বৃক্ষ ৰোপণৰ কাৰ্য্যসূচী অনুষ্ঠিত

ধেমাজি জিলাৰ বৰদলনি শাখা লেখিকা সমাৰোহ সমিতিৰ উদ্যোগত ২৬ জুলাই দিনা বৰদলনি দেউঘৰবাৰী পথত বৃক্ষ ৰোপণৰ এক বিশেষ কাৰ্যসূচী অনুষ্ঠিত হয়।

 

 

 

উক্ত বৃক্ষৰোপণ অনুষ্ঠানটিৰ লগত সংগতি ৰাখি অনুষ্ঠিত কৰা সভাখন সভাপতিত্ব কৰে বৰদলনি শাখা লেখিকা সমাৰোহ সমিতিৰ প্ৰতিষ্ঠাপক সভানেত্ৰী গুণলতা ফুকনে।সদৌ অসম লেখিকা সমাৰোহ সমিতিৰ জন্মদাত্ৰী,পদ্মশ্ৰী শীলা বৰঠাকুৰৰ লগতে লেখিকা সমাৰোহ সমিতিৰ সৈতে জড়িত কিছু দিন পূৰ্বে মৃত্যু বৰণ কৰা লাৱণ্য বৰুৱা, নীলিমা ঠাকুৰীয়া ,ভানুৰাণী শইকীয়া,ৱাহিদা বেগম আৰু টংকেশ্বৰী দেৱীক অনুষ্ঠানৰ আৰম্ভণিতে এক মিনিট সময় মৌন প্ৰাৰ্থনা কৰা হয়।

 

 

 

এচ আই বিৰ উপ ক্ষেত্ৰ সংগঠক  তথা স্থানীয় বাসিন্দা বিৰাজ বৰঠাকুৰ আৰু বৰদলনি শাখা লেখিকা সমাৰোহ সমিতিৰ সভনেত্ৰী জুনুকা ভূঞা বৰঠাকুৰৰ সহযোগত অনুষ্ঠিত উক্ত অনুষ্ঠানটিত বৃক্ষৰোপণৰ উপযোগিতা আৰু ইয়াৰ দ্বাৰা হ’ব পৰা স্বাবলম্বীতা সন্দৰ্ভত গঠন মূলক আলোচনা আগবঢ়ায়।

 

 

 

উল্লেখ্য যে সামাজিক দূৰত্ব বজাই ৰাখি অনুষ্ঠিত কৰা উক্ত অনুষ্ঠানটিত বৰদলনি কনিষ্ঠ মহাবিদ্যালয় প্ৰবক্তা উষা বুঢ়াগোহাঁই,সাংবাদিক পাৰিজাত সন্দিকৈ, বৰদলনি শাখা লেখিকা সমাৰোহ সমিতিৰ প্ৰাক্তন সম্পাদিকা ৰূপজ্যোতি বৰুৱা , বৰ্তমান সম্পাদিকা পিংকি দেৱী হাজৰিকা,  সদস্যা মীৰা দত্ত দেৱী , নম্ৰতা গোহাঁই ,জুবি বৰঠাকুৰকে আদি কৰি ভালেমান ব্যক্তি উপস্থিত থাকে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

কানাডা চলচিত্ৰ মহোৎসৱত সন্মান আজুৰিলে বড়ো অভিনেত্ৰীয়ে

কানাডাত অনুষ্ঠিত হোৱা আন্ত:ৰাষ্ট্ৰীয় চলচিত্ৰ মহোৎসৱত সন্মানিত হৈছে বড়ো অভিনেত্ৰী পানছি ব্ৰহ্ম।

Dusk ছবিখনৰ বাবে তেওঁ সন্মানিত হৈছে।এই ছবিখন পৰিচালনা কৰিছে উজ্বল প’লে আৰু সহযোগী অভিনেতা মনোজ কৰে।উল্লেখযোগ্য যে পানছি ব্ৰহ্ময়ে আন্তৰাষ্ট্ৰীয় বিভিন্ন চলচ্চিত্ৰ সন্মানৰ বাবে নিৰ্বাচিত হৈছে।আন্ত:ৰাষ্ট্ৰীয় ফিল্ম মহোৎসৱত নিৰ্বাচিত হোৱা পানছি ব্ৰহ্ম প্ৰথমগৰাকী বড়ো অভিনেত্ৰী।

মন কি বাত অনুষ্ঠানৰ জৰিয়তে দেশবাসীক বিজয়া দশমীৰ শুভেচ্ছা জনালে প্ৰধানমন্ত্ৰীয়ে

মন কি বাত অনুষ্ঠানৰ জৰিয়তে দেশবাসীক বিজয়া দশমী তথা দশেৰাৰ শুভেচ্ছা জনালে প্ৰধানমন্ত্ৰী নৰেন্দ্ৰ মোডীয়ে । অনুষ্ঠানৰ জৰিয়তে প্ৰথমতে প্ৰধান গৰাকীয়ে দেশবাসীক বিজয়া দশমীৰ শুভেচ্ছা জ্ঞাপন কৰে।

 

 

 

লগতে মন কি বাত অনুষ্ঠানৰ জৰিয়তে আহি থকা দিনবোৰতো আৰু অধিক সতৰ্ক হৈ থকাৰ পৰামৰ্শ দিয়ে মোডীয়ে।আনহাতে উৎসৱৰ আনন্দৰ মাজত যাতে দেশৰ জনতাই  দেশৰ বীৰ সন্তান সকলৰ কথা পাহৰি নাযায় সেই কথাও ব্যক্ত কৰে।সীমান্তত দায়িত্ব থকা জোৱানসকলৰ বাবে নিজৰ ঘৰত মাটি চাকি জ্বলোৱা আহ্বান জনায় প্ৰধানমন্ত্ৰী নৰেন্দ্ৰ মোডীয়ে।

এগৰাকী চিকিৎসকে শিশুৰ বাবে এখন উদ্যান আগবঢালে

পূজা বতৰত শিশু সকললৈ পূজা উপহাৰ আগবঢ়ালে এগৰাকী চিকিৎসকে ।তিনিচুকীয়া জিলা ডিগবৈ ৰশ্মিতা উপাধ্যায় নামৰ চিকিৎসক গৰাকীয়ে সপ্তমী দিনা এখন শিশু উদ্যান আগবঢালে।

 

চিকিৎসক গৰাকীয়ে ডিগবৈ বালিজান প্ৰাথমিক বিদ্যালয়ৰ প্ৰাঙ্গনত পিতৃ মাতৃ সোঁৱৰণত এখনি শিশু উদ্যান স্থাপন কৰে। এই শিশু উদ্যান খন শুভ উদ্বোধন কৰে অসম চিকিৎসা মহাবিদ্যালয় অৱসৰপ্ৰাপ্ত অধ্যক্ষ ড° নাৰায়ণ উপাধ্যায় । উল্লেখযোগ্য যে চিকিৎসক গৰাকী এনে মহানুভৱতাক অঞ্চলবাসীয়ে শলাগ লয়।

জিৰাফক চাহ বাগিছাৰ মাজত ৰাখিছে,কিন্তু কিয়

হাতীৰ উপদ্ৰপৰ পৰা ৰক্ষা পাবলৈ নুমলীগড় চাহ বাগিচাৰ কর্তৃপক্ষই গ্ৰহণ কৰিছে এক বিশেষ পদক্ষেপ।ধলাগুৰি চাহ বাগিচাৰ কৰ্তৃপক্ষই গ্ৰহণ কৰিছে এই ব্যৱস্থা।

 

উল্লেখযোগ্য যে ধলাগুৰি চাহ বাগিচাত চাহ বাগানৰ মাজত স্থাপন কৰিছে এক জিৰাফৰ  কাঠৰ প্ৰতিমূৰ্তি । চাহ বাগিচাৰ কর্তৃপক্ষই বিশ্বাস কৰে যে বনৰীয়া হস্তীয়ে এই জিৰাফক দেখিলে দূৰতে বিদূৰ হ’ব। সেইসূত্রে তেওঁলোকে জিৰাফৰ প্ৰতিমূৰ্তি বাগিচাত স্থাপন কৰিছে।

উল্লেখযোগ্য যে এই প্ৰকাণ্ড কাঠৰ জিৰাফটো দেখিলে বন্যহস্তী যাক আঁতৰি যায়।যি সময়ত হাতী মানুহৰ সংঘাতে ভয়াৱহ ৰূপ ধাৰণ কৰিছে,সেই সময়ত বাগিচাৰ কৰ্তৃপক্ষই জিৰাফক বাগিছাত স্থাপন কৰি নিৰ্দশন দাঙি ধৰিছে।