বৰ্তমান বিশ্বৰ এটি জনপ্ৰিয় এপ টিক টক, আৰু এই টিক টক প্ৰায় সকলোৱে মনোৰঞ্জনৰ বাবে ব্যৱহাৰ কৰে । কিন্তু এই টিক টকতেই ভাইৰেল হোৱা মাত্ৰ ১৫ চেকেণ্ডৰ এটা বিশেষ ভিডিঅ’ই দৃষ্টি আকৰ্ষণ কৰিলে গোলকগঞ্জ সমষ্টিৰ বিধায়ক অশ্বিনী ৰায় সৰকাৰক । ল’ৰাজনৰ নাম হ’ল বিশ্বজিত ৰায় । ঘৰ গোলকগঞ্জৰ হালাকুৰা জিনকাটাত অৱস্থিত। ল’ৰাজনৰ ঘৰৰ ৰাস্তাটো একেবাৰেই বেয়া। সেয়ে টিক টকৰ ভিডিঅ’টোৰ জৰিয়তে ল’ৰাজনে বিধায়ক গৰাকীৰ এখন ফটো কেলেণ্ডাৰত ৰাজবংশী ভাষাত বিধায়ক গৰাকীক উল্লেখ কৰি কয় যে ” কাকু আমাৰ ৰাস্তাটা দয়া কৰি ঠিক কৰি দেন চলা ফিৰা খুব কঠিন হওয়া গেইছে এই দেখো ৰাস্তাটাত ধূলায় ধূলা “। আৰু এই বিশেষ ভিডিঅ’টো ছচিয়াল মিডিয়াত ভাইৰেল হোৱাৰ পিছতেই মাত্ৰ ৮ ঘণ্টাৰ ভিতৰতেই বিধায়ক গৰাকীয়ে ল’ৰাজনক লগ ধৰি এখন ফুলাম গামোচাৰে সম্বৰ্ধনা কৰি অচিৰেই ৰাস্তাটোৰ মেৰামতিৰ কাম আৰম্ভ কৰিব বুলি ৰাইজক আশ্বাস দিয়ে ।আনকি সমষ্টিৰ হকে ল’ৰাজনৰ এই ইতিবাচক চিন্তাক শলাগ জনাই উজ্জল ভৱিষ্যত কামনা কৰে বিধায়ক গৰাকীয়ে ।খবৰ যুগুতালে গোলকগঞ্জৰ পৰা দীপ মহন্তই..
ভেকচিন প্ৰদানৰ ক্ষেত্ৰত জনসচেতনতা সৃষ্টিৰ ওপৰত মুখ্যমন্ত্ৰীৰ গুৰুত্ব আৰোপ
মুখ্যমন্ত্ৰী সৰ্বানন্দ সোণোৱালে আজি লখিমপুৰ জিলাৰ নাৰায়ণপুৰস্থিত দেউৰী স্বায়ত্ত শাসিত পৰিষদৰ অতিথিশালাত অনুষ্ঠিত এক বৈঠকত লখিমপুৰ আৰু ধেমাজি সাম্প্ৰতিক ক’ভিড পৰিস্থিতি বিষয়ে সবিশেষ পৰ্যালোচনা কৰে।পৰ্যালোচনা কালত মুখ্যমন্ত্ৰীয়ে জিলা উপযুক্ত তথা স্বাস্থ্য বিভাগৰ যুটীয়া সঞ্চালকৰ সৈতে মত-বিনিময় কৰি সাম্প্ৰতিক ক’ভিড সংক্ৰমণৰ সবিশেষ বুজ লয়।বৈঠকত দুয়োখন জিলাৰ উপযুক্ত সৈতে মত-বিনিময় কৰি সাম্প্ৰতিক ক’ভিড সংক্ৰমণ প্ৰতিৰোধ কৰাৰ দিশত গ্ৰহণ কৰা ব্যৱস্থা ৰাজিৰ লগতে ভেকচিন প্ৰদান, সংক্ৰমণৰ হাৰ,হাস্পতাল থকা সা-সুবিধা সমূহ বিষয়ে মুখ্যমন্ত্ৰীক সবিশেষ অৱগত কৰে।আনহাতে, দুয়োগৰাকী স্বাস্থ্য বিভাগৰ যুটীয়া সঞ্চালকে চিকিৎসা বিভাগে গ্ৰহণ কৰা পদক্ষেপ সমূহ বিষয়ে মুখ্যমন্ত্ৰীক অৱগত কৰে।
বৈঠকত মুখ্যমন্ত্ৰীয়ে জিলা দুখনত ভেকচিন প্ৰদানৰ ক্ষেত্ৰত জন সচেতন সৃষ্টিৰ বাবে প্ৰশাসনক নিৰ্দেশ দিয়ে।ৰাজহুৱা স্থানত জনসাধাৰণ যাতে মাস্ক পৰিধান কৰা লগতে সামাজিক দূৰত্ব বৰ্তাই ৰাখে সেই দিশটো নজৰ ৰাখিবলৈ মুখ্যমন্ত্ৰীয়ে কয়।মুখ্যমন্ত্ৰীয়ে লগতে ক’ভিড পজিটিভ ৰোগীৰ ক্ষেত্ৰত মাইক্ৰ কণ্টেইমেণ্ট এলেকাৰ ব্যৱস্থা কৰিবলৈ নিৰ্দেশ দিয়ে।লগতে প্ৰয়োজনীয় অক্সিজেন চিলিণ্ডাৰ আৰু আই চি ইউ বেডৰ ব্যৱস্থা মজুত ৰখাৰ বাবেও নিৰ্দেশ দিয়ে।ক’ভিড ৰোগীৰ বাবে হাস্পতাল সমূহত যাতে বিচনাৰ অভাৱ নহয় সেই সম্পৰ্কে যথোচিত পদক্ষেপ লোৱাৰ বাবেও মুখ্যমন্ত্ৰীয়ে নিৰ্দেশ দিয়ে।আনহাতে ক’ভিড পৰীক্ষা ব্যাপক হাৰত কৰাৰ ওপৰতো মুখ্যমন্ত্ৰী য়ে গুৰুত্ব আৰোপ কৰে।বিহু অনুষ্ঠান সমূহত যাতে ক’ভিড প্ৰট’কল মানি চলা হয় তাৰ বাবেও বিশেষ লক্ষ্য ৰাখিবলৈ কয়।
আজিৰ এই পৰ্যালোচনা বৈঠকত লখিমপুৰ জিলাৰ উপায়ুক্ত খৰ্গেশ্বৰ পেগু আৰু ধেমাজি জিলাৰ উপায়ুক্ত ডাঃ জীৱন বি,দুয়ো খন জিলাৰ স্বাস্থ্য বিভাগৰ যুটীয়া সঞ্চালককে ধৰি স্বাস্থ্য বিভাগ তথা প্ৰশাসনৰ উচ্চপদস্ত বিষয়া সকল উপস্থিত থাকে।
ভিউৱাছৰ মতামত