যোগ্যজনক উচিত মৰ্য্যদা প্ৰদান কৰিলে।মানৱতাৰ পৰিচয়ৰে হৃদয় জিনা দুজন আৰক্ষী বিষয়াক আৰক্ষী আয়ুক্ত দীপক কুমাৰে সম্বৰ্দ্ধনা জনায় । সম্বৰ্দ্ধনা জনাই আয়ুক্ত দীপক কুমাৰে কয় যে তেওঁলোকক কৰা কামৰ মাজত মানৱ সেৱাৰ মনোভাৱে ফুটি উঠিছে।সম্বৰ্দ্ধনা লাভ কৰা আৰক্ষী কনিষ্টবল দুজন হৈছে অৱদিশ কুমাৰ ৰায় আৰু উপপৰিদৰ্শক ৰাজা চৰকাৰ।উল্লেখযোগ্য যে দুৰ্গাপূজাৰ অষ্টমী ৰাতি ১বজাত দতালপাৰাত মটৰ চাইকেল আৰু টেম্পোৰ মাজত সংঘৰ্ষ সংঘটিত হৈছিল ।দুৰ্ঘটনাটোত বেয়াকৈ ক্ষতিগ্ৰস্ত হৈছিল এজন মটৰ চাইকেল আৰোহী।দুৰ্ঘটনাৰ খবৰ পোৱাৰ লগে লগে আৰক্ষী উপপৰিদৰ্শক ৰাজা চৰকাৰৰ নেতৃত্বত কনিষ্টবল অৱদিশ কুমাৰ ৰায় উপস্থিত হৈ যান বাহন নিয়ন্ত্ৰণ কৰাৰ লগতে দুৰ্ঘটনাৰ ফলত পথত পৰি থকা ভগা গ্লাছ সমূহ ঝাডু লৈ ৰাতিয়ে সাৰি পেলায়।স্মতৰ্ব্য যে এই খবৰ চ’চিয়েল মেডিয়াৰ জৰিয়তে ভাইৰেল হোৱাৰ পিছত কনিষ্টবল গৰাকীক বিভিন্ন জনে প্ৰশংসা ৰে উপচাই পেলাইছিল।
জ্যেষ্ঠ সাংবাদিক নৱ ঠাকুৰীয়ালৈ বিশেষ সন্মান
জ্যেষ্ঠ সাংবাদিক নৱ ঠাকুৰীয়াক প্ৰেছ এমব্লেম কেম্পেইন নামৰ আন্তৰ্জাতিক সংস্থাৰ ভাৰতৰ প্ৰতিনিধি হিচাপে বাছনি কৰা হৈছে। উল্লেখযোগ্য যে চুইজাৰলেণ্ডৰ জেনেভাস্থিত সংস্থাটোৱে সমগ্ৰ পৃথিৱীতে ঘটি থকা সাংবাদিক হত্যা, সংবাদকৰ্মীৰ ওপৰত হোৱা নিগ্ৰহ আৰু শেহতীয়াকৈ ক’ভিডত মৃত্যু হোৱা সাংবাদিকৰ তালিকা প্ৰস্তুত কৰি আহিছে।
কেইবাখনো দেশৰ জ্যেষ্ঠ সাংবাদিকৰ উদ্যোগত ২০০৪ চনত জন্ম লাভ কৰা সংস্থাটোৰ সম্পাদক-প্ৰধান ব্লেইজ লেম্পেনে ঠাকুৰীয়াক এই দায়িত্ব অৰ্পনৰ বিষয়ে অৱগত কৰায়।লগতে সংস্থাটোৱে জাৰ্নেলিষ্ট ফ’ৰাম অসম সভাপতি ৰূপম বৰুৱাক ইয়াৰ সহযোগী সংগঠন হিচাপে মান্যতা প্ৰদান কৰিছে।
২০১০ চনৰ পৰা ৰাষ্ট্ৰসংঘত নিজৰ বক্তব্য উপস্থাপন কৰি অহা সংস্থাটোৱে ভাৰতবৰ্ষৰ বিভিন্ন প্ৰান্তৰ কৰ্মৰত সাংবাদিক আৰ্থিক অৱস্থা সম্পৰ্কটো অধ্যয়ন কৰিব।আজিৰ পৰা তিনিদশক পূৰ্বে অসম অভিযান্ত্ৰিক মহাবিদ্যালয়ৰ পৰা স্নাতক ডিগ্ৰী লাভ কৰা ঠাকুৰীয়াই অসমীয়া কাকতৰ জৰিয়তে সাংবাদিকতা জীৱন আৰম্ভ কৰে।
সম্প্ৰতি তেওঁ বহুকেইখন ৰাষ্ট্ৰীয় আৰু আন্ত:ৰাষ্ট্ৰীয় পৰ্যায়ৰ কাকতত সাংবাদিকতা আৰু সাংবাদিকৰ বিভিন্ন সমস্যা ওপৰত প্ৰবন্ধ লিখি আহিছে।
ভিউৱাছৰ মতামত