দলীয় জয়লাভ পাছত মুখ্যমন্ত্ৰীৰ মন্তব্য

লোকসভা নিৰ্বাচনত শাসনাধিস্থ দল বিজেপিৰ পুনৰ জয়লাভত দলৰ ৰাজ্যিক কাৰ্য্যালয়ত কৰ্ম-কৰ্তাসকলৰ মাজত ব্যাপক আনন্দ-উল্লাহৰ। ইয়াৰ মাজতে মুখ্যমন্ত্ৰী সৰ্বানন্দ সোণোৱাল দলৰ কাৰ্যালয়ত উপস্থিত হয় আৰু নিজৰ মন্তব্য ব্যক্ত কৰে সংবাদমাধ্যমৰ আগত ।সংবাদমাধ্যমৰ আগত মুখ্যমন্ত্ৰীয়ে কয় “ভাল কাম কৰিলে ভাল ফল পায়। প্ৰধানমন্ত্ৰী নৰেন্দ্ৰ মোদীৰ সততা নিষ্ঠা আৰু বলিষ্ঠ পদক্ষেপৰ বাবেই আজি ভাৰতবৰ্ষৰ জনগণে মূল্যবোধৰ ক্ষেত্ৰত যি পৰিৱৰ্তনৰ বাতাবৰণ যোৱা ৫ বছৰত পাবলৈ সক্ষম হল তাৰ বাবে আজি ভাৰতবৰ্ষৰ জনসাধাৰণে অগাধ বিশ্বাসেৰে ,আস্থাৰে দ্বিতীয়টো কাৰ্যকালৰ বাবে দেশৰ প্ৰধানমন্ত্ৰী হিচাপে শাসনত প্ৰতিষ্ঠিত কৰাৰ নিমিত্তে সকলোৱে স্বতঃস্ফূৰ্তভাৱে সহযোগিতা আগবঢ়ালে । আজি ভাৰতীয় জনতা পাৰ্টি এন ডি এ সৰহ সংখ্যক আসন পাবলৈ সক্ষম হল। এই সফলতাৰ অন্তত মোদী ডাঙৰীয়াৰ যি অৰিহণা আছে তাৰ বাবে মই প্ৰথমে অসমৰ বৰাক-ব্ৰহ্মপুত্ৰৰ পাহাৰ-ভৈয়ামৰ ৰাইজৰ হৈ আদৰ্শবাদী নেতা , বলিষ্ঠ আৰু নিষ্ঠাৱান নেতা নৰেন্দ্ৰ মোদী ডাঙৰীয়াক ধন্যবাদ জ্ঞাপন কৰিছো।”আনহাতে বিজেপিৰ ৰাষ্ট্ৰীয় সমিতিৰ অধ্যক্ষ অমিত শ্বাহক কৃতজ্ঞতা জ্ঞাপন কৰি কয় যে ” তেখেতে গোটেই নিৰ্বাচনতো দক্ষতাৰে পৰিচালনা কৰিলে আৰু তেখেতে প্ৰস্তুত কৰা পৰিকল্পনা আৰু সেই পৰিকল্পনা বাস্তৱায়িত কৰাৰ নিমিত্তে কাশ্মীৰৰ পৰা কন্যাকুমাৰীলৈ , অৰুণাচল প্ৰদেশৰ পৰা গুজৰাটলৈকে বিভিন্ন ৰাজ্যত থকা নিষ্ঠাৱান কৰ্ম-কৰ্তাক জনসাধাৰণৰ ওচৰলৈ গৈ জনসাধাৰণৰ প্ৰতি শ্ৰদ্ধা আৰু ভক্তিৰে সহায় বিচৰাৰ নিমিত্তে নিজকে নিয়োগ কৰিলে তাৰবাবে ভাৰতীয় জনতা পাৰ্টিয়ে ইতিহাস ৰচনা কৰিলে।”ইয়াৰ লগতে বিজেপিৰ ৰাজ্যিক সভাপতি ৰঞ্জিত দাসৰ লগতে অসমৰ বুকুত অসমৰ বৰাক-ব্ৰহ্মপুত্ৰৰ ভোটদাতা ৰাইজে যেনেধৰণে ভাৰতীয় জনতা পাৰ্টি আৰু মিত্ৰজোঁটৰ বি পি এফ, অগপ, সন্মিলিত গণ শক্তি, ৰাভা,তিৱাই আমাৰ প্ৰচেষ্টাক আদৰণি জনালে, আন্তৰিকতাৰে আঁকোৱালি ললে তাৰবাবে ভোটদাতা ৰাইজলৈ গভীৰ শ্ৰদ্ধা জ্ঞাপন কৰে ।আনহাতে,নেডাৰ আহ্বায়ক হিমন্ত বিশ্ব শৰ্মা যি কঠোৰ পৰিশ্ৰম কৰিলে অসমৰ ইমূৰৰ পৰা সিমূৰলৈ তাৰবাবেও ধন্যবাদ জ্ঞাপন কৰে মুখ্যমন্ত্ৰীগৰাকীয়ে।মুখ্যমন্ত্ৰীগৰাকীয়ে কয় ” আমি সকলোৱে দল আৰু চৰকাৰৰ প্ৰতিনিধিসকলে মিলিত প্ৰচেষ্টাৰে এটা পৰিয়ালৰ মানসিকতাৰে অসমৰ বুকুত কাম কৰিলোঁ আৰু এই কামত আজি অসমৰ জনগণে সঁহাৰি আগবাঢ়িলে । তাৰবাবেহে অসমৰ বুকুত সফলতা লাভ কৰিবলৈ সক্ষম হলো । যোৱা ৫ বছৰে নৰেন্দ্ৰ মোদীয়ে যিমান সততা আৰু নিষ্ঠাৰে ভাৰতীয় ৰাজনীতিৰ পথত প্ৰতিষ্ঠা লাভ কৰিলে আগন্তুক দিনত আমিও সেই আদৰ্শেৰে অসমৰ বুকুত চৰকাৰ পৰিচালনা কৰিব লাগিব আৰু সেই আদৰ্শেৰে আমি নতুন প্ৰজন্মক নতুনত্ব প্ৰদান কৰিব লাগিব। সৱকা সাথ সৱকা বিকাশ নীতিৰ দ্বাৰা আমি বৰাক – ব্ৰহ্মপুত্ৰত শান্তি, সমৃদ্ধি, ভাতৃত্ববোধক শক্তিশালী ৰূপত গঢ় দি অসমক ভাৰতৰ বুকুত অন্যতম শক্তিশালী ৰাজ্য হিচাপে প্ৰতিষ্ঠা কৰিব লাগিব ।”
Share on whatsapp
WhatsApp
Share on facebook
Facebook
Share on twitter
Twitter
Share on email
Email

পশ্চিম গুৱাহাটীত ৰাইজৰ মাজত ক’ভিড সজাগতা সৃষ্টিৰ বাবে ১৭৫ চি আৰ পি এফৰ ১০০ দিনীয়া কাৰ্যসূচী আৰম্ভ

পশ্চিম গুৱাহাটীৰ ৰাণীস্থিত ১৭৫ চি আৰ পি এফ বেটেলিয়ানৰ উদ্যোগত ৰাইজৰ মাজত ক’ভিডৰ সজাগতা সৃষ্টিৰ বাবে ১২ অক্টোবৰৰ পৰা ১০০ দিনীয়া কাৰ্যসূচী আৰম্ভ কৰা হৈছে।১৭৫ চি আৰ পি এফৰ কমাণ্ডেণ্ট সুভাষ চন্দ্ৰ শৰ্মাৰ নেতৃত্বত আৰম্ভ হোৱা সজাগতা কাৰ্যসূচীৰ অহা বর্ষৰ ১৯ জানুৱাৰীত সামৰণি পৰিব।

 

 

আনহাতে কাৰ্যসূচীৰ লগত সংগতি ৰাখি ৰাণীকে ধৰি কাষৰীয়া অঞ্চলত বাস কৰা ৰাইজৰ মাজত ক’ভিড সজাগতা সৃষ্টিৰ বাবে মাস্ক, চেনিটাইজাৰ, চাবোন, আদি বিতৰণ কৰা হয়। তেনেদৰে চাবোনৰে হাত ধোঁৱা পদ্ধতি আৰু সামাজিক দূৰত্ব বজাই ৰখা আদিৰ বিষয়ে বুজাই দিয়া হয়। কার্যসূচীত কমাণ্ডেণ্ট সুভাষ চন্দ্ৰ শৰ্মা, চেকেণ্ড-ইন-কামাণ্ড কে.এল.ধীমান, পৰিদৰ্শক দেশবীৰ সিং, উপ-পৰিদৰ্শক দিলীপ কুমাৰ তিৱাৰী, সহ: উপ-পৰিদৰ্শক বি.কে.স্বামীকে ধৰি বাহিনীটোৰ আন বিষয়া জোৱান সকলে ভাগ লয়।

অভিশপ্ত ৩০অক্টোবৰৰ নিহত সকলক সুঁৱৰি অনুষ্ঠিত হ’ল শ্ৰদ্ধাঞ্জলি অনুষ্ঠান

আজি ৩০ অক্টোবৰ। আজি দিনটোতে ধাৰাবাহিক বোমা বিস্ফোৰণত কপি উঠিছিল অসমৰ বিভিন্ন প্ৰান্ত। বহু নিৰিহ লোকে এই ধাৰাবাহিক বোমা বিস্ফোৰণত প্ৰান হেৰুৱালে। চিৰদিনৰ বাবে ঘুনীয়া হ’ল বহু জন।

 

 

এই অভিশপ্ত ৩০ অক্টোবৰ নিহত সকলক সুঁৱৰি আজি গণেশগুৰিত অনুষ্ঠিত হয় শ্ৰদ্ধাঞ্জলি অনুষ্ঠান। উল্লেখযোগ্য যে প্ৰতিবছৰে নিহত সকলক সুঁৱৰি শ্ৰদ্ধাঞ্জলিৰ অনুষ্ঠান অনুষ্ঠিত হৈ আহিছে ।এইবাৰ অনুষ্ঠানত নিহত সকলৰ আত্মীয় উপস্থিত থাকে।

 

এই অনুষ্ঠানত উপস্থিত থাকি মন্ত্ৰী সিদ্ধাৰ্থ ভট্টাচাৰ্যই এনেদৰে কয় । আজি শ্ৰদ্ধাঞ্জলি অনুষ্ঠানত সৰ্বধর্মীয় প্ৰাৰ্থনা সভাৰ লগতে বিভিন্নজনে বক্তব্য ৰাখে। আজি অনুষ্ঠানত উপস্থিত থাকে বিধায়ক অতুল বৰা, মন্ত্ৰী সিদ্ধাৰ্থ ভট্টাচাৰ্য, কামৰূপ জিলা উপায়ুক্ত বিশ্বজিৎ পেগু, মেডিয়া উপদেষ্টা হৃষীকেশ গোস্বামীকে আদি কৰি বহু কেইজন বিশিষ্ট ব্যক্তি।

আজি ৰাজ্যজুৰি উদযাপিত হ’ব লক্ষ্মী পূজা

আজি লক্ষ্মী পূজা।ধন সম্পত্তিৰ অধিষ্ঠাত্ৰী দেৱীক আজি দিনটোত আৰাধানা কৰা হয়।

 

 

এই লক্ষ্মী পূজা অসমীয়া সমাজ জীৱনৰ লগত বিশেষ ভাৱে সম্পৰ্কিত ।কৃষক ৰাইজে ধানে দোনে নদন বদন হ’বলৈ লক্ষ্মী দেৱীক আৰাধানা কৰে।ভঁৰাল ,খেতি পথাৰ,গোঁসাই ঘৰত বন্তি জ্বলাই লক্ষ্মী দেৱীক আহ্বান জনায়।লক্ষ্মী পূজাৰ উপলক্ষ্যে বজাৰত পূজা নানা বিধ সামগ্ৰীয়ে ভৰি পৰা পৰিলক্ষিত হৈছে।পঞ্জিকা অনুসৰি আজি ৫.৩০ৰ পৰা লক্ষ্মী পূৰ্ণিমাৰ তিথি আৰম্ভ হ’ব।

বন্ধুৱে শিৱসাগৰবাসীক সকাহ যোগাব

ক’ভিড-১৯ৰ প্ৰভাৱৰ ফলত সমগ্র দেশতে লকডাউনৰ ঘোষণা হ’ল।এই লকডাউনে বহুতৰ জীৱন সলনি কৰি দিলে। বহু ক্ষেত্ৰত বেয়া হ’ল যদিও কিছুমান ক্ষেত্ৰত ইতিবাচক প্ৰভাৱ পৰাও দেখা গ’ল।

 

 

 

লকডাউনৰ সময়ছোৱাত শিৱসাগৰৰ ৫ গৰাকীমান শিক্ষিত উদ্যমী যুৱকে গ্ৰহণ কৰিছিল এক বিশেষ পদক্ষেপ। দোকানত লানি নিচিগা শাৰী আৰু ভিৰৰ বাবে বজাৰ কৰিব নোৱাৰা সকলক সকাহ যোগোৱাৰ উদ্দেশ্যে কেইজনমান যুৱক আগবাঢি আহিছিল।সেই অনুসৰি তেওঁলোকে শিৱসাগৰৰ বিভিন্ন ঠাইত গৈ বিনামূলীয়াকৈ ঘৰুৱা সা সামগ্ৰী যোগান ধৰিছিল।

 

 

 

গ্ৰাহকৰ অত্যাধিক সঁহাৰি পৰিপ্ৰেক্ষিত তেওঁলোকে ব্যৱসায়ীকৰণ ভাৱে এটা এপ আৰম্ভ কৰিছে ।এই এপটোৰ নাম বন্ধু।এই এপটো গুগল প্লে’ষ্টৰত উপলব্ধ।জানিব পৰা মতে পুৱা ৯ বজাৰ পৰা সন্ধ্যা ৮ বজালৈ এই বন্ধু প্ৰতিষ্ঠানটোৱে জনসাধাৰণক সেৱা আগবঢ়াব।শিৱসাগৰৰ ইচ্ছুক গ্ৰাহক সকলে গুগল প্লে’ ষ্টৰত গৈ এই এপটো ডাউনলড কৰি প্ৰয়োজনীয় সামগ্ৰী অৰ্ডাৰ দিব পাৰিব।

খবৰ যুগুতালে শিৱসাগৰ পৰা দিলিস্তান খানে..

৭নৱেম্বৰত ইছৰোৱে এটা উপগ্ৰহ মুকলি কৰিব

ভাৰতীয় অন্তৰীক্ষ অনুসন্ধান প্ৰতিষ্ঠান চমুকৈ ইছৰোৱে চলিত বৰ্ষৰ ৭ নৱেম্বৰত এটা উপগ্ৰহ মুকলি কৰিব।জানিব পৰা মতে ৭ নৱেম্বৰৰ ৩.২ মিনিটত অন্ধপ্ৰদেশৰ শ্ৰীহৰিকোটাৰ সতীশ ভৱনত স্পেচ চেণ্টাৰত এই উপগ্ৰহটো আনুষ্ঠানিক ভাৱে মুকলি কৰিব।

 

এই উপগ্ৰহ ভাৰতীয় সেনাৰ বাবে বহু সহায়ক হ’ব। শত্ৰুৰ অৱস্থিতিৰ পৰা আৰম্ভ কৰি বতৰৰ দুৰ্যোগৰ সম্পৰ্কেও উমান পাব পাৰিব।

চাবুৱাত ক্ৰীড়া সন্থা ষ্টেডিয়ামৰ আধাৰশিলা স্থাপন

ৰাজ্যখনৰ ক্ৰীড়া অন্ত:গাঁথনি শক্তিশালীকৰণ অন্যতম পদক্ষেপ হিচাপে মুখ্যমন্ত্ৰী সৰ্বানন্দ সোনোৱালে চাবুৱাৰ দেওধাইত চাবুৱা ক্ৰীড়া সন্থাৰ ষ্টেডিয়াম আৰু চাবুৱা ইনডোৰ ষ্টেডিয়ামৰ আধাৰশিলা স্থাপন কৰে।উল্লেখযোগ্য যে ২০১৮-১৯ বৰ্ষৰ চিগনেশ্বাৰ প্ৰকল্পৰ অধীনত প্ৰায় ৯.৮৮ কোটি টকা ব্যয়ৰে চাবুৱা ক্ৰীড়া সন্থাৰ ষ্টেডিয়াম আৰু ৰাজ্য চৰকাৰৰ স্ব-অগ্ৰাধিকাৰ পুঁজিৰ অধীনত ২.৩৩কোটি টকা ব্যয়ৰে ইনডোৰ ষ্টেডিয়াম নিৰ্মাণ হ’ব।

 

 

এই উপলক্ষে আয়োজিত অনুষ্ঠানত ভাষণ প্ৰদান কৰি মুখ্যমন্ত্ৰীয়ে কয় যে প্ৰধানমন্ত্ৰী নৰেন্দ্ৰ মোদীৰ সবকা সাথ, সবকা বিকাশ সবকা বিশ্বাসৰ সাৰ্বজনীন নীতি সাৰোগত কৰি বৰ্তমানৰ বিজেপি নেতৃত্বাধীন চৰকাৰখনে ২০১৬ চনৰ পৰা বিগত চাৰে চাৰি বছৰ ৰাজ্যখনৰ সৰ্বাংগীন বিকাশৰ ওপৰত গুৰুত্ব আৰোপ কৰি আহিছে।

 

 

 

বৰ্তমান ৰাজ্য চৰকাৰে বিভিন্ন উন্নয়নমূলক পদক্ষেপেৰে ৰাজ্য খনৰ সামগ্ৰিক প্ৰতিচ্ছবি সলনি কৰিছে বুলি উল্লেখ কৰি মুখ্যমন্ত্ৰীগৰাকীয়ে কয় যে বৰ্তমান ৰাজ্য চৰকাৰখনে যি প্ৰতিশ্ৰুতিয়ে শাসনত অধিষ্ঠিত হৈছিল সেই প্ৰতিশ্ৰুতি ৰূপায়ণৰ বাবে দৃঢ়তাৰে কাম কৰি এখন আত্মনির্ভশীল অসম গঢ়াৰ দিশত শক্তিশালী পদক্ষেপ লৈ আহিছে। ইয়াৰ ফলস্বৰূপেই ৰাজ্য খনৰ যুৱ শক্তি বিভিন্ন ক্ষেত্ৰত জিলিকি উঠিছে আৰু ৰাজ্যৰ কৃষি খণ্ড বিকাশৰ দিশত নতুন যাত্ৰাৰ সূচনা কৰিবলৈ সক্ষম হৈছে বুলি তেখেতে কয়।

 

খিলঞ্জীয়া ভূমিৰ ওপৰত অধিকাৰ সাব্যস্ত নহ’লে জাতিৰ অস্তিত্ব নাথাকিব বুলি উল্লেখ কৰি মুখ্যমন্ত্ৰীয়ে সেই উদ্দেশ্যে আগত ৰাখিয়ে বৰ্তমান চৰকাৰখনে ভূমিহীন খিলঞ্জীয়া পৰিয়ালক মাটিৰ পট্ৰা আৰু অনুমোদন পত্ৰ বিতৰণ দৰে দূৰদৰ্শী আঁচনি লৈছে বুলি কয়। এই আঁচনি কেৱল মাত্ৰ নিৰ্বাচনৰ প্ৰতি লক্ষ্য ৰাখি কৰা আঁচনি নহয় বুলি উল্লেখ কৰি জাতিৰ স্থায়ী নিৰাপত্তা প্ৰদানৰ বাবেহে এনেধৰণৰ বলিষ্ঠ পদক্ষেপ বৰ্তমান ৰাজ্য চৰকাৰখনে লৈছে বুলি মন্তব্য কৰে।

 

 

এই আধাৰশিলা স্থাপন অনুষ্ঠানত কেন্দ্ৰীয় খাদ্য সংসাধন দপ্তৰৰ ৰাজ্যিক মন্ত্ৰী ৰামেশ্বৰ তেলী,বিধায়ক ক্ৰমে চক্ৰধৰ গগৈ,তেৰচ গোৱালা আৰু বিনোদ হাজৰিকা। ৰাজ্যিক পৰ্যায়ৰ ছাত্ৰ আৰু যুৱ কল্যাণ উপদেষ্টা সমিতিৰ সদস্য সচিব লক্ষ্য কোঁৱৰ,অনিৰুদ্ধদেৱ ক্ৰীড়া বিশ্ববিদ্যালয়ৰ উপাচাৰ্য জে পি বাৰ্মাকে ধৰি বহু সংখ্যাক গণ্য মান্য ব্যক্তি উপস্থিত থাকে।