এইবাৰ গামোচাত প্ৰাণ পালে নৱপ্ৰজন্মৰ হাৰ্ট থ্ৰৱ জুবিন গাৰ্গৰ দুটা গীতে।জুবিন গাৰ্গৰ অ’ দেউতা আৰু অ’ মা শীৰ্ষক গীত দুটা গামোচাত তুলি ধৰিছে ধেমাজি জোনাইৰ শিপিনী জিনু চুতীয়াই।তেখেতে ৮ ফুট দৈৰ্ঘ্য আৰু ২ফুট প্ৰস্থৰ এখন গামোচাত এই বিশেষ গান দুটা বৈ উলিয়াইছে।এই সম্পৰ্কে জিনু চুতীয়াই এনেদৰে কয়-মোৰ ল’ৰা দুটাই এই গান দুটা ভাল পাই আৰু গাই থাকে।সিহতৰ অনুৰোধৰ পৰিপ্ৰেক্ষিতত এনেদৰে বৈ উলিয়ালো।উল্লেখযোগ্য যে জিনু চুতীয়াই ইতিপূৰ্বেও শংকৰদেৱৰ বৰগীত, অসম সাহিত্য সভাৰ সভাপতি সকল, ভাৰতৰ নেতা সকলৰ নাম আৰু প্ৰতিছবি কাপোৰত বৈ উলিয়াইছিল।পেছাত শিক্ষয়ত্ৰী জিনু চুতীয়াৰ এই কৰ্মই জুবিন প্ৰেমীক উৎসাহিত কৰি তুলিছে ।

গুৱাহাটীত উপস্থিত হ’ল নিৰ্বাচন আয়োগৰ দল
সমাগত ২০২১ চনৰ বিধানসভা নির্বাচন৷ৰাজ্যত ইতিমধ্যে নিৰ্বাচনৰ প্ৰৰস্তুতি আৰম্ভ হৈছে।ইয়াৰ সমান্তৰালভাৱে নির্বাচন যাতে সুকলমে আৰু শান্তিপূর্ণভাৱে সৰ্মাপন হয় তাৰ বাবে দেশৰ নির্বাচন আয়োগে যাৱতীয় প্রস্তুতি অব্যাহত ৰাখিছে৷ শেহতীয়াকৈ নির্বাচন আয়োগৰ এটা উচ্চস্তৰীয় দলে অসমত উপস্থিত হৈ নির্বাচনৰ প্রাৰম্ভিক প্রস্তুতিৰ বিভিন্ন দিশৰ বুজ লৈছিল৷ ইয়াৰ পাছতেই আজি তিনিদিনীয়া ভ্রমণসূচীৰে গুৱাহাটীত উপস্থিত হয় মুখ্য নির্বাচন আয়ুক্ত সুনীল আৰোৰাৰ নেতৃত্বত সম্পূর্ণ আয়োগ৷ মুখ্য নির্বাচন আয়ুক্ত আৰোৰাৰ সৈতে দুই নির্বাচন আয়ুক্ত সুশীল চন্দ্র আৰু ৰাজীৱ কুমাৰ।
ৰাজ্য চৰকাৰৰ নির্বাচন বিভাগৰ এক সূত্রই জানিবলৈ দিয়া মতে নির্বাচন আয়োগে তিনিদিনীয়া ভ্রমণসূচীৰে অসমত থকাৰ সময়ছোৱাত গুৱাহাটীৰ হোটেল ৰেডিছন ব্লু’ত নির্বাচনৰ প্রস্তুতি সন্দর্ভত মুখ্য সচিব, অসম আৰক্ষীৰ সঞ্চালকপ্রধান, মুখ্য নির্বাচনী বিষয়া, জিলা উপায়ুক্ত অথবা নির্বাচনী বিষয়া, আৰক্ষী অধীক্ষককে ধৰি সংশ্লিষ্ট বিষয়া লগত গুৰুত্বপূর্ণ আলোচনাত অংশগ্রহণ কৰিব৷
ভিউৱাছৰ মতামত