গুৱাহাটীত প্ৰৱেশ আইনক্স (INOX), মুকলি কৰিলে চহৰৰ আটাইতকৈ বিলাসী চিনেমাৰ হল

ভাৰতৰ আগশাৰীৰ মাল্টিপ্লেক্স চেইন,আইনক্স (INOX) লিজাৰ লিমিটেডে গুৱাহাটী চহৰত প্ৰৱেশৰ ঘোষণা কৰিছে। তেওঁলোকে মহানগৰীৰ জিএছ ৰোডৰ আৰোছ মলত সম্পূৰ্ণ বিলাসী ৪-স্ক্ৰীণৰ মাল্টিপ্লেক্স মুকলি কৰিছে। গুৱাহাটীৰ চলচ্চিত্ৰ প্ৰেমীসকলে এতিয়া ৭ষ্টাৰ মাল্টিপ্লেক্সত দুৰ্গা পূজা উদযাপনৰ অভিজ্ঞতা লাভ কৰিব পাৰিব। ইনচিগনিয়া ব্ৰেণ্ড অধীনত এক অনন্য আৰু আকৰ্ষণীয় চলচ্চিত্ৰ পৰিৱেশত শেহতীয়া মুক্তি প্ৰাপ্ত চিনেমাবোৰ উপভোগ কৰিব পাৰিব।আৰোছ মলৰ চাৰিটা এক্সক্লছিভ অডিটৰিয়াম আৰু মুঠ ১৮৩ খন আসনৰ একত্ৰীকৰণৰ সৈতে ইনচিগনিয়া(INSIGNIA)ই প্ৰতিটো দিশৰ সৈতে বিলাসিতা একত্ৰিত কৰি চিনেমা চোৱাৰ নতুন অভিজ্ঞতা দিব।

ইনচিগনিয়া (INSIGNIA)ত ছিমলেছ(seamless)চেক-ইনৰ ব্যৱস্থা থকাৰ লগতে ইয়াত খাদ্যৰ অৰ্ডাৰৰ পৰা আৰম্ভ কৰি প্ৰতিটো অডিটৰিয়ামত আৰামদায়ক ৰিক্লেইনাৰলৈকে ধৰি অসাধাৰণ ডলবি এটমোচ চাৰাউণ্ড ধ্বনিত দৰ্শকে চিনেমা চোৱাৰ অভিজ্ঞতা লাভ কৰিব পাৰিব।দৰ্শকসকলে কেতিয়াও লাভ নকৰা অভিজ্ঞতাৰে
সৰ্বশ্ৰেষ্ঠ আৰু আৰামদায়ক চিনেমা চোৱাৰ আতিথ্য লাভ কৰিব। সতেজ খাদ্য আৰু প্ৰস্তুত কফিৰ বিকল্প থাকিব। গুৱাহাটীবাসীয়ে চিনেমা চোৱাৰ এক পাহৰিব নোৱাৰা অভিজ্ঞতা লাভ কৰাটো আৰু পুনৰ ইয়ালৈ উভতি অহাটো নিশ্চিত থাকিব।

মাল্টিপ্লেক্সটোৰ ডিজাইনত আধুনিকীকৰণ আৰু ষ্টাইলাইজড আৰ্ট ডেকোৰৰ এক নিৰৱচ্ছিন্ন মিশ্ৰণ আছে। দৰ্শকক আকৰ্ষণীয় ভিডিঅ’ ৱাল,সোণবৰণীয়া অলংকৃত আৰু বিলাসী আয়নাৰ ওপৰত আলোকপাত কৰা দৃশ্যৰ দ্বাৰা সম্ভাষণ জনোৱাৰ সুব্যৱস্থা কৰা হৈছে। লগতে ইনচিগনিয়াত খাদ্যৰ বৈশিষ্ট্য উন্নত আৰু আটকধুনীয়া। তাৰ উপৰি খাদ্যৰ বিপনিসমূহ আটকধুনীয়াকৈ সজাই তোলা হৈছে।

মাল্টিপ্লেক্সটো উদ্বোধন কৰি আইনক্স লিজাৰ লিমিটেডৰ আঞ্চলিক সঞ্চালক (পশ্চিম)ৰ অমিতাভ গুহ ঠাকুৰতা (Amitava Guha Thakurta)ই কয়- “আমি ধুনীয়া গুৱাহাটী চহৰখনত দুৰ্গা পূজা উৎসৱৰ সময়ত আমাৰ প্ৰথম মাল্টিপ্লেক্স মুকলি কৰি গৌৰৱান্বিত আৰু আনন্দ অনুভৱ কৰিছোঁ।আইনক্স ইনচিগনিয়াই গুৱাহাটীৰ দৰ্শকক প্ৰথমবাৰৰ বাবে অতি-বিলাসীত চিনেমা চোৱাৰ অভিজ্ঞতা দিব। দৰ্শকক ৭ ষ্টাৰৰ অভিজ্ঞতা দিব, য’ত থাকিব উৎকৃষ্ট ধ্বনি আৰু প্ৰক্ষেপণ প্ৰযুক্তিৰ লগতে খাদ্যৰ বিকল্প। আমি চিনেমা উপভোগ কৰি ভাল পোৱা গুৱাহাটীৰ দৰ্শকসকলক আমাৰ ইয়ালৈ আহি অসাধাৰণ চলচ্চিত্ৰ চোৱাৰ অভিজ্ঞতা ল’বলৈ আমন্ত্ৰণ জনাইছো।”

এই নতুন আইনক্স মাল্টিপ্লেক্সটো জি.এছ. ৰোডস্থিত আৰোছ মলত অৱস্থিত। দর্শকৰ বাবে সহজ প্ৰৱেশাধিকাৰ থাকিব।যোৰহাটৰ এ.বি.এছ. মলত ইতিমধ্যে কাৰ্যক্ষম হৈ আছে মাল্টিপ্লেক্স আৰু গুৱাহাটীৰ আইনক্স ইনচিগনিয়া তেওঁলোকৰ ৰাজ্যৰ ভিতৰতে দ্বিতীয় আৰু মহানগৰীত প্ৰথম আইনক্স মাল্টিপ্লেক্স।

১০০% টিকাকৰণ কৰা ষ্টাফ দ্বাৰা চিনেমাসমূহ পৰিচালনা কৰাটো নিশ্চিত কৰাৰ উপৰিও, আইনক্সে।পালন কৰিছে ৰাজ্য চৰকাৰে জাৰী কৰা অধিসূচনাত নিৰ্ধাৰিত প্ৰতিটো নিৰ্দেশনা। #SafetyFirst নামৰ এক পৰিচ্ছন্নতা প্ৰচেষ্টা হাতত লৈছে, যিয়ে চৰকাৰী কৰ্তৃপক্ষৰ দ্বাৰা জাৰি কৰা নিৰ্দেশসমূহ কাৰ্যকৰী কৰাৰ অতিৰিক্ত ব্যৱস্থা গ্ৰহণ কৰিছে। লগতে তেওঁলোকে দৰ্শক বহাৰ সীমাবদ্ধতা, চিনেমা চোৱাৰ বাবে বহা আসনসমূহ সঘনাই পৰিষ্কাৰ কৰা, সকলো দৰ্শকে স্পৰ্শ কৰা স্থানসমূহ পৰিস্কাৰ কৰাৰ নিৰ্ধাৰিত দিশ অনুসৰণ ৰিছে।সেই স্থানসমূহৰ ভিতৰত আছে প্ৰৱেশদ্বাৰ, বক্স-অফিচ, লবী, আডিটৰিয়াম, এফ এণ্ড বি কাউণ্টাৰ, ৰেষ্টৰুম আৰু প্ৰস্থান গেটসহ। ইয়াৰ লগতে বৰ্ধিত পৰিচ্ছন্নতা প্ৰদান কৰাৰ প্ৰচেষ্টাৰ প্ৰটোকলবোৰত আছে বাধ্যতামূলক মাস্ক পিন্ধা, তাপমাত্ৰা পৰীক্ষা, ই-টিকট, সম্পৰ্কহীন পৰিশোধৰ লগতে সতেজ বায়ুৰ বৰ্ধিত দিশটো। আইএনঅ’এক্সৰ লক্ষ্য হৈছে সমগ্ৰ চিনেমা চোৱাৰ অভিজ্ঞতা ডিজিটেলভাৱে সক্ষম আৰু স্পৰ্শ-মুক্ত কৰি তোলা। লগতে সকলো দৰ্শকক ই-টিকট ব্যৱহাৰ কৰিবলৈ উৎসাহিত কৰিছে।লগতে আইনক্সত প্ৰৱেশ কৰা দৰ্শকৰ বাবেও ই-টিকটৰ ব্যৱস্থা কৰিছে।

সামাজিক দূৰত্ব বাহাল ৰাখি এক চেফ আৰু সুৰক্ষিত পৰিৱেশ প্ৰদান কৰিব আৰু বন্ধু আৰু পৰিয়ালৰ সৰু গোটবোৰৰ বাবে আইনক্সে ব্যক্তিগত স্ক্ৰীণিং সেৱা আগবঢ়াব। দৰ্শকে পচন্দৰ চিনেমা এখন অতি কম মূল্য ৪,৯৯৯টকাত উপভোগ কৰিব পাৰিব। দৰ্শকে একচেটিয়াভাৱে কিউৰেটেডৰ অভিজ্ঞতা তেওঁলোকৰ পচন্দৰ তাৰিখ আৰু সময় অনুসৰি সমগ্ৰ দেশৰ যিকোনো কাৰ্যকৰী আইনক্স চিনেমাত সুবিধাৰ ব্যৱস্থা আছে। আইনক্সে এফ এণ্ড বি নিৰ্দেশনাবোৰ শিথিল হোৱাৰ পিছত ইমিউনিটি বুষ্টাৰ অন্তৰ্ভুক্ত কৰিব তেওঁলোকৰ মেনুত। এই নতুন মেনুত এটা তুৰমেৰিক লটে (Turmeric Latte)অন্তৰ্ভুক্ত থাকিব, তাৰ লগতে থাকিব এক বিস্তৃত পৰিসৰৰ গ্ৰীণ টি, এনেৰ্জি বাৰ্চ (Energy Bars) আদি। আইএনঅ’এক্সত চুইগি আৰু জোমাটোৰ দৰে খাদ্য অৰ্ডাৰ লোৱা প্লেটফৰ্মৰো ব্যৱহাৰ কৰি ঘৰৰ দৰে আৰাম লাভ কৰিব পাৰিব।

এই মুকলিৰ সৈতে,আইনক্সে দেশৰ ৭০ খন চহৰত ৬৫৮ খন স্ক্ৰীণবিস্তৃত ১৫৬ টা মাল্টিপ্লেক্সলৈ ইয়াৰ উপস্থিতি সম্প্ৰসাৰিত কৰিছে। দেশৰ পূব অংশত ৯৩ খন স্ক্ৰীণৰ সৈতে ২৫ টা মাল্টিপ্লেক্সলৈ উপস্থিতি সম্প্ৰসাৰিত কৰিছে।

কিহে আইনক্স।ইনচিগনিয়াক এক অতি-বিলাসী চলচ্চিত্ৰ গন্তব্য স্থান কৰি তোলে?

ব্যক্তিগতকৃত টিকেটিং সেৱাসমূহ: সমৰ্পিত(dedicated) সংৰক্ষণ(reservation)লাইনৰ পৰা আৰম্ভ কৰি, এক সমৰ্পিতলৈ দৰ্শকসকলক তেওঁলোকৰ আসনলৈ লৈ যোৱাৰ বাবে ব্যক্তিগতকৃতভাৱে সেৱা আগবঢ়াব।

বেচপোক আভ্যন্তৰীণ আৰু সুন্দৰ ৰিক্লিনাৰ: ভিতৰভাগ উবেৰ বিলাসী আৰ্ট ডেকোৰৰে সজ্জিত। যি গৌৰৱ কৰা সুন্দৰ আৰ্হি।লগতে স্বাক্ষৰ ৰিক্লিনাবোৰ মাইক্ৰ’-এডজাষ্টেবল হেডৰেষ্টৰ সৈতে ইটালিয়ান ষ্টিচ-আৰ্ট চামৰাত তৈয়াৰী।

বিকি ৰত্নানীৰ দ্বাৰা কিউৰেট কৰা মেনুৰ পৰা ভোজনৰ আনন্দলৈ: ইয়াত অপেন খাদ্য কাউণ্টাৰ লবি, মাষ্টাৰ চেফ বিকি ৰত্নানীৰ দ্বাৰা প্ৰস্তুত কৰা মেনুৰ পৰা মনোৰম খাদ্য পৰিৱেশনৰ ব্যৱস্থা আছে।

বাটলাৰ-অন-কলৰ সৈতে অনায়াস খাদ্য অৰ্ডাৰ কৰা: আকৰ্ষণীয় মেনু উপভোগ কৰিবলৈ বা আন যিকোনো লোকৰ সহায়ৰ বাবে টাছ পেনেলত বাটলাৰ-অন-কল বুটামটো টিপি আৰামৰে তেওঁলোকৰ সুবিধা গ্ৰহণৰ সুবিধা।

অত্যাধুনিক ধ্বনি আৰু স্ক্ৰীণ প্ৰযুক্তি: উন্নত ছবিৰ মানদণ্ডৰ সৈতে নিশ্চিত কৰা হৈছে লেজাৰ প্ৰজেকচন(LASER projection), ডলবি এটিএমঅ’এছৰ দ্বাৰা উন্নত চাৰাউণ্ড ধ্বনি। যথাযথভাৱে ভলফনিৰ স্মাৰ্ট ক্ৰিষ্টাল ডায়মণ্ড ছলিউচন স্ক্ৰীণৰ ব্যৱস্থা কৰা হৈছে, যাৰ ফলত চলচ্চিত্ৰবোৰ জীৱন্ত হৈ উঠে।

অৰ্জুন খান্নাৰ দ্বাৰা প্ৰস্তুত কৰা ইউনিফৰ্ম: ইনচিগনিয়া চৌহদৰ প্ৰতিজন পৰিচালকৰ ইউনিফৰ্মসমূহ বিশেষভাৱে চেলিব্ৰিটি ডিজাইনাৰ অৰ্জুন খান্নাৰ দ্বাৰা তৈয়াৰ কৰা হৈছে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

গুৱাহাটী বিশ্ববিদ্যালয় এন এছ এছ কোষৰ ৰাষ্ট্ৰীয় কন্যা শিশু দিবস উদযাপন

আজাদী কা অমৃত মহোৎসবৰ অংশ হিচাপে গুৱাহাটী বিশ্ববিদ্যালয়ৰ ৰাষ্ট্ৰীয় সেৱা আঁচনি কোষে ২৪ জানুৱাৰীত এক বেবিনাৰৰ মাধ্যমত ৰাষ্ট্ৰীয় কন্যা শিশু দিবস উদযাপন কৰে। মুখ্য অতিথি হিচাপে উপস্থিত থাকি বিশ্ববিদ্যালয়খনৰ উপাচাৰ্য প্ৰফেছৰ প্রতাপ জ্যোতি সন্দিকৈয়ে ৰাষ্ট্ৰীয় কন্যা শিশু দিবস উদযাপনৰ গুৰুত্ব সম্পৰ্কে বিস্তৃত আলোচনা কৰি কয় যে কন্যা শিশুৰ প্রতি শ্রদ্ধা প্রথমে ঘৰৰ পৰাই আৰম্ভ কৰা উচিত আৰু এনএছ এছ স্বেচ্ছাসেবকে মানুহৰ মাজলৈ এই বাৰ্তা প্ৰেৰণ কৰিবলৈ আহ্বান জনায় । উত্তৰ পূব এন এছ এছৰ আঞ্চলিক সঞ্চালক দীপক কুমাৰে কাৰ্য্যসূচী বিষয়া আৰু স্বেচ্ছাসেবক সকলক কন্যা শিশুৰ উন্নতি আৰু নিৰাপত্তাৰ বাবে উদ্যোগ লবলৈ আহ্বান জনায় । তেওঁ চৰকাৰী বিভিন্ন আঁচনি , গার্ল চাইল্ড আঁচনিসমূহ এন এছ এছ কাৰ্য্যসূচী বিষয়া আৰু স্বেচ্ছাসেবকসকলে আগুৱাই নিয়াত অৰিহণা যোগাব লাগিব বুলি উল্লেখ কৰে। অতিথি অৰু অংশগ্রহণকাৰীক আদৰণি জনায় বিশ্ববিদ্যালয়ৰ ছাত্ৰকল্যাণ সঞ্চালক তথা এন এছ এছৰ কাৰ্য্যসূচী সমন্বয়ক ডঃ ৰঞ্জন কুমাৰ কাকতিয়ে । তেওঁ কয় যে : কন্যা শিশুৰ অধিকাৰ ,শিক্ষাৰ গুৰুত্ব, স্বাস্থ্য আৰু লিংগ বৈষম্য আৰু শাৰীৰিক নিৰ্যাতনৰ দৰে সমস্যা সম্পৰ্কে সচেতনতাৰ বাবে ৰাষ্ট্ৰীয় কন্যা শিশু দিবস পালন কৰা হয় । স্বাধীনতাৰ ৭৫ বছৰ উদযাপনৰ বাবে ২০ বছৰৰ কম বয়সী ৭৫ জনী কন্যা শিশুক গুৱাহাটী বিশ্ববিদ্যালয় এন এছ এছ কোষৰ অধীনৰ বিভিন্ন কলেজ এন এছ এছ গোটৰ দ্বাৰা সমাজত অসামান্য অৱদানৰ বাবে স্মাৰক,গামোচা আৰু মানপত্ৰৰে সম্বৰ্ধনা জনায় । কলেজৰ অধ্যক্ষ, এনএছএছ প্রোগ্রাম অফিছাৰ আৰুস্বেচ্ছাসেবক সমন্বিতে প্রায় ৩০০ জন অংশগ্রহণকাৰী এই বেবিনাৰত অংশগ্ৰহণ কৰে।

কাহিলীপাৰাত কবি-লেখক ডা: শৰৎ চন্দ্র ৰাভাক সম্বৰ্দ্ধনা

ৰাভা লেখক মঞ্চ, অসমৰ সভাপতি, বিশিষ্ট কবি-লেখক, সংগঠক গুৱাহাটীৰ কাহিলীপাৰাৰ বাসিন্দা ডা: শৰৎ চন্দ্র ৰাভাক গণৰাজ্য দিৱসৰ প্ৰাকক্ষণত ৰাজ্যৰ অন্যতম প্ৰকাশন “পৰাগজ্যোতি প্ৰকাশন”ৰ পৰা সম্বৰ্দ্ধনা জ্ঞাপন কৰে। প্ৰকাশনৰ সচিব, সাংবাদিক, কবি দীপক শৰ্মাই আঁত ধৰা সভাত সংবাদকৰ্মী প্ৰাঞ্জল মহন্ত, প্ৰাণজিত বেজবৰুৱা, স্বপ্না শৰ্মাই অনুষ্ঠানত অংশ লয়। সম্বৰ্দ্ধনা গ্রহণ কৰি ৰাভা জনগোষ্ঠীটোৰ অন্যতম লেখক ডা: ৰাভাই কয়- আজি আৰু মই সাহস পালোঁ। কিবা এটা লেখাৰ, কিবা এটা কৰাৰ। স্বীকৃতিয়ে মানুহক মনোবল দিয়ে।

ৰাষ্ট্ৰীয় বাল পুৰস্কাৰে সন্মানিত হৈছে অসমৰ এইগৰাকী শিশু শিল্পী

ৰাষ্ট্ৰীয় বাল পুৰস্কাৰে সন্মানিত হৈছে নাজিৰাৰ এগৰাকী কণমানি শিল্পী।ধিতিস্মান চক্ৰৱৰ্তী নামৰ নাজিৰাৰ শিশুশিল্পীগৰাকীয়ে ব্লকচেইন পদ্ধতিৰে আজি ভাৰত চৰকাৰৰ পৰা মানপত্ৰ আৰু নগদ ধন লাভ কৰিছে।ধিতিস্মানে বৰ্তমানলৈকে ৮টা ভাষাত ৭০টাকৈ অধিক গীত বাণীবদ্ধ কৰিছে।মাত্ৰ ডেৰবছৰ বয়সৰ পৰা সংগীতৰ জগতত খোজ পেলোৱা ধিতিস্মানে অসমীয়া,হিন্দী,ইংৰাজীৰ উপৰিও বাংলা ভাষাতো গীত পৰিবেশন কৰিব পাৰে।কিছুদিন পূৰ্বে ধিতিস্মানে মাকৰ সৈতে পৰিবেশন কৰা ´তোমাৰ মৰমে মোৰ,দেহত তুলিলে ঢৌ `শীৰ্ষক গীতটোৱে চ`চিয়েল মেডিয়াত বেচ জনপ্ৰিয়তা লাভ কৰিছিল।ধিতিস্মান শিৱসাগৰৰ অ এন জি চিৰ আৱাসিক এলেকাৰ বাসিন্দা দেৱজিত চক্ৰৱৰ্তী আৰু সোনম চক্ৰৱৰ্তী পুত্ৰ।

ঢকুৱাখনা মহাবিদ্যালয়ৰ এন এছ এছ গোটৰ ১০ টা  দৰিদ্ৰ পৰিয়ালক স্নানাগাৰ নিৰ্মাণ

ঢকুৱাখনাৰ উপাৰ্জনহীন গ্ৰাম্য  দৰিদ্ৰ  পৰিয়ালৰ  নিত্য ব্যবহার্য সা সুবিধা  উপলব্ধ  নোহোৱা ১০তাৰো অধিক পৰিয়ালৰ প্ৰতি দুখৰ সমভাগী হৈ দেওবাৰে  থিয় দিলে ঢকুৱাখনা মহাবিদ্যালয় এন এছ এছ গোট।   ঢকুৱাখনা মহাবিদ্যালয়ৰ “ৰাষ্ট্ৰীয় সেৱা আঁচনি”(এন এছ এছ) গোটৰ  উদ্যোগত আঁচনি বিষয়া প্ৰবক্তা তবেন্দ্ৰ নাথ দাসৰ নেতৃত্বত অহা ২৮ জানুৱাৰী পৰ্যন্ত সপ্তাহজোৰা এলানি বিশেষ জনহিতকৰ কৰ্মসূচী গ্ৰহণ কৰিছে।  তাৰেই অংশ হিচাপে মহাবিদ্যালয়ৰ ৰাষ্ট্ৰীয় সেৱা আঁচনিৰ  আঁচনি বিষয়া দাসৰ নেতৃত্বত দেওবাৰে ঢকুৱাখনা মহকুমাৰ ১নং পিঠিয়াল গাঁওৰ  দৰিদ্ৰ পৰিয়াল সমূহৰ মাজত  উপস্থিত হৈ  গোটৰ ভলণ্টিয়াৰ সকলৰ জৰিয়তে জৰীপ চলাই  স্নানাগাৰ , শৌচাগাৰ আদিৰ অস্থায়ী ভাবে নিৰ্মান কৰি দুৰ্ভগীয়া পৰিয়াল সমূহক উপকৃত কৰে । দেওবাৰে   আঁচনি বিষয়া গৰাকীৰ নেতৃত্বত মুঠ ৫০ গৰাকী ভলণ্টিয়াৰে গাঁওখনৰ অতি দৰিদ্ৰ মুঠ ১০ টা পৰিয়ালৰ  মাজত তামোলৰ ঢকুৱা, বাঁহ , বস্তা, কল মাৰলীৰে অস্থায়ী  স্নানাগাৰৰ বেৰা , শৌচাগাৰৰ বেৰা আদি নিৰ্মান কৰি গঞাৰ চৌহদ নিকাকৰণ কৰি এক সুস্থ আৰু স্বাস্থ্য সন্মত পৰিবেশ সৃষ্টি কৰি দিয়ে ।  ইয়াৰোপৰি গাঁওৰ  শিক্ষাৰ্থী  সকলৰ মাজত  সাহিত্য ,সংস্কৃতি প্ৰতিযোগিতাৰ লগতে  স্বাস্থ্য বিভাগৰ নিৰ্দেশনা অনুসৰি স্বাস্থ্য পৰীক্ষা, ভেকচিন প্ৰদান আদি কাৰ্যসূচী হাতত লোৱা বুলি আঁচনি বিষয়া দাসে জানিবলৈ দিছে । শনিবাৰৰ  পৰা অহা ২৮ জানুৱাৰীলৈ চলিব লগা এই সপ্তাহ জোৰা বিশেষ কাৰ্যসূচীৰ জৰিয়তে  গাঁওখনৰ গৰিষ্ঠ সংখ্যক দৰিদ্ৰ পৰিয়ালক উপকৃত কৰণৰ জনমুখী কৰ্মসূচী হাতত লব বুলি জানিবলৈ দিছে এন এছ এছ গোটৰ আঁচনি বিষয়া দাসে।
বাতৰি যুগুতালে অমৃত পৱন বৰাই।

পলাশবাৰীত ৰাষ্ট্ৰীয় স্বয়ং সংঘৰ পথ সঞ্চালন

ৰাষ্ট্ৰীয় স্বয়ংসেৱক সংঘৰ ‘পথ সঞ্চালন’ দক্ষিণ কামৰূপ জিলাৰ উদ্যোগত আজি পলাশবাৰী সমষ্টিৰ মিৰ্জাস্থিত নিজেশ্বৰী মন্দিৰ প্ৰাঙ্গণত এক গাম্ভীৰ্যপূৰ্ণ পৰিবেশত অনুষ্ঠিত হয়। উক্ত পথ সঞ্চালনত ৰাষ্ট্ৰীয় স্বয়ংসেৱক সংঘৰ প্ৰায় ডেৰ শতাধিক কৰ্মীয়ে অংশ গ্ৰহণ কৰে। এই পথ সঞ্চালন মিৰ্জাস্থিত নিজেশ্বৰী মন্দিৰ প্ৰাঙ্গনৰ পৰা উপৰহালী উচ্চতৰ মাধ্যমিক বিদ্যালয়লৈ প্ৰায় ৫ কি:মি: পথ যাত্ৰা কৰে। অনুষ্ঠানত পলাশবাৰী সমষ্টিৰ বিধায়ক হেমাংগ ঠাকুৰীয়া, ৰাজ্যিক বিজেপি যুৱ মৰ্চাৰ সাধাৰণ সম্পাদক হিমাংশু শেখৰ বৈশ্য অংশগ্ৰহণ কৰাৰ উপৰিও ৰাষ্ট্ৰীয় স্বয়ংসেৱক সংঘ দক্ষিণ কামৰূপ জিলাৰ কাৰ্যবাহ বিৰাজ মেধি, মুখ্য বক্তা হিচাপে সংঘ চালক বিশ্বনাথ গয়াৰী, কিষান সংঘৰ ৰাজ্যিক সাংগঠনিক সম্পাদক কৃষ্ণ কান্ত বৰা আৰু দক্ষিণ কামৰূপ জিলা বিজেপি সভাপতি ধনেশ্বৰ তালুকদাৰ উপস্থিত থাকে।

খানাজানৰ ওপৰত ফুকনৰপাৰ আৰু কেহেৰুবাৰীৰ মাজত বিধায়ক ৰমেন্দ্ৰ নাৰায়ণ কলিতাৰ দলং নিৰ্মাণৰ সিদ্ধান্তক ৰাইজৰ আদৰণি

গুৱাহাটীৰ পশ্চিম প্ৰান্তৰ দীপৰ বিল আৰু ব্ৰহ্মপুত্ৰ নদী সংযোগী খানাজানৰ ওপৰত পশ্চিম জালুকবাৰীৰ খানামুখৰ ফুকনৰপাৰ আৰু ধাৰাপুৰ গাঁও পঞ্চায়তৰ খানামুখৰ কেহেৰুবাৰীৰ মাজত স্থানীয় বিধায়ক ৰমেন্দ্ৰ নাৰায়ণ কলিতাই শেহতীয়াকৈ এখন লঘু বাহন চলাচল কৰিব পৰা কংক্ৰিটৰ দলং নিৰ্মাণৰ বাবে গ্ৰহণ কৰা সিদ্ধান্তক আদৰণি জনাইছে বৃহত্তৰ খানামুখ অঞ্চলৰ ৰাইজে। আনকি যোৱা ২১ জানুৱাৰীত অসম চৰকাৰৰ লোক নিৰ্মাণ পথ বিভাগৰ গুৱাহাটী চক্ৰৰ অধীক্ষক অভিযন্তা ৰাতুল কুমাৰ বেজ আৰু পশ্চিম গুৱাহাটী ক্ষেত্ৰীয় পথ উপ সংমণ্ডলৰ সহকাৰী কাৰ্যবাহী অভিযন্তা কুশল কলিতাই খানামুখ অঞ্চল ভ্ৰমণ কৰি কেহেৰুবাৰী আৰু ফুকনৰ মাজত দলং নিৰ্মাণ লবলগীয়া প্ৰস্তাৱিত স্থান পৰিদৰ্শন কৰি কোনফালে দলং নিৰ্মাণ কৰিলে ৰাইজৰ সুবিধা হ’ব তাৰ এক ক্ষেত্ৰ অধ্যয়ন কৰে। আনকি দুয়োজন অভিযন্তাই পৰিদৰ্শনৰ সময়ত অঞ্চলটোৰ উপস্থিত একাংশ ৰাইজৰ সৈতেও এই সন্দৰ্ভত মত বিনিময় কৰে। আনহাতে অঞ্চলটোৰ অগ্ৰণী সামাজিক – সাংস্কৃতিক আৰু ক্ৰীড়া সংগঠন খানামুখ মিলন সংঘৰ কৰ্মকর্তা সকলে স্থানীয় বিধায়ক ৰমেন্দ্ৰ নাৰায়ণ কলিতাক যিফালে দলং নিৰ্মাণ কৰিলে অঞ্চলটোৰ একমাত্ৰ শিক্ষানুষ্ঠান খানামুখ প্ৰাথমিক বিদ্যালয়ত অধ্যয়নৰত কণ কণ ছাত্ৰ – ছাত্ৰী সকল অহা যোৱাৰ পথ চমু হয় তেনে সুবিধাজনক স্থানত দলং নিৰ্মাণৰ পদক্ষেপ গ্ৰহণ কৰিবলৈ আহ্বান জনাইছে। সংঘৰ কৰ্মকর্তা সকলে সদৰি কৰা খানাজানৰ পূব দিশত থকা ফুকনৰ পাৰত অৱস্থিত খানামুখ প্ৰাথমিক বিদ্যালয়ত কেহেৰুবাৰীকে ধৰি গাতে লগা নোৱাপাৰাসহ অঞ্চলটোৰ বেছিভাগ শিশুৱে অধ্যয়ন কৰে। তেনেদৰে বিদ্যালয়ৰ খেলপথাৰ খনেই হৈছে বৃহত্তৰ অঞ্চলটোৰ একমাত্ৰ খেলপথাৰ। তেনেদৰে খেলপথাৰৰ লগতে আছে শ্ৰী শ্ৰীলক্ষ্মী মন্দিৰ আৰু সভা-সমিতি অনুষ্ঠিত হোৱা এটা সামূহিক গৃহ । কিন্ত দলঙৰ অভাৱত কেহেৰুবাৰী, নোৱাপাৰা অঞ্চলৰ কণ কণ ছাত্ৰ ছাত্ৰী সকলে একৰ পৰা ডেৰ কিঃমিঃ ঘূৰি ৩৭ নং ৰাষ্ট্ৰীয় ঘাইপথৰে অতি বিপদ সংকুলভাবে অহা যোৱা কৰিব লগা হয়। আনকি বিগত সময়চোৱাত তেনেকৈ অহা যোৱা কৰা কেবাজনো ছাত্ৰ ছাত্ৰী দুৰ্ঘটনাত পতিত হৈ মৃত্যুক আঁকোৱালি লব লগীয়া হৈছে। তেনেদৰে একমাত্ৰ খেলপথাৰখন ফুকনৰপাৰত থকা বাবে কেহেৰুবাৰী, নোৱাপাৰা চুবুৰীৰ কণ কণ শিশুকে ধৰি চেমনীয়া সকলৰো খেলা ধূলাত ব্যাঘাট জন্মাৰ লগতে তেওঁলোকৰ অনুশীলনো ব্যাহত হৈছে। কিয়নো অভিভাৱক সকলে ৰাষ্ট্ৰীয় ঘাইপথৰে স্বাভাৱিক কাৰণতেই নিজৰ সন্তানক পঠিয়াবলৈ ভয় কৰে। যাৰ বাবে অঞ্চলটোৰ ৰাইজেও কেহেৰুবাৰী আৰু ফুকনৰপাৰৰ মধ্যবৰ্তী স্থান হিচাপে পৰিচিত কেহেৰুবাৰীৰ ২ বা ৩ নং উপপথৰ সন্মুখত বা সমীপত সৰু দলং নিৰ্মাণ কৰিবলৈ স্থানীয় বিধায়ক ৰমেন্দ্ৰ নাৰায়ণ কলিতাক আহ্বান জনাইছিল। বিধায়ক কলিতাই বিগত ২০২১ চনৰ বিধানসভা নিৰ্বাচনৰ সময়ত ৰাইজক পুনৰ বিধায়ক নিৰ্বাচিত হলে ফুকনৰপাৰ আৰু কেহেৰুবাৰীৰ মাজত দলং নিৰ্মাণৰ ব্যৱস্থা গ্ৰহণ কৰা হব বুলি প্ৰতিশ্ৰুতি দিছিল। অৱশেষত প্ৰায় ৮ মাহ পূৰ্বে নিৰ্বাচনৰ সময়ত দিয়া প্ৰতিশ্ৰুতি অনুসৰি বিধায়ক কলিতাই দলং নিৰ্মাণৰ পদক্ষেপ গ্ৰহণ কৰি এইক্ষেত্ৰত চৰজমিন ক্ষেত্ৰ অধ্যয়ন কৰিবলৈ লোকনির্মাণ পথ বিভাগৰ দায়িত্ববাহী অভিযন্তাক কিছুদিন পূৰ্বে নিৰ্দেশ দিছিল। অৱশ্যে বৃহত্তৰ অঞ্চলটোৰ সকলো শ্ৰেণীৰ ৰাইজে কেহেৰুবাৰীৰ দিশৰ পৰা আহিলে যিফালে খানামুখ প্ৰাথমিক বিদ্যালয় , খেলপথাৰ আৰু শ্ৰী শ্ৰীলক্ষ্মী মন্দিৰসহ সামূহিক গৃহ সহজতে অহা যোৱা কৰিব পাৰিব তেনে প্ৰস্তাৱিত স্থানত দলংখন নিৰ্মাণ কৰিবলৈ অনুৰোধ জনাইছে। এইক্ষেত্ৰত কেহেৰুবাৰীৰ ২ নং বা ৩ নং উপপথৰ সমীপত তথা সন্মুখৰ স্থানখিনী সকলো ফালৰ পৰা সুবিধাজনক হব বুলি খানামুখ মিলন সংঘৰ একাংশ কৰ্মকর্তাই সদৰি কৰিছে। উল্লেখযোগ্য যে দলংখন নিৰ্মাণ হলে অঞ্চলটোৰ ৰাইজৰ যাতায়তৰ এটা বহুদিনীয়া সমস্যাৰ সমাধান হোৱাটো নিশ্চিত। আনহাতে আগন্তক বাৰিষাৰ আগতেই যাতে দলং নিৰ্মাণৰ কাম আৰম্ভ কৰিবলৈ লোকনির্মাণ পথ বিভাগ আৰু স্থানীয় বিধায়কক আহ্বান জনাইছে অঞ্চলটোৰ সকলো শ্ৰেণীৰ ৰাইজে।