এগৰাকী কণমানিৰ মহানুভৱতাই সকলোকে দৃষ্টি আকৰ্ষণ কৰিছে ।নগাঁৱৰ বৰদোৱাৰ নিৰ্দশনা কলিতাই মুখ্যমন্ত্ৰী সাহাৰ্য্য পুঁজিলৈ ৩৩৩৩টকা বৰঙণি আগবঢ়াইছে।খ্ৰীষ্ট জ্যোতি হাইস্কুলৰ ছাত্ৰী নিদৰ্শনাই জন্মদিনৰ দিনা এনে পদক্ষেপ কিদৰে মনলৈ আহিল জানিব বিচৰাত এনেদৰে কয়-চলিত বৰ্ষত টি ভিৰ পৰ্দাত বানৰ বিভিষিকাময় পৰিবেশ দেখি ব্যৰ্থিত হৈ পৰিছিলো।সেয়েহে আজি দিনটোত এইবাৰ জন্মদিন পালন কৰিবলৈ মন ন’গল ।তাৰ পৰিবৰ্তে পূৰ্বে জমা কৰি থোৱা ১৩৩৩টকা আৰু মা দেউতাই দিয়া ২০০০টকা অনলাইন যোগে মুখ্যমন্ত্ৰী সাহাৰ্য্য পুঁজিলৈ আগবঢ়াও।জন্মদিনৰ দিনা ব্যতিক্ৰমী চিন্তাৰে সমাজসেৱা আগবঢ়োৱা নিদৰ্শনা হাজাৰ জনৰ নিদৰ্শন হৈ ৰওক।জন্মদিনৰ দিনা আমি জনালো অফুৰন্ত শুভকামনা ।
জ্যেষ্ঠ সাংবাদিক নৱ ঠাকুৰীয়ালৈ বিশেষ সন্মান
admin October 27, 2020 5:36 PM
জ্যেষ্ঠ সাংবাদিক নৱ ঠাকুৰীয়াক প্ৰেছ এমব্লেম কেম্পেইন নামৰ আন্তৰ্জাতিক সংস্থাৰ ভাৰতৰ প্ৰতিনিধি হিচাপে বাছনি কৰা হৈছে। উল্লেখযোগ্য যে চুইজাৰলেণ্ডৰ জেনেভাস্থিত সংস্থাটোৱে সমগ্ৰ পৃথিৱীতে ঘটি থকা সাংবাদিক হত্যা, সংবাদকৰ্মীৰ ওপৰত হোৱা নিগ্ৰহ আৰু শেহতীয়াকৈ ক’ভিডত মৃত্যু হোৱা সাংবাদিকৰ তালিকা প্ৰস্তুত কৰি আহিছে।
কেইবাখনো দেশৰ জ্যেষ্ঠ সাংবাদিকৰ উদ্যোগত ২০০৪ চনত জন্ম লাভ কৰা সংস্থাটোৰ সম্পাদক-প্ৰধান ব্লেইজ লেম্পেনে ঠাকুৰীয়াক এই দায়িত্ব অৰ্পনৰ বিষয়ে অৱগত কৰায়।লগতে সংস্থাটোৱে জাৰ্নেলিষ্ট ফ’ৰাম অসম সভাপতি ৰূপম বৰুৱাক ইয়াৰ সহযোগী সংগঠন হিচাপে মান্যতা প্ৰদান কৰিছে।
২০১০ চনৰ পৰা ৰাষ্ট্ৰসংঘত নিজৰ বক্তব্য উপস্থাপন কৰি অহা সংস্থাটোৱে ভাৰতবৰ্ষৰ বিভিন্ন প্ৰান্তৰ কৰ্মৰত সাংবাদিক আৰ্থিক অৱস্থা সম্পৰ্কটো অধ্যয়ন কৰিব।আজিৰ পৰা তিনিদশক পূৰ্বে অসম অভিযান্ত্ৰিক মহাবিদ্যালয়ৰ পৰা স্নাতক ডিগ্ৰী লাভ কৰা ঠাকুৰীয়াই অসমীয়া কাকতৰ জৰিয়তে সাংবাদিকতা জীৱন আৰম্ভ কৰে।
সম্প্ৰতি তেওঁ বহুকেইখন ৰাষ্ট্ৰীয় আৰু আন্ত:ৰাষ্ট্ৰীয় পৰ্যায়ৰ কাকতত সাংবাদিকতা আৰু সাংবাদিকৰ বিভিন্ন সমস্যা ওপৰত প্ৰবন্ধ লিখি আহিছে।
ভিউৱাছৰ মতামত