সংগীত নাটক অকাডেমীৰ ওস্তাদ বিচমিল্লা খাঁ যুৱ বঁটা প্ৰদান অনুষ্ঠান আৰু সংগীত নাটক উৎসৱ যোৱা ১৯ আগষ্টৰ পৰা ২৩ আগষ্টলৈ বিভিন্ন কাৰ্য্যসূচীৰে মণিপুৰৰ ইম্ফলস্থিত জৱাহৰলাল নৃত্য অকাডেমিত অনুষ্ঠিত হয়। ১৯ আগষ্টত পুৱা ১০ বজাত অনুষ্ঠিত হোৱা বঁটা প্ৰদান অনুষ্ঠানত ভাৰতবৰ্ষৰ মুকাভিনয় ক্ষেত্ৰত বিশেষ পাৰদৰ্শিতা দেখুওৱাৰ বাবে গুৱাহাটী বিশ্ববিদ্যালয়ৰ ভূগোল বিজ্ঞান বিভাগৰ গৱেষক ছাত্ৰ কৰ্মৰত তথা বজালীৰ সন্তান কুলদীপ পাটগিৰীক সংগীত নাটক অকাডেমিৰ ওস্তাদ বিচমিল্লা খাঁ যুৱ বঁটা প্ৰদান কৰে মণিপুৰৰ ৰাজ্যপাল ডঃ নাজমা হেপটুল্লাই।অনুষ্ঠানত সংগীত নাটক অকাডেমিৰ অধ্যক্ষ শেখৰ সেন,সচিব ৰীতা স্বামীকে আদি কৰি ভাৰতবৰ্ষৰ কেবাজনো আগশাৰীৰ শিল্পী উপস্থিত থাকে ।পাঠশালাৰ কুলদীপ পাটগিৰীয়ে ইতিমধ্যে ভাৰত চৰকাৰৰ সাংস্কৃতিক মন্ত্ৰালয়ৰ তৰফৰ পৰা জলপানি লাভ কৰাৰ লগতে ভাৰত চৰকাৰৰ উত্তৰ-পূৱ মাণ্ডলিক সাংস্কৃতিক কেন্দ্ৰৰ পৰা ‘যুৱ প্ৰতিভা শিল্পী’ বঁটাও লাভ কৰিছে।দেশে-বিদেশে কেবাটাও আন্তঃৰাষ্ট্ৰীয় সাংস্কৃতিক আৰু যুৱ মহোৎসৱত পাটগিৰীয়ে মুকাভিনয় প্ৰদৰ্শন কৰি বঁটাও লাভ কৰিবলৈ সক্ষম হৈছে।সংগীত নাটক অকাডেমি বঁটা পাপক মইনুল হকৰ ছাত্ৰ কুলদীপ পাটগিৰীয়ে অসমৰ নৱ প্ৰজন্মৰ মুকাভিনয় শিল্পী সকলক লৈ “অসম মাইম এণ্ড স্কিট থিয়েটাৰ” নামেৰে ভাৰতবৰ্ষত অনুষ্ঠিত হোৱা কেবাটাও ৰাষ্ট্ৰীয় তথা আন্তঃৰাষ্ট্ৰীয় মুকাভিনয় মহোৎসৱত অভিনয় কৰিছে।নিজস্ব শৈলীৰে মুকাভিনয়ৰ চৰ্চা কৰাৰ লগতে সাধুকথাৰ ওপৰত মুকাভিনয় প্ৰদৰ্শন কৰা কুলদীপ অসমৰ প্ৰথমজন মুকাভিনয় শিল্পী।ভাৰতীয় বিশ্ববিদ্যালয় সংস্থাৰ স্বীকৃতি প্ৰাপ্ত বিচাৰক কুলদীপ পাটগিৰীৰ পৰিচালনাত বিশ্ববিদ্যালয়ৰ দলে ২০১৩ চনৰ পৰা ২০১৯ চনলৈকে একেৰাহে পূৱ মাণ্ডলিক আন্তঃ বিশ্ববিদ্যালয় যুৱ মহোৎসৱত সোণৰ পদক লাভ কৰিবলৈ সক্ষম হৈছে।অনুষ্ঠানৰ লগত সংগতি ৰাখি সংগীত নাটক অকাডেমীয়ে আয়োজন কৰা সংগীত নাট মহোৎসৱত যোৱা ২৩ আগষ্টত কুলদীপ পাটগিৰীৰ পৰিচালনাত ‘নিৰ্বাক চতুৰ্ভুজ’ মুকাভিনয় প্ৰদৰ্শন কৰি মণিপুৰ তথা ভাৰতবৰ্ষৰ আগশাৰীৰ শিল্পী সকলৰ পৰা ভূয়সী প্ৰসংশা লাভ কৰে।মূলত চাৰিখন মুকাভিনয়,সীতাহৰণ,চকা,চুৰ-পুলিচ আৰু মা কালীত অভিনয় কৰা শিল্পীসকল আছিল কংকন তালুকদাৰ, ভূপেশ ডেকা, মনজিৎ কাকতি, প্ৰিতম তহবিলদাৰ,বৰষা শৰ্মা, ৰিংকু মালাকৰ আৰু মধুস্মিতা মহন্ত। পোহৰ নিৰ্দেশনাত মুকাভিনেতা শৈলেন কাকতি আৰু সংগীত ব্যৱস্থাপনাত আছিল কৃষা বৰুৱা, জোনালী তালুকদাৰ আৰু চম্পক বৰদলৈ।কুলদীপ পাটগিৰীৰ এই সাফল্যৰ বাবে অসমৰ বিভিন্ন অনুষ্ঠান প্ৰতিষ্ঠানে অভিনন্দন জ্ঞাপন কৰিছে।

প্ৰধানমন্ত্ৰীক দুখনকৈ গ্ৰন্থ উপহাৰ দলে অসম পাব্লিচিং কোম্পানীয়ে
সমগ্ৰ দেশতে অভিলেখৰ সৃষ্টি কৰি গুৱাহাটীৰ অসম পাব্লিচিং কোম্পানীয়ে প্ৰকাশ কৰা প্ৰধানমন্ত্ৰী নৰেন্দ্ৰ মোদীৰ দুখন কিতাপৰ অসমীয়া সংস্কৰণ কৰি প্ৰধানমন্ত্ৰী গৰাকীয়ে প্ৰকাশক সঞ্জয় কুমাৰ সান্যালৰ হাতৰ পৰা গ্ৰহণ কৰে। এখন কিতাপ হ’ল প্ৰধানমন্ত্ৰীৰ মন কী বাতৰ উদ্দীপনামূলক নিৰ্বাচিত অংশ বিশেষৰ সংকলন মোৰ প্ৰিয় দেশবাসী। কিতাপখনৰ সংকলন কৰিছে নম্ৰতা দত্তই।আনখন কিতাপ হ’ল নৰেন্দ্ৰ মোদীয়ে ৰাজনৈতিক জীৱন আৰম্ভ কৰাৰ আগৰ সময়ছোৱাত কৰা বিভিন্ন উপলদ্ধিৰ প্ৰকাশ আইলৈ চিঠি।
মূল গুজৰাটীৰ পৰা ভাৱনা চোমায়াই ইংৰাজীলৈ কৰা অনুবাদৰ পৰা আইলৈ চিঠিৰ অনুবাদক উৎপল দত্ত।দুয়োখন কিতাপৰ প্ৰচ্ছদ প্ৰসিদ্ধ চিত্ৰশিল্পী সৌৰীশ মিত্ৰৰ আৰু আইলৈ চিঠিৰ অন্তৰ্ভাগৰ অলংকৰণো শ্ৰীমিত্ৰৰেই ।শিৱসাগৰত অনুষ্ঠিত সভাত অংশগ্ৰহণ কৰিবলৈ আহোতে প্ৰধানমন্ত্ৰীৰ কাৰ্যালয়ৰ পৰা প্ৰকাশক শ্ৰীসান্যালক মাতি পঠোৱা হয় আৰু সেই আমন্ত্ৰণ মৰ্মে প্ৰকাশক গৰাকীক প্ৰধানমন্ত্ৰীয়ে নিজৰ কোঠালৈ মাতি নিয়ে তেওঁৰ হাতৰ পৰা কিতাপ দুখন গ্ৰহণ কৰে।
সেই সময়ত প্ৰধানমন্ত্ৰীৰ সতে উপস্থিত আছিল ৰাজ্যৰ মুখ্যমন্ত্ৰী সৰ্বানন্দ সোণোৱাল আৰু বিত্তমন্ত্ৰী হিমন্ত বিশ্ব শৰ্মা।প্ৰধানমন্ত্ৰী গৰাকীয়ে শ্ৰী সান্যালক তেওঁৰ কামৰ বাবে প্ৰশংসা কৰে,প্ৰতিষ্ঠানটিৰ মংগল কামনা কৰে। তেখেতে কয় যে বাধাৰ সন্মুখীন হ’লেও তুমি কাম কৰি যোৱা,কাম বন্ধ নকৰিবা।
প্ৰধানমন্ত্ৰী গৰাকীৰ কেইবাখনো কিতাপ ইতিমধ্যে বিভিন্ন ভাষাত প্ৰকাশ পাইছে যদিও একেলগে এটা ভাষাত দুখন কিতাপ প্ৰকাশ হোৱাটো এয়াই প্ৰথম।প্ৰকাশক শ্ৰী সান্যালে কয় আমাৰ প্ৰকাশনৰ স্বৰ্ণজয়ন্তী উপলক্ষে প্ৰকাশ কৰা কেইখনমান বিশেষ কিতাপৰ মাজৰ এই দুখন কিতাপৰ প্ৰকাশ অকল মোৰ বাবেই নহয় অসমৰ সকলো প্ৰকাশকৰ বাবেই গৌৰৱৰ বিষয়। মাননীয় প্ৰধানমন্ত্ৰী গৰাকীয়ে নিজ আগ্ৰহ প্ৰকাশ কৰি নিজ হাতে দুখন অসমীয়া কিতাপ গ্ৰহণ কৰাটো অসমীয়া গ্ৰন্থ প্ৰকাশন উদ্যোগৰ বাবে সন্মানজনক বুলি মই বিবেচনা কৰো।মই বিশ্বাস কৰো আমি অসমত নেচনেল লাইব্ৰেৰী দৰে বা তেনে জাতীয় বিশাল প্ৰতিষ্ঠান এটি বিচাৰিলে প্ৰধানমন্ত্ৰী গৰাকীয়ে নিশ্চয় সহাঁৰি জনাব।
ভিউৱাছৰ মতামত