আজি পবিত্ৰ বৰদিন।খ্ৰীষ্টধৰ্মীয় লোক সকলৰ পবিত্ৰ উৎসৱ।বৰদিনৰ উপলক্ষে গীৰ্জা সমূহ সজাই পৰাই তোলা পৰিলক্ষিত হয়।পুৱাৰ ভাগত পবিত্ৰ বাইবেলৰ বাণী প্ৰচাৰ কৰি মহানগৰীৰ গ্ৰেচ গীৰ্জাৰ পাষ্টাৰ বিজয়ে কয় যে ঈশ্বৰ যীচুৰ জন্মদিনটো সকলোৱে খ্ৰীষ্টমাৰ্চ হিচাপে পালন কৰে।সকলোৱে জীৱনত খ্ৰীষ্টমাৰ্চৰ বিশেষ দিন থাকে ।লগতে তেখেতে কয় যে যি দিনাই যীশু ঈশ্বৰৰ ত্যাগৰ সত্যতাক জনা যায় জনা যায় ।সেইদিনাৰ পৰা খ্ৰীষ্টমাৰ্চ আৰম্ভ হয় ।ইয়াৰ সমান্তৰালভাৱে গীত, নৃত্যৰ অনুষ্ঠান অনুষ্ঠিত হয় ।আনহাতে পানবজাৰৰ চেণ্ট জোছেফ গীৰ্জাত সমূহীয়া প্ৰাৰ্থনা, কেক বিতৰণ হয়।নিশাৰ ভাগত যীশুৰ চিনেমা প্ৰদৰ্শন কৰে বুলি জানিব পৰা গৈছে ।উল্লেখযোগ্য যে এমাহ যোৰা প্ৰস্তুতিৰে এই পবিত্ৰ দিনটো উদযাপন কৰা হয়।
ভেকচিন প্ৰদানৰ ক্ষেত্ৰত জনসচেতনতা সৃষ্টিৰ ওপৰত মুখ্যমন্ত্ৰীৰ গুৰুত্ব আৰোপ
admin April 17, 2021 10:22 PM
মুখ্যমন্ত্ৰী সৰ্বানন্দ সোণোৱালে আজি লখিমপুৰ জিলাৰ নাৰায়ণপুৰস্থিত দেউৰী স্বায়ত্ত শাসিত পৰিষদৰ অতিথিশালাত অনুষ্ঠিত এক বৈঠকত লখিমপুৰ আৰু ধেমাজি সাম্প্ৰতিক ক’ভিড পৰিস্থিতি বিষয়ে সবিশেষ পৰ্যালোচনা কৰে।পৰ্যালোচনা কালত মুখ্যমন্ত্ৰীয়ে জিলা উপযুক্ত তথা স্বাস্থ্য বিভাগৰ যুটীয়া সঞ্চালকৰ সৈতে মত-বিনিময় কৰি সাম্প্ৰতিক ক’ভিড সংক্ৰমণৰ সবিশেষ বুজ লয়।বৈঠকত দুয়োখন জিলাৰ উপযুক্ত সৈতে মত-বিনিময় কৰি সাম্প্ৰতিক ক’ভিড সংক্ৰমণ প্ৰতিৰোধ কৰাৰ দিশত গ্ৰহণ কৰা ব্যৱস্থা ৰাজিৰ লগতে ভেকচিন প্ৰদান, সংক্ৰমণৰ হাৰ,হাস্পতাল থকা সা-সুবিধা সমূহ বিষয়ে মুখ্যমন্ত্ৰীক সবিশেষ অৱগত কৰে।আনহাতে, দুয়োগৰাকী স্বাস্থ্য বিভাগৰ যুটীয়া সঞ্চালকে চিকিৎসা বিভাগে গ্ৰহণ কৰা পদক্ষেপ সমূহ বিষয়ে মুখ্যমন্ত্ৰীক অৱগত কৰে।
বৈঠকত মুখ্যমন্ত্ৰীয়ে জিলা দুখনত ভেকচিন প্ৰদানৰ ক্ষেত্ৰত জন সচেতন সৃষ্টিৰ বাবে প্ৰশাসনক নিৰ্দেশ দিয়ে।ৰাজহুৱা স্থানত জনসাধাৰণ যাতে মাস্ক পৰিধান কৰা লগতে সামাজিক দূৰত্ব বৰ্তাই ৰাখে সেই দিশটো নজৰ ৰাখিবলৈ মুখ্যমন্ত্ৰীয়ে কয়।মুখ্যমন্ত্ৰীয়ে লগতে ক’ভিড পজিটিভ ৰোগীৰ ক্ষেত্ৰত মাইক্ৰ কণ্টেইমেণ্ট এলেকাৰ ব্যৱস্থা কৰিবলৈ নিৰ্দেশ দিয়ে।লগতে প্ৰয়োজনীয় অক্সিজেন চিলিণ্ডাৰ আৰু আই চি ইউ বেডৰ ব্যৱস্থা মজুত ৰখাৰ বাবেও নিৰ্দেশ দিয়ে।ক’ভিড ৰোগীৰ বাবে হাস্পতাল সমূহত যাতে বিচনাৰ অভাৱ নহয় সেই সম্পৰ্কে যথোচিত পদক্ষেপ লোৱাৰ বাবেও মুখ্যমন্ত্ৰীয়ে নিৰ্দেশ দিয়ে।আনহাতে ক’ভিড পৰীক্ষা ব্যাপক হাৰত কৰাৰ ওপৰতো মুখ্যমন্ত্ৰী য়ে গুৰুত্ব আৰোপ কৰে।বিহু অনুষ্ঠান সমূহত যাতে ক’ভিড প্ৰট’কল মানি চলা হয় তাৰ বাবেও বিশেষ লক্ষ্য ৰাখিবলৈ কয়।
আজিৰ এই পৰ্যালোচনা বৈঠকত লখিমপুৰ জিলাৰ উপায়ুক্ত খৰ্গেশ্বৰ পেগু আৰু ধেমাজি জিলাৰ উপায়ুক্ত ডাঃ জীৱন বি,দুয়ো খন জিলাৰ স্বাস্থ্য বিভাগৰ যুটীয়া সঞ্চালককে ধৰি স্বাস্থ্য বিভাগ তথা প্ৰশাসনৰ উচ্চপদস্ত বিষয়া সকল উপস্থিত থাকে।
ভিউৱাছৰ মতামত