কালিৰে পৰা আৰম্ভ হ’ল তৃতীয় গুৱাহাটী আন্ত:ৰাষ্ট্ৰীয় চলচিত্ৰ এই মহোৎসৱ।এই মহোৎসৱখন অহা ৬নবেম্বৰলৈকে অনুষ্ঠিত হ’ব।চলচিত্ৰ মহোৎসৱখন আনুষ্ঠানিকভাৱে উদ্বোধন কৰি মুখ্যমন্ত্ৰী সৰ্বানন্দ সোণোৱালে কয় যে বিশ্ববাসীক একতাৰ দোলাৰে বন্ধাৰ ক্ষেত্ৰত চলচিত্ৰৰ গুৰুত্ব সৰ্বাধিক।অসমৰ চহকী সম্পদ সংস্কৃতিক বিশ্ববাসীৰ আগত চলচিত্ৰৰ মাধ্যমেৰে দাঙি ধৰিবলৈ চলচিত্ৰ পৰিচালক মধুৰ ভাণ্ডাৰক আহ্বান জনায়।আনহাতে অনুষ্ঠানত উপস্থিত থাকি সাংস্কৃতিক পৰিক্ৰমা মন্ত্ৰী নৱ কুমাৰ দলে কয় যে বছৰত সৰ্বাধিক ২০খন ছবি নিৰ্মাণৰ বাবে চৰকাৰে আৰ্থিক সাহাৰ্য্য প্ৰদানৰ কথা ঘোষণা কৰে।অনুষ্ঠানত অভিনেতা আদিল হুছেইন,প’লেণ্ডৰ ছবি নিৰ্মাতা খ্ৰীষ্ট’ফ জানুছি ,টাইৱানৰ ৰাষ্ট্ৰদূত টেইন ছুম কোৱাঙকে আদি কৰি বহুকেইগৰাকী বিশিষ্ট ব্যক্তি উপস্থিত থাকে।
৭দিনীয়া কাৰ্যসূচীৰে ১৮জানুৱাৰীৰ পৰা আৰম্ভ ধেমাজি গ্ৰন্থ উৎসৱ
admin January 18, 2021 11:35 AM
আজিৰে পৰা ২৪ জানুৱাৰীলৈকে ৭ দিনীয়া কাৰ্যসূচীৰে ধেমাজি জিলা প্ৰশাসন আৰু ধেমাজি ছাত্ৰ সন্থাৰ উদ্যোগত অনুষ্ঠিত হ’ব গ্ৰন্থৰ উৎসৱ।ধেমাজি ডি. আৰ. ডি. এ প্ৰাংগণত অনুষ্ঠিত হোৱা এই উৎসৱ ছাত্ৰ-ছাত্ৰী সকলৰ বৌদ্ধিক বিকাশৰ উদ্দেশ্য আগত ৰাখি অনুষ্ঠিত কৰা হৈছে।এই উৎসৱত ছাত্ৰ-ছাত্ৰী সকলৰ মাজত চিত্ৰাংকন,ৰচনা,কুইজ,তৰ্ক,প্ৰাচীৰ পত্ৰিকা প্ৰতিযোগিতা অনুষ্ঠিত হ’ব।লগতে ব্যক্তিত্ব আৰু নেতৃত্ব বিকাশ কৰ্মশালা, কেৰিয়াৰ পৰামৰ্শ, গ্ৰন্থ শোভাযাত্ৰা, জনগোষ্ঠীয় সাংস্কৃতিক সমাৰোহ,কবি সন্মিলন, চিত্ৰ প্ৰদৰ্শনী,সাংস্কৃতিক অনুষ্ঠান, ভাওনা প্ৰদৰ্শন আদি অনুষ্ঠিত হ’ব।
অসমীয়া ভাষা,সাহিত্য, নাট্যজগত তথা বোলছবি জগতলৈ অৱদান আগবঢ়োৱা অন্যতম পুৰোধা ব্যক্তি হ’ল জ্যোতিপ্ৰসাদ আগৰৱালা।তেখেতে ১৯৩৫ চনতে প্ৰথম অসমীয়া চলচিত্ৰৰ জয়মতী নিৰ্মাণ কৰিছিল।সেয়ে আগৰৱালাক অসমীয়া চলচিত্ৰৰ জনক বুলি কোৱা হয়।ইয়াৰ উপৰিও জ্যোতিপ্ৰসাদ আগৰৱালাই প্ৰায় ৩০০ গীত ৰচনা কৰি নিজে সুৰ দিছিল।সেই গীত সমূহক জ্যোতিসংগীত হিচাপে জনা যায়। লগতে গল্প,কবিতা, উপন্যাস, শিশু সাহিত্য ৰচনা কৰি অসমীয়া সাহিত্যৰ ভঁৰাল টনকিয়াল কৰি থৈ গৈছে।এই গৰাকী মহামনিষীৰ মৃত্যু তিথি দিনা এন ই ফ’কাচ ডট কমৰ পৰিয়ালে শ্ৰদ্ধাৰে সুঁৱৰিছো।
ভিউৱাছৰ মতামত