দক্ষিণ ভাৰতত অসম পৰ্যটন বিভাগৰ ৰোড শ্ব’ অনুষ্ঠিত

চলিত অসম পৰ্যটন আৰু ব্ৰেণ্ড কাৰ্যকলাপৰ অংশ হিচাপে অসম পৰ্যটন বিভাগে দক্ষিণ ভাৰতৰ বিভিন্ন চহৰত ৰোড শ্ব আয়োজিত কৰিছে।অসম পৰ্যটন নিগমৰ অধ্যক্ষ জয়ন্ত মল্ল বৰুৱাৰ নেতৃত্বত অসম পৰ্যটনৰ বিষয়ববীয়া,ট্যুৰ অপাৰেটৰ সকলৰ লগতে এটা সাংস্কৃতিক দল ৰোড শ্ব’ৰ বাবে চেন্নাইত উপস্থিত হয়।কালি চেন্নাইৰ দ্য ৰেচিডেঞ্চি হোটেলত অনুষ্ঠিত এক অনুষ্ঠানত অসম পৰ্যটনৰ অধ্যক্ষ জয়ন্ত মল্ল বৰুৱাই আদৰণি ভাষণত অসম পৰ্যটনৰ আকৰ্ষণ আৰু পৰ্যটনৰ ক্ষেত্রত থকা সম্ভাৱনাৰ বিষয়ে অৱলোকন কৰে।লগতে তেখেতে পৰ্যটনৰ ক্ষেত্রত জোৰ দি কয় যে বৈচিত্র্যপূৰ্ণ অসমখন বিশ্বৰ পৰ্যটকৰ বাবে সকলোতকৈ পচন্দৰ ঠাই।তেখেতে অনুষ্ঠানত উপস্থিত থকা ট্যুৰ অপাৰেটৰ সকলক প্ৰেৰণা দি অসমক নিজৰ পৰ্যটনৰ ঠাই হিচাপে গণ্য কৰি সেই পৰ্যায়ত উপনীত হেৱাৰ ক্ষেত্রত সহযোগিতা বিচাৰে।এই ক্ষেত্রত চৰকাৰে পূৰ্ণ সহযোগিতা আগবঢ়াব বুলি তেখেতে নিশ্চিতি প্ৰদান কৰে।লগতে তেওঁ ব্ৰহ্মপুত্ৰ পুস্কৰ উৎসৱত দক্ষিণ ভাৰতৰ লক্ষাধিক ভক্তই পবিত্র ব্ৰহ্মপুত্ৰক আৰাধনা কৰি অনুষ্ঠান সফল কৰাৰ ক্ষেত্রত আগভাগ লোৱাৰ কথা দোহাৰে।অসম চৰকাৰৰ পৰ্যটন নিৰ্দেশক দেৱ কুমাৰ মিশ্ৰই অসম পৰ্যটনথলীৰ ওপৰত প্ৰস্তুত কৰা তথ্য সম্বলিত দৃশ্য শ্ৰাব্য ভিডিঅ’ পৰিৱেশন কৰে।ভাৰত পৰ্যটনৰ চেন্নাইৰ ক্ষেত্রীয় নিৰ্দেশক শ্ৰীবাটছ্ সঞ্জয়ে ভাষণ প্ৰসঙ্গত অসম পৰ্যটন উদ্যোগৰ বৰ্দ্ধিত ব্যৱসায়িক ক্ষমতা ঠেকা দি ৰাখিবলৈ চেন্নাই,কেৰেলা আৰু পণ্ডিচেৰীৰ ট্যুৰ অপাৰেটৰ আৰু ষ্টেক হ’ল্ডাৰ সকলক অনুৰোধ জনায়।অসমৰ ট্যুৰ অপাৰেটৰৰ হৈ অৱণী ট্ৰেভেলচ’ৰ মধুমিতা খাউণ্ডে অসম পৰ্যটনৰ সুবিধা আৰু সম্ভাৱনীয়তাৰ প্ৰদৰ্শন কৰে আৰু অসমলৈ সকলোকে আমন্ত্রণ জনায়।তাৰোপৰি অসমৰ সাংস্কৃতিক দলৰ গায়ত্রী মহন্ত,মধুস্মিতা দিহিঙ্গীয়া,বিপ্লৱ গগৈ,মানস ৰাজবংশী,ৰুমিলা বড়ো,দিশাদৃতি বৰুৱা,ভৰত হাজৰিকা সহিত সমূহ দলটেৱে সত্ৰীয়া,ঝুমুৰ,বিহু আৰু অন্যান্য নৃত্যৰ জৰিয়তে উপস্থিত দৰ্শকক মন্ত্ৰমুগ্ধ কৰে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

গুৱাহাটী সংসদীয় সমষ্টিক পোহৰাই তুলিবলৈ সাংসদ কুইন ওজাৰ উদ্যোগত এক হাজাৰ সৌৰশক্তি চালিত ষ্ট্ৰীট লাইট স্থাপনৰ তৎপৰতা

গুৱাহাটী লোকসভা সমষ্টিৰ সাংসদ কুইন ওজাই সংসদীয় সমষ্টিৰ অন্তৰ্গত দহটা বিধানসভা সমষ্টিৰ বিদ্যুৎ যোগান কম থকা বা সঘনাই লোড শ্বেদিং হোৱা অঞ্চল সমূহক পোহৰাই তুলিবলৈ এক হাজাৰ সৌৰশক্তি চালিত ষ্ট্ৰীটলাইট স্থাপন কৰিবলৈ তৎপৰতা আৰম্ভ কৰিছে।এই আঁচনি ৰূপায়ণৰ লগত জড়িত কামৰূপ জিলাৰ ডি আই এছ এইছ এ ৰ সদস্য প্ৰশান্ত মহন্তই জানিবলৈ দিয়া মতে সাংসদ কুইন ওজাই তেওঁৰ সাংসদৰ স্থানীয় এলেকা উন্নয়ন পুঁজিৰ ধনেৰে ‘অটল জ্যোতি যোজনা ২০১৯-২০’ আঁচনিৰ অধীনত বিগত আগষ্ট মাহৰ পৰা সৌৰশক্তি চালিত এল.ই.ডি ষ্ট্ৰীটলাইট স্থাপনৰ কাম আৰম্ভ কৰা হৈছে।

 

 

এই লাইট সমূহত উচ্চ প্ৰযুক্তিৰ সমাহাৰ ঘটাৱা হৈছে। ই সন্ধিয়া অন্ধকাৰ হ’লেই স্বয়ংক্ৰিয় ভাবে নিজে নিজে নিজে জ্বলি উঠে। তেনেদৰে পুৱা পোহৰ হ’লেই নিজে নিজে নুমাই যাব।গুৱাহাটী সংসদীয় সমষ্টিৰ অধীনৰ দুধনৈ, বকো, ছয়গাওঁ, পলাশবাৰী, পশ্চিম গুৱাহাটী, পূব গুৱাহাটী, দিশপুৰ, জালুকবাৰী, হাজো, আৰু বৰক্ষেত্ৰীত প্ৰতিটোতে ১০০ টাকৈ ষ্ট্ৰীটলাইট গুৰুত্বপূৰ্ণ স্থান সমূহত স্থাপন কৰি থকা হৈছে। এইক্ষেত্ৰত ধর্মানুষ্ঠান, শিক্ষানুষ্ঠান, ক্লাব, সামূহিক গৃহকে ধৰি ৰাজহুৱা স্থানক প্ৰথম অগ্ৰাধিকাৰ দিয়া হৈছে। ষ্ট্ৰীটলাইট সমূহ চলিত বৰ্ষৰ ভিতৰতে স্থাপনৰ লক্ষ্য নিৰ্ধাৰণ কৰা হৈছে। আঁচনিখন ৰূপায়িত হ’লে নিশ্চিত ভাবে গুৱাহাটী সংসদীয় সমষ্টিৰ দহটা বিধানসভা সমষ্টিৰ গুৰুত্বপূৰ্ণ স্থান সমূহ নিশাৰ ভাগত পোহৰেৰে আলোকিত হৈ থাকিব বুলি আঁচনিৰ লগত জড়িত প্ৰশান্ত মহন্তই আশা ব্যক্ত কৰিছে।

এগৰাকী যুৱতীৰ ব্যতিক্ৰমী পদক্ষেপ

মাজুলীৰ এগৰাকী যুৱতীয়ে আদৰ্শ দেখুৱাইছে।উচ্চ শিক্ষিত যুৱতীগৰাকীয়ে মাজুলীৰ সংস্কৃতিক নৱপ্ৰজন্মৰ মাজত বিলোৱাৰ বাবে প্ৰয়াস কৰিছে। ঘৰতে নৃত্য বিদ্যালয় স্থাপন কৰি এদল কণমানিক প্ৰশিক্ষণ প্ৰদান কৰিছে।

 

 

যুৱতীগৰাকী নাম প্ৰিয়ংকা টাকু। ঘৰ মাজুলীৰ ২নং বৰগঞাত।জানিব দিয়া মতে যুৱতীগৰাকীয়ে ৭২ গৰাকী ছাত্ৰ ছাত্ৰীক নূপুৰ নিতম বিদ্যালয়খনত প্ৰশিক্ষণ প্ৰদান কৰি আহিছে।উল্লেখযোগ্য যে ডিব্ৰুগড় বিশ্ববিদ্যালয়ৰ পৰা পৰিৱেশ্য কলা অধ্যয়ন কৰি প্ৰিয়ংকাই এই নৃত্য বিদ্যালয়খন স্থাপন কৰিছে।যিসময়ত একাংশই চাকৰিৰ বাবে হাবাথুৰি খাইছে,সেই সময়ত এই যুৱতীগৰাকীয়ে গাঁও অঞ্চলত ছাত্ৰ ছাত্ৰীক নৃত্যৰ প্ৰশিক্ষণ দি সচেতন লোকৰ সমাদৰ বুটলিছে।

পূৰ্ণ গতিত আগবাঢ়িছে জাতীয় আদৰ্শ শিক্ষা সংসদৰ কাম কাজ

পূৰ্ণ গতিত আগবাঢ়িছে অসম সাহিত্য সভাৰ পৃষ্ঠ পোষকতাত গঠিত স্বতন্ত্ৰ ন্যাস জাতীয় আদৰ্শ শিক্ষা সংসদৰ শৈক্ষিক কামকাজ। ন্যাসৰ অধীনত ইতিমধ্যে ৫খন বিদ্যালয় স্থাপন হৈছে আৰু পৰৱৰ্তী শিক্ষাবৰ্ষত নতুনকৈ কমেও এশখন বিদ্যালয় স্থাপনৰ লক্ষ্য স্থিৰ কৰা হৈছে৷

 

 

 

জাতীয় শিক্ষা সংসদৰ শিক্ষক প্ৰশিক্ষণৰ হাতপুথি প্ৰস্তুতৰ শিক্ষক প্ৰশিক্ষণৰ প্ৰক্ৰিয়া আৰু অন্যান্য বিষয়সমূহ খৰচি মাৰি আলোচনা কৰাৰ বাবে সংসদৰ এক গুৰুত্বপূৰ্ণ বৈঠক সম্পন্ন হয় অসম সাহিত্য সভাৰ ৰাধাগোবিন্দ বৰুৱা প্ৰেক্ষাগৃহত। বুনিয়াদী স্তৰত গুৰুত্ব দি ৰাষ্ট্ৰীয় শিক্ষানীতিৰ আধাৰত জাতীয় শিক্ষা সংসদে পাঠ্যপুথি প্ৰকাশত এই গুৰুত্বপূৰ্ণ বৈঠকে অনুমোদন দিয়ে। জাতীয় আদৰ্শ শিক্ষা সংসদৰ উপাধ্যক্ষ ডাঃ জয়ন্তবিশ্ব শৰ্মা, সচিব ৰাণা বশিষ্ঠ, বিশিষ্ট ভাষাবিদ, সাহিত্যাচাৰ্য ড০ ৰমেশ পাঠক, অসম সাহিত্য সভাৰ প্ৰাক্তন সভাপতি ড০ পৰমানন্দ ৰাজবংশী, সভাৰ প্ৰাক্তন প্ৰধান সম্পাদক পদুম ৰাজখোৱা, কৃতি শিক্ষক তথা সংসদৰ পাঠ্যক্ৰম সমন্বয়ক সমিতিৰ সভাপতি গৌৰীকান্ত ভূঞা, বিশিষ্ট পণ্ডিত সাহিত্যাচাৰ্য ড০ পৰাগ কুমাৰ ভট্টাচাৰ্য, ৰিপুঞ্জয় বৰদলৈ, সুৰেন গোস্বামী, জগন্নাথ ৰাজবংশী, কমল চৌধুৰী, ড০ সঞ্জীৱ কুমাৰ শৰ্মা, যতীন্দ্ৰনাথ সূত, পংকজ কুমাৰ দত্ত, ৰমানন্দন বৰা আদিয়ে অংশ লয়।

 

 

 

সভাৰ আৰম্ভণিতে পাঠ্যক্ৰম প্ৰস্তুতি বিষয়ত সংসদৰ লক্ষ্য, উদ্দেশ্যে আৰু দৃষ্টিভংগীৰ বিষয়ে আভাস দিয়ে ডাঃ জয়ন্ত বিশ্ব শৰ্মাই। সংসদে সেৱাৰ মনোভাৱেৰে কাম কৰি থকা সুপৰিকল্পনাৰে আগবাঢ়ি গৈ কণকণ ছাত্ৰ ছাত্ৰীসকলক বুনিয়াদী স্তৰৰ পৰা প্ৰকৃতাৰ্থত মানৱ সম্পদ ৰূপে গঢ়াত গুৰুত্ব দিব বুলি কয়। জাতীয় আদৰ্শ শিক্ষা সংসদৰ এই কল্যাণমুখী প্ৰকল্পই অসমৰ জাতীয় জীৱনত বহুমূলীয়া বৰঙণি আগবঢ়াব বুলি মন্তব্য দিয়ে ড০ পৰাগ কুমাৰ ভট্টাচাৰ্যই। উন্নত মানৰ পাঠ্যক্ৰমৰে অসমৰ প্ৰাথমিক পৰ্যায়ৰ শিক্ষাত এইদৰে নতুনত্ব প্ৰয়াসেৰে অসম জাতীয় আদৰ্শ শিক্ষা সংসদে কৰা কাম কাজক বিভিন্নজনে শলাগিছে।

কানাডা চলচিত্ৰ মহোৎসৱত সন্মান আজুৰিলে বড়ো অভিনেত্ৰীয়ে

কানাডাত অনুষ্ঠিত হোৱা আন্ত:ৰাষ্ট্ৰীয় চলচিত্ৰ মহোৎসৱত সন্মানিত হৈছে বড়ো অভিনেত্ৰী পানছি ব্ৰহ্ম।

Dusk ছবিখনৰ বাবে তেওঁ সন্মানিত হৈছে।এই ছবিখন পৰিচালনা কৰিছে উজ্বল প’লে আৰু সহযোগী অভিনেতা মনোজ কৰে।উল্লেখযোগ্য যে পানছি ব্ৰহ্ময়ে আন্তৰাষ্ট্ৰীয় বিভিন্ন চলচ্চিত্ৰ সন্মানৰ বাবে নিৰ্বাচিত হৈছে।আন্ত:ৰাষ্ট্ৰীয় ফিল্ম মহোৎসৱত নিৰ্বাচিত হোৱা পানছি ব্ৰহ্ম প্ৰথমগৰাকী বড়ো অভিনেত্ৰী।