কটনৰ চুডমাৰ্চন হলত আচাম জাষ্টিচ ফ’ৰামে আয়োজন এক অনুষ্ঠানত বাঁহীবাদক দীপক শৰ্মাক মহাত্মা গান্ধী ৰাষ্ট্ৰীয় বঁটা প্ৰদান কৰে।অসমত বাঁহী জনপ্ৰিয় কৰাৰ লগতে পেছাদাৰীভাৱে বাঁহী বজালেও কোনো ধৰণৰ ধন দাবী নকৰাৰ বাবেই তেওঁক এই বঁটাৰ বাবে মনোনীত কৰা হয় বুলি জানিবলৈ দিয়ে দীপক শৰ্মাই।উল্লেখযোগ্য যে শিল্পীজনে আফ্ৰিকা,ইটালী,জাৰ্মানী,য়ক’শ্লভাকিয়া,চুইডেন,ডেনমার্ক,মৰিচাছ,গ্ৰীক,ৰাছিয়া,স্পেইন ইত্যাদি ৰাষ্ট্ৰতো বাঁহী বজাই সমাদৰ লাভ কৰিছে।বাঁহীবাদনৰ বাবে তেওঁ সত্ৰ মহাসভাৰ জীৱনজোৰা সাধনা বঁটা,নৰ্থ ইষ্ট টেলিভিচন বঁটা,ৰ’দালী বঁটা,এনাজৰী বঁটাকে আদি কৰি বহুকেইটা বঁটা লাভ কৰিবলৈ সক্ষম হৈছে।ইয়াৰ উপৰিও তেখেতে জাতিংগা ইত্যাদি,লিনেন,জংকি পানৈকে ধৰি মুঠ ৫ খন চলচিত্ৰত সংগীত পৰিচালনা কৰিছে।চলিত বৰ্ষৰ পৰিকল্পনা সন্দৰ্ভত দীপক শৰ্মাই কয় যে তেখেতৰ জন্মস্থান নলবাৰীৰ পানীগাঁৱত ‘সংগীত ভাৰতী’ নামৰ এখন সংগীত বিদ্যালয় প্ৰতিষ্ঠা কৰিব।আৰু অচিৰেই তেওঁ দুখন চিনেমাত পাৰ্শ্ব সংগীতৰ কামত ব্ৰতী হ’ব।খবৰ যুগুতালে গীতাঞ্জলি গগৈয়ে..
ভেকচিন প্ৰদানৰ ক্ষেত্ৰত জনসচেতনতা সৃষ্টিৰ ওপৰত মুখ্যমন্ত্ৰীৰ গুৰুত্ব আৰোপ
মুখ্যমন্ত্ৰী সৰ্বানন্দ সোণোৱালে আজি লখিমপুৰ জিলাৰ নাৰায়ণপুৰস্থিত দেউৰী স্বায়ত্ত শাসিত পৰিষদৰ অতিথিশালাত অনুষ্ঠিত এক বৈঠকত লখিমপুৰ আৰু ধেমাজি সাম্প্ৰতিক ক’ভিড পৰিস্থিতি বিষয়ে সবিশেষ পৰ্যালোচনা কৰে।পৰ্যালোচনা কালত মুখ্যমন্ত্ৰীয়ে জিলা উপযুক্ত তথা স্বাস্থ্য বিভাগৰ যুটীয়া সঞ্চালকৰ সৈতে মত-বিনিময় কৰি সাম্প্ৰতিক ক’ভিড সংক্ৰমণৰ সবিশেষ বুজ লয়।বৈঠকত দুয়োখন জিলাৰ উপযুক্ত সৈতে মত-বিনিময় কৰি সাম্প্ৰতিক ক’ভিড সংক্ৰমণ প্ৰতিৰোধ কৰাৰ দিশত গ্ৰহণ কৰা ব্যৱস্থা ৰাজিৰ লগতে ভেকচিন প্ৰদান, সংক্ৰমণৰ হাৰ,হাস্পতাল থকা সা-সুবিধা সমূহ বিষয়ে মুখ্যমন্ত্ৰীক সবিশেষ অৱগত কৰে।আনহাতে, দুয়োগৰাকী স্বাস্থ্য বিভাগৰ যুটীয়া সঞ্চালকে চিকিৎসা বিভাগে গ্ৰহণ কৰা পদক্ষেপ সমূহ বিষয়ে মুখ্যমন্ত্ৰীক অৱগত কৰে।
বৈঠকত মুখ্যমন্ত্ৰীয়ে জিলা দুখনত ভেকচিন প্ৰদানৰ ক্ষেত্ৰত জন সচেতন সৃষ্টিৰ বাবে প্ৰশাসনক নিৰ্দেশ দিয়ে।ৰাজহুৱা স্থানত জনসাধাৰণ যাতে মাস্ক পৰিধান কৰা লগতে সামাজিক দূৰত্ব বৰ্তাই ৰাখে সেই দিশটো নজৰ ৰাখিবলৈ মুখ্যমন্ত্ৰীয়ে কয়।মুখ্যমন্ত্ৰীয়ে লগতে ক’ভিড পজিটিভ ৰোগীৰ ক্ষেত্ৰত মাইক্ৰ কণ্টেইমেণ্ট এলেকাৰ ব্যৱস্থা কৰিবলৈ নিৰ্দেশ দিয়ে।লগতে প্ৰয়োজনীয় অক্সিজেন চিলিণ্ডাৰ আৰু আই চি ইউ বেডৰ ব্যৱস্থা মজুত ৰখাৰ বাবেও নিৰ্দেশ দিয়ে।ক’ভিড ৰোগীৰ বাবে হাস্পতাল সমূহত যাতে বিচনাৰ অভাৱ নহয় সেই সম্পৰ্কে যথোচিত পদক্ষেপ লোৱাৰ বাবেও মুখ্যমন্ত্ৰীয়ে নিৰ্দেশ দিয়ে।আনহাতে ক’ভিড পৰীক্ষা ব্যাপক হাৰত কৰাৰ ওপৰতো মুখ্যমন্ত্ৰী য়ে গুৰুত্ব আৰোপ কৰে।বিহু অনুষ্ঠান সমূহত যাতে ক’ভিড প্ৰট’কল মানি চলা হয় তাৰ বাবেও বিশেষ লক্ষ্য ৰাখিবলৈ কয়।
আজিৰ এই পৰ্যালোচনা বৈঠকত লখিমপুৰ জিলাৰ উপায়ুক্ত খৰ্গেশ্বৰ পেগু আৰু ধেমাজি জিলাৰ উপায়ুক্ত ডাঃ জীৱন বি,দুয়ো খন জিলাৰ স্বাস্থ্য বিভাগৰ যুটীয়া সঞ্চালককে ধৰি স্বাস্থ্য বিভাগ তথা প্ৰশাসনৰ উচ্চপদস্ত বিষয়া সকল উপস্থিত থাকে।
ভিউৱাছৰ মতামত