দিহিং পাটকাই পৰিদৰ্শনৰ পিছত বন মন্ত্ৰীয়ে দাখিল কৰা প্ৰতিবেদনৰ ভিত্তিত ৰাজ্য চৰকাৰে ল’ব পৰৱৰ্তী পদক্ষেপ

অসমৰ পাৰিপাৰ্শ্বিকতা আৰু জৈৱ বিবিধতা সংৰক্ষণৰ লগতে ৰাজ্যখনৰ চাৰিওফালৰ প্ৰাকৃতিক শোভা, সেউজীয়া আৱৰণ তথা প্ৰাকৃতিক সমল সমূহকলৈ চৰকাৰ সকলো দিশতে সাজু বুলি আজি ডিব্ৰুগড় জিলাত সাংবাদিকৰে হোৱা কথা বতৰাত মুখ্যমন্ত্ৰী সৰ্বানন্দ সোণোৱালে মন্তব্য প্ৰকাশ কৰে। ৰাজ্যত সম্প্ৰতি  চৰ্চিত বিষয় দিহিং পাটকাইৰ সন্দৰ্ভতো মুখ্যমন্ত্ৰীগৰাকীয়ে মন্তব্য কৰে।

 

 

তেখেতে কয় যে দিহিং পাটকাই বৰ্ষাৰণ্যৰ সাম্প্ৰতিক পৰিস্থিতি সন্দৰ্ভত এক চৰজমিন বুজ ল’বলৈ তথা এই সন্দৰ্ভত এক প্ৰতিবেদন দাখিল কৰিবলৈ ৰাজ্যৰ বন আৰু পৰিৱেশ বিভাগৰ মন্ত্ৰী পৰিমল শুক্লবৈদ্যক ইতিমধ্যে নিৰ্দেশ দিছে।

 

 

আজি মুখ্যমন্ত্ৰী সৰ্বানন্দ সোণোৱালে ক’ভিড১৯ক প্ৰতিৰোধ কৰাৰ বাবে স্থাপন কৰা দ্বিতীয় পৰ্যায়ৰ সৰ্বমুঠ চাৰিটা কোৱাৰেণ্টাইন চেণ্টাৰ পৰিদৰ্শন কৰে। পৰিদৰ্শন কালত সমগ্ৰ ব্যৱস্থা সন্দৰ্ভত বুজ লয় মুখ্যমন্ত্ৰী গৰাকীয়ে। এই সময়ছোৱাত সাংবাদিকৰে হোৱা কথা বতৰাত কোৱাৰেণ্টাইনত থকা লোকসকলক কোনোধৰণৰ পৰিস্থিতিতে নীতি নিয়ম ভংগ নকৰিবলৈ আহ্বান জনায়।

 

আনহাতে সকলো লোককে ক’ভিড১৯ৰ বিৰূদ্ধে সজাগ হ’বলৈও আহ্বান জনায়। লগতে তেখেতে কয় যে কোৱাৰেণ্টাইনৰ নীতি নিয়ম ভংগই সমাজলৈ ভাবুকি আনিব পাৰে আৰু এই নীতি নিয়ম ভংগকাৰীৰ বিৰূদ্ধে চৰকাৰে ব্যৱস্থা গ্ৰহণ কৰাৰ বাদে আন কোনো বিকল্প পথ নাই।

 

ক’ভিড১৯ৰ এই যুঁজখনত জয়লাভ কৰিবলৈ সকলোকে সৰ্তক মূলক ভাৱে থাকিবলৈ কয় মুখ্যমন্ত্ৰী সোণোৱালে। লকডাউনৰ ফলত বহিঃৰাজ্যত আৱদ্ধ হৈ থকা লোকসকলক ঘৰলৈ ঘুৰাই অনাৰ বাবে ৰাজ্য চৰকাৰে ভিন্ন পদক্ষেপ হাতত লোৱা বুলিও আজি মন্তব্য কৰে মুখ্যমন্ত্ৰী সৰ্বানন্দ সোণোৱালে। ক’ভিড১৯ৰ বিৰূদ্ধে সজাগতা সৃষ্টি কৰাৰ বাবে সকলোকে ধন্যবাদ জনায় লগতে শলাগ লয় মুখ্যমন্ত্ৰী সৰ্বানন্দ সোণোৱালে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

এগৰাকী যুৱতীৰ ব্যতিক্ৰমী পদক্ষেপ

মাজুলীৰ এগৰাকী যুৱতীয়ে আদৰ্শ দেখুৱাইছে।উচ্চ শিক্ষিত যুৱতীগৰাকীয়ে মাজুলীৰ সংস্কৃতিক নৱপ্ৰজন্মৰ মাজত বিলোৱাৰ বাবে প্ৰয়াস কৰিছে। ঘৰতে নৃত্য বিদ্যালয় স্থাপন কৰি এদল কণমানিক প্ৰশিক্ষণ প্ৰদান কৰিছে।

 

 

যুৱতীগৰাকী নাম প্ৰিয়ংকা টাকু। ঘৰ মাজুলীৰ ২নং বৰগঞাত।জানিব দিয়া মতে যুৱতীগৰাকীয়ে ৭২ গৰাকী ছাত্ৰ ছাত্ৰীক নূপুৰ নিতম বিদ্যালয়খনত প্ৰশিক্ষণ প্ৰদান কৰি আহিছে।উল্লেখযোগ্য যে ডিব্ৰুগড় বিশ্ববিদ্যালয়ৰ পৰা পৰিৱেশ্য কলা অধ্যয়ন কৰি প্ৰিয়ংকাই এই নৃত্য বিদ্যালয়খন স্থাপন কৰিছে।যিসময়ত একাংশই চাকৰিৰ বাবে হাবাথুৰি খাইছে,সেই সময়ত এই যুৱতীগৰাকীয়ে গাঁও অঞ্চলত ছাত্ৰ ছাত্ৰীক নৃত্যৰ প্ৰশিক্ষণ দি সচেতন লোকৰ সমাদৰ বুটলিছে।

পূৰ্ণ গতিত আগবাঢ়িছে জাতীয় আদৰ্শ শিক্ষা সংসদৰ কাম কাজ

পূৰ্ণ গতিত আগবাঢ়িছে অসম সাহিত্য সভাৰ পৃষ্ঠ পোষকতাত গঠিত স্বতন্ত্ৰ ন্যাস জাতীয় আদৰ্শ শিক্ষা সংসদৰ শৈক্ষিক কামকাজ। ন্যাসৰ অধীনত ইতিমধ্যে ৫খন বিদ্যালয় স্থাপন হৈছে আৰু পৰৱৰ্তী শিক্ষাবৰ্ষত নতুনকৈ কমেও এশখন বিদ্যালয় স্থাপনৰ লক্ষ্য স্থিৰ কৰা হৈছে৷

 

 

 

জাতীয় শিক্ষা সংসদৰ শিক্ষক প্ৰশিক্ষণৰ হাতপুথি প্ৰস্তুতৰ শিক্ষক প্ৰশিক্ষণৰ প্ৰক্ৰিয়া আৰু অন্যান্য বিষয়সমূহ খৰচি মাৰি আলোচনা কৰাৰ বাবে সংসদৰ এক গুৰুত্বপূৰ্ণ বৈঠক সম্পন্ন হয় অসম সাহিত্য সভাৰ ৰাধাগোবিন্দ বৰুৱা প্ৰেক্ষাগৃহত। বুনিয়াদী স্তৰত গুৰুত্ব দি ৰাষ্ট্ৰীয় শিক্ষানীতিৰ আধাৰত জাতীয় শিক্ষা সংসদে পাঠ্যপুথি প্ৰকাশত এই গুৰুত্বপূৰ্ণ বৈঠকে অনুমোদন দিয়ে। জাতীয় আদৰ্শ শিক্ষা সংসদৰ উপাধ্যক্ষ ডাঃ জয়ন্তবিশ্ব শৰ্মা, সচিব ৰাণা বশিষ্ঠ, বিশিষ্ট ভাষাবিদ, সাহিত্যাচাৰ্য ড০ ৰমেশ পাঠক, অসম সাহিত্য সভাৰ প্ৰাক্তন সভাপতি ড০ পৰমানন্দ ৰাজবংশী, সভাৰ প্ৰাক্তন প্ৰধান সম্পাদক পদুম ৰাজখোৱা, কৃতি শিক্ষক তথা সংসদৰ পাঠ্যক্ৰম সমন্বয়ক সমিতিৰ সভাপতি গৌৰীকান্ত ভূঞা, বিশিষ্ট পণ্ডিত সাহিত্যাচাৰ্য ড০ পৰাগ কুমাৰ ভট্টাচাৰ্য, ৰিপুঞ্জয় বৰদলৈ, সুৰেন গোস্বামী, জগন্নাথ ৰাজবংশী, কমল চৌধুৰী, ড০ সঞ্জীৱ কুমাৰ শৰ্মা, যতীন্দ্ৰনাথ সূত, পংকজ কুমাৰ দত্ত, ৰমানন্দন বৰা আদিয়ে অংশ লয়।

 

 

 

সভাৰ আৰম্ভণিতে পাঠ্যক্ৰম প্ৰস্তুতি বিষয়ত সংসদৰ লক্ষ্য, উদ্দেশ্যে আৰু দৃষ্টিভংগীৰ বিষয়ে আভাস দিয়ে ডাঃ জয়ন্ত বিশ্ব শৰ্মাই। সংসদে সেৱাৰ মনোভাৱেৰে কাম কৰি থকা সুপৰিকল্পনাৰে আগবাঢ়ি গৈ কণকণ ছাত্ৰ ছাত্ৰীসকলক বুনিয়াদী স্তৰৰ পৰা প্ৰকৃতাৰ্থত মানৱ সম্পদ ৰূপে গঢ়াত গুৰুত্ব দিব বুলি কয়। জাতীয় আদৰ্শ শিক্ষা সংসদৰ এই কল্যাণমুখী প্ৰকল্পই অসমৰ জাতীয় জীৱনত বহুমূলীয়া বৰঙণি আগবঢ়াব বুলি মন্তব্য দিয়ে ড০ পৰাগ কুমাৰ ভট্টাচাৰ্যই। উন্নত মানৰ পাঠ্যক্ৰমৰে অসমৰ প্ৰাথমিক পৰ্যায়ৰ শিক্ষাত এইদৰে নতুনত্ব প্ৰয়াসেৰে অসম জাতীয় আদৰ্শ শিক্ষা সংসদে কৰা কাম কাজক বিভিন্নজনে শলাগিছে।

কানাডা চলচিত্ৰ মহোৎসৱত সন্মান আজুৰিলে বড়ো অভিনেত্ৰীয়ে

কানাডাত অনুষ্ঠিত হোৱা আন্ত:ৰাষ্ট্ৰীয় চলচিত্ৰ মহোৎসৱত সন্মানিত হৈছে বড়ো অভিনেত্ৰী পানছি ব্ৰহ্ম।

Dusk ছবিখনৰ বাবে তেওঁ সন্মানিত হৈছে।এই ছবিখন পৰিচালনা কৰিছে উজ্বল প’লে আৰু সহযোগী অভিনেতা মনোজ কৰে।উল্লেখযোগ্য যে পানছি ব্ৰহ্ময়ে আন্তৰাষ্ট্ৰীয় বিভিন্ন চলচ্চিত্ৰ সন্মানৰ বাবে নিৰ্বাচিত হৈছে।আন্ত:ৰাষ্ট্ৰীয় ফিল্ম মহোৎসৱত নিৰ্বাচিত হোৱা পানছি ব্ৰহ্ম প্ৰথমগৰাকী বড়ো অভিনেত্ৰী।

মন কি বাত অনুষ্ঠানৰ জৰিয়তে দেশবাসীক বিজয়া দশমীৰ শুভেচ্ছা জনালে প্ৰধানমন্ত্ৰীয়ে

মন কি বাত অনুষ্ঠানৰ জৰিয়তে দেশবাসীক বিজয়া দশমী তথা দশেৰাৰ শুভেচ্ছা জনালে প্ৰধানমন্ত্ৰী নৰেন্দ্ৰ মোডীয়ে । অনুষ্ঠানৰ জৰিয়তে প্ৰথমতে প্ৰধান গৰাকীয়ে দেশবাসীক বিজয়া দশমীৰ শুভেচ্ছা জ্ঞাপন কৰে।

 

 

 

লগতে মন কি বাত অনুষ্ঠানৰ জৰিয়তে আহি থকা দিনবোৰতো আৰু অধিক সতৰ্ক হৈ থকাৰ পৰামৰ্শ দিয়ে মোডীয়ে।আনহাতে উৎসৱৰ আনন্দৰ মাজত যাতে দেশৰ জনতাই  দেশৰ বীৰ সন্তান সকলৰ কথা পাহৰি নাযায় সেই কথাও ব্যক্ত কৰে।সীমান্তত দায়িত্ব থকা জোৱানসকলৰ বাবে নিজৰ ঘৰত মাটি চাকি জ্বলোৱা আহ্বান জনায় প্ৰধানমন্ত্ৰী নৰেন্দ্ৰ মোডীয়ে।