অলপতে হায়দৰাবাদত অনুষ্ঠিত ৪১ তম সৰ্বভাৰতীয় জনসম্পৰ্কৰক্ষী সমাজৰ গুৱাহাটী অধ্যায়ক দুটা বঁটাৰে সৰ্বশ্ৰেষ্ঠ প্ৰচাৰ আৰু সৰ্বশ্ৰেষ্ঠ অনুষ্ঠানৰ বাবে বঁটা প্ৰদান কৰে।তেলেংগনা চৰকাৰৰ সাংস্কৃতিক আৰু পৰ্যটন বিভাগৰ মন্ত্ৰী শ্ৰীনিবাস গৌৰ পৰা,পি আৰ এছ আইৰ ৰাষ্ট্ৰীয় সভাপতি ড০ অজিত পাঠক আৰু পি এছ আৰ আইৰ ৰাষ্ট্ৰীয় পৰিষদৰ সদস্যসকলৰ লগতে ভাৰতৰ ভিন্ন প্ৰান্তৰ আগশাৰীৰ নিগমসমূহক প্ৰতিনিধিত্ব কৰা ৩০০ তকৈও অধিক প্ৰতিনিধিৰ উপস্থিতিত পি আৰ এছ আই গুৱাহাটীৰ অধ্যক্ষ মধুচন্দা অধিকাৰী আৰু পি আৰ এছ আইৰ পূৱ প্ৰান্তৰ ভি পি এম এছ মজুমদাৰে এই বঁটা গ্ৰহণ কৰে।উল্লেখ্য যে গুৱাহাটী অধ্যায়ৰ কাৰ্যক্ৰমৰ খতিয়ানসহ জনসম্পৰ্ক তথা নিগম যোগাযোগৰ বিষয়ত শিক্ষামূলক বুদ্ধিদীপ্ত নিবন্ধযুক্ত বছৰেকীয়া গ্ৰন্থ চেভেন চিষ্টাৰ্ছে সৰ্বশ্ৰেষ্ঠ অধ্যায় প্ৰচাৰ পত্ৰিকাৰ বঁটা লাভ কৰে।আনহাতে,গুৱাহাটীত ৩১ আগষ্ট,২০১৬ ত অনুষ্ঠিত গুৱাহাটী অধ্যায়ৰ প্ৰমূখ পৰ্ব নৰ্থ ইষ্ট পি আৰ সমাৰোহৰ চতুৰ্থ খণ্ডই সৰ্বশ্ৰেষ্ঠ অধ্যায় কাৰ্যক্ৰমৰ সন্মান লাভ কৰে।সমগ্ৰ দেশজুৰি ২৫ টা অধ্যায়সহ ১৯৫৮ চনত গঠিত হোৱা পি আৰ এছ আই হৈছে জনসম্পৰ্কৰক্ষী তথা নিগম যোগাযোগৰ পেছাদাৰী ব্যক্তিসকলৰ শীৰ্ষতম সংস্থা।
ভেকচিন প্ৰদানৰ ক্ষেত্ৰত জনসচেতনতা সৃষ্টিৰ ওপৰত মুখ্যমন্ত্ৰীৰ গুৰুত্ব আৰোপ
মুখ্যমন্ত্ৰী সৰ্বানন্দ সোণোৱালে আজি লখিমপুৰ জিলাৰ নাৰায়ণপুৰস্থিত দেউৰী স্বায়ত্ত শাসিত পৰিষদৰ অতিথিশালাত অনুষ্ঠিত এক বৈঠকত লখিমপুৰ আৰু ধেমাজি সাম্প্ৰতিক ক’ভিড পৰিস্থিতি বিষয়ে সবিশেষ পৰ্যালোচনা কৰে।পৰ্যালোচনা কালত মুখ্যমন্ত্ৰীয়ে জিলা উপযুক্ত তথা স্বাস্থ্য বিভাগৰ যুটীয়া সঞ্চালকৰ সৈতে মত-বিনিময় কৰি সাম্প্ৰতিক ক’ভিড সংক্ৰমণৰ সবিশেষ বুজ লয়।বৈঠকত দুয়োখন জিলাৰ উপযুক্ত সৈতে মত-বিনিময় কৰি সাম্প্ৰতিক ক’ভিড সংক্ৰমণ প্ৰতিৰোধ কৰাৰ দিশত গ্ৰহণ কৰা ব্যৱস্থা ৰাজিৰ লগতে ভেকচিন প্ৰদান, সংক্ৰমণৰ হাৰ,হাস্পতাল থকা সা-সুবিধা সমূহ বিষয়ে মুখ্যমন্ত্ৰীক সবিশেষ অৱগত কৰে।আনহাতে, দুয়োগৰাকী স্বাস্থ্য বিভাগৰ যুটীয়া সঞ্চালকে চিকিৎসা বিভাগে গ্ৰহণ কৰা পদক্ষেপ সমূহ বিষয়ে মুখ্যমন্ত্ৰীক অৱগত কৰে।
বৈঠকত মুখ্যমন্ত্ৰীয়ে জিলা দুখনত ভেকচিন প্ৰদানৰ ক্ষেত্ৰত জন সচেতন সৃষ্টিৰ বাবে প্ৰশাসনক নিৰ্দেশ দিয়ে।ৰাজহুৱা স্থানত জনসাধাৰণ যাতে মাস্ক পৰিধান কৰা লগতে সামাজিক দূৰত্ব বৰ্তাই ৰাখে সেই দিশটো নজৰ ৰাখিবলৈ মুখ্যমন্ত্ৰীয়ে কয়।মুখ্যমন্ত্ৰীয়ে লগতে ক’ভিড পজিটিভ ৰোগীৰ ক্ষেত্ৰত মাইক্ৰ কণ্টেইমেণ্ট এলেকাৰ ব্যৱস্থা কৰিবলৈ নিৰ্দেশ দিয়ে।লগতে প্ৰয়োজনীয় অক্সিজেন চিলিণ্ডাৰ আৰু আই চি ইউ বেডৰ ব্যৱস্থা মজুত ৰখাৰ বাবেও নিৰ্দেশ দিয়ে।ক’ভিড ৰোগীৰ বাবে হাস্পতাল সমূহত যাতে বিচনাৰ অভাৱ নহয় সেই সম্পৰ্কে যথোচিত পদক্ষেপ লোৱাৰ বাবেও মুখ্যমন্ত্ৰীয়ে নিৰ্দেশ দিয়ে।আনহাতে ক’ভিড পৰীক্ষা ব্যাপক হাৰত কৰাৰ ওপৰতো মুখ্যমন্ত্ৰী য়ে গুৰুত্ব আৰোপ কৰে।বিহু অনুষ্ঠান সমূহত যাতে ক’ভিড প্ৰট’কল মানি চলা হয় তাৰ বাবেও বিশেষ লক্ষ্য ৰাখিবলৈ কয়।
আজিৰ এই পৰ্যালোচনা বৈঠকত লখিমপুৰ জিলাৰ উপায়ুক্ত খৰ্গেশ্বৰ পেগু আৰু ধেমাজি জিলাৰ উপায়ুক্ত ডাঃ জীৱন বি,দুয়ো খন জিলাৰ স্বাস্থ্য বিভাগৰ যুটীয়া সঞ্চালককে ধৰি স্বাস্থ্য বিভাগ তথা প্ৰশাসনৰ উচ্চপদস্ত বিষয়া সকল উপস্থিত থাকে।
ভিউৱাছৰ মতামত