চৰকাৰৰ উদ্যোগত তথা বাণিজ্য বিভাগৰ বিপনী আঁচনিৰ অধীনত আৰু ধাৰাপুৰ স্নেহ গ’ল্ড ফাউণ্ডেচনৰ সহযোগত বিগত ৬ ডিচেম্বৰৰ পৰা পাঁচদিনীয়া কাৰ্যসূচীৰে ধাৰাপুৰ স্কুল খেলপথাৰত অনুষ্ঠিত হোৱা বাণিজ্য মেলাৰ প্ৰদৰ্শনীৰ আজি সফল সামৰণি পৰে।ধাৰাপুৰ স্কুল খেলপথাৰত প্ৰথমবাৰৰ বাবে বাণিজ্য বিভাগৰ উদ্যোগত অনুষ্ঠিত বাণিজ্য মেলাখনে ক্ৰেতা দৰ্শকৰ যথেষ্ট সঁহাৰি লাভ কৰা পৰিলক্ষিত হয়।বাণিজ্য মেলা পৰিচালনা সমিতিৰ সভাপতি গৌতম দাস,সম্পাদক কুশল চন্দ্ৰ কলিতা আৰু সাধাৰণ সম্পাদক হেমন্ত কলিতাই এই সন্দৰ্ভত জানিবলৈ দিয়া মতে বাণিজ্য মেলাখনত ৰাজ্যখনৰ ভিন্ন প্ৰান্তৰ মুঠ ৮২ টা বাণিজ্যিক বিপনীয়ে অংশগ্ৰহণ কৰে।খাদ্যসামগ্ৰী,বস্ত্ৰসম্ভাৰ,ঘৰুৱা আঁচ-বাব,প্ৰসাধন সামগ্ৰীকে ধৰি বিভিন্ন সা-সামগ্ৰী উপলব্ধ হোৱা বাণিজ্য মেলালৈ প্ৰতিদিনে যথেষ্ট লোকৰ সমাগম ঘটে।ইপিনে বাণিজ্য মেলাৰ সৈতে সংগতি ৰাখি আধুনিক গীত,একক আধুনিক নৃত্য,চিত্ৰাংকন আৰু দিহানাম প্ৰতিযোগিতা অনুষ্ঠিত হয়।আধুনিক গীত প্ৰতিযোগিতাৰ ক শাখাত গুনগুন কাশ্যপে প্ৰথম,ভাস্বতী ৰাজবংশীয়ে দ্বিতীয় আৰু আকাংক্ষা শৰ্মাই তৃতীয় স্থান লাভ কৰে।আনহাতে খ শাখাত নিৰ্মালী দাসে প্ৰথম,কৃতিকা নাথ আৰু ৰিম্পী কলিতাই যুতীয়াভাৱে দ্বিতীয় আৰু দেৱাস্মিতা কাশ্যপে তৃতীয় স্থান লাভ কৰে।একক আধুনিক নৃত্য প্ৰতিযোগিতাত ক শাখাৰ প্ৰথম বনাশিখা দত্ত আৰু নম্ৰতা শৰ্মাই দ্বিতীয় আৰু কৃতিকা কলিতাই তৃতীয় স্থান লাভ কৰাৰ লগতে খ শাখাৰ নেহা জেচিয়ে প্ৰথম,স্নেহা কৰে দ্বিতীয় আৰু ভায়েলিনা দাসে তৃতীয় স্থান অৰ্জন কৰে।তদুপৰি চিত্ৰাংকন প্ৰতিযোগিতাত বিশ্বজিৎ দাসে প্ৰথম,গীতাৰ্থ কলিতাই দ্বিতীয় আৰু ফাৰিদা চুলতানাই তৃতীয় স্থান লাভ কৰে।লগতে দিহানাম প্ৰতিযোগিতাত আজাৰাৰ মহামায়া নামতী দলে প্ৰথম,ধাৰাপুৰৰ নিজৰা কলিতাৰ দলে দ্বিতীয় আৰু মাজৰগাঁৱৰ যামিনী কলিতাৰ দলে তৃতীয় স্থান অৰ্জন কৰে।উল্লেখ্য যে এম.বি বিপনী উদ্যোগে প্ৰথম,মা শিলু ক্ষুদ্ৰ উদ্যোগ,পল্লবী ক্ৰিয়েচন আৰু শেৱালি উদ্যোগে যুটীয়াভাৱে দ্বিতীয়,হাইদৰ কেন এণ্ড বেম্ব’ ইণ্ডাষ্ট্ৰী আৰু অমিয়া ইণ্ডাষ্ট্ৰীয়ে যুটীয়াভাৱে তৃতীয় শ্ৰেষ্ঠ বাণিজ্যিক বিপনীৰ বঁটা লাভ কৰে।স্নেহ গ’ল্ড ফাউণ্ডেচনৰ উদ্যোগত অনুষ্ঠিত বঁটা বিতৰণী সভাত শ্ৰেষ্ঠ প্ৰতিযোগী ফলক বঁটা আৰু মানপত্ৰ প্ৰদান কৰা হয়।উল্লেখ্য বাণিজ্য মেলাৰ সৈতে সংগতি ৰাখি অনুষ্ঠিত বৰ্ণময় সাংস্কৃতিক অনুষ্ঠানত অদিষ্ণা ৰাজবংশী,জ্ঞানশংকৰ বৰুৱা,জিলমিল ৰূপালী জোনাক,লতিকা দাস আৰু মিচ গাৰ্গীয়ে সংগীত পৰিৱেশন কৰি উপস্থিত সকলোকে আপ্লুত কৰে।
গুৱাহাটীত উপস্থিত হ’ল নিৰ্বাচন আয়োগৰ দল
সমাগত ২০২১ চনৰ বিধানসভা নির্বাচন৷ৰাজ্যত ইতিমধ্যে নিৰ্বাচনৰ প্ৰৰস্তুতি আৰম্ভ হৈছে।ইয়াৰ সমান্তৰালভাৱে নির্বাচন যাতে সুকলমে আৰু শান্তিপূর্ণভাৱে সৰ্মাপন হয় তাৰ বাবে দেশৰ নির্বাচন আয়োগে যাৱতীয় প্রস্তুতি অব্যাহত ৰাখিছে৷ শেহতীয়াকৈ নির্বাচন আয়োগৰ এটা উচ্চস্তৰীয় দলে অসমত উপস্থিত হৈ নির্বাচনৰ প্রাৰম্ভিক প্রস্তুতিৰ বিভিন্ন দিশৰ বুজ লৈছিল৷ ইয়াৰ পাছতেই আজি তিনিদিনীয়া ভ্রমণসূচীৰে গুৱাহাটীত উপস্থিত হয় মুখ্য নির্বাচন আয়ুক্ত সুনীল আৰোৰাৰ নেতৃত্বত সম্পূর্ণ আয়োগ৷ মুখ্য নির্বাচন আয়ুক্ত আৰোৰাৰ সৈতে দুই নির্বাচন আয়ুক্ত সুশীল চন্দ্র আৰু ৰাজীৱ কুমাৰ।
ৰাজ্য চৰকাৰৰ নির্বাচন বিভাগৰ এক সূত্রই জানিবলৈ দিয়া মতে নির্বাচন আয়োগে তিনিদিনীয়া ভ্রমণসূচীৰে অসমত থকাৰ সময়ছোৱাত গুৱাহাটীৰ হোটেল ৰেডিছন ব্লু’ত নির্বাচনৰ প্রস্তুতি সন্দর্ভত মুখ্য সচিব, অসম আৰক্ষীৰ সঞ্চালকপ্রধান, মুখ্য নির্বাচনী বিষয়া, জিলা উপায়ুক্ত অথবা নির্বাচনী বিষয়া, আৰক্ষী অধীক্ষককে ধৰি সংশ্লিষ্ট বিষয়া লগত গুৰুত্বপূর্ণ আলোচনাত অংশগ্রহণ কৰিব৷
ভিউৱাছৰ মতামত