যশস্বী শিক্ষক প্ৰফুল্ল কেওঁটলৈ একেবৰ্ষতে ৰাজ্যিক আৰু জিলা কৃতি শিক্ষকৰ স্বীকৃতি

ঢেকীয়াজুলি ৰাজহ চক্ৰ অন্তৰ্গত নাৰেংকাটি উচ্চতৰ মাধ্যমিক বিদ্যালয়ৰ বিষয় শিক্ষক প্ৰফুল্ল কেওঁটয়ে ৰাজ্যিক পৰ্য্যায়ৰ আৰু জিলা ভিত্তিত কৃতি শিক্ষকৰ বঁটা লাভ কৰিবলৈ সক্ষম হৈছে।

 

গুৱাহাটী বিশ্ববিদ্যালয়ৰ পৰা প্ৰাণী বিজ্ঞান বিষয়ত স্নাতকোত্তৰ ডিগ্ৰীধাৰী কেওঁটে দৰং মহাবিদ্যালয়ৰ প্ৰাণী বিজ্ঞান বিভাগত কৰ্মজীৱনৰ আৰম্ভণি কৰে৷পৰৱৰ্তী সময়ত ঢেকীয়াজুলিৰ নাৰেংকাটি উচ্চতৰ মাধ্যমিক বিদ্যালয়ত ১৯৯৩ চনত প্ৰাণী বিজ্ঞান বিষয়ৰ শিক্ষক হিচাপে যোগদান কৰি  বৰ্তমানো কাৰ্যনিৰ্বাহ কৰি আছে৷

 

আনহাতে শিক্ষাদানৰ উপৰি কেওঁট বহু অনুষ্ঠান-প্ৰতিষ্ঠানৰ লগত জড়িত হৈ আছে ৷ ১৯৯৩ চনৰ পৰা কেওঁটে বৰ্তমানলৈকে সদৌ অসম সাহিত্য সাংস্কৃতিক গোষ্ঠীৰ সম্পাদক প্ৰধানৰ দায়িত্ব পালন কৰিছে৷ কেওঁটে শোণিতপুৰ জিলা উচ্চতৰ মাধ্যমিক শিক্ষক আৰু কৰ্মচাৰী সন্থাৰ সৈতে জড়িত হৈ মুখপত্ৰ আলচৰ ৩য় আৰু ৪ৰ্থ সংখ্যাৰ সম্পাদকৰ দায়িত্ব লৈ আলোচনীখন প্ৰকাশ কৰি উলিয়াইছিল৷

 

ইপিনে ২০০৪ চনৰ পৰা ২০০৭ চনলৈ অসম চৰকাৰৰ দ্বাৰা আয়োজিত জ্ঞান জ্যোতি আঁচনিত শোণিতপুৰ জিলা প্ৰশাসন আৰু বিদ্যালয় সমূহৰ পৰিদৰ্শকে অৰ্পণ কৰা দায়িত্ব কেওঁটে সুচাৰুৰূপে পালন কৰিছিল ৷ দিল্লী, হায়দৰাবাদ, গেংটক, টিমি টাৰ্ক’ ,গুৱাহাটীৰ কলাক্ষেত্ৰ আদিত  বিভিন্ন বিষয়ৰ প্ৰশিক্ষণ গ্ৰহণ কৰিছে ৷ সংস্কৃতি অনুৰাগী কেওঁট সৰুৰে পৰাই সত্ৰীয়া সংস্কৃতিৰ লগত জড়িত আছিল ৷ ভাওনা, ৰাস আদিত সূত্ৰধাৰী নৃত্য, কৃষ্ণ নৃত্য প্ৰদৰ্শন আৰু প্ৰহ্লাদ, পৰশুৰাম আৰু অন্যান্য নাটকৰ মূল চৰিত্ৰত অভিনয় কৰিছিল ৷ এগৰাকী চিত্ৰশিল্পী হিচাবেও পৰিচিত কেওঁটে ইতিমধ্যে কেইবাখনো দৃষ্টিনন্দন চিত্ৰশিল্প অংকন কৰি কলানুৰাগীৰ দৃষ্টি আকৰ্ষণ কৰিছে৷২০১০ চনৰ পৰা সাংস্কৃতিক সম্পদ আৰু প্ৰশিক্ষণ কেন্দ্ৰৰ অধীনত কেওঁটে অবিভক্ত শোণিতপুৰ জিলাৰ ” জিলা সমন্বয়কৰ দায়িত্ব লৈ বৰ্তমানলৈকে নিষ্ঠাসহকাৰে পালন কৰি আহিছে ৷ বিগত সময়ছোৱাত শিক্ষক কেওঁটে জিলাখনৰ প্ৰায় ১২০০ ৰো অধিক শিক্ষক- শিক্ষয়িত্ৰীক জিলা পৰ্যায়ত প্ৰশিক্ষণ প্ৰদান কৰিছে৷

বহুধা বিভক্ত ব্যক্তিত্বৰ অধিকাৰী প্ৰফুল্ল কেওঁট এগৰাকী লেখকো ৷ তেওঁ গল্প, একাংকিকা নাটক, কবিতাকে ধৰি কুৰিৰো অধিক বিভিন্ন বিষয়ৰ প্ৰৱন্ধ লিখিছে আৰু বহু কাকত আলোচনী আদিত প্ৰকাশিত হৈছে ৷ কেওঁটৰ কবিতা পুথি অসমী আৰু আত্ম স্মৃতি কথা, নাৰেংকাটিৰ ডায়েৰী পুথি আকাৰে প্ৰকাশ পাইছে ৷ সিফালে ৰাজস্থানত ভাৰত বিকাশ পৰিষদে আয়োজন কৰা ” লুপ্তপ্ৰায় লোক সংস্কৃতিৰ পুনৰোদ্ধাৰ” বিষয়ৰ আলোচনা চক্ৰত প্ৰফুল্ল কেওঁটে অংশগ্ৰহণ কৰি সম্বৰ্ধিত হোৱাৰ লগতে স্মৃতি চিহ্ন লাভ কৰিছিল ৷ একেদৰে সমগ্ৰ শিক্ষাৰ অধীনত তেওঁ ৰাজস্থানতে জীৱন শৈলীৰ ওপৰত প্ৰশিক্ষণ গ্ৰহণৰ পাছত পৰৱৰ্তী সময়ত সমল ব্যক্তি হিচাপে অনলাইন যোগে প্ৰশিক্ষণ প্ৰদান কৰিছিল ৷ ডাইটৰ অধীনতো জিলাখনৰ বিভিন্ন খণ্ডত বিজ্ঞান শিক্ষকসকলক সমল ব্যক্তি হিচাপে প্ৰশিক্ষণ প্ৰদান কৰি আহিছে ৷ এইগৰাকী যশস্বী শিক্ষক প্ৰফুল্ল কেওঁটক শোণিতপুৰ জিলা প্ৰশাসনে চলিত বৰ্ষৰ ৭১ সংখ্যক গণৰাজ্য দিৱসৰ অনুষ্ঠানত শ্ৰেষ্ঠ শিক্ষকৰ বঁটা প্ৰদান কৰিছিল ৷ এইবাৰৰ ৫ ছেপ্তেম্বৰৰ শিক্ষক দিৱস উপলক্ষে চৰকাৰ-প্ৰশাসনে ৰাজ্যিক পৰ্যায় আৰু জিলা ভিত্তিতো কেওঁটক কৃতি শিক্ষকৰ বঁটাৰে সন্মানিত কৰিবলৈ বাছনি কৰিছে ৷

লক্ষণীয় বিষয় যে এইগৰাকী শিক্ষকে বিগত সময়ত জিলা পৰ্যায়ৰ কৃতি শিক্ষকৰ বঁটা লাভ কৰাৰ পৰা বাৰম্বাৰ বঞ্চিত হৈ অহাত শিক্ষা সচেতন মহলত প্ৰতিক্ৰিয়াৰ সৃষ্টি হৈছিল যদিও এইবেলি সৌভাগ্যক্ৰমে দুয়োটা বঁটাৰ বাবে যোগ্যতা অৰ্জন কৰি সুনাম কঢ়িয়াই আনিছে৷

 

আনফালে বহু প্ৰত্যাশা আৰু অপেক্ষাৰ অন্তত শেহতীয়াকৈ একেলগে একেবৰ্ষতে তিনিটাকৈ কৃতি শিক্ষকৰ বঁটাৰে সন্মানিত কেওঁটক একাধিক ব্যক্তি অনুষ্ঠান আৰু সংগঠনে আন্তৰিক অভিনন্দন জনাইছে৷

খবৰ যুগুতালে ঢেকীয়াজুলিৰ পৰা সুজিৎ কটকীৰে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

নেতাজীৰ কিছু অপ্ৰকাশ্য কথাৰে…

দেশৰ স্বতন্ত্ৰ সেনানীৰ তালিকাত শীৰ্ষত থকা অন্যতম বীৰ যোদ্ধা হ’ল সুভাষ চন্দ্ৰ বসু। তেখেতে ১৮৯৭ চনৰ ২৩ জানুৱাৰীত উৰিষ্যাৰ কটকত জন্ম গ্ৰহণ কৰিছিল।সুভাষ চন্দ্ৰ বসু আছিল একেধাৰে বীৰ যোদ্ধা , সৈনিক আৰু দক্ষ ৰাজনীতিবিদ। তেতিয়াৰে দিনতে দেশৰ লগতে বিদেশতো তেখেতে বেচ সমাদৰ লাভ কৰিছিল।

আজাদ হিন্দ ফৌজ গঠন কৰি দেশবাসীক দেশৰ স্বাধীনতা বাবে উদ্বুদ্ধ কৰি তুলিছিল। সুভাষ চন্দ্ৰ বসুয়ে দেশবাসীক উদ্দেশ্যে কৈছিল মনত ৰাখিব সকলোতকৈ ডাঙৰ অপৰাধ হ’ল অন্যায় সহা আৰু ভুল বুলি জানিও সহমত প্ৰদান কৰা।

সৰুৱে পৰা নেতাজী আছিল অত্যন্ত মেধাসম্পন্ন। এবাৰ কলেজত এগৰাকী ইংৰাজ অধ্যাপকে ভাৰতীয় বিষয়ে আপত্তিজনক মন্তব্য কৰিছিল। তেতিয়া নেতাজীয়ে সেই মন্তব্যক বিৰোধিতা কৰাৰ বাবে শাস্তি ভুগিব লগা হৈছিল।নেতাজীয়ে মহামানৱক জাতিৰ পিতা বুলি সম্বোধন কৰিছিল।যদিও মহামানৱ মহাত্মা গান্ধী দৰ্শনৰ লগত সুভাষ চন্দ্ৰ বসুৰ দৰ্শন অমিল আছিল তথাপিও দুগৰাকীয়ে দেশৰ স্বাধীনতা আন্দোলনৰ বাবে আহোপুৰুষাৰ্থ কৰিছিল।ইংৰাজৰ দিনতে ভাৰতীয় প্ৰশাসনীয় সেৱাত উত্তীৰ্ণ হৈও এজন সমাজসেৱক অথবা ৰাজনীতিবিদৰ হিচাপেহে দেশৰ সেৱা আগবঢ়াইছিল।

তেখেতে কৈছিল কাম কৰি যোৱা ফলাফল দাতাই দিব।এইগৰাকী বীৰক সন্মান জনাই তেখেতৰ জন্মদিনটোৰ পৰাক্ৰম দিৱস হিচাপে পালন কৰা হয়।নেতাজীৰ মৃত্যু আজিও ৰহস্য হৈয়ে থাকিল। প্ৰাপ্ত তথ্য অনুসৰি ১৯৪৫ চনৰ ১৮ আগষ্টত এক প্লেন দুৰ্ঘটনাত মৃত্যু হয়।নেতাজী জীৱিত থকা হ’লে ভাৰতীয় ৰাজনীতিয়ে অন্য মাত্ৰা লাভ কৰিলে হেতেন!এইগৰাকী মহান মনিষীৰ শুভ জন্মদিনত শ্ৰদ্ধাৰে সুঁৱৰিছো।

কাইলৈ হ’ব বিশাল গণসমাবেশ -জেৰেঙা পথাৰত চলিছে প্ৰস্তুতি

ঐতিহাসিক জেৰেঙা পথাৰত কালিলৈ অনুষ্ঠিত হ’ব এক বিশাল গণসমাবেশ।এই সভাত উপস্থিত থাকিব দেশৰ প্ৰধানমন্ত্ৰী । ইতিমধ্যে এসপ্তাহ ধৰি সভাৰ যাবতীয় প্ৰস্তুতি অব্যাহত আছে। শিৱসাগৰ জিলা প্ৰশাসনে নিৰাপত্তা ক্ষেত্ৰত পহৰাৰ ব্যৱস্থা কৰিছে। উল্লেখযোগ্য যে এই বিশাল গণ সমাবেশত ৩ লাখ লোকক ভূমি পট্ৰা প্ৰদান কৰিব।দেশৰ প্ৰধানমন্ত্ৰী গৰাকীৰ আগমনকলৈ ৪ খনকৈ হেলিপেড সাজু কৰি তুলিছে। জানিব পৰা মতে প্ৰতিখন জিলাৰ পৰা বিভিন্ন প্ৰতিনিধি এই সমাবেশলৈ আহিব। এই সমাবেশত অংশগ্ৰহণকাৰী সকলে ক’ভিড প্ৰট’কল মনাৰ লগতে কিছু নীতি নিৰ্দেশনা মানি চলিব লাগিব বুলি শিৱসাগৰ জিলা প্ৰশাসনে জানিবলৈ দিছে।

নামৰূপৰ সাৰ কাৰখানালৈ আহিছে ভাল খবৰ

নামৰূপ কাৰখানাৰ বাবে আছে ভাল খবৰ। নামৰূপ সাৰ কাৰখানাৰ চতুর্থ গোটৰ স্থাপন হোৱাৰ সপোন এতিয়া সাৰ্থক হোৱাৰ দিশে আগবাঢ়িছে।আজি কেন্দ্ৰীয় সাৰ আৰু ৰসায়ন বিভাগৰ মন্ত্ৰী সদানন্দ গৌড়াৰে হোৱা এক আলোচনাত উপস্থিত থকাৰ পিছতে কাৰখানাটোৰ চতুৰ্থটো গোট স্থাপনৰ ক্ষেত্ৰত সম্ভাৱনা ব্যক্ত কৰিছে বিত্তমন্ত্ৰী ড০ হিমন্ত বিশ্ব শৰ্মাই। মন্ত্ৰী ড০ শৰ্মাই জনাই যে চতুৰ্থটো গোটক লৈ থকা জটিলতা আঁতৰাবলৈ অসম চৰকাৰে বিনিয়োগৰ পৰিমাণ পূৰ্বৰ ১১ শতাংশৰ পৰিৱৰ্তে ২৬ শতাংশলৈ বৃদ্ধি কৰাৰ প্ৰস্তাৱ দিছে।

লগতে বিত্তমন্ত্ৰী গৰাকীয়ে কয় যে কেন্দ্ৰীয় চৰকাৰে এই সম্পৰ্কত সেউজ সংকেত দিব।উল্লেখযোগ্য যে ১৯৬৯ চনৰ পৰা আৰম্ভ হোৱা কাৰখানাটোৰ ২য় আৰু ৩য় গোটৰ কাম অতি দুৰ্বলভাৱে চলি থকাৰ পিছত ৪ৰ্থটো গোট মুকলি কৰাৰ বাবে চেষ্টা চলাই থকা হৈছিল যদিও ই কাৰ্যতঃ হৈ উঠা নাছিল। কিন্তু আজি বৈঠকত বিত্তমন্ত্ৰী গৰাকীয়ে চতুৰ্থটো গোট স্থাপনৰ স্থাপনৰ সম্ভাৱনাৰ থকা কথা সদৰি কৰে।

গাহৰি পালকৰ সমস্যাক গুৰুত্ব দিয়ক

অসমৰ গাহৰি পালক সকলে দীৰ্ঘদিন ধৰি সন্মুখীন হৈ থকা সমস্যাৰ সমাধানৰ বাবে চৰকাৰ তথা বিভাগীয় কৰ্তৃপক্ষক দৃষ্টিগোচৰ কৰাৰ অৰ্থে কালি এখনি সংবাদমেল অনুষ্ঠিত কৰে।গুৱাহাটী প্ৰেছ ক্লাৱত অনুষ্ঠিত হোৱা সংবাদ মেলখনত উত্তৰ পূব প্ৰগতিশীল গাহৰি পালক সন্থাৰ সম্পাদকে কয় যে লকডাউনৰ বাবে গাহৰি পালক সকলে লকডাউনৰ পিছত গাহৰিৰ বাবে পয্যাপ্ত সামগ্ৰী যোগানৰ ক্ষেত্ৰত বিভিন্ন সমস্যাৰ সন্মুখীন হোৱাৰ লগতে উপাৰ্জনহীনতাত ভূগিছে।ইয়াৰ উপৰিও আফ্ৰিকান ছোৱাইন ফ্লুৱে যথেষ্ট প্ৰভাৱ পেলাইছে।সেয়েহে বিভাগীয় কৰ্তৃপক্ষক গাহৰি পালনৰ ক্ষেত্ৰত সুস্থ পৰিৱেশ গঢ়ি দিবলৈ সংবাদমেলৰ যোগে আহ্বান জনাইছে।

জন্মদিনত অনুৰাগীয়ে লিখিলে সুশান্ত তুমি য’তেই আছা, শান্তিত থাকা

আজি জনপ্ৰিয় অভিনেতা সুশান্ত সিং ৰাজপুতৰ ৩৫ সংখ্যক জন্ম বাৰ্ষিকী।অভিনেতা গৰাকী জন্ম দিনৰ লগত সংগতি ৰাখি ছ’চিয়েল মেডিয়াত হাজাৰ হাজাৰ অনুৰাগীয়ে শুভেচ্ছা জ্ঞাপন কৰি পোষ্ট শ্বেয়াৰ কৰিছে।কোনোৱে ৰাজপুতৰ দৰ্শন, আৰ্দশক সুঁৱৰি অভিনেতা গৰাকী শুভেচ্ছা যাঁচিছে।কোনোৱে অভিনেতা গৰাকীৰ ন্যায়ৰ বাবে এই বিশেষ দিনটোত ঈশ্বৰক প্ৰাৰ্থনা জনাইছে।

ইতিমধ্যে ছ’চিয়েল মেডিয়া ফেচবুকত এটা টেণ্ড আৰম্ভ হৈছে। উল্লেখযোগ্য যে বিগত বৰ্ষৰ ১৪ জুনত অভিনেতা গৰাকীক মুম্বাইত নিজা ফ্লেটত মৃত অৱস্থাত পোৱা গৈছিল ।পৰৱৰ্তী সময়ত অভিনেতা গৰাকীৰ মৃত্যু তদন্ত কৰিবলৈ চি বি আই, এ চি বি আৰু ইউ ডি সক্ৰিয় হৈ পৰিছিল।জনপ্ৰিয় অভিনেতা গৰাকীৰ আজি এই বিশেষ দিনটোত এন ই ফ’কাচ ডট কমৰ পৰিয়ালে শ্ৰদ্ধাৰে স্মৰণ কৰিছোঁ।

ৰবীন্দ্ৰ ভৱনত পৰিবেশিত হ’ল মোক্ষ

ৰবীন্দ্ৰভৱনত আজি সন্ধিয়া ৬ বজাত অসম চৰকাৰৰ সাংস্কৃতিক সঞ্চালকালয়ৰ উদ্যোগত তথা বৰ্তমানৰ সঞ্চালক যাদৱ শইকীয়াৰ নেতৃত্বত,গুৱাহাটীৰ “দৰ্পণ ডান্স অকাডেমী” আৰু সংগীত সত্ৰৰ সহযোগত যোৱা বৰ্ষত মহাপ্ৰয়াণ ঘটা পদ্মশ্ৰী ,সংগীত নাটক অকাডেমী বঁটা প্ৰাপক ভাৰতৰ এগৰাকী যশস্বী নৃত্যবিশাৰদ, সমালোচক কোঠাৰীৰ স্মৃতিত “মোক্ষ” শীৰ্ষক ভাৰতীয় ধ্ৰুপদী নৃত্যৰ এক অনুষ্ঠান পৰিৱেশিত হয়৷এই অনুষ্ঠানটিত নৃত্যাচাৰ্য পদ্মশ্ৰী যতীন গোস্বামী,অসম চৰকাৰৰ সাংস্কৃতিক বিভাগৰ অৱসৰপ্ৰাপ্ত উচ্চপদস্থ বিষয়া স্বপ্ননীল বৰুৱা,আই এ এছ বিষয়া তথা সাংস্কৃতিক ব্যক্তিত্ব মাধুৰীমা বৰুৱা,প্ৰখ্যাত মূকাভিনয় শিল্পী মইনুল হক,গুৱাহাটী বিশ্ববিদ্যালয়ৰ ছাত্ৰ কল্যাণৰ সঞ্চালক ড° ৰঞ্জন কাকতি,গুৱাহাটী বিশ্ববিদ্যালয়ৰ ভাইচ চেঞ্চেলৰ মৃণালজ্যোতি ডেকা বিশিষ্ট অতিথি হিচাপে উপস্থিত থাকে৷এইসকল বিশিষ্ট ব্যক্তিক অনুষ্ঠানটিত সম্বৰ্ধনা জনোৱাৰ লগতে প্ৰয়াত সুনীল কোঠাৰীৰ বিষয়ে কিছু কথাও শ্ৰদ্ধাৰে স্মৰণ কৰা হয়৷বন্তি প্ৰজ্বলনৰে আৰম্ভ হোৱা ‘মোক্ষ’ শীৰ্ষক নৃত্য সন্ধিয়াটিত অৰুণাভজ্যোতি মালাকাৰৰ “খোল বাদন”,স্বনামধন্য নৃত্যশিল্পী অনিতা শৰ্মাৰ “গুৰু বন্দনাৰে সৈতে সত্ৰীয়া নৃত্য”,যশস্বী নৃত্যগুৰু বিপুল দাসৰ “কথক নৃত্য”,খ্যাতনমা নৃত্যশিল্পী তথা প্ৰৱক্তা ড° অঞ্জনাময়ী শইকীয়াৰ “ওডিচি নৃত্য” পৰিবেশনৰ লগতে গুৱাহাটীৰ সংগীত সত্ৰৰ শিল্পীসকলে ‘একলব্য’ আৰু আন এক সত্ৰীয়া নৃত্য প্ৰদৰ্শন কৰে৷