দক্ষিণ কামৰূপৰ অসম মেঘালয় সীমান্তত সেউজ বিপ্লৱ -৩০০বিঘা মাটিত ৰোপন কৰিলে কলগছ

ক’ভিড কেন্দ্ৰিক পৰিস্থিতিৰ বাবে ৰাজ্যত পৰ্যায় ক্ৰমে চলি থকা লকডাউনৰ বাবে অৰ্থনৈতিক অৱস্থা জুৰুলা হৈ পৰিছে। এনে সময়ছোৱাত বহি:ৰাজ্যত কৰ্মৰত লোকসকল নিজ ৰাজ্যলৈ উভতি আহি হাহাকাৰ কৰিব লগা পৰিস্থিতিৰ সৃষ্টি হৈছে।

 

 

 

যাৰ পৰিণতিত বৰ্তমান সময়ত নিৱনুৱা সমস্যা ক্ৰমান্বয়ে বৃদ্ধি পাবলৈ ধৰিছে। তেনে সময়তো দক্ষিণ কামৰূপৰ পলাশবাৰী ৰাজহ চক্ৰৰ অন্তৰ্গত অসম মেঘালয় সীমান্তৱৰ্তী ৰাভা হাচাং অধ্যুষিত অঞ্চল নলবাৰীত একাংশ যুৱকে আৰম্ভ কৰিছে সেউজ বিপ্লৱ। প্ৰায় দহ বছৰ ধৰি কিছুসংখ্যক লোকে মালভোগ আৰু অন্য কলৰ খেতি কৰি আহিছে যদিও দুবছৰমানৰ পৰা নিয়োজিত হৈ পৰিছে শ শ লোক।

 

 

এতিয়া এন এছ  প্ৰগেছিভ চ’চাটিয়ৰ নামৰ এটি বেচৰকাৰী সংস্থা খুলি প্ৰায় ৬২ জন যুৱকে কলগছৰ খেতি কৰি স্বাৱলম্বীতাৰ নিদৰ্শন দাঙি ধৰিবলৈ প্ৰয়াস কৰিছে। তাৰ সমান্তৰাল ভাৱে অন্য কিছু লোকেও এই কল খেতি কৰি জীৱিকা নিৰ্বাহ কৰি আহিছে।

 

 

এতিয়া নলবাৰী অঞ্চলত মুকলি ভাৱে বছৰ বছৰ ধৰি পৰি থকা ঠাই সমূহত সেউজ বিপ্লৱৰ সূচনাৰে লোকসকলে ভৱিষ্যতৰ সপোন দেখিবলৈ আৰম্ভ কৰিছে। যিসময়ত অভাৱনীয় হাৰত নিৱনুৱা সমস্যা বৃদ্ধি পাইছে আৰু খেতিৰ প্ৰতি নৱপ্ৰজন্মই অনিহা প্ৰকাশ কৰি আহিছে সেইসময়তে অসম মেঘালয় সীমান্তত সেউজ বিপ্লৱৰ সূচনাৰে স্বাৱলম্বীতাৰ নিদৰ্শন দাঙি ধৰাৰ সমূহীয়া প্ৰচেষ্টা সচাকৈয়ে প্ৰশংসনীয়।

 

 

চহা জীৱনৰ চানেকিৰে এইসকল শ্ৰমজীৱি জনজাতীয় লোকৰ সপোনে এদিন সাকাৰ ৰূপ পাব আৰু আন দহজনৰ বাবেও আদৰ্শনীয় হ’ব বুলি আশা কৰিছে সচেতন মহলে। উল্লেখ্য যে, লকডাউনৰ প্ৰথম সময়ছোৱাত পকিবলৈ ধৰা কলসমূহ বজাৰত বিক্ৰী কৰিব নোৱাৰি সাংঘাটিক ধৰণে বিপৰ্যয়ৰ সন্মুখীন হৈছিল যদিও ভাগৰি পৰা নাই খেতিয়কসকল।

 

 

চৰকাৰৰ পৰা কোনো ধৰণে সহায় লাভ নকৰাৰ পিছতো হতাশ নহৈ পুনৰ খেতিত নিয়োজিত হৈ পৰিছে যুৱকসকলে। তেওঁলোকৰ আশা এদিন এই শ্ৰমৰ সাৰ্থকতা পাব। তাৰ মাজতো চৰকাৰৰ বিয়াগোম কৃষি বিভাগৰ ঘোষিত অভিলাষী আঁচনি সমূহে এইসকল লোকক স্পৰ্শ কৰিব পাৰিবনে বুলিও একাংশ শিক্ষিত খেতিয়কে প্ৰশ্ন তুলিছে।

 

কৃষি মন্ত্ৰী অতুল বৰাই এইসকল লোকক সহায়ৰ হাত যদি আগবঢ়ায় তেনে হ’লে এই বৃহত্তৰ অঞ্চলত কলখেতিৰ সমান্তৰালভাৱে অন্য বিভিন্ন খেতিৰে উজ্বলি উঠিব বুলি এই লোকসকলে আশা কৰিছে। দূৰ্গা বড়ো, সতীশ নংবাগ, হীতেশ ৰাভা, অৰ্জুন ৰাভা, অমৃত বড়ো, স্বৰ্ণ বড়ো, চন্দন বড়ো, প্ৰদীপ ৰাভা, পৰমেশ্বৰ বড়ো আদিৰ দৰে খেতিয়কসকলৰ সৈতে হোৱা বাৰ্তালাপত চৰকাৰৰ সহায় অবিহনেও তেওঁলোক যে শ্ৰমৰ আৰু সেউজীয়াৰ মাজত থাকিয়েই স্বাৱলম্বী হ’ব বিচাৰে সেই কথা স্পষ্ট হৈ পৰে।

খবৰ যুগুতালে অসম মেঘালয় সীমান্তৰ পৰা জীতুমণি দাসে..

Share on whatsapp
WhatsApp
Share on facebook
Facebook
Share on twitter
Twitter
Share on email
Email

পেণ্ডেলৰ ব্যৱসায়ে স্বাৱলম্বী হোৱা এজন যুৱকৰ কথাৰে

বন্ধন বেংকৰ ঋণ লৈ ডিজিটেল পেণ্ডেলৰ ব্যৱসায় কৰি স্বাৱলম্বী হ’ল বিহালীৰ নিবনুৱা যুৱক নিৰ্মল গোৱালা।বিশ্বনাথ জিলাৰ বালিপুখুৰী এজন শিক্ষিত যুৱকে চৰকাৰী চাকৰি মোহ ত্যাগ কৰি ডিজিটেল পেণ্ডেলৰ ব্যৱসায় আৰম্ভ কৰি স্বাৱলম্বী হৈ পৰিছে।

প্ৰথম পৰ্যায়ত তেখেতে খেতি পথাৰ কৰি সৰুকৈ এখন গেলামালৰ দোকান আৰম্ভ কৰিছিল।বৰ্তমান সময়ত ডিজিটেল প্ৰাধান্য সকলোতে আছে।সেয়েহে তেওঁ সময়ৰ লগত খোজ মিলাই নতুনকৈ আৰম্ভ কৰিছে ডিজিটেল পেণ্ডেল।

এই ডিজিটেল পেণ্ডেল বিশ্বনাথত আৰম্ভ কৰা প্ৰথমজন ব্যক্তি হৈছে গোৱালা।মাত্ৰ দুহেজাৰ টকাৰে আৰম্ভ কৰি আজি তাৰিখত প্ৰায় পাঁচ লাখ টকা ব্যৱসায় কৰিবলৈ সক্ষম হোৱা লগতে বিশ জন লোকক সংস্থাপন দিবলৈ সক্ষম হৈছে ব্যক্তি গৰাকীয়ে।

গঁড় সুৰক্ষা আৰু প্ৰকৃতি সুৰক্ষাৰ উদ্দেশ্য লৈ দ্যা গ্লুবেল গ্ৰীণ ফৰ্চ সংগঠনৰ জনসজাগতামূলক ৰেলী

গঁড় সুৰক্ষা আৰু প্ৰকৃতিক সুৰক্ষাৰ সজাগতা সৃষ্টিৰ উদ্দেশ্যৰে দ্যা গ্লুবেল গ্ৰীণ ফৰ্চ নামৰ এক সংস্থাই আৰম্ভ কৰিছে এক চাইকেল যাত্ৰা ।প্ৰকৃতি ৰক্ষা আৰু গঁড় সুৰক্ষাৰ বাবে জনগণৰ মাজত সজাগতা গঢ়ি তোলাৰ উদ্দেশ্যেৰে কলকাতা গ্লুবেল গ্ৰীণ ফৰ্চচৰ দ্বাৰা এই সজাগতাৰ চাইকেল যাত্ৰা আৰম্ভ কৰা হয়।

যোৱা ২৮ ডিচেম্বৰত কলকাতা পৰা অসমৰ কাজিৰঙা পৰ্যন্ত যাত্ৰা কৰা দলটি কালি বিয়লি গোঁসাই গাঁৱত উপস্থিত হয়। অসমৰ বন বিভাগ আৰু গঁড় বন্ধু চৌহান মল্লিকৰ আহ্বান মৰ্মে ছয় জনীয়া দলটি অসমলৈ আহে।অসমৰ বনমন্ত্ৰী পৰিমল শুক্লবৈদই এই দলটিক আদৰণি জনায় আৰু তেওঁলোকৰ পদক্ষেপক শলাগ লয়।

সমীক্ষাত প্ৰকাশ পাইছে-ৰাজ্যখনৰ মুখ্যমন্ত্ৰী হিচাপে সোণোৱালেই ভোটাৰৰ প্ৰথম পছন্দৰ প্ৰাৰ্থী

বিজেপি নেতা তথা অসমৰ মুখ্যমন্ত্ৰী সৰ্বানন্দ সোণোৱালেই ৰাজ্যখনৰ মুখ্যমন্ত্ৰী হিচাপে ভোটাৰৰ প্ৰথম পছন্দ। আইএএনএছ-চি-ভোটাৰৰ সমীক্ষাত এইকথা প্ৰকাশ পাইছে।
সমীক্ষা অনুসৰি ৰাজ্যখনৰ শাসনভাৰ পুনৰ চলাবলৈ ভোটাৰসকলে নিৰ্বাচিত কৰিবলগীয়া নেতাসকলৰ ভিতৰত সোণোৱালেই হৈছে উপযুক্ত ৰাজনীতিবিদ।অহা ৩১মে’ত সমাপ্ত হ’বলগীয়া বিধানসভাৰ ১২৬টা সমষ্টিৰ সঁহাৰি জনোৱা লোকৰ মাজত ৩০ শতাংশৰেই সোণোৱালক পছন্দ কৰে।

সকলো বিধানসভা সমষ্টিক সামৰি ৫,০০০তকৈয়ো অধিক লোকৰ মাজত চলোৱা সমীক্ষাটোৱে দেখুৱাইছে যে ২১.৬শতাংশ নাগৰিকে বিজেপি নেতা বৰ্তমানৰ বিত্তমন্ত্ৰী হিমন্ত বিশ্ব শৰ্মাক মুখ্যমন্ত্ৰী হিচাপে পছন্দ কৰিছে।আনহাতে, কংগ্ৰেছ নেতা গৌৰৱ গগৈক মুখ্যমন্ত্ৰী হিচাপে ১৮.৮শতাংশ লোকে বিচাৰিছে আৰু ইয়াৰ পাছতে আছে এআইয়ুডিএফ নেতা বদৰুদ্দিন আজমল আৰু প্ৰাক্তন মুখ্যমন্ত্ৰী হিতেশ্বৰ শইকীয়াৰ পুত্ৰ কংগ্ৰেছ নেতা দেবব্ৰত শইকীয়া।প্ৰায় ২০ শতাংশ অসমৰ লোকে আন ৰাজনৈতিক নেতাক ৰাজ্যখনৰ মুখ্যমন্ত্ৰী হিচাপে বিচাৰিছে।

গুৱাহাটীত উপস্থিত হ’ল নিৰ্বাচন আয়োগৰ দল

সমাগত ২০২১ চনৰ বিধানসভা নির্বাচন৷ৰাজ্যত ইতিমধ্যে নিৰ্বাচনৰ প্ৰৰস্তুতি আৰম্ভ হৈছে।ইয়াৰ সমান্তৰালভাৱে নির্বাচন যাতে সুকলমে আৰু শান্তিপূর্ণভাৱে সৰ্মাপন হয় তাৰ বাবে দেশৰ নির্বাচন আয়োগে যাৱতীয় প্রস্তুতি অব্যাহত ৰাখিছে৷ শেহতীয়াকৈ নির্বাচন আয়োগৰ এটা উচ্চস্তৰীয় দলে অসমত উপস্থিত হৈ নির্বাচনৰ প্রাৰম্ভিক প্রস্তুতিৰ বিভিন্ন দিশৰ বুজ লৈছিল৷ ইয়াৰ পাছতেই আজি তিনিদিনীয়া ভ্রমণসূচীৰে গুৱাহাটীত উপস্থিত হয় মুখ্য নির্বাচন আয়ুক্ত সুনীল আৰোৰাৰ নেতৃত্বত সম্পূর্ণ আয়োগ৷ মুখ্য নির্বাচন আয়ুক্ত আৰোৰাৰ সৈতে দুই নির্বাচন আয়ুক্ত সুশীল চন্দ্র আৰু ৰাজীৱ কুমাৰ।

ৰাজ্য চৰকাৰৰ নির্বাচন বিভাগৰ এক সূত্রই জানিবলৈ দিয়া মতে নির্বাচন আয়োগে তিনিদিনীয়া ভ্রমণসূচীৰে অসমত থকাৰ সময়ছোৱাত গুৱাহাটীৰ হোটেল ৰেডিছন ব্লু’ত নির্বাচনৰ প্রস্তুতি সন্দর্ভত মুখ্য সচিব, অসম আৰক্ষীৰ সঞ্চালকপ্রধান, মুখ্য নির্বাচনী বিষয়া, জিলা উপায়ুক্ত অথবা নির্বাচনী বিষয়া, আৰক্ষী অধীক্ষককে ধৰি সংশ্লিষ্ট বিষয়া লগত গুৰুত্বপূর্ণ আলোচনাত অংশগ্রহণ কৰিব৷

৭দিনীয়া কাৰ্যসূচীৰে ১৮জানুৱাৰীৰ পৰা আৰম্ভ ধেমাজি গ্ৰন্থ উৎসৱ

আজিৰে পৰা ২৪ জানুৱাৰীলৈকে ৭ দিনীয়া কাৰ্যসূচীৰে ধেমাজি জিলা প্ৰশাসন আৰু ধেমাজি ছাত্ৰ সন্থাৰ উদ্যোগত অনুষ্ঠিত হ’ব গ্ৰন্থৰ উৎসৱ।ধেমাজি ডি. আৰ. ডি. এ প্ৰাংগণত অনুষ্ঠিত হোৱা এই উৎসৱ ছাত্ৰ-ছাত্ৰী সকলৰ বৌদ্ধিক বিকাশৰ উদ্দেশ্য আগত ৰাখি অনুষ্ঠিত কৰা হৈছে।এই উৎসৱত ছাত্ৰ-ছাত্ৰী সকলৰ মাজত চিত্ৰাংকন,ৰচনা,কুইজ,তৰ্ক,প্ৰাচীৰ পত্ৰিকা প্ৰতিযোগিতা অনুষ্ঠিত হ’ব।লগতে ব্যক্তিত্ব আৰু নেতৃত্ব বিকাশ কৰ্মশালা, কেৰিয়াৰ পৰামৰ্শ, গ্ৰন্থ শোভাযাত্ৰা, জনগোষ্ঠীয় সাংস্কৃতিক সমাৰোহ,কবি সন্মিলন, চিত্ৰ প্ৰদৰ্শনী,সাংস্কৃতিক অনুষ্ঠান, ভাওনা প্ৰদৰ্শন আদি অনুষ্ঠিত হ’ব।

টাকাম মিচিং পৰিন কেবাঙৰ সোণালী জয়ন্তী অনুষ্ঠানত উপস্থিত থাকে মুখ্যমন্ত্ৰী

মুখ্যমন্ত্ৰী সৰ্বানন্দ সোনোৱালে কালি ধেমাজি জিলাৰ জোনাই উচ্চতৰ মাধ্যমিক বিদ্যালয় খেলপথাৰত আয়োজিত টাকাম মিচিং পৰিন কেবাঙৰ সোণালী জয়ন্তী উদযাপনৰ শুভাৰম্ভনী অনুষ্ঠানত মুখ্য অতিথি হিচাপে অংশগ্ৰহণ কৰে।উল্লেখযোগ্য যে টাকাম মিচিং পৰিন কেবাং হ’ল মিচিং জনগোষ্ঠীৰ এক শক্তিশালী ছাত্ৰ সংগঠন।এই সংগঠনটো ১৯৭১ চনত প্ৰতিষ্ঠা হৈছিল।

এই উপলক্ষে আয়োজিত সভাত ভাষণ প্ৰদান কৰি মুখ্যমন্ত্ৰীয়ে কয় যে মিচিং সকল হ’ল ৰাজ্য খনৰ এক সাংস্কৃতিক তথা বৌদ্ধিক ভাৱে সবল জনগোষ্ঠীৰ।এই জনগোষ্ঠীৰ টাকাম মিচিং পৰিন কেবাঙে ইয়াৰ জনমলগ্নৰে পৰা জনগোষ্ঠীটোক শৈক্ষিক তথা অন্যান্য দিশেৰে আগুৱাই নিয়া দিশত বিশেষ ভূমিকা পালন কৰি আহিছে।সেয়েহে বিগত ৫০ বছৰ ধৰি এই সংগঠনটোৱে মিচিং জনসাধাৰণৰ পৰা যথেষ্ট মৰম আৰু সন্মান লাভ কৰিবলৈ সক্ষম হৈছে।সংগঠনটোৱে ভৱিষ্যতেও মিচিং জনগোষ্ঠীৰ নৱ প্ৰজন্মক দক্ষতা আৰু জ্ঞান আহৰণ দিশত উদ্ধুদ্ধ কৰি জনগোষ্ঠীটোৰ সৰ্বাংগীন বিকাশৰ দিশত পদক্ষেপ লৈ যাব লাগিব বুলি তেওঁ কয়।

মিচিং জনগোষ্ঠীৰ লোকসকলে বান আৰু গৰাখহনীয়া দৰে প্ৰত্যাহ্বান নেওচি সকলো দিশতে সফল হ’বলৈ সক্ষম হৈছে বুলি উল্লেখ কৰি মুখ্যমন্ত্ৰীয়ে কয় যে লাইকা দধিয়াৰ ভূমিহীন জনসাধাৰণক অতিশীঘ্ৰে সংস্থাপিত কৰা হ’ব। ইয়াৰ বাবে ৰাজ্যৰ বনমন্ত্ৰী গৰাকীৰ নেতৃত্বত ৰাজ্য চৰকাৰে এখন বিশেষজ্ঞ কমিটি ইতিমধ্যে গঠন কৰি দিছে বুলিও মুখ্যমন্ত্ৰীয়ে কয়। মিচিংজনগোষ্ঠীক বৃহত্তম অসমীয়া জাতিৰ এক শক্তিশালী আৰু অবিচ্ছেদ্য অংগ বুলি উল্লেখ কৰি মুখ্যমন্ত্ৰীয়ে কয় যে এই জনগোষ্ঠীৰ তৰুণ চন্দ্ৰ পামেগাম, ইন্দিৰা মিৰি,ড° টাবুৰাম টাইড, যাদৱ পায়েং আৰু বহু সংখ্যক ব্যক্তিয়ে ৰাজ্য খনৰ সামগ্ৰীক উত্তৰণৰ দিশত বলিষ্ঠ ভূমিকা পালন কৰি আহিছে।

জোনাইত নিজৰ শৈশৱৰ স্মৃতি স্মৰণ কৰি মুখ্যমন্ত্ৰী য়ে কয় যে মিচিং সকল হ’ল অত্যন্ত হৃদয়ৱান,নম্ৰ আৰু উচ্চ চিন্তা ধাৰাৰ জনগোষ্ঠী। মিচিংজনগোষ্ঠীক সাংবিধানিক সুৰক্ষা দিয়াৰ বাবে বৰ্তমানৰ ৰাজ্য চৰকাৰে সকলো ধৰণৰ পদক্ষেপ লৈ যাব বুলি উল্লেখ কৰি মুখ্যমন্ত্ৰীয়ে টাকাম মিচিং পৰিন কেবাঙক জনগোষ্ঠীটোৰ যুৱ শক্তিক শৈক্ষিক দিশেৰে আগুৱাই নিয়াৰ দিশত গুৰুত্বপূৰ্ণ ভূমিকা লোৱাৰ বাবে আহ্বান জনায়।মুখ্যমন্ত্ৰীয়ে শিক্ষাৰ লগতে সাংস্কৃতিক আৰু ক্ৰীড়াৰ দিশতো যুৱ চামক উদ্ধুদ্ধ কৰাৰ পদক্ষেপ ল’বলৈ আহ্বান জনায়।এই ক্ষেত্ৰত মুখ্যমন্ত্ৰীয়ে শিক্ষাগুৰু আৰু অভিভাৱক ছাত্ৰ-ছাত্ৰীক সকলো দিশতে উৎকৰ্ষতা প্ৰদৰ্শন কৰাৰ বাবে উদ্ধুদ্ধ কৰিবলৈ আহ্বান জনায়।

ভাষণ প্ৰসংগত মুখ্যমন্ত্ৰীয়ে জোনাই বিধায়ক ভুৱন পেগু,ধেমাজি বিধায়ক ডাঃ ৰনোজ পেগু,মিচিং স্বায়ত্ত শাসিত পৰিষদৰ অধ্যক্ষ পৰমানন্দ চায়েংগিয়াক মিচিং বসতিপ্ৰধান এলেকাৰ ক্ষিপ্ৰ উন্নয়ন সাধনৰ বাবে লোৱা পদক্ষেপৰ বাবে ধন্যবাদ জ্ঞাপন কৰে।

আজি এই অনুষ্ঠানত লখিমপুৰ লোকসভা সমষ্টিৰ সাংসদ প্ৰদান বৰুৱা,তাপিৰ গাও, ভুৱন পেগু,ডাঃ ৰনোজ পেগু,বলিন চেতিয়া,অৰুণাচলৰ কেইবাগৰাকীও বিধায়ক, পৰমানন্দ চায়েংগিয়াৰ,ৰাজকুমাৰ মৰাং,আদিত্য খাকলাৰী,দিপেন বড়ো,গোর্খা,সোণোৱাল কছাৰী,ডিমাচা,কাৰ্বি ছাত্ৰ সন্থাৰ কেইবাগৰাকী প্ৰতিনিধি উপস্থিত থাকে