শোণিতপুৰ জিলাৰ ৰঙাপৰাৰ চেন্ট পলচ্ বিদ্যালয়ৰ উদ্যোগত অলপতে বিদ্যালয়ৰ প্ৰাংগনত আন্ত: বিদ্যালয় বিজ্ঞান প্ৰদৰ্শনী অনুষ্ঠিত হয়।বিদ্যালয়ৰ ছাত্ৰ ছাত্ৰীয়ে পৰিবেশন কৰা সাংস্কৃতিক অনুষ্ঠানৰ পিছতে অনুষ্ঠানত মুখ্য অতিথি গ্ৰীনডেল বিদ্যালয়ৰ ফাডাৰ ড৹ প্ৰিন্সয়ে আন্ত: বিদ্যালয় বিজ্ঞান প্ৰদৰ্শনী শুভ উদ্বোধন কৰে। প্ৰতিযোগিতাত ৮০টাকৈও অধিক প্ৰকল্পৰ প্ৰদৰ্শন কৰা হয়। বিদ্যালয়ৰ ফাডাৰ শুশীল জন চৰেনে সংবাদ মাধ্যমক জনায় যে ৰঙাপৰাৰ ওচৰে পাজৰে থকা প্ৰায়কেইখন হাইস্কুলৰ অংশ গ্ৰহণৰে এই আন্ত: বিদ্যালয় বিজ্ঞান প্ৰদৰ্শনী অনুষ্ঠিত হয়।প্ৰদৰ্শনীত ৰঙাপৰাৰ লগতে বালিপাৰাৰ চেন্ট জনচ্,ফুলবাৰীৰ হলি কিডচ বিদ্যালয়ৰ ছাত্ৰ ছাত্ৰীয়েও অংশ গ্ৰহণ কৰে।চতুৰ্থ পৰা ষষ্ঠ মান আৰু সপ্তমৰ পৰা দশম মানলৈ দুটা শাখাত অনুষ্ঠিত হোৱা প্ৰতিযোগিতাত প্ৰথম স্থানৰ পৰা পঞ্চম স্থানপ্ৰাপ্ত প্ৰতিযোগীক চেন্ট পলচ্ বিদ্যালয়ৰ পৰা পুৰস্কৃত কৰা হয়।ছাত্ৰ ছাত্ৰীৰ মাজত বহুতো উৎসাহ উদ্দীপনা দেখা পোৱা যায়।সহস্ৰাধিক লোকৰ উপস্থিতি আৰু ছাত্ৰ ছাত্ৰীৰ পাৰদৰ্শিতাই অনুষ্ঠানটো সফল কৰি তোলে।
পশ্চিম গুৱাহাটীত ৰাইজৰ মাজত ক’ভিড সজাগতা সৃষ্টিৰ বাবে ১৭৫ চি আৰ পি এফৰ ১০০ দিনীয়া কাৰ্যসূচী আৰম্ভ
admin October 30, 2020 3:25 PM
পশ্চিম গুৱাহাটীৰ ৰাণীস্থিত ১৭৫ চি আৰ পি এফ বেটেলিয়ানৰ উদ্যোগত ৰাইজৰ মাজত ক’ভিডৰ সজাগতা সৃষ্টিৰ বাবে ১২ অক্টোবৰৰ পৰা ১০০ দিনীয়া কাৰ্যসূচী আৰম্ভ কৰা হৈছে।১৭৫ চি আৰ পি এফৰ কমাণ্ডেণ্ট সুভাষ চন্দ্ৰ শৰ্মাৰ নেতৃত্বত আৰম্ভ হোৱা সজাগতা কাৰ্যসূচীৰ অহা বর্ষৰ ১৯ জানুৱাৰীত সামৰণি পৰিব।
আনহাতে কাৰ্যসূচীৰ লগত সংগতি ৰাখি ৰাণীকে ধৰি কাষৰীয়া অঞ্চলত বাস কৰা ৰাইজৰ মাজত ক’ভিড সজাগতা সৃষ্টিৰ বাবে মাস্ক, চেনিটাইজাৰ, চাবোন, আদি বিতৰণ কৰা হয়। তেনেদৰে চাবোনৰে হাত ধোঁৱা পদ্ধতি আৰু সামাজিক দূৰত্ব বজাই ৰখা আদিৰ বিষয়ে বুজাই দিয়া হয়। কার্যসূচীত কমাণ্ডেণ্ট সুভাষ চন্দ্ৰ শৰ্মা, চেকেণ্ড-ইন-কামাণ্ড কে.এল.ধীমান, পৰিদৰ্শক দেশবীৰ সিং, উপ-পৰিদৰ্শক দিলীপ কুমাৰ তিৱাৰী, সহ: উপ-পৰিদৰ্শক বি.কে.স্বামীকে ধৰি বাহিনীটোৰ আন বিষয়া জোৱান সকলে ভাগ লয়।
ভিউৱাছৰ মতামত