এন আৰ এলৰ প্ৰকল্প পৰিদৰ্শন কৰিলে মুখ্যমন্ত্ৰীয়ে

নুমলীগড় ৰিফাইনেৰী লিমিটেড কৰ্তৃপক্ষক ৰাজ্যখনৰ কৃষিভিত্তিক অৰ্থনীতিৰ প্ৰসাৰণৰ ক্ষেত্ৰত গুৰুত্ব দিবলৈ কৰ্তৃপক্ষক আহ্বান জনায় মুখ্যমন্ত্ৰী সৰ্বানন্দ সোণোৱালে। নুমলীগড়স্থিত নুমলীগড় ৰিফাইনেৰী লিমিটেডৰ মুখ্য কাৰ্যালয়ত নুমলীগড় ৰিফাইনেৰী সম্প্ৰসাৰণ প্ৰকল্প প্লাণ্টৰ পৰ্যালোচনাৰ সময়ত মুখ্যমন্ত্ৰী গৰাকীয়ে এই আহ্বান জনায়। দুয়োটা প্ৰকল্পৰ নিৰ্মাণস্থলী পৰিদৰ্শন কৰি নিৰ্মাণ কাৰ্যৰ অগ্ৰগতিৰ বুজ লয়।

মুখ্যমন্ত্ৰী সৰ্বানন্দ সোণোৱালে কয় যে পূৰ্বৰ পৰাই অসমৰ ঔদ্যোগিক ক্ষেত্ৰখনত এক বিশেষ স্থান অধিকাৰ কৰি থকা নুমলীগড় শোধনাগাৰে সম্প্ৰসাৰণ প্ৰকল্প তথা বায়’ ফুয়েল প্লাণ্টৰ জৰিয়তে ৰাজ্যৰ অৰ্থনীতিলৈ কঢ়িয়াই আনিছে এক আশাৰ বতৰা। শোধনাগাৰটোৱে সাম্প্ৰতিক সময়ত কৃষিখণ্ডৰ ওপৰতো গুৰুত্ব আৰোপ কৰাৰ এয়াই উপযুক্ত সময় বুলি কয় মুখ্যমন্ত্ৰী গৰাকীয়ে। কৃষি অৰ্থনীতিৰ বিকাশৰ ক্ষেত্ৰত বাঁহভিত্তিক ইথান’ল প্লাণ্টে নুমলীগড় ৰিফাইনেৰী লিমিটেডলৈ এক বৃহৎ সুযোগ কঢ়িয়াই আনিছে।

উল্লেখ্য যে মুখ্যমন্ত্ৰী গৰাকীয়ে নুমলীগড় তেল শোধনাগাৰক সেই অঞ্চলৰ স্থানীয় যুৱক যুৱতীসকলৰ দক্ষতা বিকাশৰ ক্ষেত্ৰত প্ৰয়োজনীয় পদক্ষেপ গ্ৰহণ কৰিবলৈ আহ্বান জনায়। ক’ভিড১৯ প্ৰতিৰোধৰ ক্ষেত্ৰত নুমলীগড় তেল শোধনাগাৰে লোৱা ব্যৱস্থা সমূহৰ শলাগ লয়। শোধনাগাৰ কৰ্তৃপক্ষই যাতে চেনিটাইজেছনৰ লগতে জৰুৰী চিকিৎসা পদ্ধতি সমূহ লগত মজুত ৰাখে তাৰ বাবে আহ্বান জনায় মুখ্যমন্ত্ৰী গৰাকীয়ে। এই সময়ছোৱাতো কৰ্তৃপক্ষই কৰ্মচাৰী সকলক নিয়মীয়াকৈ মাহিলী দৰমহা প্ৰদান কৰাৰ লগতে প্ৰতিমাহে ১.২০কোটি টকা ব্যয় কৰাৰ লগতে প্ৰব্ৰজিত শ্ৰমিকসকলৰ বাবে আশ্ৰয়ৰ ব্যৱস্থা গ্ৰহণ কৰা কাৰ্যকো ভূয়সী প্ৰশংসা কৰে সোণোৱালে।

লিমিটেডৰ পৰিচালন সঞ্চালক এছ কে বৰুৱাই অৱগত কৰে যে ২২৫৯৪কোটি টকা প্ৰকল্প ব্যয়ৰে শোধনাগাৰৰ সম্প্ৰসাৰণৰ প্ৰকল্প অহা ৪৮মাহৰ ভিতৰত সম্পূৰ্ণ কৰাৰ লক্ষ্য হাতত লৈছে। এই কাম সম্পূৰ্ণ হ’লে শোধনাগাৰৰ বৰ্তমানৰ সামৰ্থৰ ৩ এম এম টি পি এৰ পৰা ৯ এম এম টি পি এ লৈকে বৃদ্ধি পাব। খাৰুৱা তেল পৰিবাহী পাইপলাইন স্থাপনৰ বাবে পাৰাদ্বীপ বন্দৰত ইতিমধ্যে ২০০একৰ ভূমি লীজত লৈছে কৰ্তৃপক্ষই। নুমলীগড়ক সংযুক্ত কৰা এই পাইপলাইনৰ ক্ষেত্ৰত পৰামৰ্শদাতাৰ পৰামৰ্শ লোৱা হৈছে।

১৭৫০কোটি টকা প্ৰকল্প ব্যয়ৰে বায়’ ৰিফাইনেৰী প্লাণ্টৰ কাম সম্পূৰ্ণ হৈ উঠিলে ইয়াত কেচামাল হিচাপে বছৰি ৫লাখ মেট্ৰিকটন বাঁহ ব্যৱহৃত হ’ব আৰু মুল উৎপাদন হিচাপে বছৰি ৪৯০০০মেট্ৰিকটন ইথান’ল উৎপাদন হ’ব বুলি কয় সঞ্চালক গৰাকীয়ে। এই প্লাণ্টৰ পৰা উৎপাদন হ’বলগীয়া অন্যতম প্ৰধান জৈৱ সামগ্ৰীৰ ভিতৰত অন্যতম হ’ব এছিটিক এচিড আৰু ফাৰফুৰেল। আই আই টি গুৱাহাটীৰ সহযোগত এই ফাৰফুৰেলৰ পৰা বায়’ডিগ্ৰেডেবল প্লাষ্টিক উৎপাদনৰ বাবে প্ৰচেষ্টা চলি আছে।

২০২১চনৰ ডিচেম্বৰৰ পৰা এই প্লাণ্টৰ কামষসমূহ আৰম্ভ হ’ব। এই পৰ্যালোচনাত শীৰ্ষ বিষয়া সকল উপস্থিত থাকে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

পবিত্ৰ ৰাম নৱমীৰ শুভেচ্ছা জ্ঞাপন কৰিলে ৰাষ্ট্ৰপতিয়ে

আজি ৰাম নৱমী।এই ৰাম নৱমী হিন্দু ধর্মৰ এক পবিত্ৰ উৎসৱ।এই উৎসৱ ভগৱান ৰামৰ জন্মৰ লগত জৰিত।ৰাম নৱমী উপলক্ষে বিভিন্ন ঠাইত পূজা অৰ্চনা কৰা হৈছে।এই ৰাম নৱমী শুক্লপক্ষৰ নৱমী তিথিত পালন কৰা হয়।

ৰাম নৱমী উপলক্ষে দেশৰ প্ৰধানমন্ত্ৰী নৰেন্দ্ৰ মোদীয়ে দেশবাসীক শুভেচ্ছা জনায় কয় যে ভগৱান ৰামৰ আৰ্শীবাদ দেশবাসীৰ প্ৰতি সদায় বৰ্তি থাকক।আনহাতে এই সম্পৰ্কত ৰাষ্ট্ৰপতি ৰামনাথ কবীন্দ্ৰে এনেদৰে কয় ৰামৰ ধৰ্মই আমাক সদায় অনুপ্ৰাণিত কৰি আহিছে।ন্যায় আৰু মানৱীয় গুণৰ বাবে ৰামৰ আদৰ্শই যুগ যুগ ধৰি সকলোকে অনুপ্ৰেৰণা যোগাব।

কেন্দ্ৰীয় বাঁহ গোঁসাই উৎসৱৰ সফল সামৰণি

সদৌ অসম শৰণীয়া কছাৰী ছাত্ৰ সন্থাৰ উদ্যোগত আৰু দৰঙাজুলি আঞ্চলিক শৰণীয়া-কছাৰী ছাত্ৰ সন্থাৰ সহযোগত বাক্সা জিলাৰ তামুলপুৰ মহকুমাৰ কুমাৰীকাটা মিঠাৰাম দাস সমন্বয় ক্ষেত্ৰত সোমবাৰৰ পৰা দুদিনীয়া বৰ্ণাঢ্য কাৰ্যসূচীৰে অনুষ্ঠিত হোৱা শৰণীয়া কছাৰী জনগোষ্ঠীৰ কেন্দ্ৰীয় বাঁহ গোঁসাই উৎসৱৰ মঙলবাৰে সফল সামৰণি পৰে।

মঙলবাৰে পুৱাৰে পৰা নামনি অসমৰ জিলা কেইখনৰ পৰা শৰণীয়া-কছাৰী জনগোষ্ঠীৰ লোকসকলে পৰম্পৰাগত সাজ পৰিধান কৰি একোডাল বাঁহ গোঁসাই লৈ ঢোল ,তাল,শংখ, দবা আদিৰ শব্দৰে মুখৰিত কৰি কেন্দ্ৰীয় বাঁহ গোসাইস্থলীত উপস্থিত হয়।বাক্সা জিলাৰ তামুলপুৰ মহকুমাৰ কুমাৰীকাটাৰ শৰণীয়া কছাৰী জনগোষ্ঠীৰ কেন্দ্ৰীয় বাঁহ গোঁসাই উৎসৱস্থলী মিঠাৰাম দাস সমন্বয় ক্ষেত্ৰ এক তীৰ্থ ক্ষেত্ৰলৈ পৰিণত হয়।

বিভিন্ন প্ৰান্তৰ পৰা শতাধিক বাঁহ গোঁসাই সজাই-পৰাই এক মাঙ্গলিক পৰিৱেশেৰে উৎসৱস্থলীত নিৰ্মাণ কৰা গোঁসাই ঘৰত স্থাপন কৰে। ইয়াৰ আগতে বাঁহ গোঁসাই লৈ উৎসৱস্থলীত উপস্থিত হোৱা দল সমূহে নিজৰ নিজৰ দলৰ বাঁহ গোঁসাই লৈ কুমাৰীকাটা চহৰৰ মাজেৰে পাঁচ কিলোমিটাৰ জোৰা পথ সমদল কৰি পানবাৰী-বাটাবাৰী হৈ পুনৰ উৎসৱস্থলীত উপস্থিত হয়।
সম্পূৰ্ণ কোভিড প্ৰট’কল মানি শৰণীয়া কছাৰী জনগোষ্ঠীৰ কেন্দ্ৰীয় বাঁহ গোঁসাই উৎসৱ পালন কৰা হয় ।

গ্ৰাম্যাঞ্চলত সেৱা আগবঢ়াব বেটাৰ লাইফ মেডিকেল চেণ্টাৰে

পূব আৰু উত্তৰ-পূব ভাৰতৰ কেইখনমান শীৰ্ষ চিকিৎসা প্ৰতিষ্ঠানৰ সৈতে কাম কৰি থকা এগৰাকী চিকিৎসকে চাকৰি এৰি অসমৰ ওদালগুৰি জিলাৰ দুৰৱৰ্তী স্থানত চিকিৎসা সুবিধা আৰম্ভ কৰিছে।সমাজৰ সুবিধা পৰা বঞ্চিত লোক সকলক অন্তিম মাইল স্বাস্থ্য সেৱা প্ৰদান লক্ষ্যৰে গাইনোকোলজিষ্ট ডাঃ সায়ন্তনী ভট্টাচাৰ্যই অসমৰ ওদালগুৰি জিলাৰ পানেৰীত বেটাৰ লাইফ মেডিকেল চেণ্টাৰ স্থাপন কৰিছে। আজি গুৱাহাটীৰ প্ৰেছ ক্লাৱত সংবাদ মাধ্যমৰ লোক সকলক সম্বোধন কৰি ডাঃ ভট্টাচাৰ্যই কয় যে পানেৰীৰ কেন্দ্ৰটো তেওঁৰ ষ্টাৰ্টআপ বেটাৰ হেলথকেয়াৰ এটা দ্যা লাষ্ট মাইলৰ ফ্লেপশ্বিপ ইউনিট।

চলিত বৰ্ষত ১৪ ফেব্ৰুৱাৰীত নামনি অসমৰ অন্যতম বৃহৎ চাহ বাগিচাৰ কৰিডৰ,আৰু চাহ জনজাতি আৰু অন্যান্য সম্প্ৰদায়ৰ এক বৃহৎ জনসংখ্যাই বাস কৰা পানেৰীত বেটাৰ লাইফ মেডিকেল চেণ্টাৰ উদ্বোধন কৰিছোঁ।বেটাৰ লাইফ মেডিকেল চেণ্টাৰত এটা মাল্টি স্পেচিয়েলিটি ফেমিলি ক্লিনিক ডায়গনষ্টিক চেণ্টাৰ আৰু এখন ফাৰ্মাচী আছে।

উল্লেখযোগ্য যে কেন্দ্ৰটোত আলট্ৰাচাউণ্ড,ইচিজি, স্বাস্থ্য পৰীক্ষা,ফাৰ্মাচী,নেবুলাইজেচন বেজী সেৱা অক্সিজেন, চিকিৎসা কোঠা সকলো উপলব্ধ।ইয়াৰ উপৰিও ৰেডিঅ’লজিষ্ট,চকু বিশেজ্ঞ,ফিজিঅ থেৰাপিষ্ঠ,ডায়েটিশিয়ান,শিশু বিশেষজ্ঞৰ সেৱা উপলব্ধ।

ৰাজ্যত বলবৎ হৈছে ক’ভিড সম্পৰ্কীয় নতুন নিৰ্দেশনা

আজি অনুষ্ঠিত হয় ক`ভিডৰ নিদেৰ্শনা সম্পৰ্কীয় মুখ্য সচিব আৰু আৰক্ষী সঞ্চালক প্ৰধানৰ সংবাদমেল।সংবাদমেলৰ সিদ্ধান্ত সমূহ হ`ল এনেধৰণৰ -জিলা প্ৰশাসনৰ অনুমতি লৈহে অনুষ্ঠান অনুষ্ঠিত কৰিব পাৰিব ।বন্ধ কোঠাৰ অনুষ্ঠানত ৫০% লোকহে উপস্থিত থাকিব পাৰিব।বিবাহ আদিত ১০০তকৈ অধিক উপস্থিত থাকিব নোৱাৰিব।মৃতকৰ শেষকৃত্যত ২০ জনতকৈ অধিক উপস্থিত থাকিব নোৱাৰিব।আনহাতে ধৰ্মীৰ অনুষ্ঠানত প্ৰতি ঘণ্টাত ২০ গৰাকীহে উপস্থিত থাকিব পাৰিব।বিখ্যাত ধৰ্মীয় অনুষ্ঠানৰ ক্ষেত্ৰত ৫০ গৰাকী লোকক অনুমতি দিয়া হৈছে।ৱৰ্ক ফ্ৰম হোম আৰু ভাৰ্চুৱেল পদ্ধতিৰ কাম কাজত প্ৰাধান্য।চৰকাৰী-বেচৰকাৰী প্ৰতিষ্ঠানত ৫০% কৰ্মচাৰীয়ে কাম সম্পাদনাৰ নিৰ্দেশ।প্ৰতিষ্ঠানৰ বিষয়াই নিজৰ কাৰ্য্যালয়ত অনুষ্ঠিত কৰিব নোৱাৰিব সভা।গৰ্ভৱতী মহিলাক ঘৰৰ পৰাই কাম কৰা অনুমতি প্ৰদান।৫ বছৰ তলৰ শিশুৰ মাতৃক ঘৰৰ পৰা কাম কৰা অনুমতি।কৰ্মক্ষেত্ৰত সম্পূৰ্ণৰূপে সামাজিক দূৰত্ব মানি চলিব লাগিব ।প্ৰৱেশ-প্ৰস্থানস্থলীত থাৰ্মেল স্কেনিং হেণ্ড ছেনিটাইজাৰ থাকিব লাগিব ।আইন অমান্য কৰিলে কঠোৰ হ`ব প্ৰশাসন।ইয়াৰ উপৰিও পুলিচক মাস্ক যোগান ধৰিবলৈও নিৰ্দেশ জাৰি কৰিছে।আৰক্ষী সাংবাদিক শিক্ষকক প্ৰধান শাৰীৰ যোদ্ধা বিবেচনা কৰিবলৈ কেন্দ্ৰীয় চৰকাৰক অনুৰোধ জনাইছে ৰাজ্য চৰকাৰে।

পুনৰ সজাই তোলা হৈছে অস্থায়ী ক`ভিড চেন্টাৰ সমূহ

ৰাজ্যখনত ক’ৰনা সংক্ৰমণৰ ঘটনা ব্যাপক হাৰত বৃদ্ধি পোৱাৰ বিষয়টোৱে সকলোকে উদ্বিগ্ন কৰি তুলিছে। দৈনিক সংক্ৰমণৰ হাৰ প্ৰতিদিনে বৃদ্ধি পাই আহিছে।ইয়াৰ মাজতে ৰাজ্যৰ স্বাস্থ্য বিভাগে পুনৰ জালুকবাৰী আৰু সৰুসজাইৰ অস্থায়ী ক’ভিড কেয়াৰ চেন্টাৰ সমূহ সাজু কৰি তুলিছে।

জালুকবাৰীৰ চৰকাৰী আয়ুৰ্বেদিক চিকিৎসা মহাবিদ্যালয় ক’ভিড ৰোগীৰ বাবে পুনৰ সাজু কৰি তোলা হৈছে।জালুকবাৰীৰ চৰকাৰী আয়ুৰ্বেদিক চিকিৎসা মহাবিদ্যালয়ৰ অধ্যক্ষ ডাঃ ৰমাকান্ত শৰ্মাই জানিবলৈ দিয়া মতে মহাবিদ্যালয়খনত ১০০ খন বিছনা ক’ভিড ৰোগীৰ বাবে সাজু কৰি তোলা হৈছে।

ইয়াৰ উপৰিও, ইয়াত ১৪ টা আই চি ইউ কক্ষ আৰু ৩৩ খন অক্সিজেনযুক্ত বিছনাৰ ব্যৱস্থা কৰা হৈছে।আনহাতে ৰাজ্যৰ স্বাস্থ্য বিভাগে মহানগৰীৰ সৰুসজাই ষ্টেডিয়ামৰ অস্থায়ী ক’ভিড হাস্পাতালখন পুনৰ সাজু কৰি তুলিছে।সৰুসজাইৰ কৰ্মবীৰ নবীন চন্দ্ৰ বৰদলৈ ষ্টেডিয়ামত ৪০০ খন বিছনাযুক্ত অস্থায়ী ক’ভিড কেয়াৰ চেন্টাৰটো সাজু কৰি তুলিবলৈ ক্ষিপ্ৰতাৰে কাম কৰি থকা হৈছে।

ৰাজ্যৰ বন বিভাগত সালসলনি ঘটিছে

ৰাজ্যৰ বন বিভাগত সালসলনি ঘটিছে।শিলচৰৰ মুখ্য বন সংৰক্ষক সুমন মহাপাত্ৰক অতিৰিক্ত প্ৰধান মুখ্য বন সংৰক্ষক ৰূপে বদলি কৰিছে।সামাজিক বদলিকৰণৰ মুখ্য বন সংৰক্ষক ৰেড্ডিছ মিশ্ৰক অতিৰিক্ত প্ৰধান মুখ্য বন সংৰক্ষক পদলৈ বদলি কৰিছে।মুখ্য বন সংৰক্ষক (কেম্পা) সৈত্যেন্দ্ৰ সিঙক অতিৰিক্ত প্ৰধান বন সংৰক্ষক পদলৈ বদলি কৰাৰ লগতে উজনি অসম চক্ৰৰ বন সংৰক্ষক এন আনন্দক মুখ্য বন সংৰক্ষক ৰূপে বদলি কৰিছে।দেৰাডুনৰ চিএএছএফঅএছৰ ডেপুটেশ্যনত থকা ড০ শ্ৰীৰমেশ্বৰক মুখ্য বন সংৰক্ষক পদলৈ পদোন্নতি কৰিছে।

আনহাতে উত্তৰ অসম চক্ৰৰ বন সংৰক্ষক যতীন্দ্ৰ শৰ্মাক মুখ্য বন সংৰক্ষক পদলৈ পদোন্নতি দিয়া হৈছে।বন সংৰক্ষক ছলমান উদ্দিন চৌধুৰীক মুখ্য বন সংৰক্ষক ৰূপে বদলি কৰিছে।নগাঁও সংমণ্ডলৰ ডিএফঅ’ ৰাজেন চৌধুৰীক বন সংৰক্ষক পদলৈ পদোন্নতি কৰা হৈছে।
কোকৰাঝাৰৰ অতিৰিক্ত প্ৰধান মুখ্য সংৰক্ষক অনিন্দ স্বৰ্গীয়াৰীক প্ৰশাসন আৰু ভিজিলেন্সৰ অতিৰিক্ত প্রধান মুখ্য বন সংৰক্ষক পদলৈ বদলি কৰা হৈছে।এপিচিচিএফ সন্দীপ কুমাৰক নামনি অসম সংমণ্ডলৰ অতিৰিক্ত প্ৰধান মুখ্য বন সংৰক্ষক পদলৈ বদলি কৰাৰ লগতে চিচিএফ অনুৰাগ সিঙক বিটিআৰৰ চিচিএফ হিচাপে বদলি কৰা হৈছে।

এপিচিচিএফ এছ পি বৈশিষ্টক সামাজিক বদলিকৰণৰ অতিৰিক্ত পিচিচিএফ পদলৈ আৰু বন সংৰক্ষক বংকিম শৰ্মাক তেজপুৰৰ বন সংৰক্ষক পদলৈ বদলি কৰা হৈছে।সীমান্ত আৰু সুৰক্ষা বন সংৰক্ষক পদত থকা মজিদুল হুছেইনক বন্যপ্ৰাণী বন সংৰক্ষক ৰূপে বদলি কৰাৰ লগতে ডিচিএফ ভি বসন্থনক নগাঁও সংমণ্ডলৰ ডিএফঅ’ হিচাপে নিয়ুক্তি দিয়া হৈছে।