সদৌ অসম কবি সন্মিলনৰ অন্তৰ্ভুক্ত নগাঁও জিলা কবি সন্মিলনৰ উদ্যোগত আৰু অকণিৰ সাহিত্য সভাৰ সহযোগত সাগৰ দেখিছাৰ কবি দেৱকান্ত বৰুৱাৰ ১০৭ সংখ্যক ওপজাদিনটি নগাঁও জিলাৰ ফৌজদাৰীপট্টিত বাসভৱনত কালি উদযাপন হয় । কবিগৰাকীৰ একালৰ বাসভৱনৰ চোতালত সোমবাৰে দিনৰ এক বজাৰ পৰা আৰম্ভ হোৱা অনুষ্ঠানটিৰ সঞ্চালনা কৰে নগাঁও জিলা কবি সন্মিলনৰ সভাপতি দিলীপ কুমাৰ নাথে । অকণিৰ সাহিত্য সভাৰ পৰিচালন সম্পাদক দুলাল বৰাৰ আদৰণি বক্তব্যৰ পাছত অধুনালুপ্ত জ্যোতিৰিংগন আলোচনীৰ মুখ্য সম্পাদক ডাঃ ঋষেশ্বৰ ঠেঙাল শইকীয়া, সঞ্জীৱ সাগৰ চৌধুৰী, কবিতা বৰা, মুকুল চন্দ্ৰ বৰা, দিজেন্দ্ৰ নাথ হাজৰিকা, বিশিষ্ট অনুবাদক তথা কবি হৰিকান্ত গোস্বামী, কৰবী শইকীয়া, জেউতি হাজৰিকা, মধু চৌধুৰী, ৰাতুল শৰ্মা, দেৱযানী শৰ্মা পাঠক, ইমদাদ হুছেইন, নিৰলা ইংহিপি, বৰ্ণালী ডেকা, আকাশবাণী নগাঁও কেন্দ্ৰৰ ঘোষক ৰাহুল দেৱ বৰদলৈ, হিৰন্ময়ী মেধি, দীপিকা ভূঞা প্ৰমূখ্যে প্ৰায় দুকুৰি কবিয়ে দেৱকান্ত বৰুৱাক সোঁৱৰি কবিতাৰ পাঠ কৰে। অনুষ্ঠানটিৰ আঁত ধৰে নগাঁও জিলা কবি সন্মিলনৰ সম্পাদক পৱন ভানু আৰু নতুন কবিতাৰ সম্পাদক মদাৰজ্যোতিয়ে ।
খবৰ যুগুতালে নগাঁৱৰ পৰা ৰাহুল দেৱ বৰদলৈয়ে..
এইবাৰ ব্যতিক্ৰমী ৰূপত দেখা যাব জনপ্রিয় অভিনেতা ৰাজকুমাৰ ঠাকুৰীয়াক
admin March 7, 2021 9:00 PM
অসম বিধানসভাৰ নিৰ্বাচনৰ প্ৰতি লক্ষ্য ৰাখি কামৰূপ জিলা প্ৰশাসনে ৰাজকুমাৰ ঠাকুৰীয়াক ‘ব্ৰেণ্ড এম্বেছাদৰ’ হিচাপে লৈছে।ৰাজকুমাৰ ঠাকুৰীয়াৰ এটা জনপ্ৰিয় গীতৰ আৰ্হিত প্ৰস্তুত কৰা ভিডিঅ’টােত এগৰাকী ছাত্ৰীক ভােটদানৰ প্ৰতি সজাগতা সৃষ্টিৰ বাবে তেওঁ অভিনয় কৰিছে।আন এটা ভিডিঅ’ত ৰাজকুমাৰক দেখা গৈছে ছুপাৰমেনৰ ৰূপত। এজন ভােটাৰক ছুপাৰমেনৰ দৰে প্ৰতীকাত্মক ৰূপত দেখুৱাবলৈ প্ৰয়াস কৰিছে।
উল্লেখ্য যে জিলা প্ৰশাসনে বাটৰ নাটৰ দৰে কাৰ্যসূচী গ্ৰহণ কৰিছে।উল্লেখযোগ্য যে কামৰূপ জিলাৰ পলাশবাৰী সমষ্টিত মিৰ্জাৰ স্থায়ী বাসিন্দা ৰাজকুমাৰ ঠাকুৰীয়াৰ আছে বহু সংখ্যক অনুগামী।তেওঁ অভিনয় কৰা বহু গানে ইতিমধ্যে চ’চিয়েল মিডিয়াত ব্যাপক জনপ্ৰিয়তা লাভ কৰিবলৈ সক্ষম হৈছে।
ভিউৱাছৰ মতামত