সমগ্ৰ দেশজুৰি আয়ুষ আহাৰৰ প্ৰসাৰ কৰাটো প্ৰয়োজনীয়:সৰ্বানন্দ সোণোৱাল

কেন্দ্ৰীয় আয়ুষ তথা কেন্দ্ৰীয় বন্দৰ জাহাজ পৰিবহন আৰু জলপথৰ মন্ত্ৰী সৰ্বানন্দ সোণোৱালে কয় যে সমগ্ৰ দেশ জুৰি আয়ুষ মন্ত্ৰালয়ে আয়ুষ আহাৰ প্ৰসাৰত গুৰুত্ব আৰোপ কৰিছে।যুৱ প্ৰজন্মক হানিকাৰক জাংক ফুডৰ ব্যৱহাৰৰ পৰা ৰক্ষা কৰাত ই যথেষ্ট সহায়ক হ’ব।আয়ুষ মন্ত্ৰীগৰাকীয়ে নতুন দিল্লীৰ জনপুৰীস্থিত চেনণ্ট্ৰেল কাউন্সিলছ কমন বিল্ডিং কমপ্লেক্স পৰিদৰ্শন কৰি এই মন্তব্য কৰে।পৰিদৰ্শন কালত তেখেতে পাঁচোটা সংশ্লিষ্ট গৱেষণা পৰিষদ আৰু উক্ত প্ৰাংগনত অৱস্থিত দুটা আয়ুক্তালয়ৰ বিষয়ববীয়া আৰু বৈজ্ঞানিক সকলৰ সৈতে মত বিনিময় কৰে।উক্ত গৱেষণা পৰিষদ আৰু ৰাষ্ট্ৰীয় আয়ুক্তালয়লৈ কেন্দ্ৰীয় মন্ত্ৰীগৰাকীৰ এয়া প্ৰথমটো ভ্ৰমণ।

উল্লেখযোগ্য যে এখন সুপুষিত ভাৰত গঢ়াৰ লক্ষ্যৰে চলিত পোষণ মাহত মহিলা আৰু শিশু বিকাশ মন্ত্ৰালয়ৰ সহযোগত আয়ুষ মন্ত্ৰালয়ে আয়ুষভিত্তিক ডায়েট আৰু জীৱনশৈলীৰ প্ৰসাৰৰ বাবে কাম কৰি আছে ।দ্য ফুড চেফটী এণ্ড ষ্টেণ্ডডছ অ’থৰিটী অৱ ইণ্ডিয়াই আয়ুষ মন্ত্ৰালয়ৰ সহযোগত শেহতীয়াকৈ আয়ুষ আহাৰ সম্পৰ্কীয় নীতি নিৰ্দেশনা মুকলি কৰিছে।মত বিনিময় অনুষ্ঠানত সম্বোধন কৰি কেন্দ্ৰীয় মন্ত্ৰী গৰাকীয়ে কয় যে সবকা সাথ,সবকা বিকাশ নীতিৰে ৰাষ্ট্ৰ নিৰ্মাণৰ যাত্ৰাত সকলোৱে দায়িত্ব সহকাৰে তৃণমূল পৰ্যায়ত কাম কৰিব লাগিব।যিকোনো ইতিবাচক পৰিবৰ্তন বাবে টীম স্পিৰিট অতিশয় প্ৰয়োজনীয়।লগতে তেখেতে কয় যে এটা বিভাগৰ পৰা এটা মন্ত্ৰালয়লৈ ৰূপান্তৰিত হোৱাৰ যাত্ৰা অতিক্ৰম কৰা আয়ুষ মন্ত্ৰালয়ে দেশৰ পৰম্পৰাগত চিকিৎসা পদ্ধতিৰ প্ৰসাৰত যথেষ্ট গুৰুত্ব আৰোপ কৰিছে।প্ৰধান মন্ত্ৰী সপোনক সাকাৰ কৰাৰ লক্ষ্যৰে বৈজ্ঞানিক, অধ্যাপক, চিকিৎসক,কাৰিকৰী ব্যক্তি আদি সকলো সংশ্লিষ্ট কৰ্তৃপক্ষই মিলি দেশৰ পৰম্পৰাগত চিকিৎসা ব্যৱস্থাক ফলপ্ৰসূভাৱে আৰু আধুনিক দৃষ্টিভংগীৰে আগুৱাই নিব লাগিব বুলি তেখেতে উল্লেখ কৰে।

উক্ত অনুষ্ঠানত আয়ুষ সচিব বৈদ্য ৰাজেশ কটেশাই প্ৰতিযোগিতামূলক মানসিকতা আৰু উদ্ভাৱনী কৌশলেৰে আয়ুষ গৱেষণা পৰিষদ সমূহে কাম কৰা ওপৰত গুৰুত্ব আৰোপ কৰে।অনুষ্ঠানত কেন্দ্ৰীয় মন্ত্ৰীয়ে আয়ুৰ্বেদ সম্পৰ্কীয় এখন গ্ৰন্থ মুকলি কৰাৰ উপৰিও NCISM পৰ্টেল মুকলি কৰে।দেশৰ ৭০.০০০খন শিক্ষানুষ্ঠান মাজত যুগসূত্ৰ স্থাপন কৰা আজাদী কা অমৃত মহোৎসৱৰ অনুষ্ঠান লগতে বিভিন্ন কাৰ্যক্ৰমৰ তথ্য সঠিককৈ ৰখাৰ ক্ষেত্ৰত এই পৰ্টেলটো যথেষ্ট সহায়ক হ’ব।এই পৰিদৰ্শনকালত মন্ত্ৰী গৰাকীয়ে পৰিষদৰ বিভিন্ন শাখা পৰিদৰ্শন কৰি সংশ্লিষ্ট কৰ্তৃপক্ষৰ সৈতেও মত বিনিময় কৰে আৰু CCRAS ৰ সঞ্চালক প্ৰধান ড° এন শ্ৰীকান্তে তেখেতক পৰিষদৰ বিভিন্ন বিজ্ঞান সন্মত কাৰ্যক্ৰম আৰু পদক্ষেপৰ বিষয়ে অৱগত কৰে।১৯৭৮ চনৰ পৰাই বিজ্ঞান সন্মত গৱেষণা প্ৰকাশ কৰি অহাৰ বাবে পৰিষদৰ ভূমিকাৰ মন্ত্ৰীগৰাকীয়ে শলাগ লয়।তদুপৰি সোণোৱালে CCRAS ৰ ইথ মেডিকো ব’টানিকেল ডিভিজনো পৰিদৰ্শন কৰে আৰু বৈজ্ঞানিক সকলৰ সৈতে মত বিনিময় কৰে।পৰম্পৰাগত চিকিৎসা পদ্ধতিক জীয়াই ৰখাৰ লগতে যুগ যুগ ধৰি চৰ্চা কৰি অহা জনজাতিসকলৰ পৰম্পৰাগত চিকিৎসা পদ্ধতিৰ বিষয়ে অধিক অন্বেষন কৰিবলৈ পৰিষদক তেখেতে আহ্বান জনায়।NCISM ৰ কৰ্মচাৰী সকলৰ লগতো সোণোৱালে মত বিনিময় কৰে।এই সাক্ষাৎকালত NCISM ৰ অধ্যক্ষ বৈদ্য জয়ন্ত দেওপূজাৰীয়ে মন্ত্ৰীগৰাকীক অৱগত কৰে যে আয়ুক্তলয়টোৱে ৩ লাখ আয়ুষ চিকিৎসকক অন্তৰ্ভুক্ত কৰাৰ প্ৰয়াস অব্যাহত ৰাখি ১০ খন ৰাজ্যৰ ২৮,০০০ আয়ুষ চিকিৎসকক ইতিমধ্যে আয়ুক্তালয়ৰ ৰাষ্ট্ৰীয় পঞ্জীত অন্তৰ্ভুক্ত কৰিছে।

CCRY&N পৰিদৰ্শন কৰি সোণোৱালে পৰিষদৰ সামূহিক গৱেষণা মুকল কামৰ শলাগ লয়।ভাৰতৰ লগতে বিশ্বজুৰি যোগ আৰু নেচাৰ পেথীৰ প্ৰসাৰ তথা সহজ উপলব্ধকৰণৰ ক্ষেত্ৰত ত্বৰান্বিত গতিৰে কাম কৰিবলৈ পৰিষদক কেন্দ্ৰীয় মন্ত্ৰী গৰাকীয়ে আহ্বান জনায়।কেন্দ্ৰীয় মন্ত্ৰী গৰাকীৰ এই পৰিদৰ্শন কালত তেখেতক সংগ দিয়ে আয়ুষ সচিব বৈদ্য ৰাজেশ কোটেশা ,বিশেষ আয়ুষ সচিব প্ৰমোদ কুমাৰ পাঠক,যুটীয়া সচিব ড° ছেনথিল পাণ্ডিয়ান,আৰু কবিতা গাৰ্গ প্ৰমুখ্যে মন্ত্ৰালয়ৰ উচ্চপদস্থ বিষয়াসকলে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

ঢকুৱাখনাত স্বামী বিবেকানন্দৰ জীৱনচৰ্যা সন্দৰ্ভত ৰচনা প্ৰতিযোগিতা

আধুনিক ভাৰতৰ স্ৰষ্টা স্বৰূপ মহান দাৰ্শনিক ,স্বামী বিবেকানন্দৰ জন্ম জয়ন্তী উপলক্ষত ঢকুৱাখনাত বৃহস্পতি বাৰে অনুষ্ঠিত কৰা হয় যুৱ দিৱস। ভাৰতীয় জনতা পাৰ্টিৰ ঢকুৱাখনা জিলা সমিতিৰ ভাতৃ সংগঠন ঢকুৱাখনা জিলা যুৱ মৰ্চাৰ  উদ্যোগত ,ঢকুৱাখনা মণ্ডল যুৱ মৰ্চাৰ সহযোগত বৃহস্পতি বাৰে এই যুৱ দিৱস দিনজোৰা কাৰ্যসূচীৰে পালন কৰা হয়।  ঢকুৱাখনা নৰ্মাল স্কুল প্ৰাংগনত কোভিড বিধি মানি অনুষ্ঠিত এই দিৱসৰ সতে সংগতি ৰাখি শিক্ষাৰ্থী সকলৰ মাজত ৰচনা প্ৰতিযোগিতা অনুষ্ঠিত কৰা হয়।

ঢকুৱাখনা সংগঠনিক জিলা ভিত্তিত অনুষ্ঠিত এই প্ৰতিযোগিতাত বিভিন্ন শিক্ষানুষ্ঠানৰ গৰিষ্ঠ সংখ্যক শিক্ষাৰ্থীয়ে অংশ গ্ৰহণ কৰে।স্বামী বিৱেকানন্দৰ জীৱন দৰ্শন শীৰ্ষক এই ৰচনা প্ৰতিযোগিতাত শ্ৰেষ্ঠ বিবেচিত প্ৰতিযোগী সকলক গ্ৰন্থ সম্ভাৰ , মানপত্ৰ আদিৰে আৰু প্ৰতিযোগিতাত অংশ গ্ৰহণ কৰা সকলো প্ৰতিযোগীক মানপত্ৰ আৰু কলমেৰে মান্যতা প্ৰদান কৰা হয়।  যুৱ মৰ্চাৰ ঢকুৱাখনা মণ্ডল সমিতিৰ সাধাৰণ সম্পাদক পলাশ কোঁৱৰে আঁত ধৰা যুৱ দিৱসৰ অনুষ্ঠানত ঢকুৱাখনা জিলা যুৱ মৰ্চাৰ সভাপতি বৃকোদৰ দাস, সাধাৰণ সম্পাদক মিগম পেগু ,নৰ্মাল স্কুলৰ অধ্যক্ষ লক্ষী কোঁৱৰ, শিক্ষয়িত্ৰী অপৰাজিতা বুঢ়াগোহাঁই,শংকৰদেৱ শিশু নিকেতনৰ আচাৰ্য ৰাজীৱ তামুলী ,শিক্ষক সুভাষ বৰপাত্ৰ গোহাঁই, বিদ্যুৎ চমুৱাৰ লগতে যুৱ মৰ্চাৰ গৰিষ্ঠ সংখ্যক কাৰ্যকৰ্তা উপস্থিত থাকি প্ৰতিযোগী সকলক পুৰস্কৃত কৰে  আৰু মহান দাৰ্শনিক গৰাকীৰ ভাবাদৰ্শ আৰু মাৰ্গ দৰ্শনেৰে নৱ প্ৰজন্মক আগুৱাই গৈ এখন স্বনির্ভৰশীল আৰু প্ৰগতিশীল দেশ গঢ়াত অৱদান যোগাই ,দেশ মাতৃৰ বাবে উৎকৃষ্ট সেৱা আগবঢ়োৱাৰ পৰম অংশীদাৰ হোৱাৰ পৰামৰ্শ আগবঢ়ায়।
বাতৰি যুগুতালে অমৃত পৱন বৰাই ।

পলাশবাৰীৰ মাগুৰপাৰাত বৰগীত আৰু লোকগীত প্ৰতিযোগিতা সম্পন্ন

দক্ষিণ কামৰূপৰ মাগুৰপাৰাস্থিত আঞ্চলিক স্বৰ্ণবায়ু আশ্ৰমৰ উদ্যোগত আশ্ৰম প্ৰাঙ্গনত নৱম বাৰ্ষিক সদৌ অসম ভিত্তিত গুৰুজনাৰ অনুপম সৃষ্টি বৰগীত আৰু লোকগীত প্ৰতিযোগিতা অনুষ্ঠিত কৰা হয়। এই উপলক্ষে ৰাতিপুৱা পৰিৱেশ নিকাকৰণ, খেল-ধেমালি প্ৰতিযোগিতা, পতাকা উত্তোলন, স্মৃতি তৰ্পন আদি অনুষ্ঠান অনুষ্ঠিত হয়। প্ৰকৃতিক সুৰক্ষিত ৰখাৰ উদ্দেশ্য বৃক্ষৰোপণ কৰে বিশিষ্ট সমাজসেৱক ৰাজেন্দ্ৰ নাথ আৰু কুশলজ্যোতি মালাকৰে। ইয়াৰ পিছত উক্ত অনুষ্ঠানৰ লগত সংগতি ৰাখি এটি পশুধন চিকিৎসা শিবিৰ মুকলি কৰা হয়। উক্ত শিবিৰটো মুকলি কৰে কৃষি বিজ্ঞান কেন্দ্ৰৰ পশু বিজ্ঞানী ডাঃ ইলাক্ষী ডেকাই। লগতে উপস্থিত থাকে পশু পালন আৰু চিকিৎসা বিভাগ কামৰূপৰ জিলা বিষয়া ড° অৰুণ শৰ্মা, ডাঃ দেৱকিংকৰ শৰ্মা, ডাঃ নৃপেন শৰ্মাকে ধৰি পশুপালন বিভাগৰ বহুকেইগৰাকী বিষয়া। ইয়াৰ পিছত বৰগীত আৰু লোকগীত প্ৰতিযোগিতাৰ মঞ্চ মুকলি কৰে দক্ষিণ কামৰূপ ছোৱালী মহাবিদ্যালয়ৰ অৱসৰপ্ৰাপ্ত অধ্যক্ষ তথা মহাপুৰুষ শ্ৰীমন্ত শঙ্কৰদেৱ বিশ্ববিদ্যালয়ৰ অধ্যাপক ইতিহাসবিদ ড° গজেন্দ্ৰ অধিকাৰীয়ে। বৰগীতত প্ৰথম বিপাশা কলিতাই, দ্বিতীয় মুৰ্চ্ছনা দাস আৰু তৃতীয়স্থান অধিকাৰ কৰে আব্দুল কৰিমে। আনহাতে লোকগীতত বিপাশা কলিতাই প্ৰথম, মুৰ্চ্ছনা দাসে দ্বিতীয় আৰু মিতুমনি দাসে তৃতীয় স্থান অধিকাৰ কৰে। বিজয়ী প্ৰতিযোগীসকলক মানপত্ৰৰ লগতে পাচ হাজাৰ, তিনি হাজাৰ আৰু দুই হাজাৰকৈ বঁটা প্ৰদান কৰা হয়।

গীতানগৰত বিশিষ্ট লেখিকা মালাশ্ৰী লস্কৰ বৰাক সম্বৰ্দ্ধনা

ৰাজ্যৰ অন্যতম প্ৰকাশন প্ৰতিষ্ঠান পৰাগজ্যোতি প্ৰকাশনৰ দ্বাৰা গুৱাহাটী মহানগৰীৰ গীতানগৰৰ বাসিন্দা, বিশিষ্ট লেখিকা, অনুবাদিকা, সমাজসেৱী মালাশ্ৰী লস্কৰ বৰাক নিজ বাসভবনতে আজি সম্বৰ্দ্ধনা জ্ঞাপন কৰে। প্ৰকাশনৰ সচিব, সাংবাদিক, লেখক দীপক শৰ্মাই আঁত ধৰা অনুষ্ঠানত অনাতাঁৰ কেন্দ্র, গুৱাহাটীৰ সঞ্চালক তথা সংগীতজ্ঞ অৱনী ৰঞ্জন পাঠকে কয়- জীয়াই থাকোঁতে মানুহক সন্মান দিব লাগে। কৰ্মঠ সময়ত সন্মান পালে আৰু কাম কৰিব পাৰে। অখিল ভাৰতীয় সাহিত্য পৰিষদৰ অসম প্ৰদেশ কমিটিৰ সচিব প্ৰধান ‘সাহিত্য কোঁৱৰ’ কমল কলিতাই কয়- মালাশ্ৰী লস্কৰ বৰাৰ সাহিত্য কৃতী প্ৰশংসনীয়। নিৰৱে সাহিত্যৰ কাম কৰি আছে। স্বীকৃতিয়ে বহুত আগবঢ়াই নিয়াত সহায় কৰে। সভাত স্বপ্না শৰ্মা, অভিযন্তা কমল শৰ্মা, কৰবী দেৱী,ৰূপম শৰ্মাইও বক্তব্য দাঙি ধৰি মালাশ্ৰী লস্কৰ বৰাৰ সাহিত্য কৃতীৰ ওপৰত আলোচনা কৰে।
বাতৰি যুগুতালে জিতুমণি দাসে..

ভাস্কৰ্য শিল্পী দেৱকৃষ্ণ বৰুৱাৰ মহানুভৱতাত সমুজ্জ্বল গোবিন্দপূৰ এম ভি স্কুল

এগৰাকী প্ৰচাৰ বিমুখ ভাস্কৰ্য শিল্পী । নাম দেৱকৃষ্ণ বৰুৱা। যাৰ সুকোমল হাতৰ স্পৰ্শত প্ৰাণ পাই উঠে বজ্ৰ কঠিন নিষ্প্ৰাণ পদাৰ্থই। যি নিজস্ব কৰ্ম সাধনা ,সৃষ্টিশীলতা আৰু প্ৰজ্ঞাৰ বুকুচাত উঠি  সফলতা আৰু প্ৰশংসাৰ মেটমৰা সম্ভাৰ আৰ্জিবলৈ ইতিমধ্যে সক্ষম হৈছে।  জন্ম সূত্ৰে ঢকুৱাখনা মহকুমাৰ মদাৰগুৰি গাঁওৰ বাসিন্দা আৰু সম্প্ৰতি ডিব্ৰুগড় জিলাৰ কুমাৰণিচিগাৰ চেতিয়া চুকৰ স্থায়ী বাসিন্দা এইগৰাকী  ভাস্কৰ্য শিল্পী দেৱকৃষ্ণ বৰুৱাৰ মহানুভৱতা আৰু বদান্যতাৰ বাবে বৃহস্পতি বাৰে নব ৰূপত উজ্বলি উঠিল  ঢকুৱাখনা মহকুমাৰ  ঢকুৱাখনা প্ৰাথমিক শিক্ষা খণ্ডৰ অন্তৰ্গত ১৯৫০ চনতে স্থাপিত গোবিন্দপূৰ মজলীয়া বিদ্যালয়। বিদ্যালয়খনৰ একালৰ প্ৰাক্তন ছাত্ৰ হিচাবে পঢ়াশালীখনৰ প্ৰতি মন মগজুত সাঁচি ৰখা বিশেষ কৃতজ্ঞতাবোধৰ প্ৰতিভূ স্বৰূপে আজি ভাস্কৰ্য শিল্পী বৰুৱাই বিদ্যালয়খনলৈ দানসূত্ৰে আগবঢ়াই নিজৰ সুনিপুন হাতেৰে নিৰ্মিত পণ্ডিত প্ৰবৰ ডঃ সৰ্বেপল্লী ৰাধাকৃষ্ণনৰ এটি নিখুঁত আবক্ষ মূৰ্তি।  বিদ্যালয়খনৰ প্ৰাক্তন ছাত্ৰ গৰাকীৰ এনে  মহানুভৱতাৰ  প্ৰতি কৃতজ্ঞতা জনাই বৃহস্পতি বাৰে বিদ্যালয় প্ৰাংগণত অনুষ্ঠিত হয় এক অনুষ্টুপিয়া  উন্মোচনী সভা।  পশ্চিম মাছখোৱা অঞ্চলৰ প্ৰবীণ শিক্ষাব্ৰতী  ব্যক্তি , জ্যেষ্ঠ নাগৰিক টংক ৰাজখোৱাৰ সভাপতিত্বত অনুষ্ঠিত উন্মোচনী সভাত উদ্দেশ্য ব্যাখ্যা কৰে বিদ্যালয় প্ৰধান  ভোগেশ্বৰী গগৈয়ে । বিদ্যালয়ৰ শিক্ষক শিক্ষাৰ্থী , অভিভাৱক আৰু শিক্ষানুৰাগী ৰাইজ উপস্থিত থকা সভাত আবক্ষ মূৰ্তিৰ দাতা , প্ৰখ্যাত ভাস্কৰ্য শিল্পী দেৱকৃষ্ণ বৰুৱাক পাটৰ চেলেং চাদৰ ,গামোচা, প্ৰশস্তি পত্ৰ আদিৰে উষ্ণ আদৰণি জনাই  বিদ্যালয় পৰিয়ালে।  ইয়াৰ পাছতেই বিদ্যালয় চৌহদত স্থাপন কৰা পণ্ডিত প্ৰবৰ গৰাকীৰ আবক্ষ মূৰ্তিৰ নিৰাভৰণ কৰি শুভ উন্মোচন কৰে ঢকুৱাখনা শিক্ষা খণ্ডৰ খণ্ড প্রাথমিক শিক্ষা বিষয়া  গুনীন দত্তই । সভাত অবসৰী শিক্ষক  পৃথু বৰা ,লাবন্য শইকীয়া ,  শিল্পী মনোজ গগৈ , মৃগনাভ গগৈ,শিক্ষক থানেশ্বৰ বৰা , সাংস্কৃতিক কৰ্মী গৌৰৱ বৰুৱা আদিয়ে চমু বক্তব্য আগবঢ়াই প্ৰাক্তন ছাত্র বৰুৱাৰ এনে  প্ৰশংসনীয় পদক্ষেপৰ ভূয়সী শলাগ লয়। ভাস্কৰ্য শিল্পী গৰাকীয়ে জীৱনৰ বিদ্যায়তনিক ক্ষেত্ৰখনৰ আদিপাঠ গ্ৰহণ কৰা এই প্ৰাথমিক বিদ্যালয়খনৰ উপৰিও হাইস্কুলীয়া শিক্ষা গ্ৰহণ কৰা হাৰ্হি উচ্চতৰ মাধ্যমিক বিদ্যালয়ৰ চৌহদটো শীঘ্ৰে পণ্ডিত প্ৰবৰ গৰাকীৰ অন্য এটা আবক্ষ মূৰ্তি  দানসূত্ৰে স্থাপন কৰিব বুলি জানিবলৈ দিয়ে ।
বাতৰি যুগুতালে অমৃত পৱন বৰাই।

দুদিনীয়া কাৰ্যসূচীৰে বোকাখাতত অনুষ্ঠিত হৈ যায় ৰাজ্যিক টাইকোৱানডো ৰেফাৰী কৰ্মশালা

বোকাখাতত পোন প্ৰথমবাৰৰ বাবে দুদিনীয়া কাৰ্যসূচীৰে অনুষ্ঠিত হৈ যায় ৰাজ্যিক টাইকোৱানডো ৰেফাৰী কৰ্মশালা।সদৌ অসম টাইকোৱানডো সন্থাৰ তত্ত্বাৱধানত তথা বোকাখাত জিলা টাইকোৱানডো সন্থাৰ উদ্যোগত যোৱা ১৭ আৰু ১৮ জানুৱাৰী তাৰিখে বোকাখাতৰ চাহ মজদুৰ সংঘৰ প্ৰেক্ষাগৃহত অনুষ্ঠিত উক্ত কৰ্মশালা খনত অসমৰ বিভিন্ন জিলাৰ পৰা অহা মুঠ ৫০ গৰাকী প্ৰশিক্ষাৰ্থীয়ে অংশগ্ৰহণ কৰে।লগতে উক্ত অনুষ্ঠানত উপস্থিত থাকে সদৌ অসম টাইকোৱানডো সন্থাৰ সমম্বয়ক ভূপাল থাপাৰ লগতে আন্তঃৰাষ্ট্ৰীয় ৰেফাৰী ক্ৰমে আলি আহমেদ জাফাৰী, দীনেশ গুপ্তা,আৰু পৱন শইকীয়া। লগতে বোকাখাত জিলা টাইকোৱানডো সন্থাৰ তৰফৰ পৰা উপস্থিত থাকে সভাপতি মুহিৰাম লয়িং তথা সম্পাদক মনোজ দাস।উল্লেখযোগ্য যে পোন প্ৰথম বাৰৰ বাবে গুৱাহাটীৰ বাহিৰত অনুষ্ঠিত হোৱা এই কৰ্মশালাই অসমৰ প্ৰতিখন জিলাৰ প্ৰশিক্ষাৰ্থী সকলৰ মাজত বিশেষ উছাহ বৃদ্ধি কৰাৰ লগতে আন্তঃৰাষ্ট্ৰীয় পৰ্যায়ৰ প্ৰতিযোগিতাতো অংশগ্ৰহণৰ ক্ষেত্ৰত প্ৰশিক্ষাৰ্থীসকলে বিশেষভাৱে উদগনি লাভ কৰিব বুলি মন্তব্য কৰে উদ্যোক্তাসকলৰ লগতে আন্তঃৰাষ্ট্ৰীয় পৰ্যায়ৰ পৰিচালক সকলে।ইফালে ক’ভিড সৃষ্ট পৰিবেশৰ বাবে অনুষ্ঠানটোৰ ভালেসংখ্যক কাৰ্যসূচী বাতিল কৰিব লগা হোৱাৰ উপৰিও নিমন্ত্ৰিত সীমিত সংখ্যক লোকৰ উপস্থিতিৰে অনুষ্ঠিত কৰ্মশালাখনিৰ সামৰণি অনুষ্ঠানত উপস্থিত থাকে অগপৰ বোকাখাত বিধান পৰিষদৰ সভাপতি জগত চন্দ্ৰ কলিতাৰ লগতে অনুসূচীত জাতি পৰিষদৰ অগপ কেন্দ্ৰীয় সমিতিৰ সভাপতি ড° ৰামানন্দ দাস।

গুৱাহাটীৰ সাতগাঁওত দিলস্ লক্ষ্মীন্দ্ৰ সিংহৰ গ্ৰন্থ উন্মোচন

ৰাজ্য চৰকাৰৰ সাহিত্যিক পেঞ্চনাৰ তথা বিষ্ণুপ্ৰিয়া মণিপুৰী সাহিত্য পৰিষদৰ সভাপতি দিলস্ লক্ষ্মীন্দ্ৰ সিংহৰ লিপি সম্পৰ্কীয় গৱেষণামূলক গ্ৰন্থ “লিপিৰ সাম্পা ইতিহাস বাৰ’ বিষ্ণুপ্ৰিয়া মণিপুৰী মেয়েক” আজি শুভ উন্মোচন কৰা হয়। গ্ৰন্থখনি উন্মোচন কৰি বহুভাষিক সাহিত্য মঞ্চ, অসমৰ প্ৰধান সম্পাদক, সাংবাদিক, লেখক দীপক শৰ্মাই কয়- লিপি সৃষ্টিৰ বাবেহে গ্ৰন্থ প্ৰকাশ হৈছে। বেদ, উপনিষদ, গীতা, ভাগৱত, পুৰাণ, ৰামায়ণ, মহাভাৰত, বাইবেল আদিকে ধৰি সকলো গ্ৰন্থ সৃষ্টি হৈছে। লিপি অধ্যয়ন বৰ কষ্টকৰ। লিপি থাকিলেহে এটি ভাষা, এটি জাতি আগবাঢ়ি যোৱাত সহায় কৰে।” মুখ্য অতিথি হিচাপে অনাতাঁৰ কেন্দ্র, গুৱাহাটীৰ প্ৰাক্তন সঞ্চালক, বিশিষ্ট সংগীতজ্ঞ অৱনী ৰঞ্জন পাঠকে অংশ লৈ কয়- “লিপিৰ অধ্যয়নে বহু কথাৰ জ্ঞান দিয়ে। ইতিহাস খুচৰিবই লাগিব। ইতিহাস সকলোৱে জানিব লাগে। ওপৰে ওপৰে একো কথা কব নালাগে।” অখিল ভাৰতীয় সাহিত্য পৰিষদৰ অসম প্ৰদেশ কমিটিৰ সচিব প্ৰধান ‘সাহিত্য কোঁৱৰ’ কমল কলিতাই কয়- বিষ্ণুপ্ৰিয়া মণিপুৰী ভাষাৰ লিপি বিষয়ক দিলস্ লক্ষ্মীন্দ্ৰ সিংহৰ গ্ৰন্থখনিয়ে জাতিটোক আগবাঢ়ি যোৱাত সহায় কৰিব। গুৱাহাটী উচ্চ ন্যায়ালয় বাৰ এচচিয়েছনৰ সচিব প্ৰধান তথা বিশিষ্ট কবি জিতেন পায়েঙে কয়- লিপিৰ বৈশিষ্ট্যতা অনেক। সভ্যতা বিকাশত লিপিৰ অৱদান অন্যান্য। বিশিষ্ট সাহিত্যক, সমালোচক ৰত্নেশ্বৰ বসুমতাৰী কয়- ভাষা উন্নয়নৰ বাবে লিপি নিতান্তই আৱশ্যক। সভাত বিশিষ্টা কবি-লেখিকা ড০ গীতা দত্ত চহৰীয়া, কবি-সাহিত্যিক কৰ্ণেল বিজয় সিনহা, আন্তর্জাতিক খ্যাতিসম্পন্ন সংগীত শিল্পী আশুতোষ সিংহ (ৰবী), কেপ্টেইন অশ্বিনী সিনহা, সপ্তব্ৰত সিনহা, ননীগোপাল সিনহা, স্বপ্না শৰ্মাই অতিথিৰ ভাষণত লিপিৰ গভীৰতাৰ ওপৰত আলোকপাত কৰে। সভাৰ আঁত ধৰে বিষ্ণুপ্ৰিয়া মণিপুৰী উন্নয়ন পৰিষদৰ উপাধ্যক্ষ তথা কবি সমৰ সিনহাই।