পৰ্বত আৰোহণ কৰিব অঞ্জলি দাসে

সুদূৰ হিমালয়ৰ হিম চেচা শুকুলা বুকু বগাই মাউণ্ট এভাৰেষ্ট বিজয়ী হোৱাৰ দু:সাহস বহুতৰে আছে। কিন্তু আৰ্থিক দৈন্যতা অথবা বিভিন্ন অভাৱ অনাটনে সেই আশাই বাস্তৱ ৰূপ নাপায় । তাৰ মাজতো কেবাগৰাকীও অসম সন্তানে হিমালয়ৰ বুকু বগাবলৈ প্ৰয়াস কৰি আহিছে। এইবেলি অহা এপ্ৰিল মাহত প্ৰথমবাৰৰ বাবে এগৰাকী অসমীয়া জীয়ৰীয়ে হিমালয়ৰ বুকু বগায় মাউণ্ট এভাৰেষ্ট বিজয়ৰ বাবে যাত্ৰাৰ আৰম্ভ কৰিব। বুকুত অদম্য সাহস মূলধন হিচাপে লৈ সাজু হোৱা দক্ষিণ কামৰূপৰ ছাটাবাৰীৰ জীয়ৰী তথা জ্ঞানপীঠ বঁটা বিজয়িনী ড০ মামণী ৰয়ছম গোম্বামীৰ ওপজা গাও বৰিহাটৰ স্বামিহাৰা বোৱাৰী অঞ্জলি দাসে আজি আৰ্থিক দৈন্যতাৰ বাবে থমকি ৰ’ব লগা হোৱাটো পৰিতাপৰ কথা। দাসে শৈশৱৰ পৰাই খেলা ধূলাত বিশেষ পাৰদৰ্শিতা দেখুৱাই সময়ে সময়ে ৰাষ্ট্ৰীয় আৰু আন্ত: ৰাষ্ট্ৰীয় পৰ্য্যায়ত উজ্বলি উঠিবলৈ সক্ষম হৈছে। এবছৰ পূৰ্বে কলিকতাত অনুষ্ঠিত হোৱা মাৰথন দৌৰত দেশৰ ভিতৰত দ্বিতীয় স্থান লাভ কৰি ভাৰত ৰত্ন শচীন টেণ্ডুলকাৰৰ পৰা মডেল গ্ৰহণ কৰিবলৈয়ো সক্ষম হৈছিল। দেশৰ বিভিন্ন প্ৰান্তলৈ গৈ চাইকেলিং, মাৰথন, পৰ্বতাৰোহণ আদিত নিজৰ প্ৰতিভাৰ সুকীয়া পৰিচয় দিবলৈ সক্ষম হোৱা অঞ্জলিয়ে এইবেলি অহা এপ্ৰিল মাহত মাউণ্ট এভাৰেষ্ট বিজয়ৰ বাবে হিমালয়ৰ বুকুত বগাবলৈ নিৰ্বাচিত হৈছে যদিও আৰ্থিক দৈন্যতাই হতাশ কৰিছে মহিলাগৰাকীক । প্ৰায় ৩২ লাখ টকা ব্যয় হ’বলগীয়া এই যাত্ৰাৰ বাবে প্ৰায় ৩ মাহ পূৰ্বে স্বামীক হেৰুওৱা তথা এটা পু্ত্ৰ সন্তানৰ মাতৃ প্ৰায় দুকুৰী বছৰীয়া অঞ্জলিৰ নাই সামৰ্থ। ৰাজ্যৰ মুখ্যমন্ত্ৰী সৰ্বানন্দ সোণোৱালক আৰ্থিক সহায়ৰ বাবে আবেদন জনাইছে যদিও এতিয়ালৈ লাভ কৰা নাই কোনোধৰণৰ সঁহাৰি। চৰকাৰৰ আৰ্থিক সহায় অবিহনে অঞ্জলিয়ে সফল হ’ব নোৱাৰিব মাউণ্ট এভাৰেষ্ট বিজয়ৰ এই যাত্ৰাত । মুখ্যমন্ত্ৰীৰ সহাঁৰিলৈ বাট চাই থকা অঞ্জলিৰ কাষত এইবাৰ থিয় দিছে বিভিন্ন দল সংগঠন তথা শুভকাংক্ষী। কিন্তু প্ৰয়োজন হোৱা এই বৃহৎ ধনৰাশিৰ বাবে চৰকাৰৰ সহায়ৰ হাত নিত্যান্তই প্ৰয়োজনীয়। আনহাতে গুৱাহাটীস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমান বন্দৰ প্ৰাধিকৰণৰ তৰফৰ পৰা সহযোগিতা কৰাৰ আশ্বাস দিছে যদিও সেই সহায়ৰ হাত কেনেধৰণৰ হ’ব সেয়া এতিয়ালৈ স্পষ্ট হোৱা নাই। দল সংগঠন, স্থানীয় লোকৰ লগতে দাসে আশা কৰিছে মুখ্যমন্ত্ৰীয়ে শেষ পৰ্য্যায়ত হ’লেও সহযোগিতা আগবঢ়াব। কোনো সদাশয় ব্যক্তি বা দল সংগঠনে যদি অঞ্জলি দাসক সহায়ৰ হাত আগবঢ়াব বিচাৰে তেনেহ’লে ৯৩৬৫২৩১৫০৩ নম্বৰত যোগাযোগ কৰিবলৈ অনুৰোধ জনাইছে। প্ৰথমবাৰৰ বাবে এগৰাকী অসমীয়া জীয়ৰী অঞ্জলী দাসে মাউণ্ট এভাৰেষ্ট যাত্ৰাৰ বাবে সুযোগ লাভ কৰাতো দক্ষিণ কামৰূপ তথা অসমবাসীৰ বাবে গৌৰৱৰ বিষয়।

খবৰ যুগুতালে মিৰ্জাৰ পৰা জীতুমণী দাসে.. 

Share on whatsapp
WhatsApp
Share on facebook
Facebook
Share on twitter
Twitter
Share on email
Email

চলা সংৰক্ষিত বনাঞ্চল সংৰক্ষণৰ বাবে বিশেষ পদক্ষেপ সচেতন ৰাইজৰ

চৰাইদেউ জিলাৰ বনাঞ্চল সমূহৰ ভিতৰত অন্যতম এখন হ’ল চলা সংৰক্ষিত বনাঞ্চল। এই বনাঞ্চল খনৰ বন ধ্বংস কাৰ্য ৰোধ কৰিবলৈ কাষৰীয়া অঞ্চলৰ ৰাইজে কিছু বছৰৰ পৰা ব্যতিক্ৰমী পদক্ষেপ গ্ৰহণ কৰি আহিছে।

 

সংৰক্ষিত বনাঞ্চল খনক চলা গ্ৰাম্য অভয়াৰণ্য হিচাপে ঘোষণা কৰি গাওঁবাসীয়ে ইয়াত গছপুলি ৰোপণ আৰু প্ৰতিপালন কৰাৰ লগতে বিভিন্ন সজাগতামূলক কাৰ্যসূচী ৰূপায়ন কৰি অহাৰ খবৰ বিভিন্ন সংবাদ মাধ্যমত প্ৰচাৰ হৈছিল।

 

চলা ভিলেজ চেনছুৱেৰী কনজাৰভেছন চ’ছাইটি নামেৰে এখন সমিতি গঠন কৰি বনাঞ্চলখনক সুৰক্ষাৰ বাবে স্থানীয় লোকসকল ওলাই অহা কাৰ্য ইতিমধ্যে প্ৰশংসিত হৈছে। কেৱল সেয়াই নহয় শেহতীয়াকৈ সোণাৰিৰ নাফুকস্থিত বনাঞ্চলিক বিষয়াৰ অনুমোদন সাপেক্ষে চলা সংৰক্ষিত বনাঞ্চলখনত নিশা পহৰা দিয়াৰো স্থানীয় লোকে ব্যৱস্থা কৰিছে। স্থানীয় যুৱকসকলক লৈ একোটা দল গঠন কৰি চলা ভিলেজ চেনছুৱেৰী কনজাৰভেছন চ’ছাইটিৰ সহযোগত ইতিমধ্যে পহৰা দিয়া আৰম্ভ কৰা হৈছে যাতে বনাঞ্চল খনৰ পৰা নিশা কোনো দুষ্কৃতিকাৰীয়ে কাঠৰ সৰবৰাহ কৰিব নোৱাৰে। চলা সংৰক্ষিত বনাঞ্চল সংৰক্ষণৰ বাবে চলা ভিলেজ চেনছুৱেৰী কনজাৰভেছন চ’ছাইটিয়ে গ্ৰহণ কৰা এই পদক্ষেপ এতিয়া জিলাখনত প্ৰশংসা লাভ কৰিছে।

 

ইফালে চলা ভিলেজ চেনছুৱেৰী কনজাৰভেছন চ’ছাইটিয়ে আজি দ্বিতীয় প্ৰতিষ্ঠা দিৱস উপলক্ষে সজাগতামূলক চাইক্লিং, জাংগল ট্ৰেকিং অনুষ্ঠিত কৰা লগতে এখন সজাগতা সভা অনুষ্ঠিত হয়। প্ৰতিষ্ঠা দিৱসৰ কাৰ্যসূচীত বহুকেইজন প্ৰকৃতিপ্ৰেমীৰ লগতে প্ৰাকৃতিক পৰ্যটনৰ লগত জড়িত কাজিৰঙাৰ বিতুপন কলঙো উপস্থিত থাকে।

খবৰ যুগুতালে সোণাৰিৰপৰা অভিজিৎ ভূঞাই..

আজিৰে পৰা পৰ্যটকৰ বাবে মুকলি হ’ব কাজিৰঙা ৰাষ্ট্ৰীয় উদ্যান

আজিৰে পৰা পৰ্যটকৰ বাবে মুকলি কৰা হ’ব বিশ্ব ঐতিহ্যক্ষেত্ৰ কাজিৰঙা ৰাষ্ট্ৰীয় উদ্যান।এই উপলক্ষে অনুষ্ঠিত হ’বলগীয়া কাৰ্যসূচীত মুখ্য অতিথি হিচাপে উপস্থিত থাকিব অসমৰ মুখ্যমন্ত্ৰী সৰ্বানন্দ সোণোৱাল।

 

কাজিৰঙা ৰাষ্ট্ৰীয় উদ্যানৰ কৰ্তৃপক্ষই সদৰি কৰা  জানিবলৈ অনুসৰি প্ৰতিকূল বতৰ আৰু ৰাষ্ট্ৰীয় উদ্যান খনৰ ভিতৰভাগ বাট-পথৰ অৱস্থা প্ৰতি লক্ষ্য ৰাখি কাজিৰঙা বনাঞ্চল কঁহুৱা আৰু পশ্চিম বনাঞ্চল বাগৰিত কেৱল জীপ ছাফাৰি পৰ্যটকৰ বাবে মুকলি কৰা হ’ব।

পূজাৰ প্ৰাকক্ষণত দুৰ্গাদেৱীক দেখা গৈছে চিকিৎসকৰ ৰূপত,কিন্তু ক’ত

সমাগত দুৰ্গা পূজা। এইবাৰ দূৰ্গাপূজা উলহে মালহে উদযাপন কৰিবলৈ নোৱাৰিলেও বিভিন্ন জনে বিভিন্ন ধৰণৰ থিমলৈ প্ৰতিমূৰ্তি নিৰ্মাণ কৰিছে। এই খবৰ এন ই ফ’কাচ ডট কমৰ জৰিয়তে ইতিমধ্যে প্ৰকাশ পাইছে।

 

 

পূজাৰ প্ৰাকক্ষণত চ’চিয়েল মেডিয়াত ভাইৰেল হৈ পৰিছে দুৰ্গা দেৱী অন্য এক ৰূপত । চ’চিয়েল মেডিয়াত ভাইৰেল হোৱা ফটোত দুৰ্গা দেৱীক দেখা গৈছে চিকিৎসকৰ ৰূপত, মহিসাসুৰক দেখা গৈছে ক’ৰণা ভাইৰাছৰ ৰূপত । গণেশক দেখা গৈছে পুলিচৰ ৰূপত।সমসাময়িক প্ৰতিছবি প্ৰতিফলিত কৰা এই মূৰ্তিৰ ছবিসমূহ প্ৰকৃততে ক’ত নিৰ্মাণ কৰা হৈছে তাক সঠিককৈ এতিয়ালৈ জানিব পৰা হোৱা নাই।

নাৰ্ছাৰী প্ৰতিষ্ঠা কৰিছে এজন অৱসৰপ্ৰাপ্ত শিক্ষকে

এজন অৱসৰপ্ৰাপ্ত শিক্ষকে নিজা প্রচেষ্টাৰে সাজি উলিয়াইছে এখন নাৰ্ছাৰী।নাৰ্ছাৰীখনৰ নাম বন্দনা। আজি এই বন্দনা নামৰ নাৰ্ছাৰীখন আনুষ্ঠানিকভাৱে মুকলি হয়।

 

 

নাৰ্ছাৰীখন আনুষ্ঠানিকভাৱে মুকলি কৰে অৱসৰপ্ৰাপ্ত শিক্ষক হেমেন শইকীয়াই।নাৰ্ছাৰীখন উদ্বোধন কৰি শিক্ষক হেমেন শইকীয়াই হিৰোজ শইকীয়াৰ প্ৰচেষ্টাক শলাগ লয়।উল্লেখযোগ্য যে নাৰ্ছাৰীখনৰ ১৫০ ৰো অধিক বিভিন্ন প্ৰজাতি ফুল আছে।আজি অনুষ্ঠিত অনুষ্ঠানত হিৰোজ শইকীয়াৰ পৰিয়ালবৰ্গ, বিভিন্ন আমন্ত্ৰিত ব্যক্তিৰ লগতে বালিপাৰাৰ বিভিন্ন ৰাইজ ,শুভাকাংক্ষী উপস্থিত থাকে।

খবৰ যুগুতালে বালিপাৰাৰ পৰা প্ৰাঞ্জল বৰাই..