অসম চৰকাৰৰ পৰিবহণ বিভাগে কিছুদিন পূৰ্বে দিয়া এক নিৰ্দেশৰ ভিত্তিত গুৱাহাটীৰ বেতকুছিস্থিত কামৰূপ মহানগৰ জিলাৰ পৰিবহণ বিষয়া হিচাপে আজি গৌতম দাস ( পঞ্জীয়ন আৰু অনুজ্ঞা , প্ৰৱৰ্তক , অধ্যক্ষ , চালক আৰু পৰিচালক প্ৰশিক্ষণ বিদ্যালয় ) আৰু ৰফিকুল ইছলামে ( সচিব , আঞ্চলিক পৰিবহন প্ৰাধিকৰণ ) কাৰ্য্যভাৰ গ্ৰহণ কৰে । গৌতম দাসে বিদায়ী জিলা পৰিবহন বিষয়াৰ দায়িত্বত থকা সহকাৰী পৰিবহণ আয়ুক্ত গুণধৰ দাস আৰু ৰফিকুল ইছলামে বাপন কলিতাৰ পৰা কাৰ্যভাৰ গ্ৰহণ কৰে । ইয়াৰ পূৰ্বে গৌতম দাস কামৰূপ জিলাৰ পৰিবহণ বিষয়াৰ দায়িত্বত আছিল।তেনেদৰে ৰফিকুল ইছলাম কামৰূপ মহানগৰ জিলাৰ ( পঞ্জীয়ন আৰু অনুজ্ঞা )জ্যেষ্ঠ যান বাহন পৰিদৰ্শকৰ দায়িত্বত আছিল আৰু জিলা পৰিবহণ বিষয়ালৈ পদোন্নতিসহ বদলিৰ নিৰ্দেশ দিয়া হৈছিল । আনহাতে কাৰ্যভাৰ গ্ৰহণৰ পাছতে দুয়োজন জিলা পৰিবহণ বিষয়াক যান বাহন পৰিদৰ্শক ,প্ৰৱৰ্তক পৰিদৰ্শক ,সহ প্ৰৱৰ্তক পৰিদৰ্শক আৰু আন কৰ্মচাৰী সকলে আদৰণি জনায়।

নেতাজীৰ কিছু অপ্ৰকাশ্য কথাৰে…
দেশৰ স্বতন্ত্ৰ সেনানীৰ তালিকাত শীৰ্ষত থকা অন্যতম বীৰ যোদ্ধা হ’ল সুভাষ চন্দ্ৰ বসু। তেখেতে ১৮৯৭ চনৰ ২৩ জানুৱাৰীত উৰিষ্যাৰ কটকত জন্ম গ্ৰহণ কৰিছিল।সুভাষ চন্দ্ৰ বসু আছিল একেধাৰে বীৰ যোদ্ধা , সৈনিক আৰু দক্ষ ৰাজনীতিবিদ। তেতিয়াৰে দিনতে দেশৰ লগতে বিদেশতো তেখেতে বেচ সমাদৰ লাভ কৰিছিল।
আজাদ হিন্দ ফৌজ গঠন কৰি দেশবাসীক দেশৰ স্বাধীনতা বাবে উদ্বুদ্ধ কৰি তুলিছিল। সুভাষ চন্দ্ৰ বসুয়ে দেশবাসীক উদ্দেশ্যে কৈছিল মনত ৰাখিব সকলোতকৈ ডাঙৰ অপৰাধ হ’ল অন্যায় সহা আৰু ভুল বুলি জানিও সহমত প্ৰদান কৰা।
সৰুৱে পৰা নেতাজী আছিল অত্যন্ত মেধাসম্পন্ন। এবাৰ কলেজত এগৰাকী ইংৰাজ অধ্যাপকে ভাৰতীয় বিষয়ে আপত্তিজনক মন্তব্য কৰিছিল। তেতিয়া নেতাজীয়ে সেই মন্তব্যক বিৰোধিতা কৰাৰ বাবে শাস্তি ভুগিব লগা হৈছিল।নেতাজীয়ে মহামানৱক জাতিৰ পিতা বুলি সম্বোধন কৰিছিল।যদিও মহামানৱ মহাত্মা গান্ধী দৰ্শনৰ লগত সুভাষ চন্দ্ৰ বসুৰ দৰ্শন অমিল আছিল তথাপিও দুগৰাকীয়ে দেশৰ স্বাধীনতা আন্দোলনৰ বাবে আহোপুৰুষাৰ্থ কৰিছিল।ইংৰাজৰ দিনতে ভাৰতীয় প্ৰশাসনীয় সেৱাত উত্তীৰ্ণ হৈও এজন সমাজসেৱক অথবা ৰাজনীতিবিদৰ হিচাপেহে দেশৰ সেৱা আগবঢ়াইছিল।
তেখেতে কৈছিল কাম কৰি যোৱা ফলাফল দাতাই দিব।এইগৰাকী বীৰক সন্মান জনাই তেখেতৰ জন্মদিনটোৰ পৰাক্ৰম দিৱস হিচাপে পালন কৰা হয়।নেতাজীৰ মৃত্যু আজিও ৰহস্য হৈয়ে থাকিল। প্ৰাপ্ত তথ্য অনুসৰি ১৯৪৫ চনৰ ১৮ আগষ্টত এক প্লেন দুৰ্ঘটনাত মৃত্যু হয়।নেতাজী জীৱিত থকা হ’লে ভাৰতীয় ৰাজনীতিয়ে অন্য মাত্ৰা লাভ কৰিলে হেতেন!এইগৰাকী মহান মনিষীৰ শুভ জন্মদিনত শ্ৰদ্ধাৰে সুঁৱৰিছো।
ভিউৱাছৰ মতামত