ব্যতিক্ৰমী ধৰণে চিত্ৰ আঁকি চৰ্চা লাভ কৰিছে কংকনে

ব্যতিক্ৰমী ধৰণে চিত্ৰ আঁকি চর্চা লাভ কৰিছে দৰঙৰ এজন যুৱকে। দৰঙৰ ছিপাঝাৰ কঙ্কনজ্যোতি শইকীয়া নামৰ যুৱক জনে চাউল আৰু তিলে বিভিন্নজন বৰণ্য ব্যক্তি চিত্ৰ আঁকিছে।

 

 

ইতিমধ্যে কাতি বিহুত চাউল আৰু তিলে কঙ্কনে অঁকা এখন চিত্ৰই চ’চিয়েল মেডিয়াত চর্চা লাভ কৰিছে। উল্লেখযোগ্য যে অলপতে হিমন্ত বিশ্ব শৰ্মাৰ চিত্ৰ চাউল আৰু তিলে অংকন কৰা পিছত যুৱকজনে মন্ত্ৰী হিমন্ত বিশ্ব শৰ্মাৰ পৰা ভূয়সী প্ৰশংসা লাভ কৰিছে। কঙ্কনৰ এই প্ৰতিভা এতিয়া সৰ্বত্ব চর্চা লাভ কৰিছে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

৩৩ তম গুৱাহাটীৰ গ্ৰন্থমেলাৰ বাবে বিপনীৰ বাবে আবেদন গ্ৰহণ

অহা ৩০ ডিচেম্বৰ পৰা ১০ জানুৱাৰী ২০২১ লৈ বাৰদিনীয়াকৈ অনুষ্ঠিত হ’বলগীয়া অসম প্ৰকাশন পৰিষদৰ ৩৩ তম গুৱাহাটী গ্ৰন্থমেলাৰ বাবে বিপনী সংৰক্ষণ আৰু পঞ্জীয়নৰ প্ৰক্ৰিয়া ২৬ নৱেম্বৰ ২০২০ ৰ পৰা আৰম্ভ কৰা হৈছে।১ ডিচেম্বৰ পৰা বিপনী পঞ্জীয়নৰ কাম আৰম্ভ কৰা কথা আছিল যদিও প্ৰকাশক আৰু গ্ৰন্থ বিক্ৰেতাসকলৰ আগ্ৰহ আৰু অনুৰোধৰ বাবে ২৬ নৱেম্বৰ পৰা এই প্ৰক্ৰিয়া আৰম্ভ কৰা হৈছে।

 

 

আগ্ৰহী প্ৰকাশক আৰু গ্ৰন্থ বিক্রেতাসকলে অসম প্ৰকাশন পৰিষদৰ ৱেবচাইটৰ পৰা(www.publicationboardassam.com ) গ্ৰন্থ বিপনীৰ ষ্টল সংৰক্ষণৰ বাবে আবেদন পত্ৰ ডাউনলোড কৰি ল’ব পাৰিব।এই আবেদনপত্ৰ পূৰণ কৰি নিৰ্দিষ্ট নিৰিখৰ নগদ ধন অথবা বেংক ড্ৰাফটৰ যোগেদি পৰিষদৰ কাৰ্যালয়ত পোনে পোনে ডাকযোগে অহা ১০ ডিচেম্বৰ আগতে পোৱাকৈ জমা দিব পাৰিব।

উল্লেখযোগ্য যে বিপনীৰ ষ্টলসমূহ লটাৰীযোগে আবন্টন কৰা হ’ব।ক’ভিড-১৯ আৰু লকডাউনৰ বাবে ক্ষতিৰ সন্মুখীন হোৱা গ্ৰন্থ উদ্যোগটো প্ৰতি লক্ষ্য ৰাখি অসম প্ৰকাশন পৰিষদে গ্ৰন্থ বিপনীৰ নিৰিখ ১০% হ্ৰাস কৰা সিদ্ধান্ত গ্ৰহণ কৰিছে।লগতে ৩৩ তম গুৱাহাটীৰ গ্ৰন্থমেলাত গ্ৰন্থ উন্মোচন কৰিব বিচৰা ব্যক্তি সকলে অহা ২৭ নৱেম্বৰ পৰা পৰিষদৰ কাৰ্যালয়লৈ আহি যোগাযোগ কৰিব পাৰিব বুলি বিবৃতি যোগে অসম প্ৰকাশন পৰিষদে জানিবলৈ দিছে।

টাই আহোম ৰীতি আৰু হিন্দু নিয়ম অনুসৰি সৎকাৰ কৰিলে প্ৰাক্তন মুখ্যমন্ত্ৰীগৰাকীৰ নশ্বৰ দেহ

পঞ্চভুতত বিলীন হ’ল প্ৰাক্তন মুখ্যমন্ত্ৰী তৰুণ গগৈৰ নশ্বৰ দেহ৷ টাই আহোমৰ পৰম্পৰাগত ৰীতি আৰু হিন্দু নিয়ম অনুসৰি অন্তিম সৎকাৰ নৱগ্ৰহত সম্পন্ন হয়।

 

 

পুত্ৰ গৌৰৱ গগৈয়ে পিতৃৰ নশ্বৰ দেহত মুখাগ্নি কৰে।অন্তিম মূহুৰ্তত নৱগ্ৰহত উপস্থিত থাকে পত্নী ডলী গগৈৰ লগতে বহুকেইগৰাকী আত্মীয় স্বজন আৰু শুভাকাংক্ষী।

 

অশ্ৰুসিক্ত নয়নেৰে অজস্ৰজনে তেওঁক জনালে অন্তিম বিদায়।তিনিবাৰকৈ অসমৰ মুখ্যমন্ত্ৰীৰ আসনত থকাৰ পাছতো জীৱনৰ অন্তিম মূহুৰ্তত এজন অতি সাধাৰণ লোকৰ দৰেই তেখেতে জীৱন অতিবাহিত কৰিছিল।তেওঁৰ আদৰ্শ,মৰম,চিন্তা আৰু কৰ্মৰাজি সদায়েই অসমৰ সমাজ জীৱন তথা অসমবাসীৰ হৃদয়ত জীপাল হৈ থাকিব।

অহা ডিচেম্বৰত জাতীয় বিদ্যালয়ৰ প্ৰতিনিধি সভা অনুষ্ঠিত হ’ব

ৰাজ্যখনত জাতীয় বিদ্যালয় সমূহে শৈক্ষিক বৌদ্ধিক বিকাশত এক অতি গুৰুত্বপূৰ্ণ ভূমিকা পালন কৰি আহিছে।অহা ১২ আৰু ১৯ ডিচেম্বৰত দুটা ভাগত ৰাজ্যৰ বিভিন্ন জিলাৰ জাতীয় বিদ্যালয় সমূহৰ দুখন প্ৰতিনিধি সভা।

 

উল্লেখ্য যে এই প্ৰতিনিধি সভাসমূহে সময়ৰ লগে লগে জাতীয় বিদ্যালয় সমূহৰ সামগ্ৰিক কাম-কাজ আৰু অৱস্থাৰ উন্নতিকৰণৰ ক্ষেত্ৰত অতি গুৰুত্বপূৰ্ণ ভূমিকা পালন কৰে।এই দুয়োখন সভা দিনৰ ১০ বজাৰ পৰা নুমমাটিস্থিত অসম জাতীয় বিদ্যালয়ত অনুষ্ঠিত হ’ব।

শিক্ষা সংসদে ক’ভিডৰ সাৱধানতাৰ প্ৰতি লক্ষ্য ৰাখি প্ৰতিখন বিদ্যালয়ৰ পৰিচালনা সমিতিৰ সভাপতি, সম্পাদক আৰু প্ৰধান শিক্ষক-শিক্ষয়িত্ৰী যিকোনো এগৰাকীক সভালৈ অহা পোষকতা কৰিছে।

কাইলৈ যান বাহন আৰক্ষীয়ে দিয়া পথ নিৰ্দেশনাত,কি আছে

প্ৰাক্তন মুখ্যমন্ত্ৰী তৰুণ গগৈৰ শেষকৃত্য অনুষ্ঠানৰ বাবে কাইলৈ গুৱাহাটীত যান-বাহন আৰক্ষীয়ে বিশেষ পথ নিৰ্দেশনা জাৰি কৰিছে।সংবাদমেল আয়োজন কৰি যান-বাহন আৰক্ষীৰ ডিচিপি প্ৰাণজিত বৰাই সবিশেষ পথ নিৰ্দেশনা জানিবলৈ দিছে।

কাইলৈ দিনটোৰ বাবে গুৱাহাটীৰ পথ নিৰ্দেশনা:

১)নৱগ্ৰহ শ্মশানৰ সন্মুখৰ পথত ন পাৰ্কিং ঘোষণা।
২)চানমাৰিৰ পৰা গুৱাহাটী ক্লাবলৈ ন পাৰ্কিং ঘোষণা।
৩)শেষকৃত্য অনুষ্ঠানলৈ অহা লোক সকলে তেওঁলোকৰ বাহন সমূহ চানমাৰিৰ অসম অভিযান্ত্ৰিক মহাবিদ্যালয় খেলপথাৰত পাৰ্কিং কৰিব লাগিব।
৪)লতাশিলৰ দিশৰ পৰা চেনিকুঠী বাইলেন আৰু নৱগ্ৰহ মন্দিৰলৈ অহা পথ সম্পূৰ্ণৰূপে বন্ধ।
৫)ভূপেন হাজৰিকাৰ ঘৰৰ ওচৰৰ পৰা চান্দমাৰী আৰক্ষী থানাৰ ওচৰৰ পইণ্ট বন্ধ।
৬)কৰ্নাচল ৰোডৰ পৰা নৱগ্ৰহ ৰোডৰ পৰা ভূপেন হাজৰিকাৰ বাসগৃহৰ পইণ্টলৈকে ন পাৰ্কিং।
৭)গুৱাহাটী ক্লাবৰ পৰা বাহন সমূহ বি বৰুৱা কলেজৰ দিশে ডাইভাৰ্ট কৰা হ’ব।
৮) নুনমাটিৰ পৰা অহা বাহনসমূহ জু ৰোড হৈ ডাইভাৰ্ট কৰা হব।
৯)কেৱল বিশেষ অতিথিৰ এছকৰ্টৰ গাড়ীসমূহ শিলপুখুৰীলৈ যাব পাৰিব।
১০)বিশেষ অতিথিৰ এছকৰ্টৰ গাড়ীসমূহ শিলপুখুৰীতেই ৰাখিব লাগিব।

বীৰ শ্বহীদ হৰধন চন্দ্ৰ ৰায় পৰিয়াললৈ ২০ লাখ টকা এককালীন সাহাৰ্য্য প্ৰদান কৰিলে মুখ্যমন্ত্ৰীয়ে

মুখ্যমন্ত্ৰী সোনোৱালে আজি জম্মু-কাশ্মীৰৰ ভাৰত পাক সীমান্তত নিহত হোৱা বীৰ শ্বহীদ হৰধন চন্দ্ৰ ৰায়ৰ ধুবুৰী জিলাৰ ফুটুকীবাৰীৰ মেধিপাৰাস্থিত বাসগৃহলৈ গৈ শ্বহীদগৰাকীৰ প্ৰতিচ্ছবিত মাল্যপৰ্ণেৰে গভীৰ শ্ৰদ্ধাৰ নিবেদন কৰে।মুখ্যমন্ত্ৰীয়ে শ্বহীদ গৰাকী পত্নীৰ হাতত ৰাজ্য চৰকাৰে আগবঢ়োৱা ২০ লাখ টকা এককালীন সাহাৰ্য্য প্ৰদান কৰে।

 

ইয়াৰ পিছতে সাংবাদিকৰ সৈতে হোৱা এক বাৰ্তালাপ সময়ত মুখ্যমন্ত্ৰীয়ে কয় যে দেশৰ বৃহত্তৰ স্বাৰ্থত বীৰ শ্বহীদ হৰধন চন্দ্ৰ ৰায়ে আত্মবলিদান দিলে।সমগ্র ভাৰতবাসী লগতে অসম বাসীয়ে এই শ্বহীদ গৰাকীৰ বাবে গৌৰাম্বিত।

ত্যাগ আৰু বীৰত্বৰ শক্তিশালী আদৰ্শ প্ৰতিষ্ঠা কৰি যোৱা শ্বহীদ গৰাকী সদায় অমৰ হৈ থাকিব বুলি তেওঁ কয়।শ্বহীদ গৰাকী আদৰ্শৰে আমাৰ নতুন প্ৰজন্মই দেশৰ একতা,অখণ্ডতা,আৰু সাৰ্বভৌমত্ব বাবে কাম কৰি যাবলৈ প্ৰেৰণা লাভ কৰিব বুলি উল্লেখ কৰে।তেওঁ লগতে কয় যে বীৰ শ্বহীদ গৰাকী পৰিয়ালৰ লোকক সংস্থাপন দিয়াৰ বাবে ৰাজ্য চৰকাৰে যাৱতীয় পদক্ষেপ গ্ৰহণ কৰিব।

শ্ৰদ্ধাঞ্জলি জ্ঞাপন কৰাৰ সময়ত বিধায়কদ্বয় অশোক কুমাৰ সিংঘী আৰু অশ্বিনী ৰায় সৰকাৰ,জিলা উপায়ুক্ত,তথা আৰক্ষী অধীক্ষকৰ লগতে প্ৰশাসনৰ অন্যান্য বিষয়া সকল উপস্থিত থাকে।

বালি আৰু চাউলত প্ৰতিকৃতি আঁকি শ্ৰদ্ধা জনালে দুই শিল্পীয়ে

সমগ্ৰ ৰাজ্যতে এতিয়া দুখৰ বন্যা বৈছে।কিয়নো এগৰাকী দক্ষ ৰাজনীতিবিদে ইতিমধ্যে বিদায় মাগিছে।সম্প্ৰতি তেখেতৰ নশ্বৰ দেহ কলাক্ষেত্ৰৰ প্ৰাংগনত ৰখা হৈছে।জানিব পৰা মতে কাইলৈ অন্ত্যেষ্টিক্ৰিয়া সম্পন্ন হ’ব।প্ৰাক্তন মুখ্যমন্ত্ৰী গৰাকীক শ্ৰদ্ধা জনায় এগৰাকী শিল্পীয়ে বালিত আৰু এটা চাউলত তৰুণ গগৈ প্ৰতিচ্ছবি অংকন কৰি শ্ৰদ্ধা জনাইছে।সেই শিল্পী গৰাকীৰ নাম মনজিৎ কাশ্যপ।

 

আনহাতে আন এগৰাকী শিল্পী ৰঞ্জন শইকীয়াই কেইগৰাকীমান সহযোগী সহযোগত বালিত  প্ৰতিকৃতি অংকন কৰিছে।ঢেকিয়ালজুলিৰ গাভৰু নৈ বালি চৰত বলুকা ভাস্কৰ্যৰ শিল্পী গৰাকী ৰঞ্জন শইকীয়াই প্ৰাক্তন মুখ্যমন্ত্ৰীগৰাকীক এনেদৰে শ্ৰদ্ধাঞ্জলি জ্ঞাপন কৰিছে।এই ক্ষেত্ৰত তেখেতক সহযোগিতা আগবঢ়াইছে কুশল দাস,পৰেশ নাথ,ৰঞ্জন দাহাল,যীচু হাজৰিকাৰ,ঘনশ্যাম নেপাল,যুগল নাথ আৰু লেখনাথ শৰ্মাই।