চিনেমা সংস্কৃতি প্ৰসাৰত চলচিত্ৰ মহোৎসৱৰ ভূমিকাৰ সম্পৰ্কে কি আলোচনা হ’ল

সপ্তাহযোৰাকৈ অনুষ্ঠিত হোৱা তৃতীয় গুৱাহাটী আন্ত:ৰাষ্ট্ৰীয চলচ্চিত্ৰ মহোৎসৱৰ আজি চতুৰ্থ দিনা  ‘চিনেমা সংস্কৃতি প্ৰসাৰত চলচ্চিত্ৰ মহোৎসৱৰ ভূমিকা’শীৰ্ষক এক মনোজ্ঞ আলোচনা অনুষ্ঠিত হয়।আলোচনা মুখ্য বক্তা হিচাপে উপস্থিত থাকে ৰাষ্ট্ৰ পুৰস্কাৰপ্ৰাপ্ত ছবি সমালোচক সংবাদিক মনোজ বৰপূজাৰী ,পোলেণ্ডৰ অভিনেত্ৰী তথা ছবি নিৰ্মাতা এবা বুকস্কা, বাংলাদেশৰ ছবি-পৰিচালক নুৰ ইমৰাণ মিঠু ,ফিলেণ্ডৰ অভিনেত্ৰী ছবি নিৰ্মাতা হেইকি কুজানপা ।অনুষ্ঠানটোৰ আঁত ধৰে ছবি নিৰ্মিতা ৰমা জাছেমদাৰে।চিনেমা সংস্কৃতিক জনপ্ৰিয় কৰাৰ ক্ষেত্ৰত চলচ্চিত্ৰ মহোৎসৱ গুৰুত্ব অপৰিসীম বুলি মন্তব্য কৰি মনোজ বৰপূজাৰীযে কয় যে কলাত্মক ছবিৰ বাবে দৰ্শন সৃষ্টিৰ জৰিয়তে ভাল ছবিৰ প্ৰতি দৰ্শনক আকৃষ্ট কৰাৰ ক্ষেত্ৰত মহোৎসৱে নিৰ্মাতাসকলোক উৎসাহ যোগোৱাত এনে মহোৎসৱ যথেষ্ট সহায় কৰে বুলিও মন্তব্য কৰে। ৰাষ্ট্ৰীয়তকৈ আন্ত:ৰাষ্ট্ৰীয় চলচ্চিত্ৰৰ মহোৎসৱত বিভিন্ন দেশৰ ছবি চোৱা তথা ইয়াৰ সৈতে জড়িত কলা-কুশলীক লগ পোৱা বা তেওঁলোকৰ সৈতে আলাপ কৰাৰ সুবিধা পোৱা যায় বাবে ইয়াৰ গুৰুত্ব তুলনামূলক ভাৱে অধিক বুলি তেওঁ কয়।প্ৰথম বাৰৰ বাবে চলচ্চিত্ৰ মহোৎসৱত উপস্থিত থাকি এই সন্দৰ্ভত হোৱা অভিজ্ঞতা আজি মুকলি আলোচনাত ব্যক্ত কৰে । মহোৎসৱসমূহে তেওঁৰ ছবিৰ ব্যৱহাৰিক সফলতা যথেষ্ট সহায় কৰিছে বুলি তেওঁ প্ৰকাশ কৰে।ফিলেণ্ডৰ ছবি  নিৰ্মাতা হেইকিকুজানপাযো কলাত্মক ছবিৰ প্ৰচাৰৰ ক্ষেত্ৰত চলচ্চিত্ৰ মহোৎসৱসমূহৰ প্ৰয়োজনীয়তা আৰু ছবি-নিৰ্মিতাসকলোক উৎসাহ যোগোৱা বুলি মন্তব্য কৰে।উল্লেখযোগ্য যে বাংলাদেশৰ ছবি পৰিচালক নুৰ ইমৰাণ মিঠু এন আৰেজ শ্বিপ ছবি:নিৰ্মাতা এৱা বুকস্কাৰ ৫৩ৱাৰছ আৰু ফিনলেণ্ডৰ ছবি নিৰ্মাতা হেইকি কুজানপা ‘লাফ অব ডাই ‘তৃতীয়ত গুৱাহাটী চলচ্চিত্ৰ আন্ত:ৰাষ্ট্ৰীয়ৰ চলচ্চিত্ৰ মহোৎসৱক প্ৰদৰ্শনৰ ব্যৱস্থা কৰা হৈছে।উল্লেখযোগ্য যেকলাক্ষেত্ৰৰ তিনিটা প্ৰেক্ষাগৃহ আৰু জোতি চিত্ৰবনত অনুষ্ঠিত হোৱা তৃতীয় গুৱাহাটী আন্ত:ৰাষ্ট্ৰীয় চলচ্চিত্ৰৰ মহোৎসৱত ৬৫খন দেশৰ শতাধিক ছবি প্ৰদৰ্শন কৰা হব।বসুধৈব কুটুম্বকম আৰ্থগোটেই পৃথিৱীখনেই এক পৰিয়াল চিন্তাধাৰাৰে উজ্জীৱিত গুৱাহাটী চলচ্চিত্ৰ মহোৎসৱত ‘কান্টু অব ফকাছ ‘ইৰানৰ হোৱাৰ বিপৰীতে ‘ৰিজন অব ফকাছ’ হল নেটিন আমেৰিকা।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

এপ’ল’ হস্পিতালে চিনিয়ৰ চিটিজেন কেয়াৰ আৰম্ভ কৰিছে

এপ’ল হস্পিতালে আজি চিনিয়ৰ চিটিজেন কেয়াৰ প্ৰগ্ৰামৰ শুভাৰম্ভ কৰিছে। এই কাৰ্য্যক্ৰমৰ অধীনত প্ৰতিজন জেষ্ঠ নাগৰিকে হাস্পতালখনৰ তৰফৰ পৰা বিশেষ সুবিধা লাভ কৰিব।

 

 

সমাজৰ বয়সিয়াল সকলো জেষ্ঠ নাগৰিকে এপ’ল’ হস্পিতাল আৰু এপ’ল’ মেডিকেল চেণ্টাৰৰ পৰা স্বাস্থ্য সম্পৰ্কীয় বিভিন্ন সুবিধা সমূহ লাভ কৰিব।চিনিয়ৰ চিটিজেন কেয়াৰ প্ৰগামৰ অধীনত গুৱাহাটীৰ এপ’ল’ হস্পিতালে স্বাস্থ্যসেৱা যেনে এপ’ল’ স্বাস্থ্য পৰীক্ষা, লেবৰেটৰী তথা ৰেডিঅ’লজী পৰীক্ষা নিৰীক্ষা আদিত বিশেষ ৰেহাই প্ৰদান কৰিব। ইয়াৰ উপৰিও হস্পিতাল ঘৰৰ পৰা ৰক্ত নমুনা সংগ্ৰহ ,ৰোগীৰ ঘৰলৈ ঔষধ-পাতি যোগান আৰু জৰুৰী কালীন সময়ত গুৱাহাটী মহানগৰৰ ভিতৰত এম্বুলেঞ্জ সেৱা বিনামূলীয়া ভাৱে প্ৰদান কৰিব প্ৰতিজন জেষ্ঠ নাগৰিকক। এই সেৱা অতি শীঘ্ৰেই কাৰ্য্যকৰী হ’ব।

বিলাসীপাৰাৰ অভিজিতলৈ বাৰ্ষিক শৈক্ষিক বৃত্তি -উৎফুল্লিত সহপাঠী ছাত্ৰ ছাত্ৰী

ধুবুৰী জিলাৰ বিলাসীপাৰাস্থিত ৰোকাখাতা উচ্চতৰ মাধ্যমিক বিদ্যালয় প্ৰাংগনত আজি উৎসৱমুখৰ পৰিবেশে বিৰাজ কৰে। কিয়নো বিদ্যালয়খনৰ অভিজিত দাস নামৰ ছাত্ৰজনে বাৰ্ষিক বৃত্তি আজুৰি আনিবলৈ সক্ষম হৈছে। ছাত্ৰজনক বিদ্যালয়খনৰ সভাকক্ষত আয়োজিত এক  সভাত মানপত্ৰৰ লগতে দহ হাজাৰ টকাৰ চেক প্ৰদান কৰা হয়। সেয়ে বিদ্যালয়খনৰ শিক্ষক শিক্ষয়ত্ৰীসলৰ লগতে ছাত্ৰ ছাত্ৰী সকল উৎফুল্লিত হৈ পৰিছে।

 

 

উল্লেখ্য যে, যোৱা বৰ্ষৰে পৰা বিশিষ্ট সমাজসেৱক, প্ৰাক্তন বিলাসীপাৰা চহৰৰ নগৰপালক তথা ৰোকাখাতা উচ্চতৰ মাধ্যমিক বিদ্যালয়ৰ পৰিচালনা সমিতিৰ সভাপতি প্ৰয়াত নিৰঞ্জন বৰকলিতাৰ সোঁৱৰণত তেখেতৰ জীয়ৰী কবিতা কলিতাই কৃতি শিক্ষাৰ্থীৰ মাজত এই বৃত্তি আগবঢ়াই আহিছে। গুৱাহাটীৰ কৃতি শিক্ষয়ত্ৰী হিচাপে খ্যাত কবিতাই আগবঢ়োৱা এই বৃত্তি আজুৰিবলৈ সক্ষম হয়। দিনহাজিৰা কৰি পৰিয়ালটো পোহপাল দি অহা বিলাসীপাৰা ৮নং ৱাৰ্ডৰ অনিল দাসৰ পুত্ৰ অভিজিতে যোৱা শিক্ষান্ত পৰীক্ষাত সুখ্যাতিৰে উত্তীৰ্ণ হয়।

 

মুঠ ৮৬ শতাংশ নম্বৰ লাভ কৰা ছাত্ৰজনক এই বৃত্তি আগবঢ়াই দাতা পৰিয়ালটোয়ে সন্তুষ্টি লাভ কৰে মত প্ৰকাশ কৰে। বাৰ্ষিক বৃত্তি প্ৰদান অনুষ্ঠানটোত বিশিষ্ট চিকিৎসক তথা সমাজ সেৱক ডা:কানু লাল দাস,প্ৰয়াত নিৰঞ্জন বৰকলিতাৰ সহধৰ্মিনী তথা অবসৰপ্ৰাপ্ত শিক্ষয়িত্ৰী অঞ্জলি বৰকলিতা, বিদ্যালয়খনৰ অধ্যক্ষ সাহানৰ ৰহমান, বিষয় শিক্ষক বেনুধৰ শৰ্মা, শিক্ষক আখতাৰ আলমকে ধৰি শিক্ষক শিক্ষয়িত্ৰী, ছাত্ৰ ছাত্ৰী সকল অংশগ্ৰহণ কৰে।

খবৰ যুগুতালে বিলাসীপাৰাৰ পৰা অমৃত চৌধুৰীয়ে..

টীয়কত শৰীৰ চৰ্চা কেন্দ্ৰ মুকলি

টীয়কৰ এগৰাকী মহিলাই আজিৰে পৰা টীয়ক নগৰৰ মাজমজিয়াত আৰম্ভ কৰিছে টাইগাৰ-৩৭ নামেৰে পুৰুষ,মহিলা উভয়ৰে বাবে এক অত্যাধুনিক সা সুবিধাযুক্ত শৰীৰ চৰ্চা কেন্দ্ৰ।মহিলাগৰাকী পেচাত এগৰাকী প্ৰাথমিক বিদ্যালয়ৰ শিক্ষয়ত্ৰী। নাম জ্যোতি বৰা।টীয়কৰ জগদুৱাৰৰ এই সংস্কৃতিবান মহিলাগৰাকীয়ে কন কন শিশুসকলক জীৱনৰ আদিপাঠ তথা মূল্যবোধৰ শিক্ষা প্ৰদানৰ সমান্তৰালকৈ উঠি অহা প্ৰজন্মই নিজৰ শৰীৰ যাতে নিৰোগী কৰি ৰাখিব পাৰে তাৰ প্ৰতি লক্ষ্য ৰাখি এটি শৰীৰ চৰ্চা কেন্দ্ৰ মুকলি কৰিছে।

 

 

এই কেন্দ্ৰত আইৰণ তথা মাল্টি দুই ধৰণৰে শৰীৰ চৰ্চা কৰিব পৰা ব্যৱস্থা আছে আৰু লগতে সংগীত চৰ্চা, যোগাসন আৰু বিশেষকৈ মহিলাসকলৰ বাবে আত্ম প্ৰতিৰক্ষাৰ প্ৰশিক্ষণৰো ব্যৱস্থা কৰিছে বুলি জানিবলৈ দিছে।

 

যি সময়ত নিজৰ পৰিয়ালৰ লগতে পৰিয়ালৰ অভাৱ অভিযোগ পুৰনতে ব্যক্তিকেন্দ্ৰিক চিন্তাধাৰাৰে সমাজৰ অধিকাংশ ব্যক্তিয়ে ব্যস্ত হৈ পৰিছে তেনে সময়তে জ্যোতি বৰাই কেৱল নিজৰ পৰিয়ালৰ কথা নাভাবি টীয়কৰ দৰে এখন সৰু চহৰত এই সাংস্কৃতিক,যোগ আৰু শৰীৰ চৰ্চা কেন্দ্ৰটিৰ যোগেদি বিশেষকৈ নৱ প্ৰজন্মক মানসিক সাংস্কৃতিক তথা শাৰীৰিকভাৱে সবল কৰি তুলিবলৈ যি চেষ্টা হাতত লৈছে সেয়া এতিয়া সকলোৱে আদৰণি জনাইছে।উল্লেখযোগ্য যে এই শুভাৰম্ভ অনুষ্ঠানতে জ্যোতি বৰাৰ স্ব ৰচিত স্বপ্ন সেউজ উপত্যকা নামেৰে এখনি গীতৰ সংকলনৰ শুভ উন্মোচন কৰা হয়।টীয়ক পৌৰসভাৰ প্ৰাক্তন পৌৰপতি ৰফিক উজ জামানে আঁত ধৰা উক্ত উদ্বোধনী অনুস্থানত মধ্য যোৰহাট শিক্ষা খণ্ডৰ বিষয়া অৱনী গগৈ ,বিশিষ্ট কবি ৰনজিৎ গগৈ, যোৰহাট বডি বিল্ডিং এচচিয়েছনৰ কেইবাগৰাকীও বিষয়ববীয়া,বিশিষ্ট ব্যৱসায়ী তুলসী হাজৰিকা, টীয়ক প্ৰেছ ক্লাৱৰ সভাপতি দুলাল হাজৰিকা,উপদেষ্টা নিৰ্মলেন্দু পাঠক, সমাজকৰ্মী ৰুমী চেতীয়া,তুষাৰ পালকে ধৰি ভালেসংখ্যক গণ্য মান্য ব্যক্তি উপস্থিত থাকে।

ৰাজনীতিত ভৰি দিলে সাংবাদিক খগেন কলিতাই

সাংবাদিকতা এৰি ৰাজনীতিত ভৰি থলে জ্যেষ্ঠ সাংবাদিক খগেন কলিতাই।ৰাজীৱ ভৱনত আয়োজিত এক অনুষ্ঠানত খগেন কলিতাই আনুষ্ঠানিকভাৱে কংগ্ৰেছত যোগদান কৰে।

 

 

দীর্ঘদিন ধৰি সাংবাদিকতাৰে জড়িত কলিতাই ৰাজনীতিত যোগদান কৰা উদ্দেশ্যৰে কিছুদিন পূৰ্বে সংবাদক্ষেত্ৰত ত্যাগ কৰিছিল।এই যোগদান অনুষ্ঠানত কংগ্ৰেছৰ কেইবাজনো নেতা উপস্থিত আছিল।