তিনিচুকীয়াত জলসম্পদ বিভাগৰ কাম কাজ পৰ্য্যালোচনা কৰিলে মুখ্যমন্ত্ৰীয়ে

মুখ্যমন্ত্ৰী সৰ্বানন্দ সোণোৱালে আজি ডিব্ৰুগড় জিলাৰ উপায়ুক্তৰ সভাকক্ষত আয়োজিত এক বৈঠকত ডিব্ৰুগড় আৰু তিনিচুকীয়া জিলাত জলসম্পদ বিভাগে হাতত লোৱা বিভিন্ন কাম কাজৰ পৰ্যালোচনা কৰাৰ লগতে জিলা দুখনৰ ক’ভিড১৯ পৰিস্থিতিৰো বুজ লয়।

 

 

শদিয়া মহকুমাকে ধৰি জিলা দুখনৰ বিভিন্ন অঞ্চলত ব্ৰহ্মপুত্ৰ আৰু ইয়াৰ উপনৈ সমূহে সৃষ্টি কৰা বান আৰু ব্যাপক খহনীয়া সমস্যাৰ চৰজমিন বুজ লৈ মুখ্যমন্ত্ৰীয়ে কয় যে বিগত সময়ছোৱাত ৰাজ্যখনৰ নদীসমূহৰ চৰিত্ৰ যথেষ্ট সলনি হৈছে। ব্ৰহ্মপুত্ৰ নদীৰ বুকুত হোৱা ২৭০০টাৰো অধিক চৰে নদীখনৰ স্বাভাৱিক গতিত বাধাৰ সৃষ্টি কৰিছে। ফলত খহনীয়া সমস্যাই দিনক দিনে অধিক ভয়াৱহতা প্ৰদৰ্শন কৰিছে।

 

 

ডিব্ৰুগড় আৰু তিনিচুকীয়া জিলাৰ বিভিন্ন উপনৈ সমূহেও একেধৰণৰ চৰিত্ৰ প্ৰদৰ্শন কৰিছে। সেয়েহে বিগত ২০-৩০বছৰে বুঢ়ীদিহিং নদীৰ উৎপত্তি স্থলৰ পৰা ব্ৰহ্মপুত্ৰত পৰাৰ স্থানলৈকে সমগ্ৰ গতিপথ ছোৱাত সংঘটিত খহনীয়া চৰিত্ৰৰ এক তুলনামূলকভাৱে অধ্যয়ন কৰি প্ৰতিবেদন দাখিল কৰিবলৈ মুখ্যমন্ত্ৰীয়ে জলসম্পদ বিভাগক নিৰ্দেশ দিছে।

 

 

মুখ্যমন্ত্ৰীয়ে লগতে ৰাজ্যৰ বান খহনীয়া সমস্যাৰ বিশ্লেষণাত্মক অধ্যয়নেৰে ফলপ্ৰসু পদক্ষেপ গ্ৰহণ কৰিব পৰাকৈ অতি সোনকালেই এক গৱেষণা আৰু উন্নয়ন কোষ গঠন কৰিবলৈ জলসম্পদ বিভাগক নিৰ্দেশ দিয়ে। খহনীয়া প্ৰতিৰোধৰ বাবে জলসম্পদ বিভাগে গ্ৰহণ কৰা পাৰ্কুপাইন প্ৰযুক্তিত কিছু নতুনত্ব অনাৰ বাবে এই প্ৰযুক্তিৰ পুনৰীক্ষণৰ উদ্দেশ্যে ভাৰতীয় প্ৰযুক্তিবিদ্যা প্ৰতিষ্ঠান, গুৱাহাটীৰ চিভিল ইঞ্জিনিয়াৰিং বিভাগৰ সহায় লবলৈও মুখ্যমন্ত্ৰীয়ে জলসম্পদ বিভাগক আহ্বান জনায়।

 

 

জলসম্পদ বিভাগৰ বাহিৰে অন্যান্য বিভাগসমূহ যেনে ভুমি সংৰক্ষণ বিভাগ আদিয়ে গ্ৰহণ কৰা খহনীয়া প্ৰতিৰোধক আচনিসমূহ ৰূপায়ণৰ পুৰ্বে জলসম্পদ বিভাগৰ পৰা কাৰিকৰী অনুমোদন লোৱাৰ ব্যৱস্থা বাধ্যতামূলক কৰিবলৈ বিভাগক নিৰ্দেশ দিয়ে। পাৰ্কুপাইন, জিঅ’ বেগ, আদিৰ জৰিয়তে গ্ৰহণ কৰা খহনীয়া প্ৰতিৰোধী কাম কাজত কিছু উদ্ভাৱনীমূলক ধাৰণাক সন্ধ্ৰিৱিষ্ট কৰিবলৈ আৰু এইক্ষেত্ৰত অঞ্চল বিশেষৰ প্ৰয়োজনীয়তাক গুৰুত্ব প্ৰদান কৰিবলৈ মুখ্যমন্ত্ৰীয়ে বিভাগটোৰ অভিযন্তা সকলে নিৰ্দেশ দিয়ে।

 

 

এই বৈঠকত মুখ্যমন্ত্ৰীয়ে দিনজান সেনা চাউনীৰ সমীপত হোৱা গৰা খহনীয়া প্ৰতিৰোধৰ বাবে চৰকাৰে গ্ৰহণ কৰা ব্যৱস্থা সমূহৰ লগতে প্ৰয়োজন সাপেক্ষে দেশৰ প্ৰতিৰক্ষা মন্ত্ৰণালয়ৰো সহযোগ লোৱা হ’ব বুলি উল্লেখ কৰে। আজিৰ বৈঠকত মুখ্যমন্ত্ৰীয়ে তিনিচুকীয়া আৰু ডিব্ৰুগড় জিলাৰ ক’ভিড১৯ৰ শেহতীয়া পৰিস্থিতি সম্পৰ্কতো পৰ্যালোচনা কৰে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

অসমৰ ক্ৰীড়া প্ৰেমীলৈ সুনাম কঢ়িয়াই আনিলে ৰিংকু, বিকাশ, হিৰকজ্যোতিয়ে..

উত্তৰ প্ৰদেশৰ গাজিয়াবাদত যোৱা ১৬আৰু ১৭ জানুৱাৰীত অনুষ্ঠিত হোৱা অখিল ভাৰতীয় ৰাষ্টীয় টাইকোৱাণ্ড কাপ ২০২১ ত মহানগৰীৰ ধাৰাপুৰ টাইকোৱাণ্ড একাডেমীৰ হৈ সাত জন টাইকোৱাণ্ড খেলুৱৈয়ে অংশগ্ৰহণ কৰি বিজয়ী হৈ ধাৰাপুৰৰ লগতে অসমৰ নাম জিলিকাবলৈ সক্ষম হয় । উল্লেখ্য যে ধাৰাপুৰ টাইকোৱাণ্ড একাডেমীৰ হৈ ৰিংকু কৰোৱাই সোণৰ মেডেল,বিকাশ কলিতা, হিৰকজ্যোতি দাসে ৰূপৰ মেডেল, পৰশমণি কলিতাই ৰূপৰ মেডেল, গৌতম দাসে ৰূপৰ মেডেল, প্ৰিয়ম কলিতাই ব্ৰঞ্জৰ মেডেল আৰু গোকুল দাসে ব্ৰঞ্জৰ মেডেল লাভ কৰিবলৈ সক্ষম হয় । এই সকল খেলুৱৈ সুনাম অৰ্জন কৰি উত্তৰ প্ৰদেশৰ গাজিয়াবাদৰ পৰা উভতি অহাৰ পিছত ধাৰাপুৰত স্কুল খেল পথাৰত আজি ধাৰাপুৰ টাইকোৱাণ্ড একাডেমীৰ প্ৰশিক্ষক সঞ্জয় দাস, মুকুট বৈশ্য আৰু ধাৰাপুৰ মৌজাই বিপুল আদৰণী জনায়।

কাইলৈ পৰা অনুষ্ঠিত হ’ব জোনবিল মেলা

৪০০ বছৰীয়া পৰম্পৰা অক্ষুণ্ণ ৰাখি কাইলৈ পৰা অনুষ্ঠিত হ’ব জোনবিল মেলা।উল্লেখযোগ্য যে এই মেলাত বিনিময়ত প্ৰথাৰে সা-সামগ্ৰী ক্ৰয় হয়।ইতিমধ্যে জোনবিল মেলা উদযাপনৰ বাবে প্ৰস্তুতি অব্যাহত আছে।মেলা পৰিচালনা সমিতিয়ে পূৰ্বতকে পৰিসৰ বঢ়াই নতুনকৈ ঠাই মুকলি কৰিছে যাতে বহু মানুহৰ সমাগম হ’লেও কোনো ভিৰ পৰিলক্ষিত নহয়।আনহাতে মাস্ক পৰিধান কৰাটো অনুৰোধ জনাইছে।ইতিমধ্যে পৰিচালনা সমিতি সদস্য আৰু স্বেচ্ছাসেৱকসকলৰ ক’ভিড পৰীক্ষা কৰা হৈছে।

শেষৰ দিনৰ কুকুৰা যুঁজৰ লগতে মাছ ধৰা পৰ্ব অনুষ্ঠিত হ’ব ।উল্লেখযোগ্য যে সেইদিনা মুখ্যমন্ত্ৰী সৰ্বানন্দ সোনোৱাল উপস্থিত থাকি ১৮ গৰাকীকৈ ৰজাক ১ লাখ টকাকৈ ৰাজভাট্ৰা প্ৰদান কৰিব।

নিৰ্বাচনী আয়ুক্তই সংবাদ মেল যোগে কি ক’লে

মুখ্য নিৰ্বাচনী আয়ুক্ত সুনীল অৰোৰাই আজি মহানগৰী হোটেল ৰেডিচন ব্লুত এখন সংবাদমেল আয়োজন কৰে।তিনিদিনীয়া ভ্ৰমণসূচী লৈ অসমলৈ অহা নিৰ্বাচনী আয়োগৰ দলটোৱে উচ্চ পৰ্যায়ৰ বিষয়া লগতো আলোচনাত মিলিত হৈছিল।সংবাদমেল যোগে মুখ্য নিৰ্বাচনী আয়ুক্তই নিৰ্বাচনী সম্পৰ্কে কেতবোৰ নীতি নিৰ্দেশনা বিষয়ে অৱগত কৰায়।ইয়াৰ ভিতৰত ক’ভিডৰ প্ৰট’কল অনুসৰি ভোট কেন্দ্ৰ বৃদ্ধি কৰা আৰু নতুনকৈ এহেজাৰ ভোট কেন্দ্ৰ স্থাপন কৰা অন্যতম।

উল্লেখযোগ্য যে নিৰ্বাচন যাতে স্বচ্ছ আৰু নিকা পদ্ধতিৰে অনুষ্ঠিত হয় তাৰ প্ৰয়োজনীয় পদক্ষেপ গ্ৰহণ কৰিছে বুলি মুখ্য নিৰ্বাচনী আয়ুক্ত গৰাকীয়ে অৱগত কৰায়।কোনো প্ৰাৰ্থীয়ে অনলাইন পদ্ধতিৰে মনোনয়ন পত্ৰ সংগ্ৰহ কৰিব পাৰিব।নিৰ্বাচনী প্ৰচাৰত প্ৰাৰ্থীসহ ৫ জন লোকে ঘৰে ঘৰে নিৰ্বাচনী প্ৰচাৰ কৰিব পাৰিব।আনহাতে ৰোড শ্ব’ৰ কৰাত কোনো বাধা নাথাকিব। ৰাজ্যৰ আইন শৃংখলা পৰিস্থিতি যাতে সুস্থিৰ হৈ থাকে তাৰ বাবে চ’চিয়েল মেডিয়া ওপৰতো কঠোৰ নিৰীক্ষণ কৰা হ’ব।

উল্লেখযোগ্য যে বিহু পূৰ্বে নিৰ্বাচন অনুষ্ঠিত কৰিব বুলি মুখ্য নিৰ্বাচনী আয়ুক্ত গৰাকীয়ে জানিব দিয়ে।আনহাতে NRC ত নাম নাথাকিলেও ভোট দান কৰা সুবিধা পাব যদিহে তেওঁ ভোটৰ তালিকাত নাম থাকে।আজিৰ সংবাদমেলত উপস্থিত থাকে নিৰ্বাচন আয়ুক্ত সুচিল চন্দ্ৰা আৰু ৰাজীৱ কুমাৰ।

পেণ্ডেলৰ ব্যৱসায়ে স্বাৱলম্বী হোৱা এজন যুৱকৰ কথাৰে

বন্ধন বেংকৰ ঋণ লৈ ডিজিটেল পেণ্ডেলৰ ব্যৱসায় কৰি স্বাৱলম্বী হ’ল বিহালীৰ নিবনুৱা যুৱক নিৰ্মল গোৱালা।বিশ্বনাথ জিলাৰ বালিপুখুৰী এজন শিক্ষিত যুৱকে চৰকাৰী চাকৰি মোহ ত্যাগ কৰি ডিজিটেল পেণ্ডেলৰ ব্যৱসায় আৰম্ভ কৰি স্বাৱলম্বী হৈ পৰিছে।

প্ৰথম পৰ্যায়ত তেখেতে খেতি পথাৰ কৰি সৰুকৈ এখন গেলামালৰ দোকান আৰম্ভ কৰিছিল।বৰ্তমান সময়ত ডিজিটেল প্ৰাধান্য সকলোতে আছে।সেয়েহে তেওঁ সময়ৰ লগত খোজ মিলাই নতুনকৈ আৰম্ভ কৰিছে ডিজিটেল পেণ্ডেল।

এই ডিজিটেল পেণ্ডেল বিশ্বনাথত আৰম্ভ কৰা প্ৰথমজন ব্যক্তি হৈছে গোৱালা।মাত্ৰ দুহেজাৰ টকাৰে আৰম্ভ কৰি আজি তাৰিখত প্ৰায় পাঁচ লাখ টকা ব্যৱসায় কৰিবলৈ সক্ষম হোৱা লগতে বিশ জন লোকক সংস্থাপন দিবলৈ সক্ষম হৈছে ব্যক্তি গৰাকীয়ে।

গঁড় সুৰক্ষা আৰু প্ৰকৃতি সুৰক্ষাৰ উদ্দেশ্য লৈ দ্যা গ্লুবেল গ্ৰীণ ফৰ্চ সংগঠনৰ জনসজাগতামূলক ৰেলী

গঁড় সুৰক্ষা আৰু প্ৰকৃতিক সুৰক্ষাৰ সজাগতা সৃষ্টিৰ উদ্দেশ্যৰে দ্যা গ্লুবেল গ্ৰীণ ফৰ্চ নামৰ এক সংস্থাই আৰম্ভ কৰিছে এক চাইকেল যাত্ৰা ।প্ৰকৃতি ৰক্ষা আৰু গঁড় সুৰক্ষাৰ বাবে জনগণৰ মাজত সজাগতা গঢ়ি তোলাৰ উদ্দেশ্যেৰে কলকাতা গ্লুবেল গ্ৰীণ ফৰ্চচৰ দ্বাৰা এই সজাগতাৰ চাইকেল যাত্ৰা আৰম্ভ কৰা হয়।

যোৱা ২৮ ডিচেম্বৰত কলকাতা পৰা অসমৰ কাজিৰঙা পৰ্যন্ত যাত্ৰা কৰা দলটি কালি বিয়লি গোঁসাই গাঁৱত উপস্থিত হয়। অসমৰ বন বিভাগ আৰু গঁড় বন্ধু চৌহান মল্লিকৰ আহ্বান মৰ্মে ছয় জনীয়া দলটি অসমলৈ আহে।অসমৰ বনমন্ত্ৰী পৰিমল শুক্লবৈদই এই দলটিক আদৰণি জনায় আৰু তেওঁলোকৰ পদক্ষেপক শলাগ লয়।

সমীক্ষাত প্ৰকাশ পাইছে-ৰাজ্যখনৰ মুখ্যমন্ত্ৰী হিচাপে সোণোৱালেই ভোটাৰৰ প্ৰথম পছন্দৰ প্ৰাৰ্থী

বিজেপি নেতা তথা অসমৰ মুখ্যমন্ত্ৰী সৰ্বানন্দ সোণোৱালেই ৰাজ্যখনৰ মুখ্যমন্ত্ৰী হিচাপে ভোটাৰৰ প্ৰথম পছন্দ। আইএএনএছ-চি-ভোটাৰৰ সমীক্ষাত এইকথা প্ৰকাশ পাইছে।
সমীক্ষা অনুসৰি ৰাজ্যখনৰ শাসনভাৰ পুনৰ চলাবলৈ ভোটাৰসকলে নিৰ্বাচিত কৰিবলগীয়া নেতাসকলৰ ভিতৰত সোণোৱালেই হৈছে উপযুক্ত ৰাজনীতিবিদ।অহা ৩১মে’ত সমাপ্ত হ’বলগীয়া বিধানসভাৰ ১২৬টা সমষ্টিৰ সঁহাৰি জনোৱা লোকৰ মাজত ৩০ শতাংশৰেই সোণোৱালক পছন্দ কৰে।

সকলো বিধানসভা সমষ্টিক সামৰি ৫,০০০তকৈয়ো অধিক লোকৰ মাজত চলোৱা সমীক্ষাটোৱে দেখুৱাইছে যে ২১.৬শতাংশ নাগৰিকে বিজেপি নেতা বৰ্তমানৰ বিত্তমন্ত্ৰী হিমন্ত বিশ্ব শৰ্মাক মুখ্যমন্ত্ৰী হিচাপে পছন্দ কৰিছে।আনহাতে, কংগ্ৰেছ নেতা গৌৰৱ গগৈক মুখ্যমন্ত্ৰী হিচাপে ১৮.৮শতাংশ লোকে বিচাৰিছে আৰু ইয়াৰ পাছতে আছে এআইয়ুডিএফ নেতা বদৰুদ্দিন আজমল আৰু প্ৰাক্তন মুখ্যমন্ত্ৰী হিতেশ্বৰ শইকীয়াৰ পুত্ৰ কংগ্ৰেছ নেতা দেবব্ৰত শইকীয়া।প্ৰায় ২০ শতাংশ অসমৰ লোকে আন ৰাজনৈতিক নেতাক ৰাজ্যখনৰ মুখ্যমন্ত্ৰী হিচাপে বিচাৰিছে।