এখন বিশেষ বিদ্যালয়।বিদ্যালয়খন সম্প্রতি সংবাদ মাধ্যমৰ চৰ্চাৰ বিষয় হৈ পৰিছে।কিয়নো বিদ্যালয়খনক চালে চকুৰোৱাকৈ সজাই পৰাই তোলা হৈছে।দৰঙৰ দলগাঁৱত অৱস্থিত এই বিশেষ বিদ্যালয়খনৰ নাম কস্তৌৰবা গান্ধী বালিকা বিদ্যালয়।চৰকাৰী খণ্ডৰ এই বিদ্যালয়খন সেয়েহে আজি সকলোৱে মুখে মুখে চৰ্চিত।উল্লেখযোগ্য যে বিদ্যালয়খনৰ দেৱালত বিভিন্ন মহৎ লোকৰ বাণী ,বিভিন্ন জীৱ জন্তুৰ ছবি অংকিত আছে, বিদ্যালয়ৰ চৌহদত এখন সৰু পথাৰ আছে আৰু সুন্দৰ ফুলনি বাগিচা আছে ।২০০৮ চনতে স্থাপন হোৱা বিদ্যালয়খনৰ ছাত্ৰীৰ সংখ্যা ৮০ জনী।জানিব পৰা মতে বিদ্যালয়খনত আনুষ্ঠানিক পাঠদান কৰাৰ লগতে আত্মৰক্ষা কৌশল,যোগ,কাপোৰ বোৱা,খেতি কৰা,আচাৰ বনোৱাৰ প্ৰশিক্ষণ প্ৰদান কৰে।এই সম্পর্কে কৌস্তৰবা বিদ্যালয়ৰ প্ৰধান শিক্ষয়ত্ৰী অলি দেৱীয়ে এনেদৰে কয়- ছাত্রীসকলে বিদ্যালয়খনক সজাই পৰাই তোলাৰ ক্ষেত্রত পদক্ষেপ লৈ আহিছে।আমাৰ এই বিদ্যালয়ত প্ৰশিক্ষণ গ্রহণ কৰি হাজেৰা খাতুন নামৰ ছাত্ৰীগৰাকীয়ে আন্তৰাষ্ট্ৰীয় পৰ্যায়ত কাৰাটে প্ৰতিযোগিতাত ব্ৰঞ্জৰ পদক অৰ্জন কৰিবলৈ সক্ষম হৈছে।প্ৰত্যকজনী ছোৱালীক সকলো দিশৰ পৰা পাকৈত কৰি তোলাৰ প্ৰয়াস কৰা হৈছে।স্মৰ্তব্য যে এই বিদ্যালয়খনে বস্তি অঞ্চলৰ ছাত্ৰী উন্নয়নৰ বাবে পদক্ষেপ গ্রহণ কৰি আহিছে। সংগীতা শইকীয়া
বৃষ্টিক সহায়ৰ হাত আগবঢ়াইছে বিশাল ভাৰত পৰিবাৰে
admin October 28, 2020 8:32 PM
এগৰাকী কণমানি।কণমানি গৰাকী নাম বৃষ্টি কাশ্যপ।দেখাত মৰমলগা কণমানি জনীৰ জীৱনলৈ হঠাতে নামি আহিল অমানিশা।বৰ্তমানে তাই চিকিৎসালয়ৰ বিচনাত শয্যাগত হৈ আছে।
এই সময়তে বৃষ্টি কাশ্যপৰ বিষয়ে চ’চিয়েল মেডিয়াৰ জৰিয়তে জানিব পাৰি সহায়ৰ বাবে আগবাঢ়ি আহিছে বিশাল ভাৰত পৰিবাৰ নামৰ এটা প্ৰতিষ্ঠান।উল্লেখযোগ্য যে বিশাল ভাৰত পৰিবাৰৰ তৰফৰ পৰা বৃষ্টি কাশ্যপলৈ বিনামূলীয়াকৈ আগবঢ়াছে হেল্থ কাৰ্ড ।এই কাৰ্ড ইতিমধ্যে গ্ৰহণ কৰিছে বৃষ্টি কাশ্যপৰ মোমায়েক দানিচ গগৈয়ে।
উল্লেখযোগ্য যে কাৰ্ডখনৰ জৰিয়তে ১৫ ৰ পৰা ২০ শতাংশ ৰেহাই মূল্যত মহানগৰীৰ ১৭ খন চিকিৎসালয়ত চিকিৎসা গ্ৰহণ কৰিব পাৰিব। সম্প্ৰতি বৃষ্টি কাশ্যপ মহানগৰী এক্সেল কেয়াৰ হাস্পতালত চিকিৎসাধীন হৈ আছে।বিশাল ভাৰত পৰিবাৰৰ এই পদক্ষেপক সচেতন মহলে শলাগ লৈছে।
ভিউৱাছৰ মতামত