ৰাজ্যৰ বিভিন্ন ক্ষেত্ৰলৈ আগবঢ়োৱা উল্লেখযোগ্য অৱদানৰ বাবে আজি দিছপুৰ প্ৰেছ ক্লাৱৰ পঞ্চম বৰ্ষপূৰ্তি উদযাপন উপলক্ষে বিভিন্ন শিতানত ১৪ জন ব্যক্তিক বঁটা প্ৰদান কৰে। ৰাজ্যৰ প্ৰথমগৰাকী সাপ্তাহিক বাতৰি কাকতৰ সম্পাদক তথা প্ৰতিষ্ঠিত লেখিকা, সাহিত্যিক অনুৰাধা শৰ্মা পূজাৰীক শ্ৰেষ্ঠ সম্পাদক বঁটা২০২০,দেশৰ বিভিন্ন ৰাজ্যত অন্ধবিশ্বাস, সাম্প্ৰদায়িকতা আদিৰ বিৰুদ্ধে দুটা দশক ধৰি সংগ্ৰাম অব্যাহত ৰাখি শান্তি আৰু মানৱতা প্ৰতিষ্ঠাত অগ্ৰণী ভূমিকা গ্ৰহণ কৰিবলৈ সক্ষম হোৱা আমেৰিকা যুক্তৰাষ্ট্ৰৰ “বিশ্ব সংবিধান আৰু সংসদ সন্থাৰ আন্তৰ্জাতিক সদস্য” অৰ্ধ শতাধিক ৰাষ্ট্ৰীয় আৰু আন্তঃৰাষ্ট্ৰীয় মানৱতা আৰু শান্তি বঁটাৰে বিভূষিত অসমৰ মানৱ অধিকাৰ তথা সমাজ কৰ্মী ডঃদিব্যজ্যোতি শইকীয়াক শ্ৰেষ্ঠ মানৱতা ২০২০বঁটা, ৰাজনৈতিক ক্ষেত্ৰলৈ উল্লেখনীয় অৱদান আগবঢ়োৱা বাবে অসম অলিম্পিক সন্থাৰ সম্পাদক,ক্রীড়া যুৱ কল্যাণ পৰিষদৰ সদস্য সচিব লক্ষ্য কোঁৱৰক যুৱ ৰাজনৈতিক বঁটা২০২০,অসমৰ কাৰিকৰী শিক্ষাত যুগান্তকাৰী পরিবর্তন আনিবলৈ সক্ষম হোৱা কাৰিকৰী শিক্ষা বিভাগৰ সঞ্চালক তথা অসম অভিযান্ত্ৰিক মহাবিদ্যালয়ৰ অধ্যক্ষ ডঃ অতুল বৰাক জ্ঞানজ্যোতি বঁটা২০২০, নেম কেয়াৰ হস্পিতেলৰ স্বত্বাধিকাৰ ডাঃ হিতেশ্ব বৰুৱাক জীৱন সঞ্জীৱনী বঁটা২০২০, নিউজ ১৮ অসমৰ নিউজ এংকৰ ইভা মহন্তক নিউজ এংকৰ বঁটা ২০২০ ৰাজীৱ শইকীয়াক “সংবাদ বান্ধৱ বঁটা” মৌচুম জ্যোতি বৈশ্যক সংবাদিক সংগঠক বঁটা,আৰক্ষী বিষয়া অৰবিন্দ কলিতাক জানাহিতৈষী আৰক্ষী বঁটা, উদীয়মান যুৱ উদ্যোগী উৎপল বণিয়াক উদ্যোগী বঁটা, মুনমী ফুকনক অভিনেত্ৰী বঁটা, নিৰ্মালি এছ বৰাক নবাগত অভিনেত্ৰী বঁটা,এ পি দ্বাব্লুৰ অভিজিত শৰ্মাক সাহসী বঁটা,উদীয়মান যুৱ সংগঠক জিতুল ডেকাক জাগ্ৰত যুৱ বঁটা মুঠ ১৪ জন ব্যক্তিক ২০২০বৰ্ষৰ সন্মানীয় বঁটা প্ৰদান কৰা হয়। সকলোকে বঁটা প্ৰদান কৰে অসম সাহিত্য সভাৰ প্ৰাক্তন সভাপতি,ৰাজ্যৰ জ্যেষ্ঠ সাংবাদিক অগ্ৰদূত কাকতৰ মূখ্য সম্পাদক কনক সেন ডেকাই। বঁটা বিতৰণী সভা সঞ্চালনা কৰে দিছপুৰ প্ৰেছ ক্লাৱৰ সাধাৰণ সম্পাদক সাংবাদিক কুঞ্জমোহন ৰায়ে। প্ৰতিগৰাকী বঁটা প্ৰপাকক গামোচা,চেলেং,জাপি,ফুলৰ থোপা,মানপাত্ৰ আৰু একোটাকৈ স্মাৰক প্ৰদান কৰে।
কাঁহিকুছিত শ্ৰীমন্ত শংকৰদেৱ কৃষ্টি বিকাশ সমিতিৰ উদ্যোগত তিনিদিনীয়াকৈ গুৰুজয়ন্তী উৎসৱ উদযাপন
গুৱাহাটী পশ্চিম প্ৰান্তৰ আজাৰা কাঁহিকুছিস্থিত শ্ৰীমন্ত শংকৰদেৱ কৃষ্টি বিকাশ সমিতিৰ উদ্যোগত সমিতিৰ নামঘৰ চৌহদত ১৪ অক্টোবৰৰ পৰা তিনিদিনীয়া কাৰ্যসূচীৰে অনুষ্ঠিত মহাপুৰুষ শ্ৰীমন্ত শংকৰদেৱৰ ৫৭৩ সংখ্যক গুৰুজয়ন্তী উৎসৱৰ আজি সামৰণি পৰে । ১৪ অক্টোবৰত দিনৰ ১০ বজাত সামূহিক চাফাই অভিযানৰে উৎসৱৰ কাৰ্যসূচীৰ শুভাৰম্ভ কৰা হয় । সন্ধিয়া বন্তি প্ৰজ্বলন কৰে শ্ৰীমন্ত শংকৰদেৱ কৃষ্টি বিকাশ সমিতিৰ সভাপতি ধীৰেন্দ্ৰ নাথ চৌধুৰীয়ে । তাৰ পাছত নাম প্ৰসংগ আৰু ভাগৱত পাঠ অনুষ্ঠিত হয় । ১৫ অক্টোবৰ দ্বিতীয় দিনা পুৱা উষা কীৰ্ত্তনৰ পাছত ধৰ্মধ্বজা উত্তোলন কৰে সমিতিৰ মুখ্য উপদেষ্টা সুচেন্দ্ৰ নাথ ডেকাই । তাৰ পাছত ভাগৱত লৈ ভ্ৰমণ নাম প্ৰসংগ , ভাগৱত পাঠ , প্ৰসাদ বিতৰণ , অন্ন গ্ৰহণ , সন্ধিয়া বন্তি প্ৰজ্বলন আৰু নিশা সমিতিৰ আইসকলে নাম পৰিবেশন কৰে । আনহাতে আজি তৃতীয় তথা শেষৰ দিনা উৎসৱৰ লগত সংগতি ৰাখি দিনৰ ১১ বজাৰ পৰা এখন আলোচনা চক্ৰ অনুষ্ঠিত হয় । সমিতিৰ সাংস্কৃতিক বিভাগৰ মুৰব্বী আৰু ভাৰতীয় বিমান বন্দৰ প্ৰাধিকৰণৰ উচ্চপদস্থ বিষয়া জগদীশ বৈশ্যই আঁত ধৰা আলোচনা চক্ৰত সভাপতিত্ব কৰে সমিতিৰ সভাপতি ধীৰেন্দ্ৰ নাথ চৌধুৰীয়ে । আলোচনা চক্ৰত আলোচক হিচাপে লোকপ্ৰিয় গোপীনাথ বৰদলৈ আন্তৰ্জাতিক বিমানবন্দৰৰ আদানী গ্রুপৰ মুখ্য বিমানকোঠ বিষয়া উৎপল বৰুৱা ,অসমৰ মুখ্যমন্ত্ৰী কাৰ্যালয়ৰ জ্যেষ্ঠ জনসম্পৰ্কৰক্ষী বিষয়া পুলিন ডেকা আৰু সমিতিৰ মুখ্য উপদেষ্টা সুচেন্দ্ৰ নাথ ডেকাই ভাগ লয় । আনহাতে তিনিওজন আলোচকে ভাষণত অসমীয়া জাতিৰ জনক স্বৰূপ মহাপুৰুষ শ্ৰীমন্ত শংকৰদেৱক বাদ দি অসমীয়া সমাজ , সাংস্কৃতিক জীৱনৰ কথা কল্পনাই কৰিব নোৱাৰি বুলি ব্যক্ত কৰে আৰু অসমীয়া জাতি গঠন প্ৰক্ৰিয়াত মহাপুৰুষজনাৰ অৱদানৰ কথা ইতিহাসত সদায় জিলিকি থাকিব বুলি কয় । আৰম্ভণিতে এটি বৰগীত পৰিবেশন কৰে শিল্পী ত্ৰিনামী গোস্বামীয়ে।
ভিউৱাছৰ মতামত