যুৱ শক্তি মহাশক্তি।যুৱশক্তিয়ে পৃথিৱী জিনিব পাৰে।আমি সকলোৱে হাতত হাত ধৰি আগুৱাই যাব লাগিব।এই মন্তব্য মুখ্যমন্ত্রী সৰ্বানন্দ সোণোৱালৰ।খেল’ ইণ্ডিয়া অনুষ্ঠানৰ সামৰণি অনুষ্ঠানত এই মন্তব্য কৰি কয় যে খেলো ইণ্ডিয়াৰ জৰিয়তে অলিম্পিকলৈ বহু খেলুৱৈ যাবলৈ সক্ষম হ’ব।খেল’ ইণ্ডিয়া অনুষ্ঠান সাফল্যমণ্ডিত কৰি তোলাৰ বাবে সকলোকে ধন্যবাদ জ্ঞাপন কৰে।আনহাতে খেল’ ইণ্ডিয়া সামৰণি অনুষ্ঠানত উপস্থিত থাকি বিত্ত মন্ত্রী হিমন্ত বিশ্ব শৰ্মাই কয় যে ডিব্ৰুগড়ৰ চাবুৱাত ক্ৰীড়া বিশ্ববিদ্যালয় স্থাপনৰ কাম প্ৰায় সমাপন হোৱাৰ পথত।সৰুসজাঁইৰ আৰ্হিত ডিব্ৰুগড় আৰু লক্ষিমপুৰতো দুটা ক্ৰীড়া প্ৰকল্প নিৰ্মাণ কৰা হ’ব।উল্লেখযোগ্য যে খেল’ ইণ্ডিয়া য়ুথ গেমচত মুম্বাই,হাৰিয়ানা,দিল্লী স্থান লাভ কৰে।২১ বিধ খেলত প্ৰায় ৬১০০ খেলুৱৈ, প্ৰতিনিধিয়ে অংশগ্রহণ কৰিছিল।আজি সামৰণি অনুষ্ঠানত চীনৰ সমৰকলা প্ৰদৰ্শিত হয়।লগতে সাংস্কৃতিক সন্ধিয়া অনুষ্ঠিত হয়।সামৰণি অনুষ্ঠানত স্পৰ্টচ অথৰিটী অফ ইণ্ডিয়াৰ বিভিন্ন বিষয় ববীয়াৰ লগতে ৰামেশ্বৰ তেলী উপস্থিত থাকে।
মিছেছ লিডাৰশ্বীপ খিতাপ অৰ্জন পলাশবাৰী সৰপাৰাৰ অনামিকা ডেকাৰ
দক্ষিণ কামৰূপৰ পলাশবাৰী সৰপাৰাৰ এগৰাকী বিউটিচিয়ান তথা মেকাপ আৰ্টিছ অনামিকা ডেকাই জগত জিনাৰ সপোন ৰচিছে। মিৰ্জাৰ সমীপৱৰ্তী সৰপাৰা চন্দ্ৰধৰ ডেকা আৰু সৰলা ডেকাৰ জীয়ৰী অনামিকা ডেকাই মহানগৰীৰ জিলা পুথিভড়াঁলত যোৱা ২৩ জানুৱীত ‘ইণ্টাৰনেচনেল গ্লোবেল ষ্টাৰ আইকন’ৰ উদ্যোগত মিচেছ, মিষ্টাৰ আৰু শিশুৰ বাবে অনুষ্ঠিত এখন ব্যয় বহুল প্ৰতিযোগিতাত সৰপাৰাৰ অনামিকাই ডেকাই মেকআপ আৰ্টিছৰ গ্ৰুপৰ ভিতৰত ইণ্টাৰনেচনেল লিডাৰশ্বীপ এৱাৰ্ড চুড়ান্ত খিতাপ অৰ্জন কৰিবলৈ সক্ষম হৈছে। উক্ত প্ৰতিযোগিতাত প্ৰায় শতাধিক প্ৰতিযোগীয়ে অংশ গ্ৰহণ কৰিছিল। ডেকাৰ এনে সাফল্যত উৎফুলিত হৈ পৰিছে অঞ্চলটোৰ ৰাইজৰ লগতে পলাশবাৰীবাসী ৰাইজে। উল্লেখ্য যে, অনামিকা ডেকাই ইয়াৰ পূৰ্বে ৰাজ্যৰ লগতে ৰাজ্যৰ বাহিৰত অনুষ্ঠিত এনেধৰণৰ প্ৰতিযোগিতাত বহুবাৰ সন্মান লাভ কৰি অঞ্চলটোলৈ গৌৰৱ কঢ়িয়াই আনিবলৈ সক্ষম হৈছিল। মিৰ্জাত যুৱতীগৰাকীয়ে এখন লেডিছ বিউটি পাৰ্লাৰ যোগেদি নিজৰ অৰ্থ উপাৰ্জন কৰাৰ উপৰিও বহুকেইখন চিনেমা আৰু ভিডিঅ’ গীতত মেকআপৰে অভিনেতা-অভিনেত্ৰীসকলৰ সৌন্দৰ্য বৰ্ধন কৰি প্ৰশংসা বুটলিবলৈ সক্ষম হৈছে।অনামিকা ডেকাৰ এনে সাফল্যত দক্ষিণ কামৰূপৰ বিভিন্ন দল-সংগঠনে শুভেচ্ছা জ্ঞাপন কৰি উজ্বল ভৱিষ্যত কামনা কৰিছে।
ভিউৱাছৰ মতামত