কেৰিয়াৰ সজাগতা সভা আয়োজন

৫ মে’ত  সৰ্বভাৰতীয় পৰ্যায়ত National Eligibility Cum Entrance Test (NEET) পৰীক্ষা অনুষ্ঠিত কৰা হ’ব। ৰাজ্যখনৰ অন্যান্য পৰীক্ষা কেন্দ্ৰসমূহৰ লগতে তেজপুৰস্থিত গিৰিজানন্দ চৌধুৰী ইনষ্টিটিউট অৱ মেনেজমেণ্ট এণ্ড টেকন’লজী চমুকৈ জি আইএম টি, তেজপুৰ পৰীক্ষাকেন্দ্ৰতো উক্ত পৰীক্ষা অনুষ্ঠিত হ’ব। মহাবিদ্যালয় কৰ্তৃপক্ষৰ তৰফৰ পৰা জনোৱা হয় যে, পৰীক্ষাৰ সময়ছোৱাত উপস্থিত থকা অভিভাৱক সকলৰ উদ্দেশ্যে সেইদিনা প্ৰতিষ্ঠানখনত এখনি কেৰিয়াৰ সজাগতা সভা অনুষ্ঠিত কৰা হ’ব। দিনৰ ২:৩০ বজাৰ পৰা মহাবিদ্যালয়ৰ পেক্ষাগৃহত অনুষ্ঠিত হ’বলগীয়া উক্ত সভাখনত কেৰিয়াৰ সম্পৰ্কীয় বিভিন্ন দিহা-পৰামৰ্শ আগবঢ়াব মহাবিদ্যালয়খনৰ অধ্যক্ষ তথা ৰাজ্যখনৰ আগশাৰীৰ কেৰিয়াৰ পৰামৰ্শদাতা ড° বুলজিৎ বুঢ়াগোহাঁয়ে। উত্তৰ-পূৰ্বাঞ্চলৰ প্ৰথমখন PPP (Public Private Partnership) আৰ্হিত স্থাপিত শিক্ষা প্ৰতিষ্ঠানখনৰ প্ৰতিটো বিভাগৰ মুঠ আসন, চৰকাৰীভাৱে সংৰক্ষিত আসন আদিৰ বিষয়ে বিতং ভাৱে জানিবলৈ আগ্ৰহী অভিভাৱকসকলে উক্ত সভাত অংশগ্ৰহণ কৰিব পাৰিব।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

জিৰাফক চাহ বাগিছাৰ মাজত ৰাখিছে,কিন্তু কিয়

হাতীৰ উপদ্ৰপৰ পৰা ৰক্ষা পাবলৈ নুমলীগড় চাহ বাগিচাৰ কর্তৃপক্ষই গ্ৰহণ কৰিছে এক বিশেষ পদক্ষেপ।ধলাগুৰি চাহ বাগিচাৰ কৰ্তৃপক্ষই গ্ৰহণ কৰিছে এই ব্যৱস্থা।

 

উল্লেখযোগ্য যে ধলাগুৰি চাহ বাগিচাত চাহ বাগানৰ মাজত স্থাপন কৰিছে এক জিৰাফৰ  কাঠৰ প্ৰতিমূৰ্তি । চাহ বাগিচাৰ কর্তৃপক্ষই বিশ্বাস কৰে যে বনৰীয়া হস্তীয়ে এই জিৰাফক দেখিলে দূৰতে বিদূৰ হ’ব। সেইসূত্রে তেওঁলোকে জিৰাফৰ প্ৰতিমূৰ্তি বাগিচাত স্থাপন কৰিছে।

উল্লেখযোগ্য যে এই প্ৰকাণ্ড কাঠৰ জিৰাফটো দেখিলে বন্যহস্তী যাক আঁতৰি যায়।যি সময়ত হাতী মানুহৰ সংঘাতে ভয়াৱহ ৰূপ ধাৰণ কৰিছে,সেই সময়ত বাগিচাৰ কৰ্তৃপক্ষই জিৰাফক বাগিছাত স্থাপন কৰি নিৰ্দশন দাঙি ধৰিছে।

পূজা মণ্ডপত মাস্ক বিতৰণ কৰিলে অভিনেত্ৰী আইমী বৰুৱাই

প্ৰতিকূল বতৰৰ মাজতে উদযাপন হৈছে দেৱী দূর্গাৰ পূজা।কিনকিনীয়া বৰষুণে পূজাৰ পৰিৱেশ অধিক সেমেকা কৰি তুলিছে।

 

ক’ৰণা পৰিস্থিতিৰ  আৰু বৰষুণৰ বাবে এইবাৰৰ পূজা মণ্ডপসমূহত নাই ভক্তৰ ভিৰ। চৰকাৰী নীতি নিয়ম পালন কৰি ৰাইজ ঠাইয়ে ঠাইয়ে পূজা মণ্ডপত ভিৰ কৰা পৰিলক্ষিত হৈছে।

আনহাতে শনিবাৰে জাগীৰোডৰ বিভিন্ন পূজা মণ্ডপত দেখা গ’ল জনপ্ৰিয় অভিনেত্ৰী আইমী বৰুৱাক।প্ৰতিবাৰৰ দৰে এইবাৰো অভিনেত্ৰী গৰাকীয়ে জাগীৰোড সমষ্টিৰ বিভিন্ন পূজা মণ্ডপ পৰিদৰ্শন কৰি দেৱীৰ আশীষ লোৱা পৰিলক্ষিত হয়।এইবাৰ অভিনেত্ৰীগৰাকীয়ে জাগীৰোড বিভিন্ন পূজা মণ্ডপত ৩০ হাজাৰ মাস্ক বিতৰণ কৰে।

আকাশবাণী নগাঁও কেন্দ্ৰৰ সৌজন্যমূলক সাহিত্য অনুষ্ঠানে শ্ৰুোতাৰ মন জয় কৰিছে

আকাশবাণী নগাঁও কেন্দ্ৰই যোৱা চাৰিমাহ ধৰি প্ৰতি সপ্তাহৰ মঙ্গল আৰু শুক্ৰবাৰে পুৱা ৯.১৫ত প্ৰচাৰ কৰি অহা সৌজন্যমূলক সাহিত্য অনুষ্ঠানটিয়ে সচেতন শ্ৰুোতাৰ মনোযোগ আকৰ্ষণ কৰিবলৈ সক্ষম হৈছে।উল্লেখযোগ্য যে এই অনুষ্ঠানটিৰ যোগেদি নপুৰণি লেখক লেখিকা সকলে তেওঁলোকৰ সদ্যপ্ৰকাশিত গল্প, প্ৰৱন্ধ,কবিতা, নাটক,উপন্যস আদি গ্ৰন্থসমূহৰ পৰিচয় শ্ৰুোতা সমাজৰ আগত দাঙি ধৰাৰ উপৰিও লেখক সকলক  পৰিচয় কৰাই দিয়া হয়।

 

 

ইতিমধ্যে অসমৰ কেবাগৰাকী প্ৰতিষ্ঠিত কবি আৰু লেখকে এই অনুষ্ঠানটিত ভাগ লৈছে ।তদুপৰি, সম্প্ৰতি কেন্দ্ৰটোৰ পৰা প্ৰচাৰ হৈ থকা ডাঃ নৰেন কুটুমৰ “ভালপোৱাৰ কথোপকথন” নামৰ কবিতা সংকলনখনৰ সমূহ কবিতা সংগীত সংযোজনাৰে ধাৰাবাহিক ভাবে প্ৰচাৰ কৰি এক ব্যতিক্ৰমী  অনুষ্ঠান কেন্দ্ৰটিয়ে শ্ৰুোতাক উপহাৰ দিবলৈ সক্ষম হৈছে।

খবৰ যুগুতালে ৰাহুল দেৱ বৰদলৈয়ে

কাহিকুছি গাঁও পঞ্চায়তত প্ৰকৃত হিতাধিকাৰীক পি.এ. ওৱাইৰ গৃহ আবণ্টনৰ তৎপৰতা

দৰিদ্ৰ সীমা ৰেখাৰ তলত বাস কৰা যিসকল লোকৰ থাকিবৰ বাবে উপযুক্ত গৃহ নাই তেনে প্ৰকৃত হিতাধিকাৰীক প্ৰধানমন্ত্ৰীৰ আবাস যোজনাৰ (পি.এ. ওৱাই) অধীনত গৃহ আবন্টনৰ বাবে তৎপৰতা আৰম্ভ কৰিছে পশ্চিম গুৱাহাটী সমষ্টিৰ ৰাণী উন্নয়ন খণ্ডৰ অধীনৰ কাহিকুছি গাওঁ পঞ্চায়তে।

 

এই তৎপৰতাৰ অংশ হিচাপে কাহিকুছি গাঁও পঞ্চায়তৰ সভাপতি জগন্নাথ ঠাকুৰীয়া আৰু ৰাণী আঞ্চলিক পঞ্চায়তৰ সদস্য ৰজিদা বেগমৰ নেতৃত্বত ৰাণী উন্নয়ন খণ্ড বিষয়া কাৰ্যালয়ৰ এটা দলে ২০ অক্টোবৰত সংখ্যালঘু বসতি প্ৰধান বঙৰা পাচনিয়াপাৰাৰ ইছলামপুৰ অঞ্চল পৰিদৰ্শন কৰে। উক্ত অঞ্চলটোৰ কোন কোন প্ৰকৃত হিতাধিকাৰীক গৃহ আবণ্টন দিব লাগিব তাৰ এক চৰজমিন জৰীপ চলায়। জৰীপ কাৰ্যৰ সময়ত ৰানী খণ্ড উন্নয়ন বিষয়া কাৰ্যালয়ৰ সহকাৰী অভিযন্তা শংকৰ দাস, গাণনিক অখিল কলিতা, গাঁও পঞ্চায়ত সমন্বয়ক স্বপন কুমাৰ দাস, কাঁহিকুছি গাঁও পঞ্চায়তৰ ৬ নং ৱাৰ্ডৰ সদস্য আজেদা বেগম উপস্থিত থাকে।

 

আনহাতে দলটোৱে পি.এ. ওৱাইৰ গৃহ পাবলগীয়া কেবাটাও হিতাধিকাৰীৰ গৃহ চৌহদ পৰিদৰ্শন কৰি তেওঁলোকৰ আৰ্থিক অৱস্থাৰ বুজ লয়। ইয়াৰ উপৰিও দলটোৱে অঞ্চলটোৰ ৰাইজৰ সৈতে বাট-পথ, খোৱাপানীকে ধৰি বিভিন্ন বিষয়ত মত বিনিময় কৰে। এই ক্ষেত্ৰত পঞ্চায়তৰ সভাপতি জগন্নাথ ঠাকুৰীয়া আৰু আঞ্চলিক পঞ্চায়তৰ সদস্যা ৰজিদা বেগমে সকলো ধৰণৰ সহায়- সহযোগিতাৰ আশ্বাস প্ৰদান কৰে।