মহানগৰীত ৬জুলাইৰ পৰা লকডাউনত শিথিলতা থাকিব

গুৱাহাটী মহানগৰীত হোৱা ভয়াৱহ গণ সংক্ৰমণৰ কাৰণে প্ৰশাসনে ১৪দিনৰ বাবে লকডাউন ঘোষণা কৰিছিল। এই লকডাউনৰ মাজতে মহানগৰবাসী যাতে কোনোধৰণৰ সমস্যাৰ সন্মুখীন নহয় তাৰ বাবে লকডাউনৰ মাজতে মহানগৰীৰ গেলামালৰ দোকান সমূহ ৬জুলাই আৰু ৮জুলাইৰ দিনা পুৱা ১১বজাৰ পৰা আবেলি ৪বজালৈকে খুলিব পাৰিব।গেলামাল দোকানৰ মালিক, কৰ্মচাৰী সকলৰ লগতে দোকানৰ গ্ৰাহক সকলেও হেণ্ডগ্লোভচ আৰু সামাজিক দুৰত্ব মানি চলিব লাগিব। মূল্যবৃদ্ধি নিয়ন্ত্ৰণৰ লগতে গেলামাল সামগ্ৰী সমূহৰ নাটনি ৰোধৰ ক্ষেত্ৰত থকা দায়িত্ব মালিকপক্ষই পালন কৰিব লাগিব। সমান্তৰালভাৱে দোকানী আৰু খাদ্য, অসামৰিক যোগান আৰু গ্ৰাহক পৰিক্ৰমা বিভাগৰো এইক্ষেত্ৰত দায়িত্ব থাকিব।

 

 

 

উল্লেখযোগ্য যে যিসকল লোকে ঘৰে ঘৰে গৈ শাক পাচলি আৰু ফলমূল বিক্ৰী কৰিছিল সেইসকল লোককো ৬জুলাই আৰু ৮জুলাইৰ দিনা পুৱা ৮বজাৰ পৰা আবেলি ২বজালৈ ঘৰে ঘৰে বিক্ৰী কৰাৰ অনুমতি দিয়া হৈছে। মহানগৰীত ৫জুলাই আৰু ৭জুলাইৰ দিনা গেলামালৰ যিসমূহ পাইকাৰী দোকান আছে সেইসমূহো আবেলি ৩বজাৰ পৰা ৬বজালৈকে খুলিব পাৰিব।

 

 

 

কালিৰ পৰা এফ চি আইৰ সকলো কাম সামাজিক দুৰত্ব মানি আৰম্ভ কৰিব পাৰিব।যিসমূহ বাহনৰ জৰিয়তে অত্যাৱশ্যকীয় সা সামগ্ৰী সমূহ কঢ়িওৱা হয় সেইসমূহ বাহন কামৰূপ মহানগৰৰ ভিতৰত কোনো ষ্টপেজত নৰখোৱাকৈ যাব পাৰিব।
স্মৰ্তব্য যে অহা ৬জুলাইৰ পৰা ৮জুলাইৰ দিনাখন পুৱা ১০বজাৰ পৰা ৩বজালৈ ঔষধৰ পাইকাৰী বিক্ৰীৰ অনুমতি প্ৰদান কৰা হৈছে। আনহাতে পশু চিকিৎসা কেন্দ্ৰ আৰু ঔষধৰ বিপনীসমূহো ৬ জুলাই আৰু ৮ জুলাইৰ দিনা খুলিব পাৰিব।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

২০২০ বৰ্ষৰ কাব্য কানন বঁটা ঘোষণা- নিৰ্বাচিত হৈছে ৫গৰাকী কবি

অসমীয়া কবিতাৰ প্ৰচাৰ আৰু প্ৰয়াসৰ বাবে স্থাপন হোৱা অসম কাব্য কাননৰ ২০২০ বৰ্ষ কাব্য কানন বঁটা পাঁচগৰাকী কবিলৈ আগবঢ়োৱা হৈছে।অসম কাব্য কাননৰ সম্পাদক নৱ ৰাজনে জানিবলৈ দিয়া মতে এই বৰ্ষৰ কাব্য কানন বঁটাৰ বাবে ৰণজিৎ গগৈ,ৰাতুল কুমাৰ লাহন ,নীলাভ সৌৰভ,খঞ্জনা শৰ্মা,আৰু মিণ্টুল হাজৰিকা নিৰ্বাচিত হৈছে।

 

 

 

উল্লেখযোগ্য যে কাব্য কানন বাবে নিৰ্বাচিত এই কবি পাঁচজনৰ পাঁচখন কাব্য সংকলনে এই বঁটা নিৰ্বাচনত গুৰুত্বপূৰ্ণ ভূমিকা পালন কৰিছে। সেইসমূহ কাব্য সংকলন হ’ল বুকুৰ কোণৰ চৌফলীয়া ৰ’দ এজাক,পানীগছা,উত্তৰ আধুনিক ঘাঁ,পানীৰ দুৱাৰ আৰু ৰ’দৰ গান।

 

 

অহা ২৭ ডিচেম্বৰত গুৱাহাটীত অনুষ্ঠিত হ’ব লগীয়া অসম কাব্য কানন তৃতীয় বাৰ্ষিক অধিবেশনৰ মুকলি সভাত এই বঁটা সমূহ আনুষ্ঠানিক ভাৱে প্ৰদান কৰ আকাশবাণী গুৱাহাটী কেন্দ্ৰৰ সঞ্চালক ৰাজীৱ বৰুৱাই। আনহাতে এই অধিবেশনত বিশিষ্ট কবি সমালোচক ড° মৃদুল শৰ্মা,জেষ্ঠ কবি উদয় কুমাৰ শৰ্মা, শিশু সাহিত্যিক যুগললোচন দাস বিশিষ্ট অতিথি হিচাপে উপস্থিত থাকিব।

বৰঝাৰ বিমানবন্দৰত জগদীশ বৈশ্যৰ গীত উন্মোচন

ভাৰতীয় বিমানবন্দৰ প্ৰাধিকৰণৰ বৰঝাৰস্থিত উত্তৰ পূব মণ্ডল কাৰ্যালয়ৰ উপ মহাপ্ৰবন্ধক আৰু সাংস্কৃতিক কৰ্মী জগদীশ বৈশ্যই আগন্তুক শাৰদীয় বতৰ উপলক্ষে ৰচনা কৰা ‘শৰতৰ পদূলি ‘ শীৰ্ষক গীতটো ২০ অক্টোবৰত ইউটিউৱ আৰু ফেচবুকত মুকলি কৰা হয়। উত্তৰ পূৱ মণ্ডল কাৰ্যালয়ৰ প্ৰেক্ষাগৃহত আয়োজিত এক চমু অনুষ্ঠানত গীতটো মুকলি কৰে উত্তৰ পূৱ মণ্ডলৰ ক্ষেত্ৰীয় কাৰ্যবাহী সঞ্চালন এম সুৰেশে।

 

 

অনুষ্ঠানত প্ৰাধিকৰণৰ কেবাগৰাকী বিষয়া উপস্থিত থাকে। অনুষ্ঠানত জগদীশ বৈশ্যই গীতটো সন্দৰ্ভত নিজৰ অনুভৱ আৰু ইয়াৰ আঁৰৰ কথা ব্যক্ত কৰে। উল্লেখযোগ্য যে কাঁহিকুছিস্থিত শ্ৰীমন্ত শংকৰদেৱ কৃষ্টি বিকাশ সমিতিৰ সাংস্কৃতিক বিভাগৰ আহ্বায়ক জগদীশ বৈশ্যক পাঁচ মিনিট দৈৰ্ঘ্যৰ গীতটিত সুৰ আৰু সংগীতত পল্লৱে সহযোগ কৰিছে । গীতটো ইংৰাজীলৈ অনুবাদ কৰিছে অংকিত বৈশ্যই। গীটাৰত মাইনাই, বাঁহীত সংগত কৰিছে চিত্তৰঞ্জন সোনোৱালে। আগন্তুক শাৰদীয় দুৰ্গা পূজা আৰু চলি থকা নৱৰাত্ৰিত গীতটোৱে জনপ্ৰিয়তা লাভ কৰিব বুলি আশা কৰা হৈছে।

খবৰ যুগুতালে জীতুমণী দাসে..

ইণ্টাৰনেচনেল আগৰ উদ চেণ্টাৰৰ আধাৰশিলা স্থাপন কৰিলে মুখ্যমন্ত্ৰীয়ে

বুধবাৰে খুমটাই সমষ্টিৰ ডাবিডুবিত আধাৰশিলা স্থাপন হ’ল ইন্টাৰনেচনেল আগৰ উদ চেন্টাৰৰ। মুখ্যমন্ত্ৰী সৰ্বানন্দ সোনোৱালে এই কেন্দ্ৰটোৰ আধাৰশিলা স্থাপন কৰাৰ পাছতেই এতিয়া সাঁচি ব্যৱসায়ৰ লগত জড়িত লোকসকলৰ সমান্তৰালকৈ অঞ্চলবাসীও উৎফুল্লিত হৈ পৰিছে ।উল্লেখযোগ্য যে খুমটাই সমষ্টিৰ বিভিন্ন প্ৰান্তত বিশেষকৈ নাহৰনি,বাতিপৰীয়া,মেলামৰা আদি বিভিন্ন অঞ্চলত সাঁচি উদ্যোগে বহু দিনৰ আগৰে পৰাই জীৱিকাৰ মূল উৎস হিচাপে পৰিসৰ লাভ কৰি আহিছে।

 

এতিয়া ইন্টাৰনেচনেল আগৰ উদ চেন্টাৰৰ উপস্থিতিয়ে সাঁচি উদ্যোগৰ লগত জড়িত লোকসকলক সাঁচিৰ ব্যৱসায়ত অধিক লাভৱান কৰিব বুলি আশাবাদী হৈ পৰিছে।বৰ্তমান বন্ধ হৈ পৰা কুশল কোঁৱৰ সুতা কলৰ স্থানতেই ইন্টাৰনেচনেল আগৰ উদ চেন্টাৰ প্ৰতিষ্ঠাৰ ব্যৱস্থা কৰাতো এক ইতিবাচক পদক্ষেপ হিচাপে পৰিগণিত হৈছে।আজিৰ এই অনুষ্ঠানত মুখ্যমন্ত্ৰীৰ লগতে উপস্থিত থাকে মন্ত্ৰী চন্দ্ৰমোহন পাটোৱাৰী,অতুল বৰা আৰু খুমটাই সমষ্টিৰ বিধায়ক মৃনাল শইকীয়া।

চলা সংৰক্ষিত বনাঞ্চল সংৰক্ষণৰ বাবে বিশেষ পদক্ষেপ সচেতন ৰাইজৰ

চৰাইদেউ জিলাৰ বনাঞ্চল সমূহৰ ভিতৰত অন্যতম এখন হ’ল চলা সংৰক্ষিত বনাঞ্চল। এই বনাঞ্চল খনৰ বন ধ্বংস কাৰ্য ৰোধ কৰিবলৈ কাষৰীয়া অঞ্চলৰ ৰাইজে কিছু বছৰৰ পৰা ব্যতিক্ৰমী পদক্ষেপ গ্ৰহণ কৰি আহিছে।

 

সংৰক্ষিত বনাঞ্চল খনক চলা গ্ৰাম্য অভয়াৰণ্য হিচাপে ঘোষণা কৰি গাওঁবাসীয়ে ইয়াত গছপুলি ৰোপণ আৰু প্ৰতিপালন কৰাৰ লগতে বিভিন্ন সজাগতামূলক কাৰ্যসূচী ৰূপায়ন কৰি অহাৰ খবৰ বিভিন্ন সংবাদ মাধ্যমত প্ৰচাৰ হৈছিল।

 

চলা ভিলেজ চেনছুৱেৰী কনজাৰভেছন চ’ছাইটি নামেৰে এখন সমিতি গঠন কৰি বনাঞ্চলখনক সুৰক্ষাৰ বাবে স্থানীয় লোকসকল ওলাই অহা কাৰ্য ইতিমধ্যে প্ৰশংসিত হৈছে। কেৱল সেয়াই নহয় শেহতীয়াকৈ সোণাৰিৰ নাফুকস্থিত বনাঞ্চলিক বিষয়াৰ অনুমোদন সাপেক্ষে চলা সংৰক্ষিত বনাঞ্চলখনত নিশা পহৰা দিয়াৰো স্থানীয় লোকে ব্যৱস্থা কৰিছে। স্থানীয় যুৱকসকলক লৈ একোটা দল গঠন কৰি চলা ভিলেজ চেনছুৱেৰী কনজাৰভেছন চ’ছাইটিৰ সহযোগত ইতিমধ্যে পহৰা দিয়া আৰম্ভ কৰা হৈছে যাতে বনাঞ্চল খনৰ পৰা নিশা কোনো দুষ্কৃতিকাৰীয়ে কাঠৰ সৰবৰাহ কৰিব নোৱাৰে। চলা সংৰক্ষিত বনাঞ্চল সংৰক্ষণৰ বাবে চলা ভিলেজ চেনছুৱেৰী কনজাৰভেছন চ’ছাইটিয়ে গ্ৰহণ কৰা এই পদক্ষেপ এতিয়া জিলাখনত প্ৰশংসা লাভ কৰিছে।

 

ইফালে চলা ভিলেজ চেনছুৱেৰী কনজাৰভেছন চ’ছাইটিয়ে আজি দ্বিতীয় প্ৰতিষ্ঠা দিৱস উপলক্ষে সজাগতামূলক চাইক্লিং, জাংগল ট্ৰেকিং অনুষ্ঠিত কৰা লগতে এখন সজাগতা সভা অনুষ্ঠিত হয়। প্ৰতিষ্ঠা দিৱসৰ কাৰ্যসূচীত বহুকেইজন প্ৰকৃতিপ্ৰেমীৰ লগতে প্ৰাকৃতিক পৰ্যটনৰ লগত জড়িত কাজিৰঙাৰ বিতুপন কলঙো উপস্থিত থাকে।

খবৰ যুগুতালে সোণাৰিৰপৰা অভিজিৎ ভূঞাই..