কাজিৰঙাৰ পৰা দুজনী গঁড় মানাহলৈ প্ৰেৰণ

শনিবাৰে পুৱাৰে পৰা চলোৱা অভিযানৰ শেষত কাজিৰঙা ৰাষ্ট্ৰীয় উদ্যানত চেতনা নাশক প্ৰয়োগ কৰি দুজনী মাইকী গঁড় কৰায়ত্ত কৰি মানাহ ৰাষ্ট্ৰীয় উদ্যানলৈ প্ৰেৰণ কৰা হয় ৷ এই অভিযানৰ নেতৃত্ব দিয়ে খানাপাৰাৰ পশু চিকিৎসা বিজ্ঞান মহাবিদ্যালয়ৰ অধ্যাপক পদ্মশ্ৰী ডা৹ কুশল কোঁৱৰ শৰ্মাই ৷

ডা৹ শৰ্মাৰ নেতৃত্বত কাজিৰঙাৰ পানবাৰীত থকা বন্যপ্ৰাণী পুনৰ সংস্থাপন আৰু সংৰক্ষণ কেন্দ্ৰ আৰু বিশ্ব প্ৰকৃতি নিধিৰ পশু চিকিৎসকৰ এটা দলে বিয়লি ৩ মান বজাত চেতনা নাশক প্ৰয়োগ কৰি দুজনী মাইকী গঁড় কৰায়ত্ত কৰে ৷ ইয়াৰ লগে লগে ইণ্ডিয়ান ৰাইনো ভিচন ২০২০ আঁচনিৰ অধীনত মানাহলৈ ২০ টা গঁড় প্ৰেৰণ কৰিবলৈ সক্ষম হ’ল বন বিভাগ ৷ এই আঁচনিৰ অধীনত ২২ টা গঁড় কৰায়ত্ত কৰাৰ অনুমতি প্ৰদান কৰিছিল কেন্দ্ৰীয় চৰকাৰে ৷ আৰু ২ টা গঁড় কৰায়ত্ত কৰিব পাৰিব বন বিভাগে ৷ বাকী থকা দুটা গঁড় কাজিৰঙাৰ পৰা কৰায়ত্ত কৰি পবিতৰা বা বুঢ়াচাপৰিলৈ প্ৰেৰণ কৰা হ’ব বুলি সাংবাদিকক জনায় বন্যপ্ৰাণী শাখাৰ প্ৰধান মুখ্য বন সংৰক্ষক এম কে যাদৱে ৷

কাজিৰঙাৰ বাগৰি বনাঞ্চলৰ অতিথিশালাত আয়োজিত সংবাদমেলত বিষয়াগৰাকীয়ে কয় যে অসম চৰকাৰৰ বনবিভাগে ২০২০ চনৰ ভিতৰত ব্ৰহ্মপুত্ৰ উপত্যকাত গঁড়ৰ জনসংখ্যা ৩০০০ কৰাৰ লক্ষ্যৰে ২০০৫ চনতেই আৰম্ভ কৰিছিল ইণ্ডিয়ান ৰাইন’ ভিচন ২০২০ নামৰ এক অভিলাষী আঁচনি ৷ গঁড় থকা অঞ্চলৰ পৰা গঁড় নোহোৱা হৈ যোৱা বনাঞ্চলত পুনৰ গঁড় সংস্থাপিত কৰাৰ বাবে সিদ্ধান্ত লোৱা হয়  ৷ ২০০৮ চনৰ পৰা ২০১২ চনলৈকে পবিতৰা অভয়াৰণ্যৰ পৰা ১০টা আৰু কাজিৰঙা ৰাষ্ট্ৰীয় উদ্যানৰ পৰা ৮টা গঁড় মানাহ ৰাষ্ট্ৰীয় উদ্যানলৈ নিয়া হৈছিল ৷ মানাহ ৰাষ্ট্ৰীয় উদ্যানৰ এই ১৮টা গঁড়ৰ জনসংখ্যা বৃদ্ধি হৈ সম্প্ৰতি ৪০ হৈছেগৈ বুলি জনায় বিষয়াগৰাকীয়ে ৷ সংবাদ মেলত এম কে যাদৱৰ উপৰিও অভিযানৰ নেতৃত্ব লোৱা মুখ্য বন সংৰক্ষক উৎপল বৰা আৰু কাজিৰঙাৰ সঞ্চালক পেৰিয়া স্বামী শিৱকুমাৰো উপস্থিত থাকে ৷ এই অভিযানত বিশ্ব প্ৰকৃতি নিধি, ইন্টাৰনেচনেল ৰাইন’ ফাউণ্ডেচন, আৰণ্যক, অসম চৰকাৰৰ বন বিভাগ আৰু বড়ো স্বায়ত্ত শাসিত পৰিষদে বিশেষ সহযোগিতা আগবঢ়ায় ৷

সম্প্ৰতি কটকটীয়া নিৰাপত্তাৰে এদল অভিজ্ঞ পশু চিকিৎসকৰ সৈতে দুখন ট্ৰাকেৰে গঁড় দুজনীক মানাহ ৰাষ্ট্ৰীয় উদ্যানলৈ পঠোৱা হৈছে ৷ দেওবাৰে পুৱা মানাহত গঁড় দুজনী মুকলি কৰি দি কিছুদিনলৈ পৰ্যৱেক্ষণত ৰখা হ’ব ৷

খবৰ যুগুতালে বোকাখাতৰ পৰা দিব্যজ্যোতি হাজৰিকা৷

Share on whatsapp
WhatsApp
Share on facebook
Facebook
Share on twitter
Twitter
Share on email
Email

কানাডা চলচিত্ৰ মহোৎসৱত সন্মান আজুৰিলে বড়ো অভিনেত্ৰীয়ে

কানাডাত অনুষ্ঠিত হোৱা আন্ত:ৰাষ্ট্ৰীয় চলচিত্ৰ মহোৎসৱত সন্মানিত হৈছে বড়ো অভিনেত্ৰী পানছি ব্ৰহ্ম।

Dusk ছবিখনৰ বাবে তেওঁ সন্মানিত হৈছে।এই ছবিখন পৰিচালনা কৰিছে উজ্বল প’লে আৰু সহযোগী অভিনেতা মনোজ কৰে।উল্লেখযোগ্য যে পানছি ব্ৰহ্ময়ে আন্তৰাষ্ট্ৰীয় বিভিন্ন চলচ্চিত্ৰ সন্মানৰ বাবে নিৰ্বাচিত হৈছে।আন্ত:ৰাষ্ট্ৰীয় ফিল্ম মহোৎসৱত নিৰ্বাচিত হোৱা পানছি ব্ৰহ্ম প্ৰথমগৰাকী বড়ো অভিনেত্ৰী।

মন কি বাত অনুষ্ঠানৰ জৰিয়তে দেশবাসীক বিজয়া দশমীৰ শুভেচ্ছা জনালে প্ৰধানমন্ত্ৰীয়ে

মন কি বাত অনুষ্ঠানৰ জৰিয়তে দেশবাসীক বিজয়া দশমী তথা দশেৰাৰ শুভেচ্ছা জনালে প্ৰধানমন্ত্ৰী নৰেন্দ্ৰ মোডীয়ে । অনুষ্ঠানৰ জৰিয়তে প্ৰথমতে প্ৰধান গৰাকীয়ে দেশবাসীক বিজয়া দশমীৰ শুভেচ্ছা জ্ঞাপন কৰে।

 

 

 

লগতে মন কি বাত অনুষ্ঠানৰ জৰিয়তে আহি থকা দিনবোৰতো আৰু অধিক সতৰ্ক হৈ থকাৰ পৰামৰ্শ দিয়ে মোডীয়ে।আনহাতে উৎসৱৰ আনন্দৰ মাজত যাতে দেশৰ জনতাই  দেশৰ বীৰ সন্তান সকলৰ কথা পাহৰি নাযায় সেই কথাও ব্যক্ত কৰে।সীমান্তত দায়িত্ব থকা জোৱানসকলৰ বাবে নিজৰ ঘৰত মাটি চাকি জ্বলোৱা আহ্বান জনায় প্ৰধানমন্ত্ৰী নৰেন্দ্ৰ মোডীয়ে।

এগৰাকী চিকিৎসকে শিশুৰ বাবে এখন উদ্যান আগবঢালে

পূজা বতৰত শিশু সকললৈ পূজা উপহাৰ আগবঢ়ালে এগৰাকী চিকিৎসকে ।তিনিচুকীয়া জিলা ডিগবৈ ৰশ্মিতা উপাধ্যায় নামৰ চিকিৎসক গৰাকীয়ে সপ্তমী দিনা এখন শিশু উদ্যান আগবঢালে।

 

চিকিৎসক গৰাকীয়ে ডিগবৈ বালিজান প্ৰাথমিক বিদ্যালয়ৰ প্ৰাঙ্গনত পিতৃ মাতৃ সোঁৱৰণত এখনি শিশু উদ্যান স্থাপন কৰে। এই শিশু উদ্যান খন শুভ উদ্বোধন কৰে অসম চিকিৎসা মহাবিদ্যালয় অৱসৰপ্ৰাপ্ত অধ্যক্ষ ড° নাৰায়ণ উপাধ্যায় । উল্লেখযোগ্য যে চিকিৎসক গৰাকী এনে মহানুভৱতাক অঞ্চলবাসীয়ে শলাগ লয়।

জিৰাফক চাহ বাগিছাৰ মাজত ৰাখিছে,কিন্তু কিয়

হাতীৰ উপদ্ৰপৰ পৰা ৰক্ষা পাবলৈ নুমলীগড় চাহ বাগিচাৰ কর্তৃপক্ষই গ্ৰহণ কৰিছে এক বিশেষ পদক্ষেপ।ধলাগুৰি চাহ বাগিচাৰ কৰ্তৃপক্ষই গ্ৰহণ কৰিছে এই ব্যৱস্থা।

 

উল্লেখযোগ্য যে ধলাগুৰি চাহ বাগিচাত চাহ বাগানৰ মাজত স্থাপন কৰিছে এক জিৰাফৰ  কাঠৰ প্ৰতিমূৰ্তি । চাহ বাগিচাৰ কর্তৃপক্ষই বিশ্বাস কৰে যে বনৰীয়া হস্তীয়ে এই জিৰাফক দেখিলে দূৰতে বিদূৰ হ’ব। সেইসূত্রে তেওঁলোকে জিৰাফৰ প্ৰতিমূৰ্তি বাগিচাত স্থাপন কৰিছে।

উল্লেখযোগ্য যে এই প্ৰকাণ্ড কাঠৰ জিৰাফটো দেখিলে বন্যহস্তী যাক আঁতৰি যায়।যি সময়ত হাতী মানুহৰ সংঘাতে ভয়াৱহ ৰূপ ধাৰণ কৰিছে,সেই সময়ত বাগিচাৰ কৰ্তৃপক্ষই জিৰাফক বাগিছাত স্থাপন কৰি নিৰ্দশন দাঙি ধৰিছে।