প্ৰেৰণা শৈক্ষিক ন্যাসৰ স্মাৰক বঁটা প্ৰদান

চৰাইদেউ জিলাৰ বৃহত্তৰ মাহমৰা অঞ্চলৰ নাট্যচৰ্চাৰ একমাত্ৰ অনুষ্ঠান পলস নাট্যমঞ্চৰ বুকুত জন্ম লাভ কৰা প্ৰেৰণা শৈক্ষিক ন্যাসৰ চলিত বছৰৰ শৈক্ষিক বঁটাসমূহ প্ৰদান কৰে ৷ পলস নাট্যমঞ্চ আৰু প্ৰেৰণা শৈক্ষিক ন্যাসৰ বিষয়ববীয়াসকলে কালি চলিত বছৰত উচ্চ মাধ্যমিক চূড়ান্ত পৰীক্ষাত সুখ্যাতিৰে উত্তীৰ্ণ চাৰিগৰাকী মেধাৱী তথা সাহিত্য আৰু সাংস্কৃতিকভাৱে প্ৰতিভাসম্পন্ন চাৰিগৰাকী শিক্ষাৰ্থীক সাম্প্ৰতিক পৰিস্থিতিৰ প্ৰতি লক্ষ্য ৰাখি ঘৰে ঘৰে গৈ চলিত বছৰৰ প্ৰেৰণা বঁটা প্ৰদান কৰে৷

 

 

সেই অনুসৰি ধেমাজি দিচাংপানী উচ্চতৰ মাধ্যমিক বিদ্যালয়ৰ পৰা উচ্চ মাধ্যমিক চূড়ান্ত পৰীক্ষাত সুখ্যাতিৰে উত্তীৰ্ণ গৌতম ফুকনক ন্যাসৰ তৰফৰ প্ৰয়াত কুলধৰ কোঁৱৰ স্মাৰক বঁটা প্ৰদান কৰা হয় ৷ প্ৰয়াত কুলধৰ কোঁৱৰৰ কন্যা তথা ধেমাজি দিচাংপানী উচ্চতৰ মাধ্যমিক বিদ্যালয়ৰ অধ্যক্ষা বিজয়া কোঁৱৰে প্ৰদান কৰা এই বঁটাত আছিল প্ৰশস্তিপত্ৰ, ফুলাম গামোচা, গ্ৰন্থৰ টোপোলা আৰু নগদ তিনি হাজাৰ টকা ৷

 

একেখন বিদ্যালয়ৰে মেধাৱী ছাত্ৰী মাম্পী ফুকনক প্ৰদান কৰা হয় প্ৰয়াত বিষেশ্বৰী ফুকন সোঁৱৰণি বঁটা ৷ পৰিয়ালৰ হৈ ক্ষীৰোদ ফুকনে প্ৰদান কৰা এই বঁটাত আছে এখন ফুলাম গামোচা, প্ৰশস্তিপত্ৰ, গ্ৰন্থৰ টোপোলা আৰু নগদ দুহাজাৰ টকা ৷ আনহাতে, প্ৰয়াত তুলসী গগৈ সোঁৱৰণি স্মাৰক বঁটা প্ৰদান কৰা হয় মাহমৰা উচ্চ মাধ্যমিক বিদ্যালয়ৰ পৰা সুখ্যাতিৰে উত্তীৰ্ণ হোৱা মেধাৱী ছাত্ৰী অনন্যা কোঁৱৰক ৷ এই বঁটাত আছে ফুলাম গামোচা, প্ৰশস্তিপত্ৰ, গ্ৰন্থৰ টোপোলা আৰু নগদ তিনি হাজাৰ টকা ৷ মিলনপুৰ দেউঘৰীয়া উচ্চ মাধ্যমিক বিদ্যালয়ৰ পৰা সুখ্যাতিৰে উত্তীৰ্ণ গীতিকা বৰুৱাক আগবঢ়োৱা হয় প্ৰয়াত গগণ চন্দ্ৰ কোঁৱৰ স্মাৰক বঁটা ৷ এই বঁটাত আছে ফুলাম গামোচা, প্ৰশস্তিপত্ৰ, গ্ৰন্থৰ টোপোলা আৰু নগদ তিনি হাজাৰ টকা৷

 

 

প্ৰেৰণা শৈক্ষিক ন্যাসৰ সচিব ৰাণা মহন বৰুৱা আৰু পলস নাট্যমঞ্চৰ সচিব দাদুল বৰুৱাই আঁত ধৰা বঁটা প্ৰদান অনুষ্ঠানত প্ৰেৰণা শৈক্ষিক ন্যাসৰ সঞ্চালক পূৰ্ণানন্দ বৰুৱা, পলস নাট্যমঞ্চৰ সঞ্চালক দ্বিপেন কুমাৰ বৰুৱা, উপ-সঞ্চালক নৃপেন বৰুৱা, দিবাকৰ শেনচোৱা, পূৰ্ণ ৰাজকোৱঁৰ, ধেমাজি দিচাংপানী উচ্চতৰ মাধ্যমিক বিদ্যালয়ৰ অধ্যক্ষা বিজয়া কোঁৱৰ, মৰাণ মহাবিদ্যালয়ৰ সহকাৰী অধ্যাপক প্ৰণৱ কুমাৰ বাঢ়ৈ, কবি নোমল চেতিয়া, পলসৰ কাৰ্যবাহী সচিবদ্বয় ডুলেন ফুকন, সুনীল গগৈ, শিক্ষক দৌলত ফুকন, শান্ত ফুকন, আয়ত্ৰী ফুকন আদি উপস্থিত থাকি বঁটাসমূহ প্ৰদান কৰে ৷

খবৰ যুগুতালে সোণাৰিৰ পৰা অভিজিত ভূঞাই..

Share on whatsapp
WhatsApp
Share on facebook
Facebook
Share on twitter
Twitter
Share on email
Email

মন কি বাত অনুষ্ঠানৰ জৰিয়তে দেশবাসীক বিজয়া দশমীৰ শুভেচ্ছা জনালে প্ৰধানমন্ত্ৰীয়ে

মন কি বাত অনুষ্ঠানৰ জৰিয়তে দেশবাসীক বিজয়া দশমী তথা দশেৰাৰ শুভেচ্ছা জনালে প্ৰধানমন্ত্ৰী নৰেন্দ্ৰ মোডীয়ে । অনুষ্ঠানৰ জৰিয়তে প্ৰথমতে প্ৰধান গৰাকীয়ে দেশবাসীক বিজয়া দশমীৰ শুভেচ্ছা জ্ঞাপন কৰে।

 

 

 

লগতে মন কি বাত অনুষ্ঠানৰ জৰিয়তে আহি থকা দিনবোৰতো আৰু অধিক সতৰ্ক হৈ থকাৰ পৰামৰ্শ দিয়ে মোডীয়ে।আনহাতে উৎসৱৰ আনন্দৰ মাজত যাতে দেশৰ জনতাই  দেশৰ বীৰ সন্তান সকলৰ কথা পাহৰি নাযায় সেই কথাও ব্যক্ত কৰে।সীমান্তত দায়িত্ব থকা জোৱানসকলৰ বাবে নিজৰ ঘৰত মাটি চাকি জ্বলোৱা আহ্বান জনায় প্ৰধানমন্ত্ৰী নৰেন্দ্ৰ মোডীয়ে।

এগৰাকী চিকিৎসকে শিশুৰ বাবে এখন উদ্যান আগবঢালে

পূজা বতৰত শিশু সকললৈ পূজা উপহাৰ আগবঢ়ালে এগৰাকী চিকিৎসকে ।তিনিচুকীয়া জিলা ডিগবৈ ৰশ্মিতা উপাধ্যায় নামৰ চিকিৎসক গৰাকীয়ে সপ্তমী দিনা এখন শিশু উদ্যান আগবঢালে।

 

চিকিৎসক গৰাকীয়ে ডিগবৈ বালিজান প্ৰাথমিক বিদ্যালয়ৰ প্ৰাঙ্গনত পিতৃ মাতৃ সোঁৱৰণত এখনি শিশু উদ্যান স্থাপন কৰে। এই শিশু উদ্যান খন শুভ উদ্বোধন কৰে অসম চিকিৎসা মহাবিদ্যালয় অৱসৰপ্ৰাপ্ত অধ্যক্ষ ড° নাৰায়ণ উপাধ্যায় । উল্লেখযোগ্য যে চিকিৎসক গৰাকী এনে মহানুভৱতাক অঞ্চলবাসীয়ে শলাগ লয়।

জিৰাফক চাহ বাগিছাৰ মাজত ৰাখিছে,কিন্তু কিয়

হাতীৰ উপদ্ৰপৰ পৰা ৰক্ষা পাবলৈ নুমলীগড় চাহ বাগিচাৰ কর্তৃপক্ষই গ্ৰহণ কৰিছে এক বিশেষ পদক্ষেপ।ধলাগুৰি চাহ বাগিচাৰ কৰ্তৃপক্ষই গ্ৰহণ কৰিছে এই ব্যৱস্থা।

 

উল্লেখযোগ্য যে ধলাগুৰি চাহ বাগিচাত চাহ বাগানৰ মাজত স্থাপন কৰিছে এক জিৰাফৰ  কাঠৰ প্ৰতিমূৰ্তি । চাহ বাগিচাৰ কর্তৃপক্ষই বিশ্বাস কৰে যে বনৰীয়া হস্তীয়ে এই জিৰাফক দেখিলে দূৰতে বিদূৰ হ’ব। সেইসূত্রে তেওঁলোকে জিৰাফৰ প্ৰতিমূৰ্তি বাগিচাত স্থাপন কৰিছে।

উল্লেখযোগ্য যে এই প্ৰকাণ্ড কাঠৰ জিৰাফটো দেখিলে বন্যহস্তী যাক আঁতৰি যায়।যি সময়ত হাতী মানুহৰ সংঘাতে ভয়াৱহ ৰূপ ধাৰণ কৰিছে,সেই সময়ত বাগিচাৰ কৰ্তৃপক্ষই জিৰাফক বাগিছাত স্থাপন কৰি নিৰ্দশন দাঙি ধৰিছে।

পূজা মণ্ডপত মাস্ক বিতৰণ কৰিলে অভিনেত্ৰী আইমী বৰুৱাই

প্ৰতিকূল বতৰৰ মাজতে উদযাপন হৈছে দেৱী দূর্গাৰ পূজা।কিনকিনীয়া বৰষুণে পূজাৰ পৰিৱেশ অধিক সেমেকা কৰি তুলিছে।

 

ক’ৰণা পৰিস্থিতিৰ  আৰু বৰষুণৰ বাবে এইবাৰৰ পূজা মণ্ডপসমূহত নাই ভক্তৰ ভিৰ। চৰকাৰী নীতি নিয়ম পালন কৰি ৰাইজ ঠাইয়ে ঠাইয়ে পূজা মণ্ডপত ভিৰ কৰা পৰিলক্ষিত হৈছে।

আনহাতে শনিবাৰে জাগীৰোডৰ বিভিন্ন পূজা মণ্ডপত দেখা গ’ল জনপ্ৰিয় অভিনেত্ৰী আইমী বৰুৱাক।প্ৰতিবাৰৰ দৰে এইবাৰো অভিনেত্ৰী গৰাকীয়ে জাগীৰোড সমষ্টিৰ বিভিন্ন পূজা মণ্ডপ পৰিদৰ্শন কৰি দেৱীৰ আশীষ লোৱা পৰিলক্ষিত হয়।এইবাৰ অভিনেত্ৰীগৰাকীয়ে জাগীৰোড বিভিন্ন পূজা মণ্ডপত ৩০ হাজাৰ মাস্ক বিতৰণ কৰে।