যি সময়ত পেলনীয়া প্লাষ্টিকৰ বাবে পৰিবেশ প্ৰদূষণে ভয়াবহ ৰূপ ধাৰণ কৰিছে,সমগ্ৰ দেশতে প্লাষ্টিকৰ কেৰী বেগ, বটল নিষিদ্ধ কৰিব লগীয়া হৈছে, তেনে সময়তে পেলনীয়া প্লাষ্টিকক সদব্যৱহাৰ কৰি শোভাবৰ্ধন কৰিছে এখন বিদ্যালয়ে । বিশেষকৈ বৰ্তমান সময়ত প্লাষ্টিকৰ পেলনীয়া বটল আৰু কেৰী বেগ, কাৰ্টুনৰ থাৰ্মকল আদি জধেমধে পেলাই দিয়া ফলত ভূমি প্ৰদূষণৰ লগতে পানীৰ নলা সমূহ বন্ধ হৈ কৃত্ৰিম বান সৃষ্টিৰ মূল কাৰণ হৈ পৰিছে। আনহাতে প্লাষ্টিকৰ এই ভয়াবহ প্ৰদূষণক অন্য মাত্ৰা প্ৰদান কৰিলে মৰিয়নীৰ জংগল ব্লক উচ্চ মাধ্যমিক বিদ্যালয়ে।জানি সুখী হ’ব যে বিদ্যালয়খনে প্লাষ্টিকৰ বটল, থাৰ্মকল, পলিথিনৰ কেৰীবেগৰ সদব্যৱহাৰ কৰি পৰিবেশ সচেতনতাৰ নিদৰ্শন দেখুৱাবলৈ সক্ষম হৈছে। অসম নগালেণ্ড সীমান্তৱৰ্ত্তী জংঘলব্লক হাইস্কুলৰ শিক্ষক শিক্ষয়ত্ৰী আৰু ছাত্ৰ ছাত্ৰী মিলি পেলনীয়া প্লাষ্টিক সমূহ সংগ্ৰহ কৰি সেই প্লাষ্টিকৰ সদ ব্যৱহাৰ কৰি বিদ্যালয়ৰ চৌপাশৰ সৌন্দৰ্য বৰ্ধনত ব্যৱহাৰ কৰিছে। উল্লেখ্য যে বিদ্যালয়ৰ শিক্ষক সকলে প্ৰত্যেক দেওবাৰে “দেওবৰীয়া চ’ৰা” নামৰ এটা অনুষ্ঠান আয়োজন কৰি ছাত্ৰ ছাত্ৰী সকলক পৰিবেশৰ প্ৰতি সচেতন কৰা লগতে এনেদৰে পেলনীয়া প্লাষ্টিকৰ বটলে জেওৰা দিয়া লগতে অৰ্কিড আৰু ফুলৰ টাব,পলিথিনৰ কেৰীবেগে ফুল তৈয়াৰ কৰিবলৈ হাতে কামে শিক্ষা দি আহিছে। আনহাতে বিদ্যালয়খনে পেলনীয়া টায়াৰ আৰু থাৰ্মকলৰ কাৰ্টুনৰো সদ ব্যৱহাৰ কৰি বিদ্যালয়ৰ সৌন্দৰ্য বৰ্ধনত ব্যৱহাৰ কৰিছে। বিদ্যালয় কৰ্তৃপক্ষই বিদ্যালয় চৌহদত দুটা প্লাষ্টিক বেংক গঢ়ি প্লাষ্টিক বোৰ গোটাই ৰাখি পিছত মৰিয়নী নগৰ সমিতিক প্ৰদান কৰি আহিছে। আনহাতে বিদ্যালয়খনৰ এই প্ৰচেষ্টাই সমগ্ৰ অঞ্চলটোতে প্লাষ্টিক প্ৰদূষণৰ প্ৰতি স্থানীয় ৰাইজকো সজাগ কৰি তুলিছে। জংঘলব্লক উচ্চ মাধ্যমিক বিদ্যালয়ে পেলনীয়া প্লাষ্টিকৰ সদ ব্যৱহাৰ কৰি বিদ্যালয় চৌহদৰ সৌন্দৰ্য্য বৰ্ধন কৰা লগতে প্লাষ্টিকৰ বাবে হোৱা ভয়াবহ পৰিবেশ প্ৰদূষণৰ প্ৰতি ছাত্ৰ ছাত্ৰীসকলক সচেতন কৰি তোলা কাৰ্য নিশ্চয়কৈ অন্য বিদ্যালয়ৰ বাবেও অনুকৰণীয়।খবৰ যুগুতালে মৰিয়নিৰ পৰা জ্যোতি প্ৰসাদ গগৈয়ে ।
বিশিষ্ট সাহিত্যিক, পদ্মশ্ৰী ডঃ কামেশ্বৰ ব্ৰহ্মক গুৰুদেৱ কালিচৰণ ব্ৰহ্ম বঁটা প্ৰদান বি টি চিৰ মুৰব্বী প্ৰমোদ বড়োৰ
গুৰুদেৱ কালিচৰণ ব্ৰহ্ম কেৱল এজন ধৰ্ম প্ৰচাৰকে নাছিল । তেওঁ আছিল এজন প্ৰকৃত সমাজ সংস্কাৰক । ১০০ বছৰৰো অধিক পূৰ্বেই তেওঁ বড়ো – অবড়োকে ধৰি সকলো জাতি – জনগোষ্ঠীৰ ৰাইজ যাতে মিলিজুলি বসবাস কৰি এখন শক্তিশালী সমাজ গঢ়ি তোলে তাৰ ওপৰত গুৰুত্ব আৰোপ কৰিছিল । গতিকে আজিৰ উঠি অহা যুৱ প্ৰজন্মই গুৰুদেৱৰ আদৰ্শৰে অনুপ্ৰাণিত হয় তাৰ বাবে যুৱ প্ৰজন্মক আহ্বান জনাইছো । এই মন্তব্য বি টি চি ৰ মুখ্য কাৰ্যবাহী সদস্য প্ৰমোদ বড়োৰ । আজি গুৱাহাটী বিশ্ববিদ্যালয়ৰ ফণীধৰ দত্ত সভাগৃহত গুৰুদেৱ কলিচৰণ ব্ৰহ্ম ট্ৰাষ্টৰ ( জি কে বি টি ) উদ্যোগত আৰু নিখিল বড়ো ছাত্ৰ সন্থাৰ ( আবছু ) গুৱাহাটী বিশ্ববিদ্যালয় শাখাৰ সহযোগত গুৰুদেৱ কালিচৰণ ব্ৰহ্মৰ ১৬২ সংখ্যক জন্মদিনৰ লগত সংগতি ৰাখি বিশিষ্ট সাহিত্যিক, বড়ো সাহিত্য সভাৰ প্ৰাক্তন সভাপতি , পদ্মশ্ৰী ডঃ কামেশ্বৰ ব্ৰহ্মক গুৰুদেৱ কালিচৰণ ব্ৰহ্ম বঁটা প্ৰদান কৰি এই মন্তব্য কৰে বি টি চি ৰ মুৰব্বী প্ৰমোদ বড়োৱে । অনুষ্ঠানটোত প্ৰমোদ বড়োৱে কয় গুৰুদেৱৰ সমাজৰ প্ৰতি আগবঢ়োৱা অৱদানৰ প্ৰতি লক্ষ্য ৰাখি এই বছৰৰ পৰা তেওঁৰ ১৮ এপ্ৰিলৰ জন্মদিনটোত বি টি চি এলেকাত চৰকাৰীভাবে সীমিত বন্ধৰ দিন হিচাপে ঘোষণা কৰা হৈছে । অহা বছৰৰ পৰা তেওঁৰ জন্মদিনৰ কাৰ্যসূচী বি টি চি ত চৰকাৰীভাবে পালন কৰা হব বুলি প্ৰমোদ বড়োৱে ব্যক্ত কৰে । আনহাতে বন্তি প্ৰজ্বলনৰে শুভাৰম্ভ হোৱা অনুষ্ঠানত উপস্থিত সকলোকে আদৰণি জনায় জি কে বি টি ৰ সম্পাদক ডঃ অজিত বড়োৱে আৰু পৌৰাহিত্য কৰে সভাপতি ৰাখেশ্বৰ ব্ৰহ্মই । অনুষ্ঠানত এছ বি ডি এছ ৰ উপদেষ্টা নিৰঞ্জন ব্ৰহ্ম , সভাপতি বিদ্যাশ্ৰী ব্ৰহ্ম , উপ সভাপতি খাউডাম বসুমতাৰী , আবছুৰ সভাপতি জলেশ্বৰ ব্ৰহ্ম ,প্ৰাক্তন সচিব প্ৰধান লাৱাৰেন্স ইছলাৰী , গুৱাহাটী বিশ্ববিদ্যালয় গোটৰ সভাপতি মিনিশ্বাৰাং ব্ৰহ্ম , সাহিত্য অকাডেমিৰ বড়ো উপদেষ্টা পৰিষদৰ আহ্বায়ক ডঃ অনিল বড়ো , বড়ো সাহিত্য সভাৰ সভাপতি তৰেণ বড়োকে ধৰি বড়ো সমাজৰ ভালে কেইজন বিশিষ্ট লোক উপস্থিত থাকে । আনহাতে বঁটাপ্ৰাপক ডঃ কামেশ্বৰ ব্ৰহ্ম শাৰীৰিক অসুস্থততাৰ বাবে উপস্থিত থাকিব নোৱৰাত বঁটা গ্ৰহণ কৰে জি কে বি টি ৰ সহকাৰী সম্পাদক পিয়াৰী মোহন ব্ৰহ্মই । এই বঁটাত আছে ৫০ হাজাৰ টকাৰ চেক , এখন অংগবস্ত্ৰ , প্ৰশস্তি পত্ৰ আৰু এটা স্মাৰক । ইয়াৰ উপৰিও শিশু সাহিত্যৰ বাবে এইবেলি ” Gothosa Bisombi ” গ্ৰন্থৰ বাবে সাহিত্য অকাডেমি বঁটা লাভ কৰা বাবে ডঃ অজিত বড়োক অনুষ্ঠানত সম্বৰ্ধনা জনোৱা হয় । উল্লেখযোগ্য যে বিগত বৰ্ষত বিদ্যাসাগৰ নাৰ্জাৰীক গুৰুদেৱ কালিচৰণ ব্ৰহ্ম বঁটা প্ৰদান কৰা হৈছিল ।
ভিউৱাছৰ মতামত