তুমি সুবাস অসমীৰে,তুমি সুৱাস সৃষ্টিৰে..হাৰ্টথ্ৰৱ জুবিন গাৰ্গৰ পদক্ষেপত অহা ৩১ আৰু ১ ফেব্ৰুৱাৰীত অনুষ্ঠিত হ’ব কলাগুৰু সংগীত মহোৎসৱ,২০২০।কলাগুৰু আৰ্টিষ্ট ফাউণ্ডেচন,জুবিন ফেন ক্লাৱ আৰু টংলাবাসী ৰাইজৰ সহযোগত টংলা উচ্চতৰ মাধ্যমিক বিদ্যালয় খেলপথাৰত এই অনুষ্ঠান অনুষ্ঠিত হ’ব।এই মহোৎসৱৰ শুভাৰম্ভণী কৰিব সাহিত্য অকাডেমী বঁটা বিজয়ী,টংলা মহাবিদ্যালয়ৰ প্ৰৱক্তা ড০ ৰীতা বড়োৱে।অনুষ্ঠানৰ লগত সংগতি ৰাখি ৩১ তাৰিখে এক বৰ্ণাঢ্য শোভাযাত্রা কৰিব।উল্লেখ্য যে টংলাৰ চমুৱাপাৰাত কলাগুৰু বিষ্ণুপ্ৰসাদ ৰাভাৰ স্থায়ী প্ৰতিমূৰ্তি উন্মোচিত কৰিব পৃথ্বিৰাজ ৰাভা,হেমৰাজ ৰাভা আৰু জুবিন গাৰ্গে।এই অনুষ্ঠানৰ কাৰ্যসূচী অনুসৰি ৰাভা সংগীত আৰু আধুনিক গীতৰ প্ৰতিযোগিতা অনুষ্ঠিত কৰা হ’ব।১ ফেব্ৰুৱাৰীত চাইক্লিঙ,ৰক্তদান শিবিৰৰ লগতে অন্তৰংগ আলাপ,লোকনৃত্যানুষ্ঠান,বঁটা প্ৰদান অনুষ্ঠান অনুষ্ঠিত হ’ব।সন্ধিয়ালৈ অনুষ্ঠিত হ’ব জুবিন গাৰ্গৰ সংগীতানুষ্ঠান।উদ্যোক্তাসকলে এই দুদিনীয়া মহোৎসৱত ৰাইজৰ উপস্থিতি কামনা কৰিছে।সবিশেষ জানিবলৈ ৯৮৫৪২৬৫৬২৮ আৰু ৯৪৩৫৬৯২৮৯৩ নম্বৰত যোগাযোগ কৰিব পাৰে।খবৰ যুগুতালে গীতাঞ্জলি গগৈয়ে..
পুৰণিগুদামৰ বিহু তলিত অ ৪ ব`হাগৰ দিনটোক ‘গছ বিহু’ হিচাপে পালনৰ আহ্বান অৰণ্য মানৱৰ
admin April 19, 2021 1:27 PM
ৰাজ্যৰ সৰ্বত্ৰে এতিয়া ৰঙালীৰ উখল মাখল পৰিৱেশ। নগাঁও পুৰণিগুদামত ‘নাট্যম গোষ্ঠী’য়ে অনুষ্ঠিত কৰিছে বিহু নৃত্য আৰু ঢোল বাদনৰ কৰ্মশালাৰ । অলপতে নাট্যম গোষ্ঠীয়ে অনুষ্ঠিত কৰা মুকলি বিহু চাবলৈ পাৰঘাটৰ বিহু তলিত উপস্থিত হয় অৰণ্য মানৱ যাদৱ পায়েং।
উল্লেখযোগ্য যে তেখেতে পুৰণিগুদামৰ বিহু তলিত উপস্থিত হৈ ৪ ব’হাগৰ দিনটো পৰম্পৰাগত ভাৱে গছ বিহু হিচাপে পালন কৰিবলৈ নগাঁওবাসীক আহ্বান জনায়।গছৰ তলত বিহু পাতিলে নাচিবলৈ নজনা গছজোপায়েও হাঁহিব পাৰে বুলি তেখেতে মন্তব্য কৰে।
অৰণ্য মানৱ যাদৱ পায়েঙক এখনি গামোচা, এখন চেলেং চাদৰ আৰু এখন ফলকৰ জৰিয়তে ৰাজহুৱাভাৱে সম্বৰ্দ্ধনা জ্ঞাপন কৰে।অনুষ্ঠানত উপস্থিত থাকি প্ৰকৃতি তথা মানুহৰ প্ৰাকৃতিক ভাৰসাম্য ৰক্ষাৰ অৰ্থে কৰিবলগীয়া কৰ্ম সম্বন্ধেও পায়ঙে মন্তব্য কৰে।
ভিউৱাছৰ মতামত