশত গ্ৰহণ কৰা ব্যৱস্থা ৰাজিৰ লগতে ভেকচিন প্ৰদান, সংক্ৰমণৰ হাৰ,হাস্পতাল থকা সা-সুবিধা সমূহ বিষয়ে মুখ্যমন্ত্ৰীক সবিশেষ অৱগত কৰে।আনহাতে, দুয়োগৰাকী স্বাস্থ্য বিভাগৰ যুটীয়া সঞ্চালকে চিকিৎসা বিভাগে গ্ৰহণ কৰা পদক্ষেপ সমূহ বিষয়ে মুখ্যমন্ত্ৰীক অৱগত কৰে।
বৈঠকত মুখ্যমন্ত্ৰীয়ে জিলা দুখনত ভেকচিন প্ৰদানৰ ক্ষেত্ৰত জন সচেতন সৃষ্টিৰ বাবে প্ৰশাসনক নিৰ্দেশ দিয়ে।ৰাজহুৱা স্থানত জনসাধাৰণ যাতে মাস্ক পৰিধান কৰা লগতে সামাজিক দূৰত্ব বৰ্তাই ৰাখে সেই দিশটো নজৰ ৰাখিবলৈ মুখ্যমন্ত্ৰীয়ে কয়।মুখ্যমন্ত্ৰীয়ে লগতে ক’ভিড পজিটিভ ৰোগীৰ ক্ষেত্ৰত মাইক্ৰ কণ্টেইমেণ্ট এলেকাৰ ব্যৱস্থা কৰিবলৈ নিৰ্দেশ দিয়ে।লগতে প্ৰয়োজনীয় অক্সিজেন চিলিণ্ডাৰ আৰু আই চি ইউ বেডৰ ব্যৱস্থা মজুত ৰখাৰ বাবেও নিৰ্দেশ দিয়ে।ক’ভিড ৰোগীৰ বাবে হাস্পতাল সমূহত যাতে বিচনাৰ অভাৱ নহয় সেই সম্পৰ্কে যথোচিত পদক্ষেপ লোৱাৰ বাবেও মুখ্যমন্ত্ৰীয়ে নিৰ্দেশ দিয়ে।আনহাতে ক’ভিড পৰীক্ষা ব্যাপক হাৰত কৰাৰ ওপৰতো মুখ্যমন্ত্ৰী য়ে গুৰুত্ব আৰোপ কৰে।বিহু অনুষ্ঠান সমূহত যাতে ক’ভিড প্ৰট’কল মানি চলা হয় তাৰ বাবেও বিশেষ লক্ষ্য ৰাখিবলৈ কয়।
আজিৰ এই পৰ্যালোচনা বৈঠকত লখিমপুৰ জিলাৰ উপায়ুক্ত খৰ্গেশ্বৰ পেগু আৰু ধেমাজি জিলাৰ উপায়ুক্ত ডাঃ জীৱন বি,দুয়ো খন জিলাৰ স্বাস্থ্য বিভাগৰ যুটীয়া সঞ্চালককে ধৰি স্বাস্থ্য বিভাগ তথা প্ৰশাসনৰ উচ্চপদস্ত বিষয়া সকল উপস্থিত থাকে।
ভিউৱাছৰ মতামত