ভৱ প্ৰসাদ চলিহাক শ্ৰীমন্ত শংকৰদেৱ বঁটা প্ৰদান কৰিলে মুখ্যমন্ত্ৰীয়ে

বিশিষ্ট সাহিত্যিক অধ্যাপক ভৱপ্ৰসাদ চলিহাক কালি মুখ্যমন্ত্ৰী সৰ্বানন্দ সোনোৱালে প্ৰদান কৰে ২০২০ বৰ্ষৰ শ্ৰীমন্ত শংকৰদেৱ বঁটা।সাংস্কৃতিক সঞ্চালকালয়ৰ উদ্যোগত শ্ৰীমন্ত শংকৰদেৱ কলাক্ষেত্ৰৰ শ্ৰীমন্ত শংকৰদেৱ আন্তৰ্জাতিক প্ৰেক্ষাগৃহত আয়োজিত গাম্ভীৰ্যপূৰ্ণ অনুষ্ঠানটোত শাৰীৰিক অসুস্থতাৰ বাবে অধ্যাপক ভৱপ্ৰসাদ চলিহা উপস্থিত থাকিব নোৱাৰাত বঁটা গ্ৰহণ কৰে তেওঁৰ সহধৰ্মিণী নন্দিতা চলিহাই।

ৰাষ্ট্ৰীয় পৰ্যায়ৰ এই বঁটাত আছে এখন প্ৰশস্তি পত্ৰ,এটা সোণৰ পদক,এখন শৰাই,অংগবস্ত্ৰ আৰু ৫ লাখ টকাৰ চেক। বঁটা প্ৰদান অনুষ্ঠানত ভাষণ দি মুখ্যমন্ত্ৰী সোনোৱালে গুৰুজনাৰ দৰ্শন আৰু সৃষ্টিৰাজি বিশ্বৰ মানৱ সমাজক অৱগত কৰিবলৈ ৰাজ্য চৰকাৰে শ্ৰীমন্ত শংকৰদেৱ অভিযান শীৰ্ষক এক অভিযান আৰম্ভ কৰিব বুলি ঘোষণা কৰে।এই ক্ষেত্ৰত সত্ৰাধিকাৰ,গুণী জ্ঞানী ব্যক্তি তথা অসমৰ সকলো শ্ৰেণী জনসাধাৰণৰক আন্তৰিকতাৰে সহায় সহযোগিতা আগবঢ়োৱাৰ বাবে আহ্বান জনায়।

এই প্ৰসংগত মুখ্যমন্ত্ৰী সোনোৱালে কয়- শিখগুৰু গুৰু নানকৰ বিষয়ে আজি সমগ্র বিশ্ব জ্ঞাত।কিন্তু বহুমুখী প্ৰতিভা আকৰ জগতগুৰু শ্ৰীমন্ত শংকৰদেৱক আমি বিশ্ব দৰবাৰত প্ৰতিষ্ঠা কৰিব নোৱাৰাটো বৃহত্তৰ অসমীয়া জাতিৰ দুৰ্বলতা।সেয়েহে গুৰুজনাক আমি বিশ্ব দৰবাৰত শক্তিশালী ভাৱে প্ৰতিষ্ঠা কৰিবলৈ সন্মিলিত প্ৰয়াস চলাব লাগিব।ইয়াৰ বাবেই ৰাজ্য চৰকাৰে আৰম্ভ কৰিব শ্ৰীমন্ত শংকৰদেৱ অভিযান।

আমাৰ বৃহত্তৰ সমাজখনক শৃংখলাবদ্ধ কৰি শক্তিশালী সমাজ নিৰ্মাণৰ বাবে গুৰুজনাই নামঘৰ প্ৰতিষ্ঠা কৰিছিল বুলি উল্লেখ কৰি মুখ্যমন্ত্ৰীয়ে পুনৰ কয় এই নামঘৰ হ’ল অসমীয়া কৃষ্টি-সংস্কৃতি তথা সমাজ সংস্কাৰৰ ভেটিস্বৰূপ।সাম্প্ৰতিক সময়ত নৱ প্ৰজন্মক সংস্কাৰমুখী পথেৰে আগুৱাই নিব লাগিব নামঘৰলৈ যোৱাৰ অভ্যাস প্ৰগাঢ় কৰিব লাগিব।নামঘৰ শক্তিশালী হৈ থাকিলে অসমীয়া সমাজ সদায়েই এক প্ৰাণৱন্ত সমাজ হিচাপে ভৱিষ্যতেও বৰ্তি থাকিব।

মুখ্যমন্ত্ৰীয়ে পুনৰ কয় যে গুৰুজনাৰ আদৰ্শৰে বৰ্তমান ৰাজ্য চৰকাৰখনৰ কাৰ্যাকালত বৰাক-ব্ৰক্ষ্মপুত্ৰ, পাহাৰ-ভৈয়াম একাকাৰ কৰি শক্তিশালী জাতি হিচাপে জীয়াই থকাৰ যি প্ৰৱণতা জাগ্ৰত হৈছে।সেয়া ইতিবাচক দিশ । গুৰুজনাই প্ৰতিষ্ঠা কৰা মুকুতা সমূহ বৃহত্তৰ অসমীয়া জাতিয়ে বুটলিব লাগিব।তেতিয়াহে ভৱিষ্যতও আমাৰ সমাজখন এক প্ৰাণৱন্ত সমাজ হিচাপে বিশ্বৰ বুকুত মূৰ দাঙি থাকিব।

বঁটা প্ৰদান অনুষ্ঠানত ভাষণ দি মন্ত্ৰী হিমন্ত বিশ্ব শৰ্মাই কয় মহাপুৰুষ শ্ৰীমন্ত শংকৰদেৱ এনে এগৰাকী ব্যক্তি আছিল যিয়ে ভাৰতবৰ্ষৰ সম্ভাৱনাৰ কথা ১৫ শতিকাতে আমাৰ মাজত এক বাৰ্তা হিচাপে থৈ গৈছিল।ভাৰতবৰ্ষৰ ৫ হাজাৰ বছৰীয়া সভ্যতা-সংস্কৃতিত এগৰাকী যুগজয়ী মহাপুৰুষ হিচাপে শ্ৰীমন্ত শংকৰদেৱৰ জন্ম হৈছিল।তেওঁৰ জন্মৰ একে সময়ছোৱাতে ভাৰতবৰ্ষৰ আকাশত আন বহু কেইগৰাকী গুণী-জ্ঞানী মহাপুৰুষৰ জন্ম হৈছিল।

শংকৰাচাৰ্যৰ এটা যুগৰ পাছৰত ভাৰতবৰ্ষত কৃষ্ণভক্তিৰ নেতৃত্ব গ্ৰহণ কৰিছিল সেইসকল যুগজয়ী ব্যক্তিয়েই।পশ্চিমবংগৰ প্ৰভু চৈতন্য,মাধৱাচাৰ্য আদিয়ে ভাৰতবৰ্ষৰ আকাশত কৃষ্ণ বন্দনাৰ এক নৱজাগৰণৰ সূত্ৰপাত কৰিছিল। আধ্যাত্মিকতাৰ সমান্তৰাল ভাৱে সেই সময়ত ভাৰতীয় সংস্কৃতিৰ নতুন নতুন উপাদান সমুহে প্ৰাণ পাই উঠিছিল।এই মহাপুৰুষ সকলে ১৫ শতিকাটো ভাৰতবৰ্ষৰ ইতিহাসত শ্ৰেষ্ঠতম শতিকাৰলৈ ৰূপান্তৰ কৰিছিল।

মহাপুৰুষ শংকৰদেৱে হৰিভক্তিৰ উপাদান সমূহেৰে নিজক সুসজ্জিত কৰি নিজস্ব এক নতুন চিন্তাৰে অসমৰ মাটিত জাতি-ধৰ্ম-বৰ্ণ নিৰ্বিশেষে সকলোকে সামৰি বৈষ্ণৱ আন্দোলনৰ নৱজাগৰণ সূচনা কৰিছিল।গুৰুজনাই অসম আৰু ভাৰতৰ মাজত ঐক্যতান অনুভৱ কৰিছিল বুলি তেওঁ মন্তব্য কৰে।

মন্ত্ৰী হিমন্ত বিশ্ব শৰ্মাই পুনৰ কয় যে কীৰ্তন ঘোষা,গুণমালা আদিৰ জৰিয়তে মহাপুৰুষ শংকৰদেৱে অসমৰ সাহিত্য-সংস্কৃতি চহকী কৰিছিল।বৃন্দাবনী বস্ত্ৰৰ দ্বাৰা তেওঁ আমাৰ বয়ন শিল্পক লৈ গৈছিল বিশ্ব দৰবাৰলৈ ।তেওঁ নামঘৰৰ সৃষ্টিয়ে অসমৰ সমাজ জীৱনৰ পৰা উচ্চ-নীচ জাতিভেদ প্ৰথা আঁতৰাই একেলগে একেপ্ৰাণেৰে হৰিক স্পৰ্শ কৰাৰ এক অপূৰ্ব সুযোগ প্ৰদান কৰিছিল আৰু সেইবাবে আমাৰ জাতিয়ে মহাপুৰুষ শ্ৰীমন্ত শংকৰদেৱক সদায়ে শ্ৰেষ্ঠ অসমীয়া, জাতীয় জীৱনৰ মহানায়ক প্ৰাণপ্ৰত হিচাপে স্বীকৃতি দি আহিছে।

মহাপুৰুষ শ্ৰীমন্ত শংকৰদেৱ আৰু মহাপুৰুষ মাধৱদেৱে আমাৰ জাতিক প্ৰাণ দিছিল।গুৰু দুজনা আমাৰ জাতীয় জীৱনৰ প্ৰেৰণা।তেওঁলোকক যিমানেই স্মৰণ কৰিম সিমানেই আমাৰ জাতি পৱিত্ৰ হ’ব।জাতিয়ে শক্তি পাব আগবাঢ়িব।মহাপুৰুষ শ্ৰীমন্ত শংকৰদেৱৰ জন্মস্থান বৰদোৱাক ন-ৰূপত সজোৱাৰ বাবে শেহতীয়াভাৱে কেন্দ্ৰীয় গৃহমন্ত্ৰী অমিত শ্বাহে আধাশিলা স্থাপন কৰাৰ পাছত নতুন বছৰৰ প্ৰথমটো দিনৰ পৰাই ইয়াৰ কাম আৰম্ভ হৈছে বুলি তেওঁ সদৰী কৰে।

লগতে অসম দৰ্শন আঁচনিৰ অধীনত ৰাজ্য চৰকাৰে নামঘৰ সমূহলৈ আগবঢ়োৱা সাহায্যৰ প্ৰসংগও উল্লেখ কৰে ।অসমীয়া জাতিয়ে এটা মহান জাতি হিচাপে আগবাঢ়ি যোৱাৰ এটা নতুন বীজ ৰোপন কৰিবলৈ বৰ্তমান ৰাজ্য চৰকাৰখন সক্ষম হোৱা বুলি উল্লেখ কৰি তেওঁ পুনৰ কয় যে এয়া আমাৰ সমাজ জীৱনৰ কৃতিত্ব।সাম্প্ৰদায়িক সংঘৰ্ষ দুৰৰে কথা যোৱা ৫ বছৰত কাৰো মাজত এটা সংঘাটো আমাৰ সমাজ জীৱনে প্ৰত্যক্ষ কৰা নাই।

যি জাতিয়ে মহাপুৰুষ শ্ৰীমন্ত শংকৰদেৱৰ আৰু মহাপুৰুষ মাধৱদেৱ ৰ পৰা প্ৰেৰণা লব সেই জাতিয়ে মাত্ৰ বিজয়ৰ অৰুনোদয় যাত্ৰাৰে খোজ কাঢ়িব।ইয়াৰ বিকল্প নাই।অনুষ্ঠানত ভাষণ প্ৰদান কৰি সাংস্কৃতিক পৰিক্ৰমা মন্ত্ৰী নৱ কুমাৰ দলে কয় মহাপুৰুষ শ্ৰীমন্ত শংকৰদেৱে শ্ৰেণীবিহীন মানৱ সমাজ নিৰ্মাণ কৰি গৈছে।গুৰুজনাৰ সমন্বয়ৰ আদৰ্শৰে ৰাজ্য চৰকাৰে জনগোষ্ঠীয় সমন্বয় আৰু উত্তৰণৰ হকে কাম কৰি আহিছে।

নিজৰ ভাষণত তেওঁ ৰাজ্য চৰকাৰে অসমৰ সাংস্কৃতিক বিকাশৰ বাবে গ্ৰহণ কৰা পদক্ষেপ সমূহৰ ওপৰত বিস্তৃত ভাৱে আলোকপাত কৰে।বন্তি প্ৰজ্বলনেৰে আৰম্ভ হোৱা বঁটা প্ৰদান অনুষ্ঠানৰ আৰম্ভণিতে মহাপুৰুষ শ্ৰীমন্ত শংকৰদেৱ বিৰচিত এটি বৰগীত পৰিৱেশন কৰা হয়। বঁটা প্ৰদান অনুষ্ঠানৰ লগত সংগতি ৰাখি প্ৰকাশ কৰি উলিওৱা এখন স্মৃতিগ্ৰন্থও উন্মোচন কৰা হয়। অনুষ্ঠানত অধ্যাপক ভৱপ্ৰসাদ চলিহাই লাইভ ভিডিৰ জৰিয়তে বঁটা লাভৰ অনুভৱ ব্যক্ত কৰি প্ৰদান কৰা ভাষণো সম্প্ৰচাৰ কৰা হয়।

অনুষ্ঠানত বঁটাপ্ৰাপক অধ্যাপক ভৱপ্ৰসাদ চলিহাৰ ৰচিত এটি গীত পৰিবেশন কৰা উপৰি তেওঁৰ জীৱন আৰু কৰ্মৰাজি সামৰি সাংস্কৃতিক সঞ্চালকালয়ে প্ৰস্তুত কৰা এখন চুটি তথ্যচিত্ৰও প্ৰদৰ্শন কৰা হয়।ৰাজ্য চৰকাৰৰ মুখ্য সচিব জিষ্ণু বৰুৱাই আদৰণি ভাষণ প্ৰদান কৰা বঁটা প্ৰদান অনুষ্ঠানত ২০১৭ বৰ্ষৰ শ্ৰীমন্ত শংকৰদেৱ বঁটাপ্ৰাপক বৰপেটা সত্ৰৰ বুঢ়াসত্ৰীয়া বশিষ্ঠ দেৱশৰ্মা,মাজুলী উত্তৰ কমলাবাৰী সত্ৰৰ সত্ৰাধিকাৰ জনাৰ্দন দেৱগোস্বামী, শ্ৰীমন্ত শংকৰদেৱ সংঘৰ পদাধিকাৰ কমলাকান্ত গগৈ,সাংসদ কুইন ওজাকে ধৰি সত্ৰাধিকাৰ, আধ্যাত্মিক গুৰু,অসম সত্ৰ মহাসভাৰ প্ৰতিনিধি আৰু বিশিষ্ট ব্যক্তিসকল উপস্থিত আছিল।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

তিনিচুকীয়াৰ বাৰেকুৰিত বিশ্ব হলৌ দিৱস উদযাপন

তিনিচুকীয়াৰ বাৰেকুৰি অঞ্চলৰ দীঘল সাঁকো ন মতাপুং পুৰণি বিহুখোলা প্ৰেক্ষাগৃহত শনিবাৰৰ পৰা অনুষ্ঠিত হৈছে বিশ্ব হলৌ দিৱস-২০২১ । বিশ্বৰ বিলুপ্তপ্ৰায় প্ৰাণী হলৌ বান্দৰ সংৰক্ষণ আৰু বন্যপ্ৰাণীৰ প্ৰতি মানুহৰ মাজত সজাগতা অনাৰ উদ্দেশ্যৰে বৃহত্তৰ বাৰেকুৰি অঞ্চলৰ ৰাইজে আয়োজন কৰা হৈছে বিশ্ব হলৌ দিৱস ২০২১ ৰ ৷ অইল ইণ্ডিয়া লিমিটেডৰ তত্বাৱধানত, বাৰেকুৰি পৰিৱেশ উন্নয়ন সমিতি, মৰাণ জাতীয় মহিলা পৰিষদ বাৰেকুৰি আঞ্চলিক সমিতি, গ্ৰীণ ভিজন এন-ইৰ উদ্যোগত আৰু তিনিচুকীয়া মহাবিদ্যালয়, দীঘলসাঁকো নৱজ্যোতি যুৱ সংঘ আৰু ন-মতাপুং সুৰুযজ্যোতি যুৱ সংঘৰ সহযোগত দুদিনীয়াকৈ অনুষ্ঠিত কৰা বিশ্ব হলৌ দিৱসৰ কাৰ্যসূচী মুখ্য অতিথি হিচাপে উপস্থিত থাকে অৰণ্য মানৱ যাদৱ পায়েং । মহোৎসৱৰ লগত সংগতি ৰাখি পুৱা আয়োজন কৰা বিভিন্ন ধৰণৰ বাৰেৰহণীয়া সাংস্কৃতিক শোভাযাত্ৰাৰ লগতে কলা-নৃত্য প্ৰদৰ্শনেৰে মুখৰিত হৈ পৰে সমগ্ৰ বাৰেকুৰি অঞ্চল ।

ডিব্রুগড়ৰ বগীবিলৰ সমীপৰ দক্ষিণ পাৰটো পৰিদৰ্শন কৰি প্ৰস্তাৱিত কার্গ টার্মিনেল তথা পর্যটনঘাটৰ প্ৰকল্পস্থলীৰ বুজ লয় কেন্দ্রীয় মন্ত্রী সর্বানন্দ সােণােৱালে

কেন্দ্রীয় বন্দৰ, জাহাজ, পৰিবহণ আৰু জলপথ মন্ত্রী তথা কেন্দ্রীয় আয়ুষ মন্ত্রী সর্বানন্দ সােণােৱালে আজি ডিব্রুগড়ৰ বগীবিলৰ সমীপৰ দক্ষিণ পাৰটো পৰিদৰ্শন কৰে আৰু ইয়াত প্রস্তাৱিত কার্গ টার্মিনেল তথা পর্যটনঘাটৰ প্রকল্পস্থলীৰ সৈতে জড়িত বিভিন্ন দিশৰ বুজ লয়।এই প্রসংগত তেখেতে কয় যে- এসময়ত ডিব্রুগড় ভাৰতৰ মানচিত্রত এক গুৰুত্বপূর্ণ নদী বন্দৰ হিচাপে খ্যাত আছিল। এই অঞ্চলৰ মােহনাঘাটৰপৰা থলুৱাভাৱে উৎপাদিত বিভিন্ন সা সামগ্রী ব্ৰহ্মপুত্ৰয়েদি বংগােপ সাগৰৰ জৰিয়তে দেশ বিদেশৰ বিভিন্ন প্রান্তলৈ প্ৰেৰণ কৰা হৈছিল আৰু লগতে ইয়ালৈ আমদানিও হৈছিল। অসমৰ অর্থনৈতিক বুনিয়াদ গঢ় দিয়াত ডিব্রুগড়ৰ নদী বন্দৰৰ ভূমিকা ঐতিহাসিকভাৱে তাৎপর্যপূর্ণ। কিন্তু পৰৱর্তী সময়ত এই ধাৰা স্তব্ধ হৈ পৰিছিল। সেয়ে উক্ত দিশত ডিব্রুগড়ৰ পূৰ্বৰ গৰিমা পুনৰ ঘূৰাই অনাৰ বাবে আমি লক্ষ্য নির্ধাৰণ কৰিছো।

তদুপৰি তেখেতে কয় যে- মাননীয় প্রধানমন্ত্রী নৰেন্দ্র মােদী ডাঙৰীয়াৰ বলিষ্ঠ নেতৃত্বত “এক্ট ইষ্ট প’লিচীৰ জৰিয়তে অসম তথা উত্তৰ পূর্বাঞ্চলত এতিয়া যাতায়াত-যােগাযােগ ব্যৱস্থা সুগম হৈ পৰিছে, যাৰ যােগেদি সমগ্র অঞ্চলটোত সূচনা হৈছে উন্নয়নৰ এক ন দিগন্তৰ।জলপথে বেপাৰ-বাণিজ্য, আমদানি-ৰপ্তানি কৰাৰ ক্ষেত্ৰত সদায়েই অগ্রণী ভূমিকা পালন কৰি আহিছে। ই এক সহজসাধ্য আৰু তুলনামূলকভাৱে কম খৰচী মাধ্যম। মােদী ডাঙৰীয়াৰ দূৰদৃষ্টিপূর্ণ নেতৃত্বত ৰাষ্ট্ৰীয় জলপথ নং ২ অর্থাৎ ব্রহ্মপুত্র নদ আৰু ৰাষ্ট্ৰীয় জলপথ নং ১৬ অর্থাৎ বৰাক- এই দুয়ােখন নদীৰ যােগেদি বাংলাদেশৰ
মংলা আৰু চিটাগং বন্দৰৰ জৰিয়তে বিভিন্ন সা-সামগ্ৰীৰ আমদানি ৰপ্তানিকৰণৰ ক্ষেত্ৰত ভাৰত বাংলাদেশৰ মাজত ইতিমধ্যে বুজাবুজিৰ চুক্তি স্বাক্ষৰিত হৈছে। ইয়াৰ ফলত আমাৰ থলুৱা সামগ্রীসমূহে বিশ্ব বজাৰত স্থিতি সবল কৰিব পাৰিব। তদুপৰি ব্ৰহ্মপুত্ৰৰ দাঁতিত মাল্টিমডেল লজিটিক্স পার্ক স্থাপন কৰাৰ বাবেও ব্যৱস্থা গ্রহণ কৰা হৈছে। ইতিমধ্যে যােগীঘােপাত ইয়াৰ কাম পূর্ণগতিত চলি আছে। সমান্তৰালভাৱে গুৱাহাটী, পান্ডু, ধুবুৰী আদিত ব্ৰহ্মপুত্ৰৰ যাতায়াত ব্যৱস্থা সুচল কৰাৰ বাবে নদী বন্দৰ নিৰ্মাণ কৰাৰ পদক্ষেপ গ্রহণ কৰা হৈছে।
আগন্তুক দিনত কাৰ্গ আৰু যাত্রী পৰিবহণ উভয়ৰে সুবিধাৰ বাবে ডিব্রুগড়তাে তেনে এটা বন্দৰ নিৰ্মাণৰ প্রয়াস কৰা হৈছে- এইবুলি সােণােৱালে উল্লেখ কৰে।
প্রধানমন্ত্রী গতি শক্তিৰ অধীনত প্রস্তাৱিত উক্ত পদক্ষেপসমূহ ৰূপায়ণ হ’লে অসমৰ অর্থনৈতিক গতি অধিক ত্বৰান্বিত হােৱাৰ লগতে যুৱপ্ৰজন্মৰ বাবে সংস্থাপনৰ পথে প্রশস্ত হ’ব। সেয়েহে এইক্ষেত্ৰত যাৱতীয় আন্তঃগাঁথনি গঢ় দিয়াত আমি অগ্রাধিকাৰ দিছোঁ। তদুপৰি, ব্ৰহ্মপুত্ৰৰ বুকুত মজুত থকা বিভিন্ন পর্যটন সম্ভাৱনীয়তাৰ প্রতি লক্ষ্য ৰাখি ইয়াৰ অত্যাধুনিক অন্বেষণৰদ্বাৰা অনাগত দিনত উপযুক্ত ব্যৱস্থাও গ্রহণ কৰা হ’ব- সােণােৱালে লগতে উল্লেখ কৰে। লগতে তেখেতে কয় যে- সাগৰ মালা প্রকল্পৰ যােগেদি মাল্টিমডেল সংযােগ উন্নয়ন সাধি বিভিন্ন আন্তঃগাঁথনি আৰু পর্যটন উন্নীতকৰণৰ বাবেও ব্যৱস্থা লােৱা হৈছে।
আজিৰ পৰিদর্শনকালত কেন্দ্রীয় মন্ত্রীগৰাকীক সংগ দিয়ে কেন্দ্রীয় বন্দৰ, জাহাজ পৰিবহণ আৰু জলপথ মন্ত্ৰালয়ৰ বিষয়াসকলে, অসম চৰকাৰৰ অভ্যন্তৰীণ জল পৰিবহণ বিভাগৰ প্ৰধান সচিব শ্রী কে কে দ্বিবেদী তথা বিষয়াসকলে, উত্তৰ-পূব সীমান্ত ৰে’লৱেৰ মহাপ্ৰৱন্ধক শ্রী অনশুল গুপ্তা আৰু বিষয়াসকলে।

শংকৰদেৱ কলাক্ষেত্ৰৰ শ্ৰীমন্তশঙ্কৰদেৱ আন্তঃৰাষ্ট্ৰীয় প্ৰেক্ষাগৃহত সঙ্গীত সত্ৰ পৰীক্ষা পৰিষদৰ সমাবৰ্তন সম্পন্ন

মহানগৰীৰ চানমাৰিস্থিত সঙ্গীত সত্ৰ পৰীক্ষা পৰিষদৰ সপ্তম সমাবৰ্তন-২০২১খন কালি ২৩ অক্টোবৰ শনিবাৰে শঙ্কৰদেৱ কলাক্ষেত্ৰৰ “শ্ৰীমন্ত শংকৰদেৱ আন্তঃৰাষ্ট্ৰীয়(আন্তৰ্জাতিক) প্ৰেক্ষাগৃহত দিনৰ ১১বজাৰ পৰা অনুষ্ঠিত হয়৷সম্পূৰ্ণ ক’ভিড বিধি মানি আয়োজন কৰা সমাবৰ্তনখনৰ কাৰ্যসূচীৰ আৰম্ভণিতে ১৯৬৮ চনতে প্ৰতিষ্ঠা হোৱা সঙ্গীত সত্ৰৰ উল্লেখযোগ্য -স্মৰণীয় কিছুমান দৃশ্য পৰ্দাযোগে প্ৰদৰ্শন কৰা হয়৷ইয়াৰ পাছতে নৃত্যাচাৰ্য পদ্মশ্ৰী যতীন গোস্বামীয়ে কৰা বন্তি প্ৰজ্বলনৰে সঙ্গীত সত্ৰৰ প্ৰতিষ্ঠাপক অধ্যক্ষ প্ৰয়াত ৰসেশ্বৰ শইকীয়া বৰবায়নক প্ৰতিষ্ঠা লাভ কৰাত সহায় কৰা বিশিষ্ট সমাজসেৱক দ্ৰোণ কান্ত ভাগৱতীৰ সোৱঁৰণত সঙ্গীত সত্ৰই উছৰ্গা কৰা মঞ্চখন মুকলি হয়৷ সঙ্গীত সত্ৰৰ দ্বাৰা আয়োজিত অনুষ্ঠানটিত ভাৰ্চুৱেলি প্ৰদৰ্শিত হয় সঙ্গীত সত্ৰৰ প্ৰতিষ্ঠাৰ দিনা প্ৰয়াত নিকুঞ্জলতা মহন্তই পৰিবেশন কৰা এটি বৰগীত৷ সমাবৰ্তনখনত বিশিষ্ট অতিথি হিচাপে গুৱাহাটী বিশ্ববিদ্যালয়ৰ বৰ্তমানৰ উপাচাৰ্য ড° প্ৰতাপ জ্যোতি সন্দিকৈ ,অসম চৰকাৰৰ সাংস্কৃতিক সঞ্চালকালয়ৰ বৰ্তমানৰ সচিব মাধুৰীমা বৰুৱা সেন আৰু সন্মানীয় অতিথি ৰূপে উপস্থিত থাকে গুৱাহাটী বিশ্ববিদ্যালয়ৰ পৰীক্ষা নিয়ন্ত্ৰক ড° ধ্ৰুৱজ্যোতি চৌধুৰী৷ সমাবৰ্তনখনত সঙ্গীত সত্ৰৰ সাধাৰণ সম্পাদক ৰঞ্জুমণি শইকীয়াৰ আদৰণি ভাষণৰ পাছতে সঙ্গীত সত্ৰৰ কাৰ্যকৰী সভাপতি অতুল্য মাধব গোস্বামীয়ে বক্তব্য প্ৰদান কৰে৷সত্যজিত গগৈয়ে আঁতধৰা অনুষ্ঠানটিত অৰুণাভ জ্যোতি মালাকাৰ,কংকন জ্যোতি শইকীয়া,বিশ্বজিত বৰদলৈয়ে কৰা খোল বাদন নিবিড় দেৱ শৰ্মাৰ বাঁহী আৰু জুৰি দাসৰ তাল সংগতৰে পৰিবেশিত হয়৷
অনুষ্ঠানৰ মাজতে সঙ্গীত সত্ৰ পৰীক্ষা পৰিষদৰ আচাৰ্য মূল কমলাবাৰী সত্ৰৰ সত্ৰাধিকাৰ ভৱকান্ত দেৱগোস্বামীৰ এটি আশীষবাণী ভিডিঅ’যোগে সম্প্ৰচাৰো কৰা হয়৷ সঙ্গীত সত্ৰৰ সহকাৰী সম্পাদক গোপাল চন্দ্ৰ বৰদলৈয়ে সম্পাদনা কৰা সঙ্গীত সত্ৰৰ পুস্তিকাখনৰ শুভ উন্মোচন কৰে অসম চৰকাৰৰ
সাংস্কৃতিক সঞ্চালকালয়ৰ সচিব মাধুৰীমা বৰুৱা সেনে৷গুৱাহাটী বিশ্ববিদ্যালয়ৰ উপাচাৰ্য ড° প্ৰতাপ জ্যোতি সন্দিকৈয়ে আগবঢ়োৱা দীক্ষান্ত ভাষণয়ে উপস্থিত ছাত্ৰ-ছাত্ৰীসকলক যথেষ্ট অনুপ্ৰেৰণা যোগায়৷ অনুষ্ঠানটিত ৰঞ্জুমণি শইকীয়াই সম্পাদকীয় প্ৰতিবেদনখনো পাঠ কৰে৷চাৰিশৰো অধিক শিক্ষাৰ্থীৰ প্ৰ পত্ৰ প্ৰদানকো সামৰি অনুষ্ঠিত এই সমাবৰ্তনখনত ইতিমধ্যেই দুটাকৈ ক’ভিড ভেক্‌চিন লোৱাৰ প্ৰমাণপত্ৰসহ উপস্থিত থকা শিক্ষাৰ্থীসকলক সঙ্গীত সত্ৰৰ তৰফৰ পৰা মাস্ক-চেনিটাইজাৰৰো যোগান ধৰা হয়৷উল্লেখ্য যে সঙ্গীত সত্ৰ পৰীক্ষা পৰিষদৰ অন্তৰ্গ প্ৰায় ৩০০খন বিদ্যালয়ৰ ১৭২টা পৰীক্ষা কেন্দ্ৰৰ বিগত দুটা বৰ্ষৰ ‘গুণীন’ শিক্ষাৰ্থীসকলক উত্তীৰ্ণৰ প্ৰমাণপত্ৰ আৰু একোখন অংগবস্ত্ৰ প্ৰদান কৰাৰ লগতে ইয়াৰে ডিচ্‌টিংচন লাভ কৰা ৬৩ গৰাকী প্ৰশিক্ষাৰ্থীক এটি বিশেষ স্মাৰক প্ৰদান কৰা হয়৷অনুষ্ঠানটিত সংগীত নাটক একাডেমীৰ বিছমিল্লা খাঁ যুৱবঁটা প্ৰাপক অঞ্জলী বৰবৰা বৰঠাকুৰ,মনোজ কুমাৰ দাস,কুলদীপ পাটগিৰীক বিশেষভাৱে সম্বৰ্ধনা জনোৱা হয়৷ইয়াৰ উপৰিও সঙ্গীত সত্ৰলৈ আগবঢ়োৱা অৱদানৰ বাবে সঙ্গীত সত্ৰৰ যুটীয়া সম্পাদক পাৰ্থপ্ৰতীম বৰুৱাৰ লগতে মঃ ছাইফুল ইছলামকো সম্বৰ্ধিত কৰা হয়৷ অসমৰ লগতে ভাৰতৰ আন ৰাজ্যতো প্ৰশিক্ষণ কেন্দ্ৰ থকা সঙ্গীত সত্ৰ পৰীক্ষা পৰিষদৰ পৰীক্ষা নিয়ন্ত্ৰক পদ্মশ্ৰী,সংগীত নাটক অকাডেমী বঁটাপ্ৰাপ্ত বায়নাচাৰ্য ঘনকান্ত বৰায়ো সমাবৰ্তনখনত ভাষণ প্ৰদান কৰে৷আজিৰ এই অনুষ্ঠানত সঙ্গীত সত্ৰৰ অধ্যক্ষ ৰিঞ্জুমণি শইকীয়া, সঙ্গীত সত্ৰ পৰীক্ষা পৰিষৰ সচিব নৱদেৱ কৃষ্ণশংকৰ ভাৰতী,দেৱশংকৰ বৰ্মন প্ৰমুখ্যে সংগীত সত্ৰৰ সদস্য তথা বহু গণ্য মান্য ব্যক্তি,শিক্ষাৰ্থী উপস্থিত থাকে৷

সোণাৰি মহাবিদ্যালয়ত কেৰিয়াৰ কাউঞ্চেলিঙৰ কৰ্মশালা

সোণাৰিৰ যুৱক যুবতীসকলক প্ৰতিযোগিতামূলক পৰীক্ষাৰ বাবে সাজু কৰি তুলিবলৈ ব্যবস্থা লোৱা প্ৰশিক্ষণ প্ৰতিষ্ঠান ড্ৰীমছ জ’ন আই এ এছৰ উদ্যোগত আজি সোণাৰি মহাবিদ্যালয়ত এটা কেৰিয়াৰ কাউঞ্চেলিঙৰ কৰ্মশালা সম্পন্ন হয়।সোণাৰি মহাবিদ্যালয় প্ৰেক্ষাগৃহত অনুষ্ঠিত কৰ্মশালাটোত সমল ব্যক্তি হিচাপে উপস্থিত থাকে চৰাইদেউ জিলাৰ আৰক্ষী অধীক্ষক সুধাকৰ সিঙ। প্ৰশাসনিক সেৱা তথা প্ৰতিযোগিতা মূলক পৰীক্ষাৰ প্ৰস্তুতি সন্দৰ্ভত অনুষ্ঠিত হোৱা এই কৰ্মশালাটো উদ্বোধন কৰে সোণাৰি মহাবিদ্যালয়ৰ অধ্যক্ষ ড° বিমল চন্দ্ৰ গগৈয়ে।ক’ভিড প্ৰট’কল মানি অনুষ্ঠিত হোৱা এই কৰ্মাশালাত মহাবিদ্যালয় খনৰ যথেষ্ট সংখ্যক ছাত্ৰ-ছাত্ৰীয়ে অংশগ্ৰহণ কৰে। এই কৰ্মশালাত ছাত্ৰ ছাত্ৰীসকলক কেনেদৰে প্ৰশাসনিক সেৱা পৰীক্ষাৰ বাবে সাজু হব লাগে সেই সম্পৰ্কে বিভিন্ন ধৰণৰ প্ৰশিক্ষণ দিয়া হয় ।

ঢকুৱাখনাৰ মেধাবী ছাত্ৰ নিৰঞ্জন গগৈলৈ  ডিম্বেশ্বৰ কোঁৱৰ স্মাৰক বঁটা 

ঢকুৱাখনাৰ বিদ্যায়তনিক ইতিহাসৰ  অন্যতম সমুজ্জ্বল নক্ষত্ৰ স্বৰূপ  , ৰাজ্য চৰকাৰৰ এগৰাকী সুদক্ষ আৰু  নিষ্ঠাবান শিক্ষা বিষয়া প্ৰয়াত ডিম্বেশ্বৰ কোঁৱৰৰ সশ্ৰদ্ধ স্মৰণত কোঁৱৰৰ পৰিয়ালবৰ্গই  প্ৰদান কৰি অহা প্ৰয়াত ডিম্বেশ্বৰ কোঁৱৰ স্মাৰক বঁটা শনিবাৰে দ্বিতীয় বাৰৰ  বাবে  ঢকুৱাখনাত প্ৰদান কৰা হয় ।  ঢকুৱাখনা উচ্চতৰ মাধ্যমিক বিদ্যালয়ৰ প্ৰেক্ষাগৃহত শনিবাৰে এই সম্পৰ্কত অনুষ্ঠিত কৰা হয় এক মনোজ্ঞ সভা । বিদ্যালয়খনৰ  পৰিচালনা আৰু উন্নয়ন সমিতিৰ সভাপতি ডিম্বেশ্বৰ গগৈৰ সভাপতিত্বত অনুষ্ঠিত বঁটা প্ৰদান অনুষ্ঠানৰ উদ্দেশ্য ব্যাখ্যা কৰে  বিদ্যালয়ৰ অধ্যক্ষ কল্পনা গগৈয়ে। বিদ্যালয়খনৰ প্ৰাক্তন  মেধাবী ছাত্ৰ , এই বিদ্যালয়ৰে প্ৰশিক্ষণ প্ৰাপ্ত  প্ৰাক্তন শিক্ষক তথা অৱসৰ প্ৰাপ্ত  সুদক্ষ শিক্ষা বিষয়া প্ৰয়াত ডিম্বেশ্বৰ কোঁৱৰ স্মাৰক বঁটা প্ৰদান পৰ্ব  যোৱা বছৰৰ পৰা আৰম্ভ কৰি তেওঁৰ স্মৃতি যুগমীয়া কৰাৰ প্ৰয়াস কৰি আহিছে কোঁৱৰৰ পৰিয়ালবৰ্গই।  বিদ্যালয়খনৰ পৰা  হাইস্কুল শিক্ষান্ত পৰীক্ষাত ইংৰাজী বিষয়ত সৰ্বোচ্চ নম্বৰ ( ৭৫ শতাংশৰ অধিক ) প্ৰাপক গৰাকীক  প্ৰদান কৰি অহা দ্বিতীয় বৰ্ষৰ এই বঁটা  লাভ কৰিছে বিদ্যালয়খনৰ মেধাবী ছাত্ৰ ঢকুৱাখনা দীঘলা গাঁওৰ  প্ৰণৱ গগৈৰ পুত্ৰ  নিৰঞ্জন গগৈয়ে। কৃতিমান ছাত্ৰ নিৰঞ্জন গগৈয়ে ইংৰাজী  বিষয়ত ৯৩ ,গণিত বিষয়ত ৯৬ ,সাধাৰণ বিজ্ঞান বিষয়ত ৯৫ ,সমাজ বিজ্ঞান  বিষয়ত ৯৫ , অসমীয়া বিষয়ত  ৯২আৰু ঐচ্ছিক বিষয়ত  ৯৪ নম্বৰ সহ সৰ্বমুঠ ৫৬৫ নম্বৰ ( ৯৪’১৬ শতাংশ ) লাভ  কৰিবলৈ সক্ষম হৈছে। এইগৰাকী কৃতিমান শিক্ষাৰ্থীক বঁটা প্ৰদান কৰিবলৈ  অনুষ্ঠিত  সভাত  উপস্থিত থাকে প্ৰয়াত চেতিয়াৰ  কন্যা তিনিচুকীয়া জিলাৰ ডুমডুমা নিবাসী অঞ্জু কোঁৱৰ মজিন্দাৰ  ,মামণি  কোঁৱৰ আৰু পুত্ৰ বিকাশ কোঁৱৰ , অবসৰী শিক্ষক সৰ্বেশ্বৰ বৰুৱা , অবসৰী অধ্যক্ষ লিখন চন্দ্ৰ বৰগোঁহাই , চেনিৰাম বৰৱা, ধ্ৰুৱ জ্যোতি  কোঁৱৰ , বঁটা প্ৰাপক নিৰঞ্জন গগৈৰ  পিতৃ প্ৰণৱ গগৈ।  বঁটা প্ৰদানৰ পূর্বে  প্ৰয়াত শিক্ষাবিদ  চেতিয়াৰ জ্যেষ্ঠ কন্যা অঞ্জু কোঁৱৰ মজিন্দাৰে দেউতাকৰ সশ্ৰদ্ধ স্মৰণ কৰি ছাত্ৰ জীৱনৰ পৰা  আৰম্ভ কৰি শিক্ষা বিষয়া হিচাপে অৱসৰ গ্ৰহণ পৰ্যন্ত  সকলো দিশ সামৰি বক্তব্য ৰাখে। ১৯৪৮ চনত মেট্ৰিকুলেট পৰীক্ষাত দ্বিতীয় বিভাগত আৰু  কটন মহাবিদ্যালয়ৰ পৰা  আইএচচি পৰীক্ষাত সুখ্যাতিৰে উত্তীৰ্ণ হৈ এই বিদ্যালয়ত ৪ বছৰ শিক্ষকতা কৰাৰ পৰৱৰ্তী সময়ত বিটি প্ৰশিক্ষণ  গ্ৰহণ কৰি “অসম শিক্ষা সেৱাৰ পৰীক্ষাত উত্তীৰ্ণ হৈ শিক্ষা বিষয়া হিচাপে ৰাজ্যখনৰ বিভিন্ন জিলাত সেৱা আগবঢ়াই তিনিচুকীয়া জিলাৰ পৰা বিদ্যালয় সমূহৰ পৰিদর্শক হিচাপে  অৱসৰ গ্ৰহণ কৰা আৰু  অৱসৰৰ পাছতো ২৯ বছৰ কৰ্ম ব্যস্ততাৰে দিন কটোৱা কৰ্মব্যস্ততাপূৰ্ণ জীৱন শৈলী সন্দৰ্ভত  চমু অবলোকন কৰে । প্ৰয়াত শিক্ষাব্ৰতী  ডিম্বেশ্বৰ কোঁৱৰৰ জীৱন আৰু কৰ্মৰাজি সম্পৰ্কে চমু বক্তব্য আগবঢ়াই  কোঁৱৰৰ প্ৰাক্তন ছাত্ৰ ,প্ৰবীণ শিক্ষাবিদ সৰ্বেশ্বৰ বৰুৱাই চেতিয়াৰ  নিখুঁত শিক্ষণ শৈলী আৰু ব্যক্তিত্বই  ছাত্ৰ অভিভাৱক  সকলোকে সন্মোহিত কৰিছিল বুলি কৈ অংক আৰু ইংৰাজী বিষয়ত অগাধ পাণ্ডিত্যৰ গৰাকী  কোঁৱৰে  পৰৱৰ্তী সময়ত সুশাসক তথা সুদক্ষ শিক্ষা বিষয়া  হিচাপে সেৱা আগবঢ়াই যোৱা বুলি মন্তব্য কৰি কোঁৱৰৰ গুণানুকীৰ্তন কৰে ।   বিদ্যালয়ৰ  সমূহ শিক্ষক শিক্ষাৰ্থী , শিক্ষানুৰাগী ৰাইজ  উপস্থিত থকা গাম্ভীৰ্যপূৰ্ণ সভাত বঁটা প্ৰাপক নিৰঞ্জন গগৈক ফুলাম গামোচা , গ্ৰন্থ সম্ভাৰ আৰু ৭  হাজাৰ টকাৰ চে’ক  প্ৰদান কৰে অধ্যক্ষ কল্পনা গগৈৰ সহযোগিতাত জ্যেষ্ঠ কন্যা অঞ্জু কোঁৱৰ মজিন্দাৰ আৰু পুত্ৰ বিকাশ কোঁৱৰে। সভাত অৱসৰ প্ৰাপ্ত অধ্যক্ষ চেনিৰাম বৰুৱা , লিখন  বৰগোহাঁই ,শিক্ষয়িত্ৰী মৌচুমী গগৈ হাতীবৰুৱাই বক্তব্য ৰাখি  প্ৰাক্তন শিক্ষাগুৰু গৰাকীৰ শিক্ষানুষ্ঠানখনৰ  সতে সম্পৃক্ত স্মৃতি সজীৱ কৰি ৰাখিবলৈ পৰিয়ালবৰ্গই হাতত লোৱা এনে প্ৰশংসনীয় পদক্ষেপৰ একেমুখে শলাগ লয়।
বাতৰি যুগুতালে অমৃত পৱন বৰাই।

কাহিলীপাৰাৰ চেনেহ বৃদ্ধাবাসৰ আবাসীলৈ গাৰ্লছ এন চি চি কেডেটৰ সহায়ৰ হাত

গুৱাহাটীৰ ভৱদা দেৱী মেমৰিয়েল হোমৰ উদ্যোগত পৰিচালিত কাহিলীপাৰাস্থিত “চেনেহ ” বৃদ্ধাবাসৰ আবাসীলৈ ৰাষ্ট্ৰীয় শিক্ষাৰ্থী বাহিনীৰ গুৱাহাটীস্থিত ৬০ আসাম গাৰ্লছ এন চি চি বেটেলিয়ানে সহায়ৰ হাত আগবঢ়াইছে । ২২ অক্টোবৰৰ বিয়লি ৬০ আসাম গাৰ্লছ এন চি চি বেটেলিয়ানৰ কমাণ্ডিং অফিচাৰ , কৰ্ণেল অনিল কুমাৰৰ নেতৃত্বত এটা কেডেটৰ দল চেনেহ বৃদ্ধাবাসত উপস্থিত হৈ আবাসী সকলৰ মাজত খাদ্যকে ধৰি নিত্য ব্যৱহাৰ্য সামগ্ৰী , এটা আলমাৰী প্ৰদান কৰে । এই উপলক্ষে আয়োজিত অনুষ্ঠানত এন চি চিৰ উত্তৰ পূব মণ্ডলৰ অতিৰিক্ত সঞ্চালক প্রধান মেজৰ জেনেৰেল ভাস্কৰ কলিতাই ভাগ লৈ এন চি চিৰ কেডেটৰ দলটোক উৎসাহিত কৰাৰ লগতে আবাসত থকা প্ৰায় ২৫ জনী আইতাৰ সৈতেও কুশল বার্তা বিনিময় কৰে আৰু তেওঁলোকক একো একোজন সমাজৰ পথ প্ৰদৰ্শক স্বৰূপ বুলি সদৰি কৰে । অনুষ্ঠানত এন চি চিৰ গুৱাহাটী গ্রুপৰ গ্রুপ কমাণ্ডাৰ ব্ৰিগেডিযাৰ যোগেশ কুমাৰ তালুকদাৰে ভাগ লৈ পৰিবেশ – পৰিস্থিতিৰ বাবে বৃদ্ধাবাসত থাকিবলৈ বাধ্য হোৱা আবাসী সকলৰ সুস্বাস্থ্য কামনা কৰে আৰু আগন্তক দিনটো এনেদৰে এন চি চিৰ ফালৰ পৰা সহায়ৰ হাত আগবঢ়াব বুলি ঘোষণা কৰে । অনুষ্ঠানত চেনেহ বৃদ্ধাবাসৰ ন্যাসৰক্ষী ক্ৰমে ডঃ পদ্মপানী মহন্ত , অভিযন্তা পৰেশ দেৱচৌধুৰী , উইং কমাণ্ডাৰ উমাকান্ত মহন্ত আৰু যুতিকা দেৱী উপস্থিত থাকে আৰু আবাসী সকলক সহায়ৰ হাত আগবঢ়োৱা বাবে বাহিনীটোৰ শলাগ লয় ।