স্বাৱলম্বীতাৰ নিদৰ্শন দেখুৱাইছে এগৰাকী যুৱ উদ্যমীয়ে

দেশৰ প্ৰধানমন্ত্ৰীয়ে যিসময়ত আত্মনিৰ্ভৰশীল ভাৰত গঠনৰ কথা কৈছে সেই সময়তে একুৰিৰো অধিক লোকক সংস্থাপন দি আদৰ্শ দেখাইছে সোণাৰিৰ এজন যুৱকে। সোণাৰিৰ উত্তম চাংমাই নামৰ যুৱকজনে শেহতীয়াকৈ গঢ়ি তুলিছে লেয়াৰ প’লট্ৰি ফাৰ্ম। সোণাৰিৰ পাৰ্শ্বৱৰ্তী অঞ্চলত দৈনিক প্ৰয়োজন হোৱা কণীৰ চাহিদা পুৰণৰ অৰ্থে এই ফাৰ্মখন গঢ়ি তুলিছে।

 

 

 

বৰগোলা নামেৰে বিখ্যাত ব্যৱসায়িক প্ৰতিষ্ঠানখনৰ স্বত্বাধিকাৰী উত্তম চাংমাই নামৰ ব্যক্তিজনে এই প’লট্ৰি ফাৰ্মখনৰ যোগেদি পাৰ্শ্বৱৰ্তী অঞ্চলত কণী যোগান ধৰিবলৈ সক্ষম হৈছে। উল্লেখযোগ্য যে পূৰ্বে অঞ্চলটোত দৈনিক প্ৰায় ২৮০০০কণী আৱশ্যক হৈছিল যদিও স্থানীয়ভাৱে উৎপাদন নোহোৱাত বাহিৰৰ পৰা আমদানি কৰিবলগীয়া হয়।

 

 

 

উত্তম চাংমায়ে প্ৰথমাৱস্থাত পৰীক্ষামূলকভাৱে এখন ফাৰ্ম খুলি কণী উৎপাদনত গুৰুত্ব দিছিল। পৰৱৰ্তী সময়ত সোণাৰিত কণীৰ চাহিদা পূৰণ কৰিব পৰাকৈ পৰিকল্পনা কৰিছিল যুৱ ব্যৱসায়ী গৰাকীয়ে। সম্প্ৰতি এই ব্যৱসায়ীক প্ৰতিষ্ঠানখনৰ লগতে ফাৰ্মখনত একুৰিৰো অধিক যুৱক যুৱতীক সংস্থাপন দি জন জীৱিকা পথ মুকলি কৰিছে। উল্লেখযোগ্য যে যি সময়ত অসমৰ যুৱকে বৰ্হিৰাজ্যত কৰ্মসংস্থাপন বিচাৰি ঢাপলি মেলিছে সেই সময়ত উত্তম চাংমাইৰ দৰে উদ্যমীয়ে অৰ্থনেতিক বিপ্লৱৰ সূচনা কৰিছে।

খবৰ যুগুতালে সোণাৰিৰ পৰা অভিজিত ভূঞাই..

Share on whatsapp
WhatsApp
Share on facebook
Facebook
Share on twitter
Twitter
Share on email
Email

কানাডা চলচিত্ৰ মহোৎসৱত সন্মান আজুৰিলে বড়ো অভিনেত্ৰীয়ে

কানাডাত অনুষ্ঠিত হোৱা আন্ত:ৰাষ্ট্ৰীয় চলচিত্ৰ মহোৎসৱত সন্মানিত হৈছে বড়ো অভিনেত্ৰী পানছি ব্ৰহ্ম।

Dusk ছবিখনৰ বাবে তেওঁ সন্মানিত হৈছে।এই ছবিখন পৰিচালনা কৰিছে উজ্বল প’লে আৰু সহযোগী অভিনেতা মনোজ কৰে।উল্লেখযোগ্য যে পানছি ব্ৰহ্ময়ে আন্তৰাষ্ট্ৰীয় বিভিন্ন চলচ্চিত্ৰ সন্মানৰ বাবে নিৰ্বাচিত হৈছে।আন্ত:ৰাষ্ট্ৰীয় ফিল্ম মহোৎসৱত নিৰ্বাচিত হোৱা পানছি ব্ৰহ্ম প্ৰথমগৰাকী বড়ো অভিনেত্ৰী।

মন কি বাত অনুষ্ঠানৰ জৰিয়তে দেশবাসীক বিজয়া দশমীৰ শুভেচ্ছা জনালে প্ৰধানমন্ত্ৰীয়ে

মন কি বাত অনুষ্ঠানৰ জৰিয়তে দেশবাসীক বিজয়া দশমী তথা দশেৰাৰ শুভেচ্ছা জনালে প্ৰধানমন্ত্ৰী নৰেন্দ্ৰ মোডীয়ে । অনুষ্ঠানৰ জৰিয়তে প্ৰথমতে প্ৰধান গৰাকীয়ে দেশবাসীক বিজয়া দশমীৰ শুভেচ্ছা জ্ঞাপন কৰে।

 

 

 

লগতে মন কি বাত অনুষ্ঠানৰ জৰিয়তে আহি থকা দিনবোৰতো আৰু অধিক সতৰ্ক হৈ থকাৰ পৰামৰ্শ দিয়ে মোডীয়ে।আনহাতে উৎসৱৰ আনন্দৰ মাজত যাতে দেশৰ জনতাই  দেশৰ বীৰ সন্তান সকলৰ কথা পাহৰি নাযায় সেই কথাও ব্যক্ত কৰে।সীমান্তত দায়িত্ব থকা জোৱানসকলৰ বাবে নিজৰ ঘৰত মাটি চাকি জ্বলোৱা আহ্বান জনায় প্ৰধানমন্ত্ৰী নৰেন্দ্ৰ মোডীয়ে।

এগৰাকী চিকিৎসকে শিশুৰ বাবে এখন উদ্যান আগবঢালে

পূজা বতৰত শিশু সকললৈ পূজা উপহাৰ আগবঢ়ালে এগৰাকী চিকিৎসকে ।তিনিচুকীয়া জিলা ডিগবৈ ৰশ্মিতা উপাধ্যায় নামৰ চিকিৎসক গৰাকীয়ে সপ্তমী দিনা এখন শিশু উদ্যান আগবঢালে।

 

চিকিৎসক গৰাকীয়ে ডিগবৈ বালিজান প্ৰাথমিক বিদ্যালয়ৰ প্ৰাঙ্গনত পিতৃ মাতৃ সোঁৱৰণত এখনি শিশু উদ্যান স্থাপন কৰে। এই শিশু উদ্যান খন শুভ উদ্বোধন কৰে অসম চিকিৎসা মহাবিদ্যালয় অৱসৰপ্ৰাপ্ত অধ্যক্ষ ড° নাৰায়ণ উপাধ্যায় । উল্লেখযোগ্য যে চিকিৎসক গৰাকী এনে মহানুভৱতাক অঞ্চলবাসীয়ে শলাগ লয়।

জিৰাফক চাহ বাগিছাৰ মাজত ৰাখিছে,কিন্তু কিয়

হাতীৰ উপদ্ৰপৰ পৰা ৰক্ষা পাবলৈ নুমলীগড় চাহ বাগিচাৰ কর্তৃপক্ষই গ্ৰহণ কৰিছে এক বিশেষ পদক্ষেপ।ধলাগুৰি চাহ বাগিচাৰ কৰ্তৃপক্ষই গ্ৰহণ কৰিছে এই ব্যৱস্থা।

 

উল্লেখযোগ্য যে ধলাগুৰি চাহ বাগিচাত চাহ বাগানৰ মাজত স্থাপন কৰিছে এক জিৰাফৰ  কাঠৰ প্ৰতিমূৰ্তি । চাহ বাগিচাৰ কর্তৃপক্ষই বিশ্বাস কৰে যে বনৰীয়া হস্তীয়ে এই জিৰাফক দেখিলে দূৰতে বিদূৰ হ’ব। সেইসূত্রে তেওঁলোকে জিৰাফৰ প্ৰতিমূৰ্তি বাগিচাত স্থাপন কৰিছে।

উল্লেখযোগ্য যে এই প্ৰকাণ্ড কাঠৰ জিৰাফটো দেখিলে বন্যহস্তী যাক আঁতৰি যায়।যি সময়ত হাতী মানুহৰ সংঘাতে ভয়াৱহ ৰূপ ধাৰণ কৰিছে,সেই সময়ত বাগিচাৰ কৰ্তৃপক্ষই জিৰাফক বাগিছাত স্থাপন কৰি নিৰ্দশন দাঙি ধৰিছে।