সমগ্ৰ দেশত চৰ্চিত হৈ পৰিছে মণিপুৰৰ কোৱাৰেণ্টাইন গৃহ

মহামাৰী ক’ৰণাই সমগ্ৰ বিশ্বজুৰি তাণ্ডৱ চলাইছে। এই ক’ৰণাক প্ৰতিৰোধ কৰিবলৈ সমগ্ৰ দেশজুৰি লকডাউনৰ ব্যৱস্থা কৰা হৈছে। বৰ্তমান দেশত   চতুৰ্থ পৰ্যায়ৰ লকডাউন চলি আছে। অসমৰ লগতে উত্তৰ পূৱৰ ৰাজ্যসমূহতো চলি আছে চতুৰ্থ পৰ্যায়ৰ লকডাউন। লকডাউনৰ সমান্তৰালকৈ কৰি থকা হৈছে কোৱাৰেণ্টাইন। ক’ৰণাত আক্ৰান্তকাৰী সকল যাতে কোনো লোকৰ সংস্পৰ্শলৈ নাহে সেয়েহে এই কোৱাৰেণ্টাইনৰ ব্যৱস্থা কৰা হৈছে।

 

 

আজি আমি আপোনালোকক জনাবলৈ লৈছো এটা অতি ব্যতিক্ৰমী কোৱাৰেণ্টাইন চেণ্টাৰৰ বিষয়ে। এই কোৱাৰেণ্টাইন চেণ্টাৰটো আছে মণিপুৰত। এটা অতি ব্যতিক্ৰমী আৰু আকৰ্ষণীয় কোৱাৰেণ্টাইন চেণ্টাৰ। মণিপুৰৰ এখন গাঁৱত সাজি উলিওৱা হৈছে কোৱাৰেণ্টাইন চেণ্টাৰ।

 

 

মণিপুৰৰ টুংজয় গাঁৱত ৮০টা জুপুৰীত কোৱাৰেণ্টাইন চেণ্টাৰটো সজা হৈছে। উল্লেখযোগ্য যে মাত্ৰ ১ দিনৰ ভিতৰত বাঁহেৰে নিৰ্মাণ কৰা হৈছে  ৮০টা জুপুৰী। গাঁওখনলৈ ঘুৰি অহা লোকসকলৰ বাবে  সাজু কৰি তোলা হৈছে এই জুপুৰী সমূহ।

 

 

প্ৰতিটো জুপুৰীতে এখন বিচনা, বিদ্যুৎৰ সুবিধা, শৌচালয়ৰ সুবিধা আৰু এখনকৈ ৰন্ধাৰ বাবে ব্যৱস্থা কৰা হৈছে । ইয়াৰ উপৰিও লকডাউনত ঘুৰি অহা লোকসকলক তিনিটা গ্ৰুপত ভাগ কৰা হৈছে- ৰে’ড, গ্ৰীণ আৰু অৰেঞ্জ জ’নত। প্ৰতিজনৰে বাবে পৃথক পানীৰ পাইপলাইনৰ ব্যৱস্থা আছে। সকলো তথ্য অৱগত কৰিবলৈ আছে তিনিটা ইনফৰমেছন চেণ্টাৰ।প্ৰাকৃতিৰ নিৰিবিলি পৰিবেশত প্ৰস্তুত কৰা এই কোৱাৰেণ্টাইন গৃহই সম্প্ৰতি সকলোৱে মাজত চৰ্চা লাভ কৰিছে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

চলা সংৰক্ষিত বনাঞ্চল সংৰক্ষণৰ বাবে বিশেষ পদক্ষেপ সচেতন ৰাইজৰ

চৰাইদেউ জিলাৰ বনাঞ্চল সমূহৰ ভিতৰত অন্যতম এখন হ’ল চলা সংৰক্ষিত বনাঞ্চল। এই বনাঞ্চল খনৰ বন ধ্বংস কাৰ্য ৰোধ কৰিবলৈ কাষৰীয়া অঞ্চলৰ ৰাইজে কিছু বছৰৰ পৰা ব্যতিক্ৰমী পদক্ষেপ গ্ৰহণ কৰি আহিছে।

 

সংৰক্ষিত বনাঞ্চল খনক চলা গ্ৰাম্য অভয়াৰণ্য হিচাপে ঘোষণা কৰি গাওঁবাসীয়ে ইয়াত গছপুলি ৰোপণ আৰু প্ৰতিপালন কৰাৰ লগতে বিভিন্ন সজাগতামূলক কাৰ্যসূচী ৰূপায়ন কৰি অহাৰ খবৰ বিভিন্ন সংবাদ মাধ্যমত প্ৰচাৰ হৈছিল।

 

চলা ভিলেজ চেনছুৱেৰী কনজাৰভেছন চ’ছাইটি নামেৰে এখন সমিতি গঠন কৰি বনাঞ্চলখনক সুৰক্ষাৰ বাবে স্থানীয় লোকসকল ওলাই অহা কাৰ্য ইতিমধ্যে প্ৰশংসিত হৈছে। কেৱল সেয়াই নহয় শেহতীয়াকৈ সোণাৰিৰ নাফুকস্থিত বনাঞ্চলিক বিষয়াৰ অনুমোদন সাপেক্ষে চলা সংৰক্ষিত বনাঞ্চলখনত নিশা পহৰা দিয়াৰো স্থানীয় লোকে ব্যৱস্থা কৰিছে। স্থানীয় যুৱকসকলক লৈ একোটা দল গঠন কৰি চলা ভিলেজ চেনছুৱেৰী কনজাৰভেছন চ’ছাইটিৰ সহযোগত ইতিমধ্যে পহৰা দিয়া আৰম্ভ কৰা হৈছে যাতে বনাঞ্চল খনৰ পৰা নিশা কোনো দুষ্কৃতিকাৰীয়ে কাঠৰ সৰবৰাহ কৰিব নোৱাৰে। চলা সংৰক্ষিত বনাঞ্চল সংৰক্ষণৰ বাবে চলা ভিলেজ চেনছুৱেৰী কনজাৰভেছন চ’ছাইটিয়ে গ্ৰহণ কৰা এই পদক্ষেপ এতিয়া জিলাখনত প্ৰশংসা লাভ কৰিছে।

 

ইফালে চলা ভিলেজ চেনছুৱেৰী কনজাৰভেছন চ’ছাইটিয়ে আজি দ্বিতীয় প্ৰতিষ্ঠা দিৱস উপলক্ষে সজাগতামূলক চাইক্লিং, জাংগল ট্ৰেকিং অনুষ্ঠিত কৰা লগতে এখন সজাগতা সভা অনুষ্ঠিত হয়। প্ৰতিষ্ঠা দিৱসৰ কাৰ্যসূচীত বহুকেইজন প্ৰকৃতিপ্ৰেমীৰ লগতে প্ৰাকৃতিক পৰ্যটনৰ লগত জড়িত কাজিৰঙাৰ বিতুপন কলঙো উপস্থিত থাকে।

খবৰ যুগুতালে সোণাৰিৰপৰা অভিজিৎ ভূঞাই..

আজিৰে পৰা পৰ্যটকৰ বাবে মুকলি হ’ব কাজিৰঙা ৰাষ্ট্ৰীয় উদ্যান

আজিৰে পৰা পৰ্যটকৰ বাবে মুকলি কৰা হ’ব বিশ্ব ঐতিহ্যক্ষেত্ৰ কাজিৰঙা ৰাষ্ট্ৰীয় উদ্যান।এই উপলক্ষে অনুষ্ঠিত হ’বলগীয়া কাৰ্যসূচীত মুখ্য অতিথি হিচাপে উপস্থিত থাকিব অসমৰ মুখ্যমন্ত্ৰী সৰ্বানন্দ সোণোৱাল।

 

কাজিৰঙা ৰাষ্ট্ৰীয় উদ্যানৰ কৰ্তৃপক্ষই সদৰি কৰা  জানিবলৈ অনুসৰি প্ৰতিকূল বতৰ আৰু ৰাষ্ট্ৰীয় উদ্যান খনৰ ভিতৰভাগ বাট-পথৰ অৱস্থা প্ৰতি লক্ষ্য ৰাখি কাজিৰঙা বনাঞ্চল কঁহুৱা আৰু পশ্চিম বনাঞ্চল বাগৰিত কেৱল জীপ ছাফাৰি পৰ্যটকৰ বাবে মুকলি কৰা হ’ব।

পূজাৰ প্ৰাকক্ষণত দুৰ্গাদেৱীক দেখা গৈছে চিকিৎসকৰ ৰূপত,কিন্তু ক’ত

সমাগত দুৰ্গা পূজা। এইবাৰ দূৰ্গাপূজা উলহে মালহে উদযাপন কৰিবলৈ নোৱাৰিলেও বিভিন্ন জনে বিভিন্ন ধৰণৰ থিমলৈ প্ৰতিমূৰ্তি নিৰ্মাণ কৰিছে। এই খবৰ এন ই ফ’কাচ ডট কমৰ জৰিয়তে ইতিমধ্যে প্ৰকাশ পাইছে।

 

 

পূজাৰ প্ৰাকক্ষণত চ’চিয়েল মেডিয়াত ভাইৰেল হৈ পৰিছে দুৰ্গা দেৱী অন্য এক ৰূপত । চ’চিয়েল মেডিয়াত ভাইৰেল হোৱা ফটোত দুৰ্গা দেৱীক দেখা গৈছে চিকিৎসকৰ ৰূপত, মহিসাসুৰক দেখা গৈছে ক’ৰণা ভাইৰাছৰ ৰূপত । গণেশক দেখা গৈছে পুলিচৰ ৰূপত।সমসাময়িক প্ৰতিছবি প্ৰতিফলিত কৰা এই মূৰ্তিৰ ছবিসমূহ প্ৰকৃততে ক’ত নিৰ্মাণ কৰা হৈছে তাক সঠিককৈ এতিয়ালৈ জানিব পৰা হোৱা নাই।

নাৰ্ছাৰী প্ৰতিষ্ঠা কৰিছে এজন অৱসৰপ্ৰাপ্ত শিক্ষকে

এজন অৱসৰপ্ৰাপ্ত শিক্ষকে নিজা প্রচেষ্টাৰে সাজি উলিয়াইছে এখন নাৰ্ছাৰী।নাৰ্ছাৰীখনৰ নাম বন্দনা। আজি এই বন্দনা নামৰ নাৰ্ছাৰীখন আনুষ্ঠানিকভাৱে মুকলি হয়।

 

 

নাৰ্ছাৰীখন আনুষ্ঠানিকভাৱে মুকলি কৰে অৱসৰপ্ৰাপ্ত শিক্ষক হেমেন শইকীয়াই।নাৰ্ছাৰীখন উদ্বোধন কৰি শিক্ষক হেমেন শইকীয়াই হিৰোজ শইকীয়াৰ প্ৰচেষ্টাক শলাগ লয়।উল্লেখযোগ্য যে নাৰ্ছাৰীখনৰ ১৫০ ৰো অধিক বিভিন্ন প্ৰজাতি ফুল আছে।আজি অনুষ্ঠিত অনুষ্ঠানত হিৰোজ শইকীয়াৰ পৰিয়ালবৰ্গ, বিভিন্ন আমন্ত্ৰিত ব্যক্তিৰ লগতে বালিপাৰাৰ বিভিন্ন ৰাইজ ,শুভাকাংক্ষী উপস্থিত থাকে।

খবৰ যুগুতালে বালিপাৰাৰ পৰা প্ৰাঞ্জল বৰাই..