ক’ৰণা ভাইৰাছৰ বাবে সমগ্ৰ বিশ্বই সজাগতা অৱলম্বন কৰিছে ।অসমো এই ক্ষেত্ৰত পিছপৰি ৰোৱা নাই ।
ক’ৰণা ভাইৰাছৰ সজাগতামূলক ব্যৱস্থাৰ বাবে ৰাজ্যৰ আবকাৰী বিভাগে বিশেষ পদক্ষেপ গ্ৰহণ কৰিছে।
৩১ মাৰ্চলৈকে ৰাজ্যৰ সকলো বাৰৰ বন্ধ ঘোষণা কৰিছে ।এই নিৰ্দেশনা অমান্য কৰিলে বাৰৰ কৰ্তৃপক্ষই শাস্তিৰ সন্মুখীন হ’ব।
অৱশ্যে ৱাইন শ্বপ সমূহ খোলা থাকিব।এই জৰুৰী নিৰ্দেশনা জিলা উপায়ুক্ত আৰু আবকাৰী অধীক্ষকসকললৈ প্ৰেৰণ কৰা হৈছে।
দেশৰ স্বতন্ত্ৰ সেনানীৰ তালিকাত শীৰ্ষত থকা অন্যতম বীৰ যোদ্ধা হ’ল সুভাষ চন্দ্ৰ বসু। তেখেতে ১৮৯৭ চনৰ ২৩ জানুৱাৰীত উৰিষ্যাৰ কটকত জন্ম গ্ৰহণ কৰিছিল।সুভাষ চন্দ্ৰ বসু আছিল একেধাৰে বীৰ যোদ্ধা , সৈনিক আৰু দক্ষ ৰাজনীতিবিদ। তেতিয়াৰে দিনতে দেশৰ লগতে বিদেশতো তেখেতে বেচ সমাদৰ লাভ কৰিছিল।
আজাদ হিন্দ ফৌজ গঠন কৰি দেশবাসীক দেশৰ স্বাধীনতা বাবে উদ্বুদ্ধ কৰি তুলিছিল। সুভাষ চন্দ্ৰ বসুয়ে দেশবাসীক উদ্দেশ্যে কৈছিল মনত ৰাখিব সকলোতকৈ ডাঙৰ অপৰাধ হ’ল অন্যায় সহা আৰু ভুল বুলি জানিও সহমত প্ৰদান কৰা।
সৰুৱে পৰা নেতাজী আছিল অত্যন্ত মেধাসম্পন্ন। এবাৰ কলেজত এগৰাকী ইংৰাজ অধ্যাপকে ভাৰতীয় বিষয়ে আপত্তিজনক মন্তব্য কৰিছিল। তেতিয়া নেতাজীয়ে সেই মন্তব্যক বিৰোধিতা কৰাৰ বাবে শাস্তি ভুগিব লগা হৈছিল।নেতাজীয়ে মহামানৱক জাতিৰ পিতা বুলি সম্বোধন কৰিছিল।যদিও মহামানৱ মহাত্মা গান্ধী দৰ্শনৰ লগত সুভাষ চন্দ্ৰ বসুৰ দৰ্শন অমিল আছিল তথাপিও দুগৰাকীয়ে দেশৰ স্বাধীনতা আন্দোলনৰ বাবে আহোপুৰুষাৰ্থ কৰিছিল।ইংৰাজৰ দিনতে ভাৰতীয় প্ৰশাসনীয় সেৱাত উত্তীৰ্ণ হৈও এজন সমাজসেৱক অথবা ৰাজনীতিবিদৰ হিচাপেহে দেশৰ সেৱা আগবঢ়াইছিল।
তেখেতে কৈছিল কাম কৰি যোৱা ফলাফল দাতাই দিব।এইগৰাকী বীৰক সন্মান জনাই তেখেতৰ জন্মদিনটোৰ পৰাক্ৰম দিৱস হিচাপে পালন কৰা হয়।নেতাজীৰ মৃত্যু আজিও ৰহস্য হৈয়ে থাকিল। প্ৰাপ্ত তথ্য অনুসৰি ১৯৪৫ চনৰ ১৮ আগষ্টত এক প্লেন দুৰ্ঘটনাত মৃত্যু হয়।নেতাজী জীৱিত থকা হ’লে ভাৰতীয় ৰাজনীতিয়ে অন্য মাত্ৰা লাভ কৰিলে হেতেন!এইগৰাকী মহান মনিষীৰ শুভ জন্মদিনত শ্ৰদ্ধাৰে সুঁৱৰিছো।
ঐতিহাসিক জেৰেঙা পথাৰত কালিলৈ অনুষ্ঠিত হ’ব এক বিশাল গণসমাবেশ।এই সভাত উপস্থিত থাকিব দেশৰ প্ৰধানমন্ত্ৰী । ইতিমধ্যে এসপ্তাহ ধৰি সভাৰ যাবতীয় প্ৰস্তুতি অব্যাহত আছে। শিৱসাগৰ জিলা প্ৰশাসনে নিৰাপত্তা ক্ষেত্ৰত পহৰাৰ ব্যৱস্থা কৰিছে। উল্লেখযোগ্য যে এই বিশাল গণ সমাবেশত ৩ লাখ লোকক ভূমি পট্ৰা প্ৰদান কৰিব।দেশৰ প্ৰধানমন্ত্ৰী গৰাকীৰ আগমনকলৈ ৪ খনকৈ হেলিপেড সাজু কৰি তুলিছে। জানিব পৰা মতে প্ৰতিখন জিলাৰ পৰা বিভিন্ন প্ৰতিনিধি এই সমাবেশলৈ আহিব। এই সমাবেশত অংশগ্ৰহণকাৰী সকলে ক’ভিড প্ৰট’কল মনাৰ লগতে কিছু নীতি নিৰ্দেশনা মানি চলিব লাগিব বুলি শিৱসাগৰ জিলা প্ৰশাসনে জানিবলৈ দিছে।
নামৰূপ কাৰখানাৰ বাবে আছে ভাল খবৰ। নামৰূপ সাৰ কাৰখানাৰ চতুর্থ গোটৰ স্থাপন হোৱাৰ সপোন এতিয়া সাৰ্থক হোৱাৰ দিশে আগবাঢ়িছে।আজি কেন্দ্ৰীয় সাৰ আৰু ৰসায়ন বিভাগৰ মন্ত্ৰী সদানন্দ গৌড়াৰে হোৱা এক আলোচনাত উপস্থিত থকাৰ পিছতে কাৰখানাটোৰ চতুৰ্থটো গোট স্থাপনৰ ক্ষেত্ৰত সম্ভাৱনা ব্যক্ত কৰিছে বিত্তমন্ত্ৰী ড০ হিমন্ত বিশ্ব শৰ্মাই। মন্ত্ৰী ড০ শৰ্মাই জনাই যে চতুৰ্থটো গোটক লৈ থকা জটিলতা আঁতৰাবলৈ অসম চৰকাৰে বিনিয়োগৰ পৰিমাণ পূৰ্বৰ ১১ শতাংশৰ পৰিৱৰ্তে ২৬ শতাংশলৈ বৃদ্ধি কৰাৰ প্ৰস্তাৱ দিছে।
লগতে বিত্তমন্ত্ৰী গৰাকীয়ে কয় যে কেন্দ্ৰীয় চৰকাৰে এই সম্পৰ্কত সেউজ সংকেত দিব।উল্লেখযোগ্য যে ১৯৬৯ চনৰ পৰা আৰম্ভ হোৱা কাৰখানাটোৰ ২য় আৰু ৩য় গোটৰ কাম অতি দুৰ্বলভাৱে চলি থকাৰ পিছত ৪ৰ্থটো গোট মুকলি কৰাৰ বাবে চেষ্টা চলাই থকা হৈছিল যদিও ই কাৰ্যতঃ হৈ উঠা নাছিল। কিন্তু আজি বৈঠকত বিত্তমন্ত্ৰী গৰাকীয়ে চতুৰ্থটো গোট স্থাপনৰ স্থাপনৰ সম্ভাৱনাৰ থকা কথা সদৰি কৰে।
অসমৰ গাহৰি পালক সকলে দীৰ্ঘদিন ধৰি সন্মুখীন হৈ থকা সমস্যাৰ সমাধানৰ বাবে চৰকাৰ তথা বিভাগীয় কৰ্তৃপক্ষক দৃষ্টিগোচৰ কৰাৰ অৰ্থে কালি এখনি সংবাদমেল অনুষ্ঠিত কৰে।গুৱাহাটী প্ৰেছ ক্লাৱত অনুষ্ঠিত হোৱা সংবাদ মেলখনত উত্তৰ পূব প্ৰগতিশীল গাহৰি পালক সন্থাৰ সম্পাদকে কয় যে লকডাউনৰ বাবে গাহৰি পালক সকলে লকডাউনৰ পিছত গাহৰিৰ বাবে পয্যাপ্ত সামগ্ৰী যোগানৰ ক্ষেত্ৰত বিভিন্ন সমস্যাৰ সন্মুখীন হোৱাৰ লগতে উপাৰ্জনহীনতাত ভূগিছে।ইয়াৰ উপৰিও আফ্ৰিকান ছোৱাইন ফ্লুৱে যথেষ্ট প্ৰভাৱ পেলাইছে।সেয়েহে বিভাগীয় কৰ্তৃপক্ষক গাহৰি পালনৰ ক্ষেত্ৰত সুস্থ পৰিৱেশ গঢ়ি দিবলৈ সংবাদমেলৰ যোগে আহ্বান জনাইছে।
আজি জনপ্ৰিয় অভিনেতা সুশান্ত সিং ৰাজপুতৰ ৩৫ সংখ্যক জন্ম বাৰ্ষিকী।অভিনেতা গৰাকী জন্ম দিনৰ লগত সংগতি ৰাখি ছ’চিয়েল মেডিয়াত হাজাৰ হাজাৰ অনুৰাগীয়ে শুভেচ্ছা জ্ঞাপন কৰি পোষ্ট শ্বেয়াৰ কৰিছে।কোনোৱে ৰাজপুতৰ দৰ্শন, আৰ্দশক সুঁৱৰি অভিনেতা গৰাকী শুভেচ্ছা যাঁচিছে।কোনোৱে অভিনেতা গৰাকীৰ ন্যায়ৰ বাবে এই বিশেষ দিনটোত ঈশ্বৰক প্ৰাৰ্থনা জনাইছে।
ইতিমধ্যে ছ’চিয়েল মেডিয়া ফেচবুকত এটা টেণ্ড আৰম্ভ হৈছে। উল্লেখযোগ্য যে বিগত বৰ্ষৰ ১৪ জুনত অভিনেতা গৰাকীক মুম্বাইত নিজা ফ্লেটত মৃত অৱস্থাত পোৱা গৈছিল ।পৰৱৰ্তী সময়ত অভিনেতা গৰাকীৰ মৃত্যু তদন্ত কৰিবলৈ চি বি আই, এ চি বি আৰু ইউ ডি সক্ৰিয় হৈ পৰিছিল।জনপ্ৰিয় অভিনেতা গৰাকীৰ আজি এই বিশেষ দিনটোত এন ই ফ’কাচ ডট কমৰ পৰিয়ালে শ্ৰদ্ধাৰে স্মৰণ কৰিছোঁ।
ৰবীন্দ্ৰভৱনত আজি সন্ধিয়া ৬ বজাত অসম চৰকাৰৰ সাংস্কৃতিক সঞ্চালকালয়ৰ উদ্যোগত তথা বৰ্তমানৰ সঞ্চালক যাদৱ শইকীয়াৰ নেতৃত্বত,গুৱাহাটীৰ “দৰ্পণ ডান্স অকাডেমী” আৰু সংগীত সত্ৰৰ সহযোগত যোৱা বৰ্ষত মহাপ্ৰয়াণ ঘটা পদ্মশ্ৰী ,সংগীত নাটক অকাডেমী বঁটা প্ৰাপক ভাৰতৰ এগৰাকী যশস্বী নৃত্যবিশাৰদ, সমালোচক কোঠাৰীৰ স্মৃতিত “মোক্ষ” শীৰ্ষক ভাৰতীয় ধ্ৰুপদী নৃত্যৰ এক অনুষ্ঠান পৰিৱেশিত হয়৷এই অনুষ্ঠানটিত নৃত্যাচাৰ্য পদ্মশ্ৰী যতীন গোস্বামী,অসম চৰকাৰৰ সাংস্কৃতিক বিভাগৰ অৱসৰপ্ৰাপ্ত উচ্চপদস্থ বিষয়া স্বপ্ননীল বৰুৱা,আই এ এছ বিষয়া তথা সাংস্কৃতিক ব্যক্তিত্ব মাধুৰীমা বৰুৱা,প্ৰখ্যাত মূকাভিনয় শিল্পী মইনুল হক,গুৱাহাটী বিশ্ববিদ্যালয়ৰ ছাত্ৰ কল্যাণৰ সঞ্চালক ড° ৰঞ্জন কাকতি,গুৱাহাটী বিশ্ববিদ্যালয়ৰ ভাইচ চেঞ্চেলৰ মৃণালজ্যোতি ডেকা বিশিষ্ট অতিথি হিচাপে উপস্থিত থাকে৷এইসকল বিশিষ্ট ব্যক্তিক অনুষ্ঠানটিত সম্বৰ্ধনা জনোৱাৰ লগতে প্ৰয়াত সুনীল কোঠাৰীৰ বিষয়ে কিছু কথাও শ্ৰদ্ধাৰে স্মৰণ কৰা হয়৷বন্তি প্ৰজ্বলনৰে আৰম্ভ হোৱা ‘মোক্ষ’ শীৰ্ষক নৃত্য সন্ধিয়াটিত অৰুণাভজ্যোতি মালাকাৰৰ “খোল বাদন”,স্বনামধন্য নৃত্যশিল্পী অনিতা শৰ্মাৰ “গুৰু বন্দনাৰে সৈতে সত্ৰীয়া নৃত্য”,যশস্বী নৃত্যগুৰু বিপুল দাসৰ “কথক নৃত্য”,খ্যাতনমা নৃত্যশিল্পী তথা প্ৰৱক্তা ড° অঞ্জনাময়ী শইকীয়াৰ “ওডিচি নৃত্য” পৰিবেশনৰ লগতে গুৱাহাটীৰ সংগীত সত্ৰৰ শিল্পীসকলে ‘একলব্য’ আৰু আন এক সত্ৰীয়া নৃত্য প্ৰদৰ্শন কৰে৷
আমি মুক্ত সাংবাদিকতাক বিশ্বাস কৰো।আমাৰ এই যাত্ৰাক অধিক প্ৰসাৰিত কৰিবৰ বাবে আপুনিও সহযোগী হ’ব পাৰে।আমাৰ কোনো লেখা পঢ়ি যদি ভাল লাগে আমাক উৎসাহিত কৰাৰ বাবে ১০০ টকাৰ পৰা ৫০০ টকালৈ অনুদান আগবঢ়াব পাৰে।
ভিউৱাছৰ মতামত