আগন্তুক স্বাধীনতা দিৱসৰ লগত সংগতি ৰাখি ক’ভিড যুঁজাৰু সকলক সন্মান দিয়াৰ লক্ষ্যৰে সোমবাৰে সন্ধিয়া দীঘলীপুখুৰীত থকা ‘যুদ্ধ স্মাৰকত ভাৰতীয় বায়ু সেনাই দেশপ্ৰেমমূলক বেণ্ড প্ৰদৰ্শন কৰে । বেণ্ড প্ৰদৰ্শনত ক’ভিড কেয়াৰ হস্পিতালৰ পৰা ক’ভিডক পৰাভূত কৰি বিজয়ী অহা ২৬ জনে ভাগ লয় । তেওঁলোকে বেণ্ডৰ মাজত সুৰৰ মূৰ্ছনাৰে সন্ধিয়াৰ দীঘলীপুখুৰী জীপাল কৰি তোলে । অনুষ্ঠানত ভাৰতীয় বায়ু সেনাৰ উপৰি কেবাগৰাকী সেনা আৰু প্ৰাক্তন সৈনিক , এন চি চি কেডেট আৰু কিছু সংখ্যক বিশিষ্ট বাক্তি উপস্থিত থাকে ।
সমীক্ষাত প্ৰকাশ পাইছে-ৰাজ্যখনৰ মুখ্যমন্ত্ৰী হিচাপে সোণোৱালেই ভোটাৰৰ প্ৰথম পছন্দৰ প্ৰাৰ্থী
admin January 19, 2021 11:28 AM
বিজেপি নেতা তথা অসমৰ মুখ্যমন্ত্ৰী সৰ্বানন্দ সোণোৱালেই ৰাজ্যখনৰ মুখ্যমন্ত্ৰী হিচাপে ভোটাৰৰ প্ৰথম পছন্দ। আইএএনএছ-চি-ভোটাৰৰ সমীক্ষাত এইকথা প্ৰকাশ পাইছে।
সমীক্ষা অনুসৰি ৰাজ্যখনৰ শাসনভাৰ পুনৰ চলাবলৈ ভোটাৰসকলে নিৰ্বাচিত কৰিবলগীয়া নেতাসকলৰ ভিতৰত সোণোৱালেই হৈছে উপযুক্ত ৰাজনীতিবিদ।অহা ৩১মে’ত সমাপ্ত হ’বলগীয়া বিধানসভাৰ ১২৬টা সমষ্টিৰ সঁহাৰি জনোৱা লোকৰ মাজত ৩০ শতাংশৰেই সোণোৱালক পছন্দ কৰে।
সকলো বিধানসভা সমষ্টিক সামৰি ৫,০০০তকৈয়ো অধিক লোকৰ মাজত চলোৱা সমীক্ষাটোৱে দেখুৱাইছে যে ২১.৬শতাংশ নাগৰিকে বিজেপি নেতা বৰ্তমানৰ বিত্তমন্ত্ৰী হিমন্ত বিশ্ব শৰ্মাক মুখ্যমন্ত্ৰী হিচাপে পছন্দ কৰিছে।আনহাতে, কংগ্ৰেছ নেতা গৌৰৱ গগৈক মুখ্যমন্ত্ৰী হিচাপে ১৮.৮শতাংশ লোকে বিচাৰিছে আৰু ইয়াৰ পাছতে আছে এআইয়ুডিএফ নেতা বদৰুদ্দিন আজমল আৰু প্ৰাক্তন মুখ্যমন্ত্ৰী হিতেশ্বৰ শইকীয়াৰ পুত্ৰ কংগ্ৰেছ নেতা দেবব্ৰত শইকীয়া।প্ৰায় ২০ শতাংশ অসমৰ লোকে আন ৰাজনৈতিক নেতাক ৰাজ্যখনৰ মুখ্যমন্ত্ৰী হিচাপে বিচাৰিছে।
ভিউৱাছৰ মতামত